keibabi的个人专页

今日大年初二，全部都晏咗起身，冇預設去邊度食晏，揸車經過呢間新嘅點心店，即管試吓。入到去見到都差不多滿座，都有幾多老人家添，坐低之後，一睇張點心紙感覺好窩心，好多點心都係兩件（我估計為咗方便啲老人家一個人都可以飲茶嘅關係），叫咗八款點心，蝦餃、燒賣、懷舊魚翅餃、芋角、排骨陳村粉同埋鳳爪，樣樣都性價比幾高，對比埋價錢我覺得係淨係水準之上，一定會再嚟支持佢哋，見到個個員工做嘢都好有幹勁又勤力，好少寫食評嘅我都要讚吓。 …查看更多

入到舖頭睇咗一陣，揀咗燒腩叫師傅斬一條骨，斬嗰個師傅斬之前已經不停講話我揀得好(咁真係有揀過), 由於佢斬燒味嘅位係低咗落去(佢前面放咗一盤盤包好咗嘅燒味)，因為真係冇諗過佢會換，冇特別留意佢斬嘅過程，點知返到屋企打開完全係換咗第二條，條燒腩d肉又瘦又諧，皮又硬哂完全唔脆，完全唔係自己揀嗰嚿，自問都經常買燒味其實已經唔係第一次幫襯呢間嘢，之前都冇試過發生呢啲事(亦可能係之前冇發生係自己身上啫)咁樣做生意，擺明以後叫人唔好再幫襯。…查看更多

一家三口等咗一陣位被安排去坐長枱, 三人用隔板隔開(但當時週邊都有幾張四人枱), 安排坐低落咗單之後, 後面張長枱有一家幾口坐低, 中間有放隔板, 等咗十分鐘左右後面張枱食物陸續到, 但我哋叫咗三個午餐就乜都未有, 同侍應問緊單嘅同時, 我就見到幫我哋落單嗰位侍應, 我話你可唔可以問返呢個同事有冇落單？ 佢就係咁同我講咗幾次得得得.....叫我而家再落返單, 剛好落完單，又另一位侍應走過嚟叫我哋起身過嚟, 我問咗幾次咩事起身佢都唔答, 淨係叫我哋起身, 然後帶我哋去另外一張枱叫我哋坐低(係一張三人枱), 咁都算...... 坐低咗之後, 另一個又叫我哋你哋要分開兩張枱坐, 我哋話中間唔係放隔板？ 佢就話比人捉到要罰三萬, 啲語氣重要極度差.......之後又有另個待應埋嚟加把口，裉住火都嚟埋索性走人唔食，話過以後都唔幫襯佢…查看更多