chewychew__的个人专页

今日同朋友嚟到呢間台灣過江龍鐵板燒，食材新鮮，適合約會同埋慶祝生日🎉 今次我選咗$498限量全日套餐，每一道菜都做得好精緻，整體用餐體驗非常好！<海味颯宴鐵板燒套餐 14 品 $498>1. 黑白松露茶碗蒸嫩滑嘅雞蛋與黑白松露嘅香味相得益彰，好開胃。2. 北海道鮮貝刺身級嘅帆立貝鮮甜嫩滑，配上紫蘇花嘅清新同三文魚籽嘅鹹香，超美味3. 海膽蕎麥麵海膽好鮮甜，蕎麥麵勁掛汁。4. 松葉蟹撻蟹肉鮮甜，撻底香脆。5. 小卷多士多士配上魷魚、蟹籽同黑松露，好鮮味。6. 蔬菜三品多汁鮮甜。7. 格陵蘭比目魚魚肉滑嫩細膩，外皮酥脆。8. 南非八頭鮑魚鮑魚彈牙鮮甜，配上松露醬，格外美味。9. 虎蝦肉質彈牙。10. 蝦肉漢堡蝦肉鮮甜多汁，外皮煎至金黃香脆，好特別嘅配搭。11. 黑毛豚肉油脂分布均勻，肉質嫩滑。12. 炒飯雖然已經好飽，但係炒飯粒粒分明好有鑊氣，好吸引。13. 味噌湯有豆腐同紫菜，鮮甜解膩。14. 今日甜品：蕨餅甜而不膩，好完满。…查看更多

放工想搵個Casual嘅地方可以飲酒chill一下，就揀咗喺銅鑼灣嘅呢間有氣氛嘅居酒屋，呢度仲會不定期轉Menu，增加食客嘅新鮮感，我會建議大家試呢度嘅創意卷物同串燒。原來呢度仲有兩個鐘嘅清酒任飲套餐，可以用$298試六款Sake，都幾抵！我試咗自家製免治雞肉丸，雞肉加雞軟骨mix埋一齊，口感十足，再點埋日本蛋汁味道一流鵝肝和牛石鍋飯熱辣辣，有飯焦，味道恰到好處，食到鵝肝同和牛嘅香氣照燒時令餃魚燒得好靚，魚肉新鮮牛油果軟殼蟹卷，炸到脆卜卜，上面仲有黑魚子點綴鹽燒牛舌心爽口彈牙，不錯月見牛肉煮豆腐同埋汁煮牛筋牛味香濃，都係熱辣辣上碟…查看更多

甘味處鎌倉由開業至今已經試過幾次，好鍾意佢煙煙韌韌手工制嘅口感，佢哋每個season都有限定嘅飲品，今次又嚟試吓啦。招牌蕨餅黃豆粉好香，軟糯彈牙嘅蕨餅加上自家製沖繩黑蜜，多重口感，好好食。宇治金時刨冰配上煉奶、黃豆粉蕨餅、丸子、紅豆，所有嘢同抹茶都好夾，味道香濃，非常解暑。最近萬聖節將至，依杯萬聖節紫薯特飲好應節，紫薯味濃郁，入面仲有煙煙韌韌嘅蕨餅，好有咬口…查看更多

黎到西營盤，見到依間韓式小店幾吸引幾有氣氛，試咗幾樣嘢食都覺得幾高質，幾適合一班人gathering飲酒食炸雞。蔥絲無骨炸雞見到賣相已經覺得勁吸引，除咗雞肉仲配埋炸餃子同年糕，熱辣辣，雞肉炸得好香脆，好Juicy，另外炸餃子亦都非常美味，年糕又煙煙韌韌，炸得啱啱好。韓式薯仔脊骨湯送飯一流，少少辣，不過飲落好暖胃，薯仔同脊骨都好足料，脊骨炆到好腍，好輕易搣開。烤芝士粟米拉絲勁癲，好邪惡，好好食海鮮煎餅煎到表面酥脆，而且海鮮都新鮮另外仲嗌咗杯Cocktail，Tiramisu Martini 又香又Creamy，滿滿咖啡味，好滿足…查看更多

Cova 嘅蛋糕我真係買過唔少次，基本上每次都揀 Mango Dome。佢嘅芒果又甜又唔會太膩，一口咬落去，啖啖都係果香。啲cream 輕盈得嚟，海綿蛋糕又鬆軟，真係食完一個都唔覺得滯，令人想繼續再食。而且，Cova 嘅包裝都幾靚，送畀朋友或者自己享用都啱。每次同朋友一齊食，大家都讚到唔停，Mango Dome 都係我心目中嘅首選！真係好好味…查看更多

