hehehaha93的个人专页

前幾日去咗龍袍食飯 覺得呢排天氣開始轉涼又乾燥, 個人dry dry地, 所以係時間叫咗個湯滋潤下 睇相都知夠囇足料 又夠味 唔係出邊街溝咗水個d(真係好離譜). 所以佢地個湯嘅性價比真係幾好。仲叫咗豬蹄同埋叉燒，豬蹄煮到夠囇入味，d叉燒又唔會乾 ，係我中意嘅半肥瘦叉燒。成餐飯最美中不足嘅就係d甜品賣囇，希望下次有機會食到。…查看更多

近排天氣熱到頂唔順，呢間酒樓冷氣都啱啱好，環境都好大好舒服👍🏻，我同朋友都坐咗好耐。我地叫咗幾樣點心，例如燒腩仔同埋蝦餃。佢呢到嘅燒腩仔真心幾好食，平時屋企樓下間酒樓嘅燒腩仔一係太肥，一係層脆皮太硬，但呢間嘅就脆得黎個皮又唔會太硬，啲肉都唔會太肥。另外佢個蝦餃皮都唔會太厚，啲蝦食落都算新鮮，朋友都話近排好似好食咗。而且坐得耐都唔會迫你走。下次喺銅鑼灣行街可以再食！…查看更多

同媽咪去睇舞台劇，完咗之後勁肚餓，所以過咗嚟食。叫咗媽咪最鍾意嘅炒秋葵，真心想知道到底點樣炒嘅😂😂我係屋企整嘅時候整到勁林，一pat pat勁難食。但喺度食佢哋又炒得好香口，又唔會過分淋😍另外叫咗啲點心，見到張相呢個鮑魚燒賣好似好好食咁，媽咪都幾滿意，不過對我來講最好食都係呢個炒秋葵😂😂值得一讚嘅係呢度啲枱同枱之間相距都幾大，坐喺度食嘢都幾放心，唔會覺得同其他食客好迫嘅感覺👍🏻👍🏻👍🏻…查看更多

以前番工一直都唔知原來上環都有DELUXE 咁岩今日又未食早餐 即刻去買個麵包填填肚 一去到即刻俾呢個大包吸引到 超長超大個 同出面而家D空氣麵包唔同 好足料 價錢仲要唔貴 即刻買黎試下 係出面好少見呢款 我都係第一次食 味道唔錯 好有口感 每食一啖都好滿足 Although唔係話超好食 但既價錢咁既質素 值得大家一試 算係一個 good morning haha…查看更多

琴日又同屋企人去食晚飯，好掛住佢啲小籠包，今次嗌左兩籠，仲有糖醋排骨，上海粗炒同紅棗拉糕, 啲小籠包都仲係咁皮薄餡靚，入面啲湯仲會滲出嚟。個糖醋排骨都好好食，啲山渣好香入哂味，真係好開胃，之後個上海粗炒就有少少乾但配其他餸一齊食都ok, 個甜品就真係一定要食，好香紅棗味，最中意佢個qq 嘅口感，我地食完之後個侍應仲問我地參吾參加下禮拜個水煮龍蝦比賽，贏左有成三千蚊禮卷…查看更多

今日放假同左幾個朋友去左唐宮小聚食野，班人成日一係食日本野一係就韓國野，冇黎新意，於是我就拉左佢地成班去食下中菜。唐宮小聚同普通中菜好唔同，佢入面ｄ菜式好多都唔跟傳統，整得幾潮下，所以我ｄ朋友就跟左我過黎食。我地成班人好似幾日冇食過野咁，一去到就係咁嗌野食，好似唔洗睇價錢咁。Ｄ野上菜又上得幾快，望住ｄ菜式一個個係咁上，我地好似成班餓狼咁一秒清曬枱上ｄ野食。我發現間餐廳ｄ野食都幾新奇幾有驚喜，我貪過癮嗌左個甜品“冰皮壽桃”，外皮好似冰皮月餅一樣咁涷，咬落去完全係透心涼，入面仲有好香既榴槤餡tim，岩曬我呢ｄ榴槤粉絲！我個人最buy既都係呢個蟹，入面有成一斤半既蟹肉，Ｄ蟹肉咬落去好Juicy，又夠甜美又好食，下次再同一班朋友黎既話都會再嗌！…查看更多

