ororb的个人专页

台灣味道門口職員好好咁同我地講話今日可以咁岩WALK-IN有位！可以即時入座。我地兩個二話不說咁SCAN個BARCOD落單，我地叫左個季節限定既湯底，藥膳牛蒡鍋大量牛蒡料同埋芫荽，加埋杞子，味道都唔錯好足料。飲品、醬料、部份火鍋料都係自助。飲品最鍾意桂花烏龍茶又香又冇糖，岩晒我地怕肥既人。為左今日可以食到牛大人就要食豪啲，揀咗極上和牛吃到飽套餐，澳洲和M5牛牛肩卷鮮紅色，油脂都幾豐富。出晒名肉味特別香濃。安格斯特選牛板腱因為比較瘦，，牛味都重。大塊牛！海鮮、魚餃、魚蝦膠！無理由淨食牛既，食下其他野！另外出面仲有好多嘢食拎，仲有皇帝菜、丸類、響鈴、木等等，食幾round都未食得哂。雖然得90分鐘戰鬥，但我都好滿足，因為真係好飽。…查看更多

好味台式燒肉放題男朋友帶左我去旺角食燒肉放題，上到去見到吾需要等位就可以直接入座，可能因為平日既原因。職員好有禮貌咁帶我地入座之餘，仲講解一下佢地自助區有蔬菜和滷肉飯等等。由於佢呢度都係SCAN QR CODE 黎ORDER食物，所以可以好快就完成落單。野食5-7分鐘就上台。至於調味料呢方面就有5種選擇係FOR燒烤既，分別係: 燒烤醬、粉紅岩鹽，檸檬汁、辣椒醬和自家製黃金醬。揀左比較貴既餐，多啲野食選擇嘛😁，原來呢個餐仲送每人兩條嚴選牛舌芯，又幾好食喎，幾彈牙，肉質超正。可以食到澳洲M5和牛、美國牛肉、厚切上選牛腹，仲有豬腩肉、雞翼，當中仲有豬腸、蔬菜、蝦、蜆、魚🐟，更加有熱食熟食。飲品多款台式冷泡茶、特色紙包飲品、冬瓜茶、綠茶、可樂汽水等等全部任飲，酒精類就要加錢。男朋友佢點左個櫻花蝦拌刀削麵，我見到佢食得都幾惹味，佢話好台式。有大大隻帆立貝和虎蝦任食！所以其實可以食返夠本。更貼心的是店員，非常勤替客人更換烤網，吾怕食物不停燒到焦黑。最後每人仲有一份甜品，可以揀哈根達斯雪糕或者仙草凍，充滿台式風味。…查看更多

掛住韓國炸雞..之前試過食晚餐等左好耐先有位，所以今次同男朋友佢轉食午餐就當滿足食炸雞既慾望。冇得去韓國，食outdark補下數🤣下午時段係比較快入座，吾駛等好耐就可以入座。食過幾間韓國炸雞，我地都係覺得Outdark呢方面既食物係比較合適我地口味。雙併炸雞 叫左香蒜蜜糖+甜辣，除咗炸雞之外仲會有啲薯條薯角～～啲薯條薯角好香脆！炸雞既醬汁好夠，雞肉好嫩滑，其實好抵食，因為雙併雞每款左成8塊左右，份量足！牛肉炒粉絲牛肉份量都ok，粉絲撈埋d雜菜炒，有紅椒、青椒、木耳、芝麻、金菇、洋蔥，感覺健康，味道吾會太濃味，幾好。海鮮韓式煎餅 男朋友係煎餅控黎，滿滿都係餡料，大大塊，滿晒材料，有大隻蝦、八爪魚、蔥、紅椒、青椒🫑，就咁食都夠晒味，吾夠味可以點小小韓式醬汁，惹味d。MOJITO帶少少甜，冇酒精既，好多薄荷葉，夠晒清新，食完炸雞解熱氣之選。…查看更多

