wongwy66的个人专页

16/7/2025📍La Petite MaisonAnniversary果日嚟咗呢間法國餐廳食dinner 入面氣氛唔錯 係比較嘈吵 不過好處係傾計都唔怕比人聽到😂侍應幾好服務 會主動換走用過嘅碟同餐具 又會主動斟水 我哋先嗌咗一杯cocktail同一杯紅酒⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨Potato gratin ($108)法式千層薯仔批 充滿奶香嘅忌廉混合一片片嘅薯仔 一咬就化開 非常邪惡得嚟又好好味表面焗有少少焦香 睇到都流晒口水🤤✨Snails with garlic butter & parsley ($248)香料落得好足 油香好夠 用嚟點餐包食超正👍🏻不過蝸牛太細舊 唔夠攝牙罅 性價比太低✨Thinly sliced octopus with lemon & green chilli dressing ($248)呢個賣相好特別 唔講都唔知係咩嚟😂其實佢係八爪魚薄片 口感非常之腍 配咗酸酸哋嘅汁 好fresh 做前菜真係perfect~✨Grilled beef tenderloin with sweet harissa & chimichurri ($598)呢個牛扒好厚身 我地嗌左3成熟 個熟度好完美 😍牛扒好冧好嫩 不過冇乜調味 個汁又唔算好多 有啲位冇汁就唔夠味 不過都可以自己加少少鹽嘅✨Homemade pappadarelle with beef ragout & mushroom ($268)意粉嘅份量偏少 不過al dente 係整得唔錯 因為呢隻意粉係好闊身 所以唔係好掛汁 個汁用咗番茄做底 加咗蘑菇同牛肉 牛肉非常嫩滑 同酸酸哋嘅番茄汁好夾🤩✨French toast with spice ice cream ($148)煎得外脆肉嫩 充滿蛋香同奶香💕不過配辣嘅雪糕就麻麻地 如果配fresh 啲嘅雪糕同埋水果就更加好啦✨Vanilla crème brûlée ($148)分量超大 好抵食 一定要同人share😂燉蛋好嫩好滑 凍凍哋嘅 可能有雪過入面加咗雲尼拿籽 所以好重雲尼拿味🥰唔會太甜 表面嘅焦糖燒得啱啱好 只有好輕微嘅苦 大推！⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$2281（連加一）每樣都好好味 兩樣甜品都好有驚喜😆不過價錢真係好貴 只可以話對得住個價錢 推薦指數🌟：4.5/5📍中環皇后大道中80號H Queen’s UG樓1號舖…查看更多

14/6/2025📍陳儀興尚潮樓同屋企人食父親節飯 揀咗間潮州菜館 呢間好似都幾出名 環境又幾企理 就book 咗嚟食晚飯啦😽⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨滷水鵝片拼墨魚（$228）滷水本身唔會太鹹 想要清爽啲可以再點醋食鵝肉好腍好易咬 墨魚幾爽口 底下仲有啲豆腐 都好入味👍🏻 不過份量就比較少✨芋頭焗飯（$138）與其話係焗飯 不如叫炒飯 炒得幾香口 夠鑊氣加咗好多芋頭 芋頭嘅口感好軟綿綿👍🏻✨沙茶牛肉炒芥蘭（$148）牛肉幾滑身 一啲都唔韌沙茶醬好香花生味 芥蘭好爽口 幾好食😋✨糖醋煎麵（$118）冇想像中煎得咁脆 以為會好似脆麵咁一夾起就散 加糖加醋一齊食 都幾好食😋✨香煎韮菜粿（$48）個饀只係得韮菜 冇咩味 外皮厚到不得了 勁難食🤢一份三件 我哋嗌咗兩份 伏到食唔晒✨汕頭煎蠔烙（$128）我哋一致覺得蠔餅好腥🤢未至於腥到食唔落 但唔好食咯✨普寧灌漿（$138）原來係炸蘿蔔絲餅 蘿蔔好甜 新鮮炸起外脆內軟 一份有六件 每件都好大舊 好抵食😻⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$1176（連加一）毎人茶位$15部分野食真係唔掂 連應該係最好食嘅蠔餅都做得咁差 真係有啲失望😿推薦指數🌟：3/5📍太子太子道西179號地舖及1樓…查看更多

