special1004的个人专页

唔知所有職員都係老細定係真係呢間嘢嘅老細都鍾意請埋啲態度咁差嘅人！我未寫過食評都要出手警世😂除非大家都有鋪比人串，比錢買難受嘅癮，如果唔係我奉勸大家千祈唔好去呢間垃圾食嘢！入到餐廳好多吉位都叫我哋搭枱ok嘅，但之後發現差唔多每一個入嚟嘅客都會比佢哋串！有幾個大陸客人入嚟，聽到有個男人問呀姐有咩推介，呀姐好唔耐煩咁答佢「你鍾意食乜咪食乜囉！我點知你鍾意食乜？」咁就走左去！一直有人入嚟個呀姐都用啲唔好嘅態度叫人搭枱，之後我對面客人走左，嚟左兩個女仔，可能有個睇唔清楚個套餐係菜/魚皮二揀一就問左句，個呀姐好大反應態度好差好大聲咁講「梗係唔係啦！兩樣都有你就想啦！」搞到個女仔好尷尬講左句「我唔知先問下啫」。仲有，食食下聽到有個應該係我之前就入左去嘅女人叫左雲吞麵，點知個呀姐淨係將寫左幾錢嘅單放喺枱而冇落到單比廚房，之後個女人催單，兩個呀姐竟然大大聲喺度鬥卸膊話係對方冇落！最後一句唔好意思都冇就咁同人哋講好快整好🙄🙄最後，我同朋友食飯大家都想用alipay比錢想分單，另一個態度極之差嘅呀姐話唔得，但明明佢哋嗰啲只係一張手寫左有數字紙質好差嗰啲嘅紙（似拍戲嗰啲茅廁紙～驚大家冇畫面😂），完全唔係嗰啲咩熱感出單嘅紙🤷🏻‍♀️都被拒絕，算數！呢間嘢食物唔算好食，但又未去到好差，真係好一般！墨魚丸冇乜味，炸魚皮係勁碎嘅！真係唔會有下次！…查看更多