cpa0707的个人专页

元朗新開，網上好多好評就唔抵得去試，一開門已經有bb family係度，今次我都有帶女去，Staff 都好友善移開枱椅。坐好就睇menu,Set lunch 除左丼飯，刺身，亦都有熟食牛扒，吉列豬扒......夏天對我黎講一定食魚生啦，叫左個$108 set:前菜有蒸蛋，漬物，沙律呢d就比較普通，有魚腩蓉、甜蝦、帶子、三文魚籽、仲有海膽，出乎意外之外咁鮮甜！全部都好新鮮，量多，性價比高，另外一個牧丹蝦雜錦丼，試左一舊火灸唔知咩魚，勁好食，整體係性價比高，係d飯少d咁囉。…查看更多

一早諗住係yoho mall食個好少少既早餐，就黎呢度，因為之前係分店食過lunch同tea都幾好，點知黎到元朗食早餐就中伏，Menu 其一 有「晨光第一炮」，咁佢無寫包括乜野，但見價錢係最貴$98，咁我就諗住係all day breakfast咁上下野，等左成15分鐘終於見真身，天呀，果少少野煮咁耐？成碟野好油，果兩條腸，菇又油又咸，炒蛋唔滑無味，連專門食牛角包既店個包都好差，入口唔脆仲要翻焗到燶左，$98我唔知食左d乜，味道唔好都算，連影張相呃下like都唔得，求其擺上碟，好老實，屋企煮同平價快餐店都好過佢，然後仲要加一，早餐食左$110 ，食完都唔高興…查看更多

母親節食好西 。一行九人，其實有兩個細既🤭，點左兩個豪華2人餐，一個再多d野食既母親節餐🥰。一坐低就送上兩碟新鮮炸魚皮，仲係熱辣辣脆卜卜既💢，訂坐時睇menu 價錢本來覺得係蒸海鮮黎講係偏高既，但當佢拎出黎蒸，然後係咁食既時候就知道佢係值既，大大隻，重秤唔在講，龍蝦，膏蟹，奄仔，聖子，貴妃蛑，鮑魚，元貝..............好忙，太多唔知食乜，又要湊住個女‼️另外仲有南瓜🎃，秋葵，安格斯牛，黑豚肉，我撩埋d蟹膏去煲個南瓜粟米粥，Sorry, 我愛死了果重甜味😍海鮮新鮮係必須既，多膏肉厚，鮮甜，海鮮就係要呢d，呢餐💰抵比👍🏻🎉最尾食埋生果🍎🍊。雖然叫左6人餐，但都7個大人食到飽哂，兩個小朋友食到飽（因為再點左兩個烏冬佢地食😅）。呢度店員好好，好細心，（我相信係老闆娘吧），可惜我女痴身人地一抱就喊🤣🤣，知我地有bb有小朋友提我地掉位安全d,收搭枱面各樣都好快手，抵讚👍🏻。唯一唔好就係本身鋪位比較細，唔太多位，Bb 無high chair要自己抱😅，大人就辛苦d…查看更多

難得一遇幾好食既茶餐廳早餐🥣平時貪方便泊完車就去泰興，咁岩無位就轉位彎去呢度，丹麥多士🍞，大大份炒蛋🍳，略厭今次唔夠滑法蘭克福腸,本身唔鍾意食廚師腸覺得好咸，轉呢度岩哂，船長辣肉醬通粉，之前見人地果d好吸引今次就點左，係意式茄醬加上辣味肉碎好好食🥰,奶茶都唔錯幾香滑。雖然都係早餐都係多士腸蛋通粉，但轉哂唔同款有誠意好多☺️☺️ ，多選擇，有辛辣麵啦，意式蕃茄湯底，濃湯湯底，一太清早仲有早晨快線特價餐$21，超級抵。呢度夜晚係做打邊爐所以枱面好闊落，變相坐位好窄，帶埋bb就辛苦d…查看更多

之前已經試過唔同味既扮清糕系列，今次生日就試下我至愛既櫻花🌸櫻花🌸蛋糕🎂$368，好靚呀😍😍。外型已經好高分，插上一支支既棉花糖🍭及豬古力,加上顆顆大小不一既「珍珠」好優雅💜，食落其實都幾硬要小心入面既白桃味好清新，略厭肉太少，淡淡既忌廉，如果鍾意食厚身既呢個唔太適合。呢個價錢性價比係低既，想靚想影相無誤，食味道呢個價可以有更好既選擇。佢另外有一個富士山造型好吸引，買滿$300可即時做會員，下次買野可以9折喇 …查看更多