21/6/2025📍Chickee’s上網睇呢間之前爆紅 到而家都好多人食可能佢每份都係即整 我地等左一個鐘先有得食🥲不過份量真係好大份 成個碟滿曬 仲好多餸食極都好似食唔完咁😂⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨温泉蛋卡邦尼意大利粉（$42）呢個卡邦尼係用忌廉去整嘅汁芝士唔夠 而且個汁唔夠杰 唔夠掛汁不過勝在有超多煙肉 扳回一城😌✨海鮮龍蝦汁意大利粉（$53）呢個意粉收汁收得好入味 每啖都好有油香而且仲有唔少海鮮 有蝦、魷魚、青口最面仲有芝士碎 夠曬層次同香口😍⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$95（冇加一）性價比絕對滿分 但味道就唔係每款都好食只係要揀到冇乜人嚟食嘅時候先好嚟食（maybe 啱啱開舖果陣？）唔係就要等餐懵🙃推薦指數🌟：3/5📍深水埗欽州街37K號西九龍中心8樓63-64號舖…查看更多

15/6/2025📍The Drawing Room呢日嚟食👩🏻‍🦰嘅生日飯 揀咗食afternoon tea 聽講呢間酒店嘅tea係數一數二嘅好食 仲有得自由揀自己想食嘅item 今次嘅主題係魚子醬 同Royal Caviar Club crossover 會送兩張魚子醬coupon而且適逢當日係父親節 酒店仲送多2盒魚子醬比客人添😙我哋早兩個星期係Klook book 就有位 都冇啲人講到咁難book揀咗2:30嘅session 限時90分鐘⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🍵首先侍應會同我哋介紹翻16款茶葉 每人可以揀一款 我哋random揀咗2款 💁‍♂️其中一款應該係玄米茶 好重炒米味 好好飲跟住侍應會推一架餐車過嚟 介紹返每樣甜點同鹹點 total有7樣甜點同7樣鹹點可以揀我哋全部都揀咗一款 試晒之後覺得有幾款係特別值得推薦❣️排名分先後㗎～✨Uni custard用日式高湯整嘅燉蛋 加上超鮮甜嘅海膽同魚子醬 真係勁正😭 口感好嫩滑 有啲鹹鹹甜甜咁✨”Yin Yeung” foie gras rose首先賣相超靚 成朵玫瑰花咁🌹 女仔見到一定心心眼😍食落仲驚喜 原來係鵝肝醬、expresso 同紅茶整嘅mouse 餅底係薑餅 一啖咬落去 鵝肝嘅鹹香、咖啡同茶嘅香氣 同時係口腔散開 鹹甜交集 幼滑嘅mouse同脆脆嘅餅底 無論味道定口感 都係冇得頂👍🏻👍🏻✨St Regis cake白芝麻mouse同海綿蛋糕嘅芝麻味好香 帶少少麵豉醬嘅鹹味 不愧係signature cake😎✨Choux士多啤梨泡芙 配酸酸甜甜嘅yoghurt 好清新✨Panna cotta verrine 雲尼拿奶凍加上橄欖油啫喱 非常之smooth 配咗魚子醬 係好有趣嘅配搭😋✨Cheese box軟滑嘅芝士配魚子醬 入口即融❤️呢樣歸係甜點 但我哋都覺得佢應該係鹹點 因為都冇咩甜味🤣✨Scone每人都有2件scone 分別係plain 同raisin scone 食落唔算好乾 配clotted cream同4款jam食 食晒真係勁飽😂我哋都冇話特別鍾意食scone 都唔知呢度嘅算唔算好食⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$880（連加一）成個體驗都好好👍🏻食物同服務都💯嚟呢度慶祝節日係好好嘅選擇 一定會好難忘🥰絕對值得一試～推薦指數🌟：5/5📍灣仔港灣徑1號香港瑞吉酒店2樓…查看更多

12/6/2025📍 Homeland其實我哋都各自嚟過呢間餐廳食飯 印象中都唔錯 所以就嚟食第二次啦😂⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨酥脆雞翼拼盤（$138）Total有三個味 每個味有三隻 全部都炸得好香脆 入面啱啱熟🤩/蜜糖芥末味：最濃最好食 因為淋滿蜜糖芥末醬😝/明太子味：明太子嘅辣同鮮都唔夠出 但食得出係明太子/鹹蛋黃味：淨係食到沙沙哋嘅口感 但食唔到鹹蛋黃味 得個死鹹🙅‍♀️✨蘭玉蛋松露煙腩卡邦尼QQ捲捲意粉（$158）大家都知捲捲意粉有幾hit㗎啦 但我哋都買唔到 唯有係餐廳試下啦意粉冇想像中Q彈 都係一般意粉嘅口感😌卡邦尼醬汁唔夠杰身 唔係好掛汁 亦都唔夠重芝士味 有啲失色✨BBQ醬燒滋味豬肋骨配薯條（$168）豬肋骨唔夠腍 我地expect 係一篤就爛 有少少乾 薯條反而幾好食 係幼身薯條 炸得好夠脆🤩⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$510（連加一）沖住個捲捲意粉而嚟 但冇乜驚喜 可以唔試推薦指數🌟：3.5/5📍荃灣大壩街4-30號荃灣廣場B1樓B109-B110號…查看更多

