daydayeatfood的个人专页

Lunchtime諗住食茶記唔會差得去邊見到呢間有少少人排隊，所以就揀咗呢間因為得一個人，排咗幾分鐘就入得去繁忙時間都預咗同人搭枱見到對面客人未食完、未飲曬嘢飲、未執嘢前後已經畀夥記催咗三次，我都拿拿聲落單落單後唔使兩分鐘已經送到⸻🐮 瑞士汁牛肉炒河（$60）+ 🍋凍檸水（$3）真係第一次食炒牛河係完全唔熱，暖都唔暖吓，河粉痴埋一舊，感覺已經放咗好耐，等有人落單即刻出餐🥶 然後炒河完全無味，唔鹹唔甜，都唔知自己食緊乜，落咗包辣椒醬等個口有啲味道，但都係好難食😔 ⸻✨總結：呢餐真係越諗越唔抵，價錢貴之餘，諗住食個牛河放肆吓，點知嘥曬卡路里Quota食咗啲咁難食嘅嘢😪 仲要成個用餐體驗非常差，座位好迫，每次有夥記經過，都會撞到我張枱枱角，下下都郁到張枱🫤本身唔諗住寫食評，但真係食得好唔開心，所以只係影低咗張單，見到呢間嘢都真係好多人幫襯，希望我今次體驗只係個別例子啦推介指數：2/10🫥…查看更多

好多年都冇嚟過西九龍中心food court搵食，見到近排好多人介紹呢度多咗好多好嘢食，趁住今日放假就特登過嚟試吓🍽️估唔到今日公眾假期人山人海🧍🧍🧍，8樓food court全場爆滿，九成以上都係一班工人姐姐喺度聚會，所以真係好難搵位🙂‍↕️等位都等咗成大半個鐘⏳，中途仲見到曱甴🪳，座位下面又成地飯粒，衛生方面真係認真麻麻，真係辛苦清潔姐姐🥹，我哋只係久唔久過嚟食一次，所以就豁出去啦～⸻最後揀咗Chickee’s呢間鋪頭～落單時店員已經講明要等半粒鐘至九個字⏳，整好會打電話通知我哋，所以我哋就一邊食其他嘢一邊等，時間唔算太難過。不過過咗45分鐘都未有電話，行返去問先知：原來早整好咗但打唔通俾我哋📱，唔知係電話號碼抄錯定點～不過唔緊要啦，終於有得食啦🤩🦐龍蝦汁海鮮意粉（ $53 ）🍝意粉份量大大份，仲要熱辣辣出緊煙🔥，第一啖已經覺得好正！意粉口感啱啱好，唔會過腍，有咬口，重點係超掛汁～每條都沾滿龍蝦汁，香濃惹味，唔會死鹹！配料方面都唔馬虎：有5至6嚿魷魚🦑、兩隻蝦🦐、一隻青口🦪，全部都夠新鮮～同啲餐廳比起上嚟，呢個質素真係唔輸蝕，價錢仲要起碼平一半，用$53食到咁有誠意，實屬難得！⸻✨總結：熟悉西九嘅大家應該都知道，foodcourt環境衛生就一般般，張凳仲要好難坐🥲 但久唔久食一次，平靚正、份量足料、好味道～同朋友嚟仲可以分開嗌幾間唔同鋪Share，都唔錯㗎！絕對係糧尾救星🤭推介指數：9/10🔥🔥🔥#平民美食 #西九龍中心美食…查看更多

