aaron6a的个人专页

新蒲崗工商區的一間食堂，地鋪近馬路，其貌不揚，平時行過一路想試下，門口有擺腸粉燒賣，日頭會做午餐常餐特餐，有日行過終於試下，味道唔錯。姐姐認得我是第一次來的客仔，態度親切有禮，送左碗南瓜例湯比我飲。我諗唔到食咩，就嗌左果日其中一個午餐粟米班腩飯。本身零期望，諗住食完就返公司做野。點知碟飯來到，食落口又真係幾好味！係我食過最好食的粟米班腩飯。「梗係啦，d班腩廚房即刻炸比你的」姐姐這樣說到。野飲係凍檸水走甜，無乜野好評價的。碗湯味道都ok。見到呢間鋪應該主要係做街坊生意，平時keep住有人流，鋪頭裡有電視可以睇。有下次，留意只收現金。…查看更多

呢間只收現金，位於新蒲崗工業區，人來人往，近地鐵站兩三條馬路左右。典型港式茶餐廳，款式夠多，每日有常餐特餐，餐牌有焗飯炒粉麵飯。焗飯水準可以，返枱快，所以繁忙時間預左要快食快閃。如果晚飯時間去，跟埋餐加埋白飯，野飲，要$108-$128左右，視乎你嗌咩餐。如果唔飲野，餐牌上的焗飯炒粉麵飯就$5x-$8x的選擇都有。不過新蒲崗果邊由朝到晚都好多人，呢間地鋪，出面近馬路，所以而家的天氣，近門口的位會熱d。…查看更多

睇到介紹，專程過來試下，嗌左件奶油多，凍檸茶，然後茄汁焗豬扒飯（加芝士）。奶油多個包好似薄左少少😅味道正常的，檸檬茶不過不失。等左15-20分鐘左右，焗豬扒飯終於上桌。豬扒為炸的吉列豬扒，茄汁望落好靚🥫，兩大塊豬扒，都幾大件，蓋晒成個焗碟，然後撥開上面，見到底下的炒飯底都唔錯，我唔客氣了！食落係想像中期待的味道，豬扒、茄汁、炒飯底呢三樣都幾出色。不過因為本身呢類焗飯會好易飽肚，所以我一個人係食唔晒呢個飯的🙂‍↕️下次有機會再帶朋友來試過。…查看更多

看到社交平台的澳門本地Group介紹而來的，其實就是一間茶餐廳，但食品是值得推介的，可能就是因為這個原因也會有遊客過來吧。咖哩牛腩飯的牛腩好稔，肉質好好，但我覺得咖哩汁鹹左少少同辣左少少。馬介休球正常，唔夠飽嗌來填下肚都可以。野飲叫左凍利賓納，正常，下次如果再來，會試下三文治果d。總結：野食是唔錯的，如果咁啱路過來開下環呢區，可以試下，坐巴士經青茂口岸出，坐MT4（往氹仔方向），河邊新街/下環站落。…查看更多

上次試業果陣試過一次堂食，印象ok。現在因疫情關係要買外賣。海南雞水準不過不失，醬油出色，薑蓉剁得夠蓉，撈飯唔錯。嗌左個尖椒皮蛋，入口就溶，麻子足夠，味道也是不過不失。最出色倒是油飯本身，帶有足夠的香蒜味。湯水是南瓜湯，煲得夠耐有絲的，用來解辣亦是不錯。堂食果次反而水準較高，可能因為當時仍是試業關係，堂食的雞雞肉較鮮嫩，亦更有口感。不過我明白外帶食物的水準通常會有少許相差，所以這個也是在可接受範圍內。…查看更多

牛腩和魚腐標準水準內，米粉夠爽，生菜🥬夠fresh，為不錯選擇，嗌過杯凍檸茶，野飲一般。不過呢個價錢真係無乜complaint。推薦生菜和牛腩。阿姐好殷勤問食咩餸，見慣大排檔服務質素而家咁nice有少少唔慣…查看更多

因為見公司附近就腳所以久唔久會響到食飯，上個禮拜食佢個午餐牛柳，d肉仲係見紅既，算啦肚餓照食，食完之後腸胃炎左一個禮拜，唔係剩係牛，豬都係咁，呢間野d肉好唔新鮮！…查看更多

屋企人介紹這間好味，價錢相宜，所以今天就來試這裡的午巿，確實不錯。點了個午餐的牛脷飯，首先西餐午巿$39，這個價錢在這區算是很有競爭力的（隔壁美富午餐$39，阿媽湯飯蒸魚要$47），還要包熱飲，餐湯和雪糕！因為本身沒打算寫食評所以碟飯沒影相了，燒汁牛脷飯很不錯，汁很入味，送飯和牛脷都很好，牛脷燒得軟帶香脆，我是第一回吃到這樣的牛脷，我本身遲了吃早餐，沒什麼胃口，但也能整碟飯吃光。餐湯類似是一些薏米湯？其實不太清楚是什麼來的，味道可以，但熱度不足。熱檬水不過不失，不過水也是可以再熱一點。最後的雪糕是芝麻雪糕，起初以為他們$39雪糕可能也是會「流流地」，但雪糕味道和軟軟的口感也很好，不會太硬，一上碟就能吃，不用30秒就吃光了，絕對是誠意之作。結帳的時候問到，這間餐廳開了約20天，店員服務態度也可以，也會問食物質素等。對這間餐廳印象不錯，老實說以食物質素和分量來說，我覺得要是收$45-$50也沒問題的。雖然湯和飲品沒什麼特別，但主菜的味道，以及送雪糕（還要是好吃的）這點來說，$39元簡直是不能挑剔了。下回有機會會再試他們的晚巿！…查看更多