28/5/2025📍QUE呢間餐廳又有日式又有西式嘅野食 幾啱成班朋友嚟gathering 實有啱食嘅野☺️⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨長腳蟹棒牛油果蟹籽壽司taco（$72）將壽司紫菜炸過 整成taco嘅形狀 入面塞滿壽司飯、牛油果、蟹棒、玉子、蟹籽其實就係手卷嘅變奏版😂不過食起上嚟就會好論盡 因為啲餡好易跌味道係可以想像嘅好食 甜甜哋咁不過會激死日本人同墨西哥人🤣✨辣味三文魚壽司taco（$68）都係想像到嘅辣味三文魚嘅味 幾好食😋不過分量少咗啲 幾啖就食完✨日式南蠻蟹肉忌廉薯餅（$68）有三嚿薯餅 新鮮炸起熱辣辣 外脆內軟食得出蟹肉嘅鮮味 加埋忌廉就夠曬鮮甜配南蠻醬好好食😋✨北海道牛油帶子意粉配海苔忌廉汁（$158）先講佢個汁 第一次食到加咗紫菜煮嘅忌廉汁 原來紫菜同牛油嘅味係咁夾😍個汁都幾杰身 所以勁掛汁 每啖意粉都食到濃濃嘅紫菜味🤩帶子幾大粒 索晒啲牛油味 面頭有啲芝士碎🧀融融哋仲會拉絲添⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$363（連加一）幾樣野食都幾好食😋不過好似有啲貴咁解啫推薦指數🌟：4/5📍沙田沙田正街18-19號新城市廣場一期1樓126號舖…查看更多

18/5/2025📍小甜頭夜晚去咗大圍食甜品 試下近期好hit嘅奶蓋沾醬麻糬 呢間小店嘅座位唔多 但平日9點幾去唔洗等位⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨焦糖脆餅海鹽奶蓋沾醬麻糬（$48）有10粒麻糬 每粒都幾大粒 幾煙韌 面頭沾滿黃豆粉奶蓋微鹹 加上焦糖餅碎嘅甜就啱啱好 煙韌嘅麻糬配上脆嘅餅碎 口感好豐富🤩（好記得上年係赤柱聖誕市集食過同類嘅野 果間真係整得差好多🙂‍↔️）✨椰子雪球班斕奶凍（$40）奶凍嘅斑斕味好香 口感好滑溜 偏紥實嘅質地雪糕嘅椰子味都好重 完全冇冰感 做得好好👍🏻側邊仲有啲椰漿 全部都唔太甜 好正😊⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$88（冇加一）兩樣甜品都好好食😋仲要唔貴 可以encore~推薦指數🌟：5/5📍大圍積存街12-20號地下D號舖#foodie #hkfoodie #food #hongkong #香港美食 #香港 #香港好去處 #拍拖好去處 #週末好去處 #大圍美食 #糖水 #宵夜 #大圍 …查看更多