氣氛好套餐好食又抵見到有間好評都幾多既餐廳原來係有DJ駐場做表演，應該都幾CＨＩＬＬ，所以就打算去食返個晚餐。去到之後環境好闊落及舒適，暗暗地，氣氛好，醫下個肚先。見到佢有做緊個二人套餐活動價錢幾合理之餘，又幾岩我地口味。先上餐湯，新英倫周打蜆湯。餐湯送上既時仲配上了一塊熱辣辣蒜茸包。絕對吾係罐頭製作! 好好飲，濃味!見到佢仲有三大隻蜆肉在裡面！仲有充滿鮮味既牛油煮蜆。８成既蜆肉都係有開，吾係死。仲要隻隻都有返咁上下大隻。好味！主菜有草飼澳洲肉眼牛扒，要求牛扒4成熟，肉質嫩滑又多汁！食肉獸既我地對呢個讚不絕口。因為真係佢係炭燒！另外仲有鵝肝松露意大利粉，大大份之餘，意粉煮得好有心機，勁香既黑松露味。吾似係出面周街買既醬煮完就算。最後，食埋cheesecake做甜品，完美！…查看更多

文青cafe😍之前我都已經係旺角食過呢間CAFÉ，今日係OＰ睇到佢新開多間係觀塘，仲近我好多！吾駛出到旺角。今次我見佢開係工廠大廈，但吾代表佢求其，因為一打開門就有天堂與地獄既感覺，果然新裝修係吾同D，環境好舒服以柔和既黃燈加上木色傢俬和乾淨的感覺做主題～當然黎到呢到再食既話就一定要叫返個all day breakfast，上次試過今次要再食個返尋味。因為份量係算大，材料係吾錯。男朋友點左個牛肉芝士漢堡，塊漢堡都好juicy同好牛肉味重。食得出有ＨＥＡＲＴ整，吾係亂黎求其就算。配埋薯條就真係MＡＴＣＨ到爆。美式bbq汁豬肋骨豬肋骨有兩大舊，配埋薯角仲有沙律菜👍🏻。好易就令肉同骨分離，配上bbq汁酸酸甜甜令人好開胃🤤薯角份量好多。…查看更多

吃到飽😋大鴻輝中心樓下已經排晒隊…等左5分鐘左右先上到去，一開門已經見到好多人排隊準備入坐，不過職員都應該好熟手，好快就安排晒所有人入坐。用qr code 落單。肉類好多揀，澳洲和牛M5牛肩卷肉質柔潤帶肉香，可以任點吃到飽很奢侈啊，我都追加左好多好多次。牛媽秘制滷大腸好食，滷得幾濃味。打邊爐當然要配啤酒，見到佢新推岀的手工啤落水流花，好似吾錯，充滿花香很好入口，冰爽暢快。吾會好似其他啤酒得個苦味，易入口！蟹籽墨汁漿和澎湖花枝漿Q彈鮮美，good。牛胸爽正，荃灣店先有，食落爽爽地，吾肥。海鮮方面我地點了鮮甜海蝦、私房鴨血，當然沒有令我們失望，很嫩滑好吃。當季蔬菜如水蓮、油麥菜、生菜等都有。我就最鐘意水蓮，佢個種口感好脆口好爽！甜點有Movenpick雪糕這個價錢有咁多優質肉品、新鮮海鮮和多種類食材，性價比超高😋 難怪人氣高企，個個都話要再黎多次！…查看更多

隱世居酒屋經朋友介紹底下呢間隱世居酒屋而價錢親民又性價比高之後，一於就同男朋友去食下。餐廳裝修簡約，感覺都浪漫舒服，食完可以慢慢傾。叫左幾個野食。古今日式餃子日式餃子皮薄，煎得剛好又不算油膩，吾錯。日式麻醬秋葵豆腐豆腐夠滑，秋葵粒又健康，fresh。 午夜牛郎外面炸左，外脆內軟的壽司，口感特別，配上他他醬，好食。黑豚荔枝卷串燒荔枝包住䐁肉，肉同荔枝一齊食，好清新幾好味。壽司薄餅真係有驚喜，餅底原來是炸過的壽司餅，餡料有三文魚和吞拿魚同蟹籽等加千島沙律醬，好食。三文魚頭湯呢個湯係要大約半個鐘既時間黎煮，慢工出細火，真係幾正！魚湯亦會配上黃芽白、豆腐、蘿蔔等等。魚湯奶白色，胡椒味較重，飲落去好惹味同好暖身。…查看更多

