ConnieMak3593的个人专页

🇭🇰特色中東菜餐廳-Shahrazad Lebanese Dining Lounge & Bar平時慶祝多數同老公食西餐，所以每年老公生日我都鍾意搵一d比較特別嘅餐廳同埋少食嘅菜式，上年帶老公食完日式秘魯菜，今年就帶佢食黎巴嫩菜😆餐廳佈置好有特色，好似去左中東咁😝1️⃣Sharazad Mixed Grill $488黎巴嫩烤肉拼盤係餐廳其中一個signature dishes，基本上黎到都必點，有small同large size，我地兩個人揀左small都好大份，鍾意食肉嘅朋友一定要點呢個，因為可以一次食哂雞牛羊😆個人最鍾意佢嘅烤羊架，另外仲配左兩款醬料，不過個人覺得唔點醬料就咁單食已經好好味！2️⃣Mix Cold Mezze $195另一個必點嘅菜式就係黎巴嫩薄餅，薄餅配上佢地四款特色醬料，薄餅送上枱嘅時候都係溫熱，口感好特別👍🏻3️⃣Tabouleh $118新鮮pasley配上切碎嘅蕃茄，味道帶酸，好開胃😋4️⃣Roz Bil Laban $88甜品rice pudding，呢個甜品有驚喜！好香椰奶味，入面仲有少少nuts同藍莓☺️😋5️⃣Raspberry greek yogurt & chocolate $98另外我地仲叫多款甜品greek yogurt，不過我地更加鍾意rice pudding🤣總括黎講，我地都好滿意今餐飯，始終咁耐冇去旅行，間唔時去下d特色餐廳試新菜式都唔錯😝👍🏻💰二人連加一合共$1531…查看更多

🇭🇰尖沙咀靚景餐廳-Aqua多謝老公帶我去食呢間有超級無敵大海景嘅高級日式餐廳，黎到呢到食物質素反而唔係重點，因為正係食個景都抵返哂！🤣⁡1️⃣石燒和牛西冷 $728Stone beef係呢間日式餐廳嘅招牌菜，果然係和牛級數呀！食落去一口即溶😋，可惜呢個價錢黎講份量實在太少，唔太夠喉🤣⁡2️⃣海膽意粉 $348呢個比預期中好食呀😍，意粉creamy得黎又唔會太漏，海膽份量都唔少！⁡3️⃣水牛芝士、意大利風乾火腿配火箭菜沙律薄餅 $338餅底係好脆嘅薄身餅底，水牛芝士同風乾火腿都好好食😋！⁡4️⃣生牛肉他他 $268前菜食左個生牛肉他他，又幾特別喎！佢有好多唔同嘅醬料比你揀黎放落去個他他到撈埋一齊食，食完好開胃，用黎做前菜真係一流👍🏻⁡5️⃣Cheese cake $148最後揀左個芝士蛋糕黎做生日蛋糕，完滿結束呢次生日飯😋😆⁡另外開左一枝白酒 $838💰二人連加一合共$3028⁡…查看更多

🇭🇰譚仔三哥三哥又有新搞作😍，想同時食到煳辣同麻辣，就一定要試下今次新推出呢個「煳」+「麻」嘅煳麻湯底😙今次除左新推出嘅呢個煳麻湯底，仲有新推出嘅兩款食材，分別係魚爽肚同埋芥末魚籽鱈魚滑豆卜，魚爽肚食落唔會太腥，而芥末魚籽鱈魚滑豆卜就有d似魚肉釀豆腐咁，而且食落去真係有淡淡嘅芥末味。如果大家想試呢兩款新食材，除左可以揀煳麻湯，仲可以轉其他湯底架！我今次就試左煳麻湯魚爽肚米線+竹笙 （3小辣），食落去真係同時食到「煳」同「麻」，唔知係咪因為咁，我覺得比起平時食開嘅3小辣再辣d，不過真係食得好過癮，以後就唔洗再煩揀煳辣定麻辣湯底啦🤣📍 多區分店…查看更多