17/5/2025📍豆公館專整豆製品嘅舖頭唔多 呢間係其中一間近期新開嘅 但佢係又唔淨係食豆製品喎 仲有啲炒麵、蛋餅、多士之類嘅 都幾多選擇㗎⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨魚肉煎豆腐（$28）豆腐嘅豆味幾香 魚肉嘅魚味唔會腥 但兩者完全分開咗 只係魚肉on top of 煎豆腐夾起仲會散唔係想像中嘅魚肉釀豆腐 有啲可惜🥲比咗包甜豉油 加咗落去都幾好食✨老乾媽炒麵（$36）老乾媽真係好惹味 有少少辣 但可以接受 會食唔停口😆不過調味好濃 食完有啲口渴😌淨係得炒麵 同好少好少雜菜 如果多啲配料就好啦✨麻辣鹹牛肉芝士刈包（$28）因為落咗辣油 所以個饀勁油 鐘意食辣嘅應該會鐘意佢嘅麻辣 芝士同鹹牛肉撈埋一齊整到成塊肉餅咁 芝士味好濃 中間有塊生菜同蔥 刈包切開咗兩半 包體偏薄身 口感差dd 有樣唔好嘅係 包嘅底部沾晒鹹牛肉嘅辣油 拎起食會整污糟隻手🙅🏻‍♀️✨杞子圓肉紅棗黑糖豆漿（$22）嗌咗凍豆漿 但唔係好夠凍 豆味唔算好濃 而且偏甜 可能因為加咗圓肉同紅棗最唔滿意嘅位係 入面竟然有一大嚿薑！🙍🏼‍♀️好唔鍾意薑嘅辣味 飲到呢杯辣辣哋、又唔夠凍嘅豆漿真係唔係幾開心🙃建議個名 show 翻薑嘅成份✨開心果豆腐花（$42）呢個價錢以豆腐花嚟講都幾貴 但開心果味嘅野又點會唔賣貴啲啊😌我哋嗌咗熱嘅（因為凍嘅賣晒）好彩佢嘅開心果味都幾夠 面頭係滿滿嘅開心果漿 唔會太甜 食到底都有開心果味豆腐花夠滑夠豆香 收貨❣️⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$156（冇加一）野食都唔錯 又幾抵食 本身睇個名以為係健康野 結果樣樣都勁重口味😂最推薦開心果豆腐花同老乾媽炒麵👍🏻👍🏻推薦指數🌟：4/5📍旺角登打士街43號地舖…查看更多

21/4/2025📍Zen by TERA呢間日本餐廳係沙田新城市廣場 食物選擇好多 啲甜品睇落都好吸引 但今次唔係好肚餓就冇嗌啦😂⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨照燒雞配鰻魚丼（$138） 雞扒唔會好乾 唔會好薄 有啲厚度 煎到好香鰻魚正常 至少食唔到有骨 又唔會腥 加咗鰻魚汁就更加冇得彈😸✨南蠻炸雞配鹽蔥厚切牛舌丼（$128）炸雞嘅肉質厚實 外皮唔會好厚 都幾大嚿 幾好食😋牛舌口感唔錯 幾有咬口 牛味好濃 面頭加咗啲蔥油 冇錯 係燒味飯會出現嘅蔥油😂成件事即刻唔同晒 ✨凍芋泥鮮奶（+$10）升級定食+$28 包沙津同野飲 但特飲要再加錢我哋要咗芋泥鮮奶 甜度啱啱好 芋頭味都幾香👍🏻⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$334（連加一）野食都唔錯嘅 但有啲貴🥹不過其實外賣自取有8折 仲唔洗加一 咁就抵食啦 如果住得近嘅都可以考慮下😆推薦指數🌟：3.5/5📍沙田沙田正街18-19號新城市廣場一期1樓109號舖…查看更多

29/3/2025📍五月星牛肉麵係MegaBox行街行耐咗 都唔知食咩好 上網揾到呢間係工廈嘅台灣小店仲未last order 就過咗嚟食啦呢間小店其實唔算細 但環境就麻麻哋 枱面同地下都有種油油地嘅感覺🙂‍↔️⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨招牌紅燒牛肉麵（$75）未見過可以油到咁誇張湯底 面頭浮住成層油 如果唔係咁油 其實都係正常好食嘅牛肉麵但係每啖麵都掛左好多油湯底唔會好辣 牛肉都幾腍但分量偏少😕✨黑醋豬軟骨拌麵（$69）估唔到又幾好食 好食過牛肉麵多多聲😁豬軟骨煮得好腍 啲肉一督就爛 而骨嘅部分都接近啫喱狀態 仲要分量好多❗️黑醋汁嘅酸味浸晒入豬軟骨入面 食起嚟一啲都唔漏 仲愈食愈開胃🤤個汁用嚟撈麵都好夾 食食下就成個麵清晒～✨起司肉鬆蛋餅（$42）餅皮係脆身嘅 係蔥油餅的質地唔係行煙靭路線 幾香口👍🏻芝士同肉鬆分量唔算多 變相食落唔會好搶戲 每樣食材嘅味道都balance到✨避風塘豆腐（$16）宵夜時段有啲小食會做半價 呢樣係其中一樣 分量超級多 新鮮炸起熱辣辣 外脆內軟 🤩⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$202（冇加一）野食唔錯 大推黑醋豬軟骨拌麵❗️係環境差少少🤏推薦指數🌟：3.5/5📍觀塘開源道60號駱駝漆大廈第三座11樓F室…查看更多

