食家阿波的个人专页

身為一個港女,有返幾間好既日本餐廳旁下身是常識吧! 今次又搵到間唔錯既小店,回頭率非常高!因為樓下已經坐滿左，所以就上去上面個層,少少人方便傾計。一坐低就比隔黎位叫既”特級刺身拼盤”吸引左,有四款魚,大大隻牡丹蝦,仲有帶子同埋八爪魚,最最最吸精就係板海膽,連平時出名嘴尖既朋友都大讚夠新鮮!呢個刺身拼盤真心必食!另外仲叫左個清酒煮蜆,本身都諗住普通野唔會有太大驚喜,點知又真係幾唔錯, 蜆本身好有鮮味,湯清得黎又好夠鮮甜味,一粒沙都冇,加分!生蠔同刺身一樣都係最易中伏,見呢到D刺身咁ok,最後都係忍唔住嗌左”日本岩蠔”黎試下,一上既時候我地大叫左出黎,隻蠔竟然手掌咁大隻，好厚肉,食落超鮮甜, 一啲都唔腥！熟食我地就揀左”鰻魚蛋卷”,完全唔係求其冰鮮鰻魚再加大量現成鰻魚汁就收你幾十蚊個D, 佢嘅鰻魚好厚肉，食落好有口感總括黎講性價比幾高,刺身好新鮮,係西環黎講價錢真係相當抵食,終於明白點解唔book位係食唔到,絕對值得再黎!…查看更多

難得呢排冇咁忙唔駛ot，就約左朋友放工去觀塘The Wave既登堂到食晩餐。餐廳燈光暗暗地，環境夠大夠寬倘，又有live band，最啱收工嚟chill下。首先叫左個龍蝦湯，好creamy，好香濃嘅龍蝦味，好有水準。小食叫個薯條share食，薯條炸得好脆，面頭落咗勁多芝士，啱晒我地呢啲鐘意食芝士嘅人。Main course叫左我地最期待嘅Beef Weelington，外面蘇皮好香脆，裏面嘅牛煮得啱啱好，中心仲有係紅紅地，食落肉質好嫩滑，連埋外面香濃牛油味嘅蘇皮一齊食間直無得彈。嗰晚唯一美中不足嘅地方就係聽到啲廚師係入面有啲爭執，因為係open kitchen，望到佢地好大聲又講晒粗口咁，騷擾到出面啲客人。原本想靜靜地chill下嘅夜晚比佢地ruin晒，就同其他職員要求調位，d staff 都好好人幫我地調，之後傾多陣就走嚕…查看更多

係西貢食早餐，入咗呢間用柴犬做主題嘅Cafe， Cafe入邊好多柴犬嘅裝飾好得意。話明Cafe，佢啲咖啡好好飲，杯拿鐵仲有好得意嘅柴犬做裝飾。佢啲窩夫幾好食，唔會太乾，仲有自家製嘅菠蘿jam，好多果肉，好鮮甜一啲都唔酸。…查看更多

突之間好想食印度野，就梗係去重慶大廈，想上去7樓嘅咖喱王。呢間啲服務態度其實好差，但係佢嘅芝士薄餅超好食，再點埋咖喱，咖喱可以叫小辣，好正宗好好食。叫咗酸奶，好似yougrut 好creamy，好濃郁好飲。…查看更多

返工前同同事出去食早餐，我叫咗個好健康嘅牛奶麥皮配火腿芝士三文治。佢個麥皮加咗花奶同埋煉奶，好香滑好好食。但係凍鴛鴦唔太好飲，因為佢溝嗰個咖啡比較苦，下次都係飲返凍奶茶。…查看更多

心血來潮好想食泰國嘢，同朋友去咗九龍城食小曼谷。叫咗咖喱雞，再叫蒜蓉包黎點咖喱，蒜蓉包好香脆，咖喱好香，唔太辣。魷魚好新鮮，入面嘅糯米飯好香，一啲都唔靭。食泰國嘢一定飲泰式奶茶，好香茶味唔會太甜。…查看更多