💕 今日同朋友黎佐敦食台式火鍋，好耐之前已經有留意到呢間餐廳，佢地有12款火鍋選擇，有咁多口味選擇真係好少見，而且價錢抵份量多，食到好飽😆職員全程服務態度都好好，值得一讚💯👍🏻 📌鍋+飯/粗粉絲+冰紅茶/冰綠茶 $115我地兩個都加左$7轉烏冬，另外飲品都加$7升級其他飲品 1️⃣台式麻辣鍋+烏冬+ 芋香奶綠可選辣度，今次揀左小辣試試先，個湯都好入味，最鍾意食鍋入面嘅麻辣鴨血同埋炸枝竹，完全索哂湯入面嘅精華😋另外個烏冬我都好鍾意，因為好彈牙，不過飲品方面我揀左芋香奶綠，相對失色，奶綠比較淡味，芋香味都唔太足夠。 2️⃣蟲草花藥膳羊鍋+烏冬+黑糖薑母茶朋友話最近好養生，所以要揀藥膳鍋😆，我見佢食得咁滋味，都忍唔住試飲左個湯底，藥材味唔會太重，而且食到雞湯味，朋友話個羊肉片一d都唔羶，同埋佢超級鍾意個湯底，食緊期間都係咁飲個湯🤣🤣至於飲品黑糖薑母茶就略嫌太甜 3️⃣自選丸類 $42一碟有6粒，可以自選唔同款嘅丸類 整體黎講我地都好滿意今次嘅台式火鍋，一人一鍋之餘仲有12款鍋類選擇，份量多，價錢唔貴，鍾意食火鍋嘅朋友仔可以去試下😙 💰兩人合共$330連加一…查看更多

🇭🇰 The BTS Meal 💜💜💕今日6月3號係BTS Meal係香港麥當勞開始發售嘅日子，本來我都冇留意原來係今日出，見到出左個post，就落左去買啦今次BTS Meal其實係9件麥當勞餐，但係就新出左兩款新嘅醬料，分別係蒜辣蛋黃醬同埋韓式甜辣醬，估唔到今次新出嘅呢兩款醬都好好食，不過個人更鍾意蒜辣蛋黃醬👍🏻不過我相信Army們去食都係為左個包裝架啦！今次包裝用哂紫色同埋BTS Logo，應都印有보라해字樣，粉絲們千其唔可以錯過呀💜「紫色是彩虹的最後一個顏色，代表著互相信任、長長久久的相愛」「보라해」，中文譯為「紫愛你」、英文「I purple you」💜溫馨提示：我加左大，點知原來大杯汽水係冇紫色杯架，所以我又同個職員換返中杯🤣😜💰用麥當勞app下單有$3 coupon用，再用payme比錢仲有9折…查看更多

🇭🇰 西貢美食-Cocolo Tokyo Cake Factory💕咁遠入到西貢，當然要搵下有咩食啦！比我搵到一間係日本直送嘅蘋果批，雖然一個要$33，不過都決定要買黎試下，比預期中仲要好食🤤，估唔到入面竟然仲有吉士醬，蘋果果肉份量都好多，而且一食落去就會知呢個一定係青森蘋果黎🤪，你地食完就會明😎個蘋果批仲係熱辣辣咁，個酥皮係超香脆，食一個唔夠喉，勁想食多個😂不過最近發現灣仔都開左，以後想食就唔洗去到咁遠啦👍🏻💰兩個蘋果批加一個桃味波子汽水合共 $83…查看更多

🇭🇰 荃灣美食-Sensu💕今日同好姊妹👭去左荃新天地食下午茶，一般出去食high tea都要幾百元一位，但係呢間竟然只係$188兩個人，而且食物質素完全唔差，超級抵食。好采一早book定位，當日食緊嘅時候keep住出面有人等位，呢個時候黎嘅人相信都係為左試佢地個high tea🥳🌴綠野仙蹤下午茶（2:30開始供應）$188兩位👭Tea set總共有4層，有鹹點同埋甜點，另外可以加$58加配3款或者$88加埋6款，最後我地都加左$58揀埋紅豆抹茶布甸、炸蝦同埋春卷，另外半價可以揀埋飲品😋佢地嘅鹹點同埋甜點都做得好出色，呢個價錢食到呢個質素真係好抵，環境仲好岩女仔一齊黎打卡🥰咁多樣食物入面我比較鍾意佢地嘅鹹點：蝦多士、芝士年糕同春卷，而飲品方面都好出色，另外因為我地兩個都冇食晏，本來以為會唔夠飽可能要叫多樣主食，最後兩個人share都岩岩好夠👍🏻👍🏻💰兩人合共 $323…查看更多