海南雞飯一向都係我既至愛今日心血來潮就黎左呢到食下午茶試下佢地海南雞飯一試之下發現呢到既海南雞飯都幾有水準先講下D雞 嫩口又有雞味 而且肥瘦適中 份量亦都唔算少另外個油飯都非常之好食食開海南雞飯既都知道油飯先係靈魂所在而佢地既油飯香得黎唔太油膩而且粒粒分明整體黎講$48既海南雞飯有呢個質素十分抵食 …查看更多

今日同幾個朋友一齊食飯，有一個啱啱喺外國返黎，所以特別想食中菜，碌咗好耐openrice，見到有間嘢叫唐宮小聚，賣啲新派啲既點心，見幾特意我地就一齊去左試啦。一行入間鋪，就見到張好大既兵乓波枱，都幾有特色。松露香菇$49一咬開好香松露味撲鼻而來，如果鐘意食松露味既嘢食真係唔可以錯過。陳釀醉蟹$69用左陳年花雕酒同話梅浸泡，好入味又充滿酒香，入口啖啖蟹黃，真心推介!  黑金流沙$49姐係流沙包，但係好靚，啲流沙亦都好香咸蛋味。 金魚戲水$59 其實姐係川汁雙色皮蛋，擺到好靚好似兩條金魚咁，啲醬汁好入味。…查看更多

之前食過“唐宮小聚”都覺得啲野食幾唔錯，所以今次特登訂枱同屋企人慶祝生日，等左陣就好快可以入去。今次就叫左好多野食，因為依間餐廳既野份量都唔係好多，細細碟。之前冇試到佢地出名既乳鴿，所以今次特登叫，燒得好靚，細細隻，不過好有肉汁。佢地既前菜同點心，整得好精緻，賣相好吸引，好多你估佢唔到既野，幾有驚喜，例如竹碳流沙包，好好食，好似爆漿咁勁流心。另外仲叫左猛虎咬豬、椰皇燉雞、擔擔拉麵、脆蝦多士、火焰菠蘿、冰皮壽桃。每碟菜都好有水準，又香。仲配埋茶，所以都唔會覺得油膩。樣樣都好好食，價錢都唔平。因為生日飯食貴少少都冇所謂，食生日飯唔一定要食西餐，依間中菜都食得我地好滿足。…查看更多

新開的自助晚餐，種類繁多，無論刺身定肉類都好新鮮，價錢方面係三星級酒店餐廳價錢，但食物質素拍得住五星級的享受，必食的有肉眼扒，龍蝦，生蠔，和即炒 MOVENPICK 炒雪糕 🍦 服務態度超好，同我地傾計，介紹我地有咩好食同講解食物的做法，收碟收得勁快。讚👍真心正！ …查看更多

前幾日母親節，我地屋企就後補，因為周街都係人排隊，我同屋企人最後決定上openrice搵野食。見到湘川滬好似幾多款式，可能我地太遲去到很多人排隊等位，等做30分鐘先可以入座。我地三人叫左2籠小籠包，正宗四川擔擔麵，仲有瑤柱賽螃蟹！上菜好快，無耐就黎齊晒，食物質素同味道都吾錯，但量就少左啲。最推小籠包, 皮很薄, 。夾起都唔易爆，成粒放入口，湯多一咬即爆汁，味道剛好, 餡料鮮甜, 再配上充滿薑絲的香醋汁, 很完美的！而且環境都坐得幾舒服，我地屋企人可以傾下計，唔會太迫，而且擔擔麵味道夠濃，所以食起身湯麵味道一起，唔會分開！好鐘意，因為我本身都好重口味，所以覺得可以再辣d.媽咪同爸爸都食得好開心，雖然遲左慶祝，但係有開心的母親節就得啦～～～…查看更多