抵食浪漫西餐週年紀念食咩好，男朋友已經準備好晒話去荃灣既西餐廳浪漫一下，佢話呢間餐廳煮既野食好有heart，同埋價錢公道。餐廳微暗嘅環境，適合情侶約會，見到佢有即影即有既相架，佈滿幸福開心既氣氛。前菜有鐘意食既薄麵包，脆脆嘅口感，好明顯係即時整。配埋黑松露牛油，口感順滑，配埋脆多士係perfect match! 忌廉薯蓉湯半生熟吞拿魚沙律個個口感好特別，佢整到吞拿魚邊有熟既感覺，加埋沙律，黑醋mix埋幾好食。帶子意粉，大大粒帶子煎得不錯，意粉口感仲好有彈力，岩岩好！好食！自家製安格斯牛肉漢堡包 材料好豐富好新觧，好大個，想一啖過係吾得嫁…牛肉鮮嫩，配上其他醒胃配料，酸瓜，青瓜，蕃茄同醬，更突顯牛味。額外仲有薯角同洋蔥圈，絕對性價比高☺️。colorfulswanstrawberry&guava …查看更多

去觀塘搵野食既我地通常都係去亞太中心食野，呢棟野都係最好既選擇，包羅萬有，想食咩都有。去淥鼎記食酸菜魚多，今次打下邊爐，食早埸5點半，一開門都已經見到好多客人已經係門口坐緊等緊位。職員都好熟手咁好快安排客人就坐，順便比埋QR CODE 佢地自己SCAN落單。淥鼎記座位算係寬敞、火鍋放題選擇多，佢既食材符合衛生標準，因為見到全部都有蓋封住。淥鼎記套餐有三款選擇，而我地今次選擇中等級別的堂主套餐，湯底選擇花膠美人鍋，花膠同數量大方，養顏一流。肉類、海鮮同熟食：海鮮有廣島蠔、沙白蜆、海蝦、脆肉鯇魚片。肉類方面有美國SRF 和牛、安格斯牛肩胛、紐西蘭羊肉、鹿兒島黑豚、雞及其他選項。熟食方面有鹽酥雞等等， 今日黎講，佢嘅選擇可以，質素都吾錯，雖然每一次食物嚟到嘅份量都好少，不過出餐速度快，員工態度幾唔錯，整個用餐體驗都係幾高興。…查看更多

必食招牌軟殼蟹多士九龍城多野食，經過發現左一間好懷舊FEEL既冰室，但佢個餐牌一D都吾OLD SCHOOL，仲幾新潮。晚市小菜套餐有好多款，$70至$90元跟老火例湯，白飯及熱飲，好抵食。例湯~除了有蕃茄薯仔紅蘿蔔外，還有雞肉，清甜而沒有味精，好正！我們叫左2個小菜，士多啤梨骨同西芹炒豬頸肉同軟殼蟹多士。士多啤梨骨聽個名都覺得幾有趣食。落酸酸甜甜，肉質夠”lam”汁醬仲可以撈飯食，好開胃整體覺得都唔錯。西芹炒豬頸肉健康之選，又有豬頸肉，好有家庭feel既餸。招牌軟殼蟹多士菠蘿包無晒可以轉左做多士。軟殼蟹很大的一隻，炸得外脆內軟，蟹味很濃，仲有菜和芝士，多士吃起來口感挺豐富，軟殼蟹好食，而且價錢$45only就大大件，👍🏻。簡簡單單兩個人嘅晚餐，期待下次試吓佢唔同嘅餸。…查看更多

小菜煲仔飯都可以外賣😋行過見到有外賣煲仔飯食，好似幾吸引，天氣又凍，又好耐都無食過臘味，於是就叫返幾個小菜同煲仔飯返家食。叫左一個煲仔飯，兩個餸同兩個湯。臘味鴛鴦腸煲仔飯煲仔飯食得多啦，我覺得呢到既煲仔飯都幾正，第一次外賣煲仔飯都keep到好食。臘肉濃味，鴛鴦臘腸好重香油味，尤其是潤腸外脆口感，淋上香甜豉油，飯粒分明，好食。鮑魚花膠尚品煲材料豐富～花膠、鮑魚係重點，炆得軟腍入味，吾會外賣但質素下降，另外仲有魚、帶子、魚肚、魷魚、冬菇、豆卜、西蘭花，成盒滿滿的。椒鹽骨好香既椒鹽味，帶小小辣，鑊氣好夠，煎炸到金黃色，就算返到屋企食都吾會好淋。青欖螺頭燉赤肉 唔好畀呢盅湯黑蚊蚊的顏色嚇到，都幾好飲，甜甜地。杏汁菜膽燉白肺燉湯奶白色好吸引，有豬肺、瘦肉、香甜滋潤。…查看更多