最近我去到東大街的一間泰國餐廳，菜式唔錯，十分抵食。今次我點了兩樣招牌菜，肉碎包生菜和 Pad Thai，總共只花了百幾蚊。肉碎包生菜的份量相當足夠，肉質鮮嫩，味道香濃。配上新鮮的生菜，吃起來清爽又不油膩，十分適合想要輕食的朋友們。每一口都能感受到泰國獨特的香料味，令人回味無窮。Pad Thai 的表現亦ok, 炒麵顏色金黃，口感滑順，搭配的蝦仁和豆芽都非常新鮮，讓整道菜更添層次感。每一口都充滿了泰式的獨特風味，絕對是一道不容錯過的經典。…查看更多

一大班人聚會嚟到灣仔呢間韓式小店，真係好開心！印象最深刻嘅就係佢哋嘅豬手。呢個豬手炆得好腍，入口即化，簡直係美味無比。調味方面都恰到好處，唔會過咸或者過重，啱啱好襯埋啲米飯。最特別嘅係佢會將豬手切片，方便用嚟夾菜，食落去既香味又夠滋味，真係一口接一口停唔到。配上啲新鮮嘅小菜，整個聚會氣氛更加熱鬧。另外亦都叫咗支酒，都幾易入口，豬手用嚟送酒一流。…查看更多

每次嚟Vission，我都一定會買佢哋嘅曲奇或者冬甩，今次我就想試下呢個巨型蝴蝶酥。成塊面咁大，真係可以幾個人一齊share，或者分幾次食，真係好方便。一口咬落去，口感酥脆，牛油味好重，食落去特別香。而且佢唔會過甜，甜度啱啱好，唔會令人覺得膩，真係唔錯！…查看更多

朋友嚟香港旅遊，特登要嚟呢間咖啡店，因為佢懷舊風格、中西合璧。環境幾有情調，啲擺設都好特別。我哋點咗杯 Latte 同 Rose Latte，兩杯都有拉花，咖啡味香濃，飲落好順滑。呢度坐低幾chill，啱啱好可以傾偈，時間過得特別快。真係一個舒服的地方。…查看更多

銅鑼灣呢間泰國菜，嘢食抵食之餘又幾有心機，裝修都好有特色，坐得幾舒服。菠蘿炒飯有鑊氣，仲會有啲海鮮，feel到唔係Hea 你。沙嗲串燒熱辣辣，雞肉都幾嫩滑，沙嗲醬幾香口肉碎包生菜有少少辣，不過酸酸辣辣幾開胃…查看更多

平日想搵個靜靜地嘅地方飲下酒，依度就非常適合，唔使同人迫之餘仲幾好chill。每杯Cocktail都係以時間為主題，非常特別又有心思。呢杯Cocktail 飲落好舒服，賣相都非常優雅。…查看更多

炎炎夏日，經過Matchali，見到門面裝修得好靚，忍唔住入去買杯抹茶解暑。Matcha Latte嘅抹茶味都幾濃，飲落去唔錯，清新又消暑。不過如果堂食就會覺得有啲迫，位置唔算多。另外，店員嘅態度有啲cool，可能唔係咁熱情，但整體嚟講，味道都幾好，可以試下！…查看更多

炎炎夏日，真係好想食雪糕！呢度有好多唔同嘅抹茶食物，我選咗抹茶軟雪糕試下。可以揀杯裝或者窩夫筒，我選咗窩夫筒。雪糕入口順滑，奶味香濃，但抹茶味唔算超濃。上面撒咗啲抹茶粉，增添咗抹茶嘅甘味，整體味道都幾好，清涼又消暑，夏天食正好！…查看更多

成日經過依間牛腩店，都覺得香味十足，聽講佢其他分店都幾出名。今次終於試咗佢嘅清湯腩，湯底其實唔錯，但牛腩就得幾件，雖然炆得幾腍，但量上可能有啲少。再加上餐廳冇門，食住食住就越嚟越熱，最後食到出晒汗，真係有啲辛苦。…查看更多

Samsen嘅炒粉麵真係有鑊氣，食過好多次都好好味。但我想講嘅係佢哋嘅斑斕湯圓，真係唔可以唔試。湯圓外皮煙煙韌韌，內裡香甜，配上香濃嘅椰汁湯底，一飲就暖心。面頭嘅椰子肉增加咗口感，每一口都好夾。總之，呢個湯圓食完會令人滿足，去Samsen一定要試！…查看更多