LisaNg3273的個人專頁

一直聽到呢間啲咖哩出名，一哈都好想去試，咁啱經過附近，諗住就去試下……是日旁晚去等開門，天氣已經好熱，開咗門買外賣，仲話要等多半小時，早去到明明盒外賣已經喺門口，個店員仲要話唔係我叫我再等，好啦！等到7：06先攞兩盒外賣出嚟，跟住叫晒，先叫門口盒外賣，原來真係我嘅，本來係熱嘅外賣，都已經變暖，仲要同我講我可以唔要！ok！下次想再幫襯都難！咁嘅價錢，咁嘅服務態度，幾好食都冇用……完全令人極度失望………查看更多

假日，睡飽，又係搵個早午餐嚟食嘅時間，昨天喺fb見到呢間cafe嘅介紹，見到嗰杯烏卒卒咖啡好似幾特別，於是今日特意去一試，按照地址本不難找，但由於門口有招牌，都找了好一段時間……而環境寬敞，亦坐得舒服!入到去叫咗兩份假日午餐，味道都唔錯，而美式凍咖啡亦沖得唔錯有咖啡味，唯黑芝麻咖啡，感覺普通，就好似少甜稀版芝麻糊，有點失望………查看更多

今日診放假周圍去試新嘢，今天去了葵涌，一個甚少去嘅地方，這裡多是工廠及住宅，假日的確人流少，甚為舒服，cafe的位置較為偏僻，都找了好一段時間才找到，而cafe的地方亦算大，人流不太多，環境寧靜，坐得舒服……我和友人叫了兩個午餐，分別是牛扒及豬扒，牛扒有點靭，但有牛味，算ok啦！而豬扒恰到好處，正!另叫咗美式咖啡，有濃郁咖啡味，正!總括而言，食物水準不錯，價錢亦不貴，坐得舒服，絕對可以考慮再次幫襯!…查看更多

我很喜歡歎茶，於假日總想整返一盅兩件，而事實上，近年好吃的點心店或酒樓已買少見少，每次去大埔總有衝動上市政街市歎返一盅兩件……今日就去咗林記點心，可能12點幾已經算晏，去到想叫牛肉同腸粉，阿姐都話已經賣晒，失望!於是兩個人合共叫咗四個點心，樣樣都好好味，正!…查看更多

見早排大圍開咗間新cafe,於是於假日嘅早上去試一試，朋友推介過bagel,於是亦叫咗一個試試，味道的確唔錯，另叫咗個原個茄子焗意粉，感覺就一般，面頭的意粉仲有啲乾，有點失望!而咖啡味道就唔錯，另叫咗個棉花糖凍朱古力就偏甜……整體來說，環境唔錯，坐得舒服，但食物選擇不太多，而且早午晚都係呢啲菜式，沒有新意，食物味道只能說是一般，沒有太大的驚喜………查看更多

平時出去深水埗經過好多次，一間唔多起眼嘅小店，位子不多，亦坐得唔舒服，但人情味十足，食物唔多款式，但卻用心製作，今日叫咗兩個即食麵，一食就知唔係求其煮，麵質恰到好處，有菜，腸仔、餐肉同蛋都煎得香噴噴，還有那杯凍的藍山咖啡，有濃郁嘅咖啡香味，加埋件自家製的芝士蛋糕，簡直完美!估唔到店子小小，卻是卧虎藏龍……雖然由落單至到食物到大約等了10分鐘，但也覺得等亦是值得的……店裡的姨姨每次來收碗碟，都會問住食物o唔ok,咖啡o唔ok，十分關顧客人，讚!…查看更多

我係對茶餐廳湯粉的湯有一定的要求，記得小時候食嘅湯米粉或湯通粉，湯底係好美味，但已經好多年吃不到這種味道，在一次偶然間食到這裡的湯米粉，湯底就是兒時的味道!自始之後每逢假日都會去嘗一嘗，另外，佢嘅紅豆奶茶亦值得一讚!奶茶有傳統港式奶茶的味道，而且紅豆夠大粒!…查看更多

上次食過芝士撻，覺得好美味，今日放工突登搭車落九龍城再幫襯，因為我同我嘅屋企人都好鍾意食榴槤，所以今次試嘅係榴槤酥……榴槤酥18蚊一件唔算貴，而且餅店的包裝亦很美，回到家即時打開與家人分享，結論係酥皮非常鬆化，而且有淡淡的榴槤飄香，最重要係唔太甜，值得一讚!…查看更多

今日入長洲，當然不忘買特產~長洲糯米糍，由於長洲有太多美食，於是諗住買走同屋企人分享，去到平記大排長龍，大約有10幾20人排緊隊，大約等了15~20分鐘先賣到，今次買了芒果同榴槤糯米糍，回家急不及待與屋企人分享，糯米糍的皮非常軟綿綿，而且餡料亦非常新鮮!排隊……也是值得的!…查看更多

今日入長洲，上次去過呢度食過泰國菜，覺得價錢平，水準亦不錯，於是今次亦打算再去，今次再去，發覺價錢貴了，但若是好食，加價亦不緊要，可惜……由於這裡的食物款式不多，於是今次叫嘅食物大致同上次一樣，但今次嘅質素卻退步了很多，泰式炒金邊粉今次炒得勁濕，味道可以用難食形容，而手撕海南雞飯，個飯完全冇味，唔得!而個青檸梳打算係最正常……我相信應該冇下次!…查看更多

今日出開九龍城，突然記起朋友極力推介嘅餅店，於是嘗試跟著朋友給我的資料去找，本身諗住賣普通蛋撻，但見可佢有好多唔同款，最後揀咗酥皮芝士撻，回家作飯後甜品……晚餐後，吃這個作飯後甜品，果然朋友冇介紹錯，酥皮芝士撻外皮鬆化香脆，而且芝士味不會太膩，恰到好處!讚!…查看更多

有日經過荃灣，久聞這間餅點的麵包西餅，又平又抵食，於是便前來一看，果然麵包西餅的款式有很多,我個人比較喜歡栗子同紫薯做嘅糕點，於是買咗栗子及紫薯迷你撻回家與家人分享，果然栗子撻有栗子味，紫薯撻有紫薯味，而且甜度適中，份量亦十足，幾蚊個勁抵食，值得一試!…查看更多

昨日又入大埔，來這裡食個午餐，上次吃了漢堡，非常美味!今次就試咗薄餅同意粉，我叫咗一個辣汁大蝦薄餅，超足料，但我食得辣都覺得好辣……，另外再叫了一個拿破崙意粉，同樣勁足料，這個味道不錯，而且兩個人食都食唔晒，份量十足………查看更多

星期日，我哋一班好耐冇見嘅老友相約聚舊，有朋友提議到這裡，地方大，又坐得舒服，於是決定於這裡晚膳，我們一行5人，全女班，共叫了6款食物，有韓式有台式，款式都算多，份量適中，食物賣相吸引，但可惜味道較之前差了很多（其實，之前試過在這裡吃過一次午飯，覺得ok,而且環境特別，才考慮在這裡聚會），食物偏鹹，感覺令人失望………查看更多

今日搭馬鐵去石門試新嘢，位置近馬鐵站非常方便，食物尚算ok,卡邦尼意粉算入味，但啲汁比較乾，全日早餐竹炭多士都幾特別，而士多啤梨梳乎厘班戟即叫即做非常軟綿綿，但味道普通沒太大驚喜，咖啡偏甜唔太ok,整體感覺一般………查看更多