2/4/2025📍洋食商店呢間餐廳主打係復古日本風 入面嘅燈光同裝修都幾有呢種感覺 設有最低消費 每人$250 入面啲野食都唔平 所以要食夠低消完全冇難度😂我哋揀咗個二人套餐 有幾樣小食 主角係壽喜燒同黑松露risotto ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨明太子玉子燒甜甜哋嘅玉子燒上面鋪滿明太子醬同埋飛魚子 好好食😋✨唐揚爆谷雞炸雞嘅份量都唔少 雞肉幾嫩滑 外皮唔會好厚✨關東煮普普通通 淨係記得其中有一件好難食✨壽喜燒店員會幫手燒野食 呢樣唔錯👍🏻有兩款牛肉 有牛肩胛同牛頸脊 total有六片肉 每片唔算好大塊 牛肉嘅脂肪比例中等 油香唔算好重 佢燒晒啲牛先再煮蔬菜 個次序同之前食嘅壽喜燒唔同如果可以肉同菜隔住隔住燒就最好 冇咁膩略嫌蔬菜嘅份量太少😬✨黑松露燉飯等到啲牛肉同蔬菜都煮完 店員會開始煮燉飯 加完啲飯落個鍋佢就會行開 煮完先會翻嚟幫手裝飯 所以唔洗驚唔知要煮到幾時😂呢個飯係成餐最好食嘅野 原來黑松露、芝士、壽喜燒汁 加埋一齊係咁夾！濃濃嘅芝士超creamy 加埋勁香嘅黑松露 同埋壽喜燒汁嘅甜味 每一啖都係好滿足😍每人分到嘅飯量唔多 所以唔會好滯✨開心果奶蓋烏龍茶 （$38）奶蓋好厚 開心果味幾濃 仲有啲開心果粒粒✨海鹽忌廉焦糖布甸 （$48）呢個布甸勁好食 口感好細滑 蛋香好重😋海鹽忌廉只有輕微鹹鹹哋 同焦糖味相當之夾 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單～$650（連加一）所有野食都唔錯 最impressed嘅係焦糖布甸同埋黑松露燉飯😆不過價錢就有d貴啦 好在都食得飽嘅😌推薦指數🌟：4/5📍長沙灣福榮街538號喜遇地下2號舖…查看更多

29/3/2025📍Lungo話說👩🏻‍🦰想試咗好耐好耐 呢間專食bagel嘅cafe 佢menu嘅選擇非常之多 我哋揀咗好耐先揀到兩款最想食嘅☺️仲嗌咗兩杯野飲⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨ Chicken & honey mustard（$60）幾層薄薄哋嘅雞胸肉疊埋 都有啲口感 肉質唔會好乾 配蜜糖芥末醬好開胃🤤沙律菜都比得好多 好欣賞佢嘅饀係均勻地鋪滿成個包 食到邊個位都有一樣嘅餡👍🏻食得bagel 佢個包當然都好重要啦 呢度嘅bagel咬落唔係超級有咬口 表面撒咗好多芝麻、 每個包都切開咗一半 方便食之餘 又方便同人share 兩個人嚟食就可以試到兩隻味啦😆✨Smoked salmon & mentaiko tuna（$74）🙆‍♂️第一啖食就覺得啲三文魚煙薰味唔夠重 明太子醬嘅味好出 撈埋吞拿魚 三樣野都係海鮮 夾埋真係好鮮 好在又唔會腥呢個啲料都係好足 三文魚都有好幾片㗎✨Black sesame latte（$55）黑芝麻味勁香 打得幾細滑 飲落冇渣 唔會太甜拉花幾靚🥰✨Single origin（$42）好飲 好好飲實情係唔記得左咩味了 不過記得係好飲嘅⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單～$240（冇加一）身為麵包控嘅👩🏻‍🦰食得好開心 但🙆‍♂️話完全唔夠飽😂其實都估到 男仔應該覺得佢分量太少推薦指數🌟：4.5/5📍長沙灣福華街571號曉悅地下2號舖…查看更多