係西貢玩完再搵左間餐廳坐下食dinner。呢間餐廳半開放式，好chill好舒服，仲可以玩美式桌球。佢個無問題burger真係幾好食，肉醬意粉都好多肉碎，份量夠大。單係啤酒已經好多可以揀，而且幾好飲，杯青瓜cocktail就難飲啲。…查看更多

Weekend同另一pair 情侶去左西貢double date。嚟咗呢間Tikitiki Bowling Bar，除左可以錄零仲可以食埋野同叫啲酒飲。我地玩1個鐘，叫咗雞翼同番薯薯條，兩樣都炸得好脆。番薯薯條好好食。再飲埋啤酒真係好爽。…查看更多

尋日約左朋友去食牛角放題，好彩我哋book左枱，如果唔係有排等因為超多人排隊。我地揀左3號。唔知係個日啲料唔新鮮定點，我發覺啲牛冇牛味又韌，反而係佢啲飯好食，咁其實唔洗食放題。牛角啲牛唔好食，唔明點解咁多人去。…查看更多

尋日自己一條友去左食shake shack，叫左佢最平嗰個shack burger同埋milk tea milkshake。雖然shack burger好普通但係啲料好高質，中間嘅牛肉好香牛味，生菜同番茄好新鮮。奶昔本身以為係港式奶茶味，但原來飲落似係好香濃既英式breakfast tea多啲，好細滑好好飲。…查看更多

同friend去西貢玩完夜晚再一齊食糖水。西貢嘅滿記點品係佢嘅第一間分店，啲嘢特別好食。芒果班戟同芒果白雪黑糯米嘅芒果都好甜。仙草芋圓好足料，但係芋頭雪糕食得出係維記。芝麻糊好細滑，配嘅花生湯圓有啲普通。最特別最好食係杏仁腰果燉奶，果仁好香好有口感，燉奶好細滑，正！…查看更多

同朋友去大館行下，經過見到呢間好靚嘅花茶店，就入左去。店員好好招呼，比左唔同既花茶我地試。全部都好清香，朋友買左支洛神花冷泡茶，玻璃樽裝住好靚，上面印左好靚既花同佢嘅logo，飲完可以留返個樽。…查看更多

Paper Moon係一間係尖沙嘴海港城嘅意大利餐廳，直落玻璃對住個海可以欣賞到維港嘅海景。今日同男朋友嚟慶祝拍拖周年，對住個海撐檯腳。餐廳一開頭送嘅麵包好鬆軟，點埋黑醋同橄欖油仲好食。Pizza好大份，即叫即差即焗。叫咗杯好refreshing嘅mocktail，有好清新嘅西瓜汁，又解渴又清熱，啱晒而家啲咁熱嘅天氣。最後甜品我地叫左個朱古力心太軟，碟上用朱古力醬寫左Happy Anniversary，食落外脆內軟，一切開朱古力醬就流出嚟，朱古力味好香濃配埋香滑嘅雲呢拿雪糕好好食。…查看更多

朋友咁啱嚟我公司附近，就約埋一齊食個tea，去咗D2 Place地下嘅Little Break。我地一人叫左一個pancake，味道ok啦~野飲好啲但係綠茶latte嘅綠茶味有啲假。不過幾好坐，好啱坐低慢慢傾下計咁。…查看更多

同朋友係中環食完飯去飲野，嚟左呢間係大館既酒吧Dragonfly。酒吧出面有live band，略嫌太大聲，連入面都聽到好大聲。酒吧入面唔係好大，裝修設計得好靚，好似好多蜻蜓係天花咁，藍色綠色燈全部都整得好仔細。每杯cocktail都好靚啱晒我地攞嚟影相。第一杯好有berry味，第二杯好清新，好適合而家咁熱嘅天氣。…查看更多