Yggggg62的个人专页

已經唔多客，仲要等成個鐘。落單個陣同我講肯定唔會等。以為好好味，點知普通茶記兩分鐘出既餐都好食過佢。網上真係吹得有夠大，啲人係絕食左好耐無食過好味既嘢？一日心情無曬。…查看更多

星期六係將軍澳運動場打完波，經過呢一間唔多起眼嘅茶餐廳，裝修懷舊，滿滿人情味✨✨嗌咗個雙拼牛腩雲吞河粉連凍檸茶，盛惠55元，價錢合理。侍應姐姐一放低個碗，即刻嚇一嚇，份量十足，已經好耐未係一間粉麵店見過咁足料啲牛腩半肥瘦，有咬口，絕對唔輸出面牛腩店。最欣賞哩間啲雲吞，皮薄餡多，有肥豬肉同鮮蝦，口感更佳，加埋潮州辣椒油，一個字，爽！好少會寫食評，但係香港傳統茶記越來越少，出邊大多數大集團經營，希望香港傳統文化繼續承傳，支持多啲小店。…查看更多

真係唔可以睇Openrice既comment黎決定一間餐廳好唔好食！留好評個D個個收幾多錢黎定成世無食過好食既嘢？價錢係平既，但係真係好難食，麵線同雞飯一樣不知所謂。最好食既係碟生菜，同我屋企自己整一樣味道，呢點抵讚。無病既大家就唔好黎試啦～With no doubts, it wins the worst Taiwanese restaurants award. Congratulations! You made it!!…查看更多

見網上評分幾高，所以諗住黎試下，點知真係失望到極點。雖然見到有評論講過呢間好似桑拿房，做好曬心理準備，但係真係搞唔掂。雖然好貼心有提供無限紙巾俾你抹汗，同埋有涷水，但係係一個三十幾度既天氣下，焗係一個迷你空間食拉麵，再幻想係一個人逼人既狹窄環境入面，已經唔係一間一般既桑拿房。地下有積水又唔拖，一坐低檯頭又有蒼蠅，衛生麻麻。味道非常非常一般，性價比極低。結論，如果你享受一邊焗桑拿一邊食拉麵，歡迎一試。…查看更多

聽街坊報料 屋企樓下街市新開左間泰國菜 今日放假梗係要落去試一試 點知原來係外賣小店 有少少失望 唯有夜晚買返屋企食野食選擇都算多 睇相好多都好吸引 最後經店員推薦就買左佢哋嘅招牌豬手 菠蘿海鮮炒飯 同埋香茅豬扒 豬手真係值得一讚👍🏻👍🏻👍🏻滷得好入味 好淋 入邊啲咸酸菜又好開胃 連屋企老人家都讚菠蘿海鮮炒飯都唔錯👍🏻👍🏻個飯炒得好乾身 啲腰果好脆卜卜 小朋友最中意至於豬扒 略嫌咸左啲🤏🤏香茅味好重 不過不失整體黎講幾驚喜 下次會再黎試下其他 當加餸確實唔錯😋…查看更多