🇭🇰 中環美食-Tokyolima💕琴日係新婚後第一次同老公慶祝生日，搵左一間特色嘅日式秘魯餐廳，日本同秘魯菜都聽過，但兩樣fusion真係第一次見，唔好以為係d gimmick野，係絕對值得一試嘅餐廳，去慶祝生日嘅話餐廳會送蛋糕同埋即影即有，仲會好多職員一齊唱生日歌，另外會手寫一張生日卡同埋簽名送比壽星🎁唔單止食物好味，服務態度一流，餐廳仲要係唔收加一服務費，呢間餐廳一定會再回訪☺️點解我會話佢隱蔽呢，因為間餐廳門口好唔起眼，唔起眼到你唔會知個到有間餐廳🤣1️⃣ Grilled Beef $330牛扒係美國肉眼，揀左medium，肉質好軟嫰，配左特色秘魯牛油醬，超推介👍🏻2️⃣ Kimochi Fried Chicken $120個名好攪笑🤣，曾經聽過其他人講覺得個炸雞唔好食，可能各人口味唔同，我地兩個都覺得個炸雞好好食😋，而且同平時食開嘅韓式炸雞唔同，佢係細細舊咁，方便一舊一啖咁食🤣3️⃣ Spicy Hamachi Sushi Roll $120用秘魯嘅醬料整嘅油甘魚壽司，超級驚喜！別有一番風味🥰，雖然唔係好食到油甘魚味道，因為秘魯醬料比較重香料味，但真係好有新鮮感，原來咁樣整嘅壽司都好好食架😍4️⃣ T3 Salad $120呢個salad好特別，入面係有鵪鶉蛋、南瓜同杏仁，我地都好鍾意呢個salad😍5️⃣ Tacu Tacu $230特色秘魯炒飯😍，炒飯粒粒分明，有少少香辣味，配埋秘魯嘅香草炒，好香口😍6️⃣Taco $110老公話想試嘅墨西哥卷餅，入面有少少牛肉同好多特色嘅秘魯醬汁，超正🤣7️⃣My Banana $110最後叫埋個炸香蕉，入面仲有雪糕同花生，老公好鍾意呢個甜品，鍾意食香蕉嘅朋友仔不妨一試👍🏻另外我地叫左3杯cocktail，餐廳都送左個生日蛋糕比我地，呢餐食得超開心又滿足🥰😋💰兩人合共 $1545 …查看更多

💕好耐冇食韓燒啦😍，今次黎到TOP商場食一間高級韓燒，店內裝修都同一般燒肉店唔同，仲有戶外座位，Openrice訂枱有85折，值得一提餐廳提供嘅泡菜係超級好食，酸味同辣味都做得剛剛好，連本來唔太鍾意食泡菜嘅另一半都食左好多😂今次我地就揀左2人份嘅王道套餐 $698，套餐包括：1️⃣ 紅蝦配大墨魚2️⃣ 擔擔味增茄子3️⃣ 四款牛肉配慶州五花肉4️⃣ 海鮮豆腐湯5️⃣ 精選甜品另外我地仲揀左其他食物：1️⃣慶州黑毛豬五花肉 $1182️⃣蜜桃真露 $783️⃣菠蘿梳打 $36💰85折後合共 $883.5 連加一雖然價格比普通韓燒餐廳貴，但整體黎講食物質素非常高，環境同氣氛都好正，好岩同另一半或者朋友一齊黎食😚…查看更多

💕好耐冇食過溫野菜啦😍，原來最近LCX店出左期間限定嘅米澤牛壽喜燒定食，好鍾意食壽喜燒嘅我當然要試下啦🤤🌟米澤牛壽喜燒定食 $398個鍋上枱時會有職員先爆香京蔥同冬菇先，慢慢有香味先會再加其他配料同湯汁。定食包左米澤牛黑毛和牛西冷同埋鹿兒島美豚梅肉，和牛西冷實在太驚艷，係入口即溶架🤤，可惜和牛西冷只得3塊，好唔夠喉，另外仲有雞蛋同烏冬，整體份量偏少，雖然好好食但性價比唔高。所以我地再追加左其他食物：🌟黑松露湯底 $39 （黑松露味好香濃😍）🌟美國上級牛肋肉 $89 🌟鹿兒島美豚腩肉 $62🌟英國安格斯牛肋肉 $99 （壽喜燒追加另外有8折）🌟丹麥豚梅肉 $42 （壽喜燒追加另外有8折）🌟新潟雞爽肉 $49 （壽喜燒追加另外有8折）🌟中華麵 $18 （麵質幾好）🌟野菜五品盛合 $68 （蔬菜幾新鮮）🌟金菇 $28 （正常）🌟苦瓜 $35 （我唔食苦瓜嘅，男朋友話好食）🌟黑松露豬餃子 $32 （入面好多黑松露😋）🌟芥末豚肉丸 $29 （未食過芥末味嘅丸，幾特別）🌟芝士雞肉丸 $25 （正常水準）🌟白粟米 $29 （好鮮甜🤤）🌟溫野菜特飲 $24 （有d似波子汽水）🌟白桃活乳酸梳打 $19 （好重桃味，唔錯）💰人均消費大約五百多元整體黎講食物質素好高，但係每碟份量都偏少，價格稍貴，服務態度良好👍🏻👍🏻…查看更多