26/3/2025📍Ann Mamma Thai Kitchen又係食泰國菜啦 果邊聚集咗好多睇落好正嘅餐廳 呢間係其中之一平日夜晚嚟 好彩唔洗排隊 座位幾闊落 唔會好逼 裝修有啲文青風 幾乾淨舒服⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨大蝦炒金邊粉（$118）一如既往地好食 今次醒水冇撈埋啲辣椒碎 唔洗辣到噴火 酸酸甜甜真係好好食😋而家啲蝦真係好大又彈牙 相當唔錯✨香葉肉碎飯（$96）肉碎混咗好多辣椒、豆角一齊炒 所以都幾辣下 香葉味都重嘅 鐘意呢隻味嘅可以嗌😁其實都唔可以叫肉碎 應該叫肉粒 因為佢一啲都唔細粒😂 好似食緊一口牛咁 炒到好香口好有油香同飯一齊食係一流 不過太辣肉同飯嘅比例接近1:1 係超大份！我哋都食唔晒啲飯😂✨炒泰國椰菜苗（$96）椰菜苗幾爽口 不過無咩味 份量好少⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$341（連加一）所有野都幾好食 不過要食得辣先好挑戰佢推薦指數🌟：4/5📍荃灣曹公坊11號地舖…查看更多

20/3/2025📍Pattern話說我哋冇諗住要係呢間餐廳食野 而係佢隔離果間Polaris 但跟住google map行到果頭 見到呢間個名都係P開頭 我哋兩個就盲中中咁衝咗入去😀直到坐低咗 睇咗陣menu先覺得唔對路 望下餐廳名 再望下OpenRice 先發覺去錯地方不過我哋都照係度食 因為唔想行翻出去咁尷尬😂最後揀咗個2人自選晚餐（$270） 包咗四樣野食同兩杯野飲⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨焗芝士肉醬茄子估唔到茄子係切開一件件嘅 叫做有啲擺盤🤣焗得唔算好腍 但同芝士肉醬幾夾✨香脆粗薯條正常啦 點茄汁食都ok ✨一口牛香蒜意粉蒜味好香 意粉軟硬適中 炒得夠乾身 幾好食😋牛肉好細粒 份量唔多 同蒜味好夾不過唔鍾意佢加埋啲彩椒落去炒 ✨雜錦海鮮薄餅餅底係薄脆style 餡料鋪得幾均勻 有啲蝦、蜆、魷魚、彩椒（又係佢）不過主要都係食到千島醬味 都係普普通通啦😌⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$226（冇加一）呢度係果種舊式樓上cafe嘅feel 野食嘅種類好雜 仲有啲茶記雜扒餐😂所以都冇咩expectation㗎啦推薦指數🌟：3/5📍太和大埔太和路15號太和中心地下13號舖…查看更多

9/3/2025📍Beans呢間連鎖Cafe都開咗好多年 呢日行完HomeSquare懶得出去搵嘢食 近近地揀咗呢間喺商場入面嘅分店 晚市都唔多人嚟食 所以出餐都幾快⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨開心果pizza（$102）加$8要焦糖芝士 因為唔知係咩嚟😂原來都冇咩特別 係好淡嘅芝士味 不過好脆口 有啲口感Pizza表面鋪滿開心果醬同焦糖芝士 再淋埋蜜糖 鹹鹹甜甜咁 開心果同芝士味幾明顯 味道都幾夾 😋但個餅底做得麻麻哋 係薄批但一啲都唔脆🫠✨焦糖番薯條（跟餐價 $30）份量都唔少 炸到外脆內軟 番薯薯條本身就夠甜 表面淋咗啲糖漿 再點少少茄汁 真係好正😽✨醬燒豬肋骨（$218）豬肋骨唔夠腍 唔多爛 啲骨肉分離唔到 食落差咗啲油香 但調味唔錯 伴碟仲有沙律同薯蓉添😍✨卷.山政小山園（跟餐價 $30）整體抹茶味足夠 蛋糕濕潤 cream好香但唔heavy 入面仲有啲紅豆🥰✨焦糖脆餅流心吐司.雲尼拿雪糕（$82）相比之下 呢樣甜度高好多 麵包焗到好脆 中間係焦糖流心 面頭有層焗過嘅棉花糖同lotus餅 咬落脆脆哋用麵包點雪糕 再加埋淋面嘅焦糖醬同棉花糖 係甜咗少少 但都好食嘅👌⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$554（連加一）野餐整體都唔錯 價錢又唔算貴 我哋食完呢幾樣飽到上心口😂推薦指數🌟：4/5📍沙田鄉事會路138號新城市中央廣場5樓503號舖…查看更多