真. 羅宋湯為左要準備聖誕禮物FOR公司抽獎，去MOKO到行下，食下野，去左呢個餐廳羅宋湯專門店食個晚餐～叫左兩個餐，撈麵套餐同廚師套餐。海派羅宋湯 (牛腩) ，加入牛腩作為材料，果然真係成個湯牛味重d，吾會得菜味，小小酸酸地，開胃。豬髀羅宋湯，第一次飲豬髀湯，有兩大塊肉，個味就鮮d，都係幾開胃。撈麵，吾錯呢個，上海麵好彈牙，吾會好淋，仲有秘制醬油，上色入味，甜甜地，加埋香口葱蒜更加可口。麻辣雞柳絲，呢個辣得黎好刺激，送撈麵岩岩好。🍔香煎薄牛扒脆豬仔包，香脆可口嘅牛扒豬仔包，其實有D似拖鞋包，餡料有薄牛扒，蕃茄，生菜，大大個。跟2杯野飲～…查看更多

地道十足酸菜魚天氣開始凍，食d辣野就岩晒🥵😍，不過食辣最好緊係外賣返屋企慢慢食。去左淥鼎記叫左兩個外賣推介，外賣左四人份酸菜魚，兩人份雞煲，屋企人再自備白飯，同可樂，正。等左十分鐘到就準備好，勁大的兩大兜😋😋雞煲叫左小辣，都幾辣幾惹味，好足配料，洋蔥🧅，芹菜，蔥頭，辣椒🌶️，等等，連埋好多雞件，成個雞煲都好香，雞件吸晒味，食落有好正既香辣口味，用黎送飯一流，同堂食冇乜分別。酸菜魚呢個正，好地道既味，又辣又酸，勁多辣椒同酸菜，成條大魚既份量，所以勁多魚，好滑 最正係零骨，仲有個大魚頭，可以慢慢損黎食。配料有寛條，蓮藕，萵筍，芽菜，滿晒成兜，個湯都好正，濃郁又香。…查看更多

外賣好味😋pancake 係the one 食完lunch，見到呢間鋪頭既甜品pancake好吸引咁，就同同事每人一件，外賣返公司試吓。等左五分鐘就新鮮整好左俾等我哋。我哋嗌左石板街pancake同雜果朱古力pancake。石板街pancake有三層朱古力pancake，中間夾住一層吉士醬同cream，上面有士多啤梨🍓，朱古力，nuts。因為係朱古力味pancake，加埋小小朱古力醬，味道吾會太甜，岩我口味。雜果朱古力pancake呢個係牛油pancake，有三層，中間夾cream，頂係雜果，有芒果，士多啤梨，橙，奇異果，藍莓，綿花糖同心心啫喱，色彩繽紛，食落都好豐富，好香牛油味。…查看更多

荷蘭🇳🇱fine dining 😋見到餐館佢好燈光好浪漫，好有Fine Dining既感覺，坐低無耐就有職員推介佢地招牌，職員好NICE 好細心咁介紹新鮮食材。餐廳因為新開鋪既原因，就送左個頭盤係荷蘭既小食併盤，有豬肉腸但片上，餅乾，羊芝士，果仁，好開胃。荷蘭新鮮野生生蠔 – 食落去好彈牙，好有口感。偏咸，吾單止咁，佢仲加左小許既青瓜絲變左成件事既鮮味提升，加上原來生蠔配Sake 係好夾! 荷蘭燒烤豬排意大利拖鞋包 – 個名好鬼正，呢個菜式諗法係跟澳門既豬排包既一樣，不過當然呢到好食好多啦，個舊豬已經值回票價，加上佢個BBQ醬加埋炒洋蔥，好好食!! 荷蘭新鮮藍青口 – 青口好新鮮，無腥味。加埋雜菜撈埋一齊，仲有白酒，少少奶油白汁。我平時吾食青口都比佢吸引到！低溫煮A4和牛 – 質素已經吾會有問題，食既係廚師既功夫同刀工！和牛既厚度合當，熟既程度剛剛好。完全帶出和牛精華！飯後甜品，當然要係食荷蘭傳統的迷你pancakes同Apple Crumble!Desserts 方面好岩我呢D吾鐘意食太甜既另類人。食得出廚師好有熱情，每樣野食都整得好食😋…查看更多