喺西九龍中心行街🛍️，無意中發現6樓新開咗個Food Court🍽️～環境坐得舒服🪑，冇上層咁逼，又乾淨企理，即刻行咗圈睇吓有咩好嘢食！😋👀行過見到有間賣疏乎厘pancake嘅小店，仲要有我最鍾意嘅焙茶味🍵～即刻決定試一試！⸻🍵焙茶疏乎厘Pancake配豆腐雪糕+紅豆 🍨由於係即叫即整👨‍🍳，而舖頭由落單到整嘢食都係店主一腳踢，所以要等大約25分鐘⏳（不過佢有預先講明，所以有曬心理準備）等得耐唔緊要，重點係好味就值得！✨呢個pancake一上枱已經聞到陣陣焙茶香🌿～質感鬆軟到爆☁️，食落有滿滿蛋香味🥚，但完全唔會膩～cream係焙茶味，超香濃但又唔會太甜，茶味控一定會鍾意！底層微暖嘅pancake，配上凍冰冰嘅豆腐味雪糕🍨，加埋甜甜嘅紅豆🫘，口感層次豐富，真係一啖接一啖，唔覺唔覺就清晒成盒！重點係：只係$52‼️超級抵食～連之前食完打卡名店嘅疏乎厘pancake滯到嚇親之後話唔再食疏乎厘嘅男朋友👦🏻都話超正💯 可以再encore！😋完全打破佢對疏乎厘pancake嘅壞印象！⸻❤️‍🔥總結：無論你係甜品控定茶味控，呢個焙茶疏乎厘pancake都值得你用少少時間慢慢等⏳～性價比高、味道出眾、賣相又靚✨，真係會想再encore！推介指數：9.5/10🌟🌟🌟🌟🌟…查看更多

一落船到達蒲台島，就見到呢間灣仔士多，對正個海，裝修是正乾淨，已經mark定行完山之後返嚟食🍜。行山行到身水身汗💦，坐低即刻嗌一罐可樂🥤，凍冰冰，飲落超爽！⸻1️⃣ 紫菜餐蛋麵🍜🍳當然唔少得蒲台島特色嘅紫菜餐蛋麵，配搭簡單但味道超有層次，紫菜嘅香味同煎蛋完美結合💥，蛋同餐肉都煎得金黃香脆，口感一流！個麵煮得岩岩好，難怪變成蒲台島特色，真係唔可以錯過！推介指數：8/10✨⸻❤️‍🔥總結：坐喺海邊，一邊慢慢食一邊靜靜望住海，好chill好寫意🌊，仲可以望住幾時有船，唔使擔心miss咗班船🚢。推介大家嚟香港最南蒲台島行吓，親自試吓呢個紫菜餐蛋麵！…查看更多

本身以為呢間餐廳已經執咗笠❌，咁啱碌openrice📱先發現原來冇執到，仲繼續做緊‼️‼️唔知係咪好多人都好似我咁miss咗呢個消息🤔～以前真係晚晚都排長龍🌀，而家一晚得返幾枱客😢，真係有啲可惜啦～隔咗幾年冇食⏳，但成間鋪嘅環境冇乜變，食物依然高質⭐️，價錢又平又抵食💸，比起同區其他餐廳真係無得輸！⸻1️⃣ 避風塘鱈魚扁意粉 🍝🧄🐟比較少見嘅配搭👀，但味道好夾💥！避風塘嘅蒜香味🧄撈埋意粉真係超惹味，炸鱈魚夠香脆🔥～送嘅蒜蓉包🧄🥖都唔馬虎，外脆內軟，好想encore！推介指數：9/10✨⸻2️⃣ 芝士辣肉腸手工酸種Pizza 🍕🌶️🧀手工pizza🍕用酸種底，煙韌香脆～辣肉腸夠晒鹹香，配芝士一齊食真係邪惡到不得了😈！重點係只係$78🤑仲送多兜薯條🍟～炸得啱啱好，脆卜卜！份量仲勁多，性價比超高！推介指數：10/10🔥⸻3️⃣ 黑牛 & 抹茶Milkshake 🥤🍨🍵穩陣又唔會出錯嘅飲品～黑牛🖤香滑冰凍，雪糕球夠滑～抹茶奶昔🥤濃郁唔膩，兩款都好飲又抵👍，飲完真係滿足感爆燈～推介指數：8.5/10🉐⸻❤️‍🔥總結：轉角·見係唔少荃葵青人嘅集體回憶📍～雖然人氣唔再如以前咁旺🌙，但味道、環境、價錢依然keep得好好！誠意十足✨～決定將呢度列入恆常食堂📌，希望佢唔好再差啲面臨結業嘅恐懼啦～大家都可以去支持下❤️整體推介指數：9/10🌟🌟🌟🌟🌟…查看更多