🇭🇰 旺角美食-八屋💕終於黎左試好多foodie都去過嘅八屋cafe啦😍，店內位置唔多，非繁忙時間都要等一陣。🌟明太子意粉 $118個意粉其實幾好食，不過我同朋友都覺得個明太子味道唔算非常突出。🌟黑松露薯條 $80薯條炸得幾脆，黑松露醬味道唔錯，黑松露味道夠重！🌟抹茶紅豆拿鐵 $58最期待就係呢杯野飲啦😍，野飲用左富士山形狀嘅杯，打卡一流，抺茶夠香濃，值得推介👍🏻🌟焙茶拿鐵 $52呢杯係朋友點嘅，味道正常水準。今次黎到未有機會試佢地最出名嘅西多士，所以有機會一定會再黎！…查看更多

💕 McCafé有新產品啦😍，見到好多人都去左試新推出嘅新餐肉產品 - 新餐肉芝味捲(上午11時前供應)同埋新餐肉芝味薄餅(上午11時後供應)，我今日就去左試佢地嘅新餐肉芝味薄餅，薄餅係薄批黎嘅，個批邊都幾脆口，上面每一舊新餐肉都係厚切架😍，薄餅入面仲有洋蔥同會拉絲嘅芝士，薄餅加新餐肉呢個組合真係好新奇，相信大家都係第一次見，但係食左包保你唔會失望！新餐肉其實係素肉黎，但係我食完真係覺得同普通餐肉係冇分別，所以素食者都好岩食，而個薄餅份量岩岩好一個人食，唔驚食唔哂☺️今次叫埋杯熱意式鮮奶咖啡，仲有麥當勞app優惠卷用，好滿足嘅一次下午茶呀😋…查看更多

呢日約左一位好耐冇見嘅中學同學食飯，揀左旺角TOP商場一間日式火鍋，火鍋配料選擇非常多，仲有窩夫機玩😆，用openrice book定位仲有85折，幾抵食💕🌟美國SRF和牛+藥膳炎鍋 $218估唔到日式火鍋都有藥膳湯底，所以就揀左呢款，雖然藥膳味唔算非常重，但幾夠辣，滾到後期個湯都幾入味。肉類方面我地揀左第四級SRF和牛，第一轉上嘅牛顏色怪怪地🙊，令我地以為佢地上錯牛，問返又唔係喎。不過之後再上嘅牛肉顏色就係鮮紅色嘅，明顯同第一轉上嘅唔一樣，不過食落去又唔太大分別。對比去牛肉，覺得佢地嘅配料更加有驚喜，比起出面一般嘅日式火鍋店更多選擇，食完野仲可以自己用個窩夫機黎整窩夫🧇，旁邊仲有雪糕機，佢地嘅雪糕奶味好重而且係非常滑😆，推介大家試下☺️…查看更多

💕水煮湯鴨血米線+墨魚丸 身為三哥fans嘅我點可以唔去試三哥新出嘅水煮湯底，仲有我勁中意食嘅鴨血😋，今次呢個水煮湯係5小辣起跳，水煮方式整出黎嘅濃湯配合埋鴨血，香辣宜人，而且豆卜仲吸收哂濃湯嘅精華🥺，呢個米線本身已經配左鴨血同埋豆卜，我另外再加左墨魚丸！米線除左配水煮湯仲可以揀其他湯底，不過想試下鴨血米線嘅朋友仔我會推介你地試埋個水煮湯，同鴨血好夾呀🤤🤤…查看更多

🌟芫茜辣麻味增拉麵 $110一上枱見到勁多芫茜超開心😂，湯底好濃厚，叉燒夠肥美🤤，雖然個麵冇特別比客人揀軟硬度，但我反而覺得煮得岩岩好，個麵又夠掛湯，另外d人話個粟米荀一定要試，試完果然好好食😋因為第一次食唔知個辣度係點，所以只揀左小辣，唔係好過癮，我覺得我下次可以揀中辣🤣，建議食得辣嘅朋友仔第一次食都可以叫辣d😎…查看更多