mczan的个人专页

我好少寫食評特登開返個account講佢哋有個高+大隻嘅女員工，隻眼好似割過雙眼皮嘅，每朝買早餐態度都勁差做街坊小店，唔係要你態度好好，但係都唔係每朝都搵人嚟鬧，或者搵人你啤，或者搵人嚟出氣上次等緊外賣，有個菲傭姐姐嚟買，佢係咁指住佢嚟鬧，話寫咗囉，咪$2X囉。唔該比返少少尊重…查看更多

琴日去荃灣千色店附近買嘢，途經荃豐見到門口有間新餐廳，原來之前間大家姐已經冇做。佢堂食位好少又唔多客，但門口啲燒臘望落都唔錯於是我入去試吓。因為唔想諗食乜所以叫咗個四寶飯，叉燒幾好食。冇特別要肥叉但都好淋，鴨味都夠重。佢仲有點心供應，不過個侍應話夜晚係即叫即蒸要等耐少少，我叫咗個咖喱金錢肚，都幾好食。之後我試過嗌點心外賣，因為唔想一家大細要安心出行先飲到茶，所以試下佢啲點心。雖然係荃灣call車送去土瓜灣，但開餐嗰陣啲嘢食都仲熱，春卷都仲脆！蝦餃超好食，皮算薄。屋企人都大讚！總括嚟講呢間餐廳食得過。不過佢冇大枱，一兩個人去食就OK，人多就冇乜可能。…查看更多

雖然而家少左出旺角，但都要定期去迫下人湊下熱鬧食下野。係旺角食野我一定去家樂坊果條街，舖頭夠集中款式又多。次次都眼闊肚窄，買到食唔落。前日行過呢間舖，見到都有啲人係舖度等緊，於是行去湊下熱鬧。間舖裝修得好日式，食物品種都算幾特別。我試左佢嘅玉子燒，拎上手果陣好夠熱出唒煙! 見到應該係 order 左即做嘅。玉子燒入面有粟米，蟹柳同芝士😍 好好味! 仲有鰻魚汁但我走左沙律醬。我覺得真係好好味,值得推介俾大家! 佢都仲有好多其他款式我下次想再試下。…查看更多

極少上嚟寫食評淨係想帶出呢班waitress服務差到不得了，全程黑面，想點個餐都唔願做。放底湯同沙律嗰下仲要啤住我地唔「讓位」俾佢，但我地嗰一刻係睇緊餐牌⋯⋯利申:我啱啱坐底，只係點左個餐⋯⋯…查看更多