Rain11224的個人專頁

呢間野上次試完佢啲豬腰麵好好食之後，今次帶多個朋友去試多啲嘢。食第三樣嘢都係好好食，牛腩夠霖又夠爽口，佢嘅藥膳湯真係好好味，可以成碗飲晒都唔口渴。羊腩加埋藥膳湯都係一流，樣羊一啲都唔蘇，但係都有羊味，佢嘅燒賣魚蛋唔使食都得，應該係為賣而賣，但係佢主要嘅食譜全部都幾好食，雖然嗰陣時只係食咗三樣但係一定會再去食，下次試吓其他湯底希望都好食。不過老實講麵黎計佢有啲貴，但係勝在真材實料，如果鍾意中式嘅藥膳真係要試吓。…查看更多

今日係非常肚餓嘅情況去食呢一間野，佢個叉燒鋪滿左芝士，呢個做法幾聰明，適合一啲唔鍾意食肥肉但係鍾意食芝士嘅人，芝士浸左落湯會有半溶嘅效果，但係拉麵同湯底就真係一般。星期日見到排晒長龍所以平日專登過嚟試吓，麵嘅口感正常，有少少鹼水味，湯底唔拖唔水香味唔夠龍味又唔夠，佢又唔算係清湯。半熟蛋嘅蛋黃熟咗一半，呢個都係扣分扣得好嚴重嘅位，叉燒得一片，然之後食完覺得有啲肥膩，應該唔會再試，唔係難食，只係呢個價錢好食過佢哋有好多…查看更多

放工肚餓求其搵間嘢食下，環境同普通舊式茶餐廳差唔多，落單嘅姐姐都算有禮貌，叫咗一碗豬潤米粉，酸辣要加錢，紫菜都要加錢，酸辣唔太辣，豬潤好好食，米粉都係正常嘅米粉啦。然之後嗌咗一碟芥蘭，過得去蒜香雞翼幾香脆，蒜香味都幾好，油炸嘅雞翼唔會滴油。如果無聊肚餓應該會再食，價錢中等叫咗三樣嘢埋單$103，可以接受，見到佢仲有幾樣野我都想試，湯底都係普通清湯，冇乜特別，搭枱嘅情況有啲令人恐懼，不過小商戶晚飯時間就原諒佢啦。…查看更多

九龍城真係好多泰國好嘢，做完個泰式按摩再去食個泰國菜，真係正。食咗一條烏頭魚酸酸辣辣越食越開胃，佢嗰碟串燒嘅雞同埋豬真係一流，椰青水都好新鮮，炒椰菜苗都幾好食。雖然環境就細咗啲同埋逼夾咗啲，但係食物質素上菜速度真係一流，咁樣嘅質素四百幾蚊我覺得完全可以接受。因為今日得兩個人食試到嘅嘢唔係好多，所以下次經開一定會再食多次。我哋叫咗個幾樣野嘅份量都好合理，本身入去唔係好肚餓食完條魚都肚餓咗，佢嘅蒜蓉同辣椒酸酸美味真係好開胃。好可惜串燒太好食唔記得影相…查看更多

唔好來食生日飯，佢地既甜品係完全無蠟燭服務，最後要我帶埋支蠟燭嚟再話加$100先幫手整，最後買單要$2300 / 兩個人既set 雖然我哋多一個人嗌左杯嘢飲，兩個價錢應該可以食好啲嘅質素。服務都正常，上菜睇你食晒一樣，先再上下一樣野食。我應該唔會再食佢，不過成個感覺真係唔太抵食，同埋冇乜邊個菜式係令我覺得想再食多次，佢啲甜品係幾靚嘅，但本身有一杯酒想影佢個波波好快就爆咗影唔到，所以基本上成間餐廳除咗貴之外係冇咩亮點。…查看更多

因為同客食飯所以嘗試包房，房間最低消費$4000，想知道$4000到底會比啲咩我食，食物質素都OK嘅，但$4000呢個價有啲貴得滯，可能飲茶會着數啲，最後買單係$4390比到係七個人食。整體嘅嘢食其實都OK嘅，不過手指一算呢個價錢expect會食啲更加貴嘅嘢，最貴只係得個帶子，我哋呢個價錢七個人應該可以食啲正啲嘅嘢，但係食完都唔會覺得好飽飽濟濟，應該冇乜味精，湯飯可以試吓，其他嘢其實都係正常水準，不過包房嘅服務幾好。…查看更多

份量有啲細，但平衡番個價同質素反而更好，如果4個人食應該最perfect, 牛面頰係一定要食，今次有$118 6隻生豪之後+$10 一隻 性價比超高， 我地5個人食左36隻…查看更多

過咗差唔多一年再食都好好食，份量有啲小，但價錢好合理，一個人都係$300左右，最近有生蠔優惠，食咗36隻都係四百幾蚊，仲要係高質生蠔。牛面頰一定要試，嘢飲選擇唔係好多，但食物每一樣都好食。…查看更多

- 上菜速度幾好- 魚生刺身新鮮- 海膽唔臭- 串燒好食- 姐姐有口音，但係服務都幾好- 清酒有冰座住- 吞拿魚普通- 啲套餐唔係好吸引- 散叫好食啲- 環境都幾好，坐2樓，一樓有嘢賣走…查看更多

叫咗四樣嘢，有三樣都好食，士多啤梨沙冰好飲，但係焦糖雞翼就一般，個蟹肉意粉都幾好值得一試。叫咗半隻雞，第一次俾我哋嘅時候入邊有少少唔熟，但佢哋都即刻換返，好驚返熱會唔好食，但一樣咁滑，成間舖得三個女仔，一腳踢但上菜速度都幾好…查看更多

每次黎食都係因為小人，因為每次佢地極差既服務態度另到一班同事都好唔鐘意黎進還，唔否認佢既食品係好多元化，但佢地既服務態度就好單一地差，仲要係一次比一次差，如果想食住好野受氣都可以選擇呢間…查看更多