之前一直都有留意同幫襯Deluxe Bakery，原來DeluxeBakery最近搬鋪了，二話不說即刻再幫襯，睇下佢搬鋪之後仲有無保持水準先～鋪頭實在太多種類ge甜品, 包括有西餅、曲奇、蛋白餅等等,今次最吸引我ge反而係藍莓乳酪蛋糕, 主要原因當然我係藍莓fans,希望可以試多d藍莓ge甜品～藍莓乳酪蛋糕配搭比一般連鎖店較出色，一般連鎖店只有藍莓再加CheeseCake，但呢度ge藍莓乳酪蛋糕唔單止有藍莓, 仲配上藍莓果醬,仲有原粒藍莓同士多啤梨，配搭新奇，而且蛋糕唔會太實。不過食起上黎會有D甜，始終有乳酪味、藍莓果醬、又有藍莓，建議藍莓果醬可以少D,食起上黎就唔會太甜同太滯～…查看更多

最近瘋狂愛上藍莓，所有甜品都要點藍莓味的。有次朋友到訪我家，就帶我一件佢屋企附近餅店既藍莓tart！賣相非常討好，而且藍莓大粒又甜又多味！如果tart底再加多d 吉士就更好啦！…查看更多

前排長洲搶包山, 見到佢facebook推出左個包山幾盞鬼咁, 就約左屋企人一齊去應下節呢間唐宮小聚之前都有食過一次, 不過係中環分店, 尖沙咀呢間就未試過,聽講呢間有d係中環無既點心, 例如呢個包山就係得尖沙咀先有,所以我今次就黎潮聖下呢到環境比中環更大 , 坐得都好舒服, 岩哂放假一家大細黎飲茶!我地去到即刻就叫左包山, 點知一黎到"咦 得5個包既,唔係話有個包山咩"原來係叫左呢個包, 就可以借個迷你包山模型影相, 好彩佢唔係成個包山上, 如果唔係我都驚食唔哂咁我地就試左個包先再借個迷你包山影相, 呃下like 哈哈5個包上面印住 "型, 英, 帥, 靚, 正"好似象棋咁,好有創意我就即刻拎左個靚,因為岩岩蒸出黎, 熱辣辣, 個包好鬆軟, 佢入面包住青豆蓉, 甜度岩岩好, 食多舊都唔覺漏. 但呢個包山依家唔知仲有無了, 如果仲有, 我下次一定會再叫!…查看更多

好耐都冇post過啦!! 上星期上open rice見呢間d野好特別,d野食好可愛呀, 仲要近公司, 所以放左工就拉埋男朋友去 L Place試下。去到SocialPlace好似去左cafe咁~ 個餐牌好靚，雖然係食中國野，但好有種創新同小清新嘅感覺, 好中意佢個design酒呈醉雞, $68, 好中意啲醉雞揾個玻璃瓶裝住好特別 同埋啲雞好入味 我個人中意食醉雞 今之呢個幾入味 而唔係雞同醉既味係分開的, 加上佢啲雞好滑紫蓉豬豬, $29一個, 超可愛 不過切左一半先記得影相, 本人其實唔太中意食紫薯的，不過佢真係好可愛所以先嗌. 切左一半，入面好多紫蓉，唔似其他餐廳啲包咁少餡，不過我將啲餡俾男友，佢覺得好好食，啲紫薯味好濃, 不過好似貴左啲~玫瑰饅頭, $29一個, 之後黎左玫塊饅頭，又係因為好靚，所以一叫叫左三個,因為呢個係正嘅!! 本身以為係造型似玫瑰而已，不過食落去係有玫瑰味，淡淡的玫瑰香配上染上粉紅的饅頭,真係有種食緊朵花既感覺架 lol松露鮑飯, $119, 個飯入面有菇粒、松露同雞粒, 上面仲有隻鮑魚, 同埋係鮑魚汁炒飯既…男友好中意呢個, 話好野味咁, 但我就感覺一般啦~睇得出同食得出呢間餐廳係俾左好多心思去設計食物, 由食物外觀到味道, 都算係中上水準. 可惜同男友夾埋得2個胃,如果唔係都會嗌多啲食. 我同男友都覺得唐宮小聚係值得再去食的餐廳來的!…查看更多