因為生日朋友帶左我黎呢度，晏晝食海鮮都幾豪氣。Shake shake 海鮮可選3、5、7款。店員主動問我地駛唔駛影相，之後細心幫我地拆袋，繼續幫我地影相，今次選左5款：小龍蝦🦞、長腳蟹🦀、螺、蜆、八爪魚🐙，配上黑椒洋蔥牛油汁，好白好creamy,加上少少辣味開頭諗住得5款海鮮驚唔飽，估唔到每件都算大，而且好新鮮，肉質彈牙另外海鮮藍入面有埋粟米🌽、薯仔🥔同德國腸，其實食完都飽飽地，另外叫左個蒜蓉包，係咁吸吸吸哂d汁，好正呀💜另外點左蟹餅，係我食過最多蟹肉既一間😍😍😍 ，生日甜品點左french toast配上豆腐雪糕，但麵包略硬左少少但綜觀都係好食架…查看更多

Nice lunch👍🏻 ,一直想試呢間，但成日覺得好吊腳，今次終於黎左試，Set lunch$48-$99不等，個人認為價錢西餐黎講都算平餐湯濃郁帶蕃茄酸味好開胃，麵包香脆，係我杯茶😍😍，點左蜆肉意粉好彈牙，蜆肉亦好多仲有青口，味道偏濃，朋友既carbonara好creamy,但煙肉比較咸🤨，Mocha用玻璃杯上，個人覺得透明杯裝上熱飲係好賞心悅目🎈但整體食物係幾好既，帶埋bb去，店員都好樂意照顧bb需要，店內有提供bb椅👍🏻…查看更多

去完Aeon同一田買餸就去個快lunch,Set lunch有豬扒，酥炸雞腿等等7款選擇，最後揀左鹵水雞翼便當，外觀似足鐵路便當，有鹵蛋，粉絲，濕米，椰菜，辣既酸菜，略厭白飯較少，只有薄薄的一浸，午餐包一杯台式飲品，有3款選擇，凍茉香綠茶$54,味道偏甜。…查看更多

一直都想試呢間泰式fusion野，終於一試，但好失望，先來沙律大大條牛油菜，好明顯hea搣兩下整切都廢事切，食到成隻牛咁賣相好差，然後到主菜蟹肉炒飯，叫做比較好，炒得乾身，多蟹肉，有魚露同青檸好醒胃，另外朋友點既牛扒加左幾十蚊，但個樣成塊膠咁見都唔想食，可惜無影相，加錢點左單骨雞翼，炸到乾哂做一陣雪味甜品點了士多啤梨蛋糕，雪左好耐咁款成件都乾爭爭咁，但佢個signture cake椰子蛋糕的確好食，好多椰子肉，但總體黎講性價比低，同令我失望…查看更多

老老實實我係因為當初姜濤有份宣傳我先黎試下，係開門已經擺左好多龍珠紙板人，不過睇menu唔覺有佢既造型食物，只係插左張圖係食物上面，點左柚子西班牙豚肉溫泉蛋飯🐖🥚🍚，揀柚子就係為左減少對肉既肥膩感，好清新，而且豚肉切到好薄，食落好嫩滑，又唔漏，撈埋蛋汁好正呀😍，但厭飯太少，肉太多，我已經唔係叫肉片山飯，不過最唔好既係要係門口比定錢買野食先入去，呀，想入去坐低慢慢揀都唔得,睇得耐又驚阻住後面d人🤨，加埋一$8x,有埋麵豉湯覺得唔係好值，不過不失罷了…查看更多

見咁多人講路過就食下，哈，無人排隊，豉油辣油自己加，唉，最憎食假燒賣，即係魚肉燒賣呀，仲要$20 8粒🤧 ，加價加得好快下，我鍾意食茶樓既豬肉燒賣有蝦果隻。呢度既墨汁燒賣比普通既魚肉燒賣鮮味d,不過無乜特別，叫做無過濕會爛皮，對我黎講都係一粒粒用麵粉整既魚肉燒賣，有幾多魚吖😓 …查看更多

事源呢間梁記餃子係元朗多年無人不識，但我多次都係過門不入，因為門面太唔吸引，然後今次身痕去試下啦成日講到好好食咁，我好失望又失落呀😭😭😭。雜錦餃子勁多款，主要都係蔬菜為主少肉，我好buy既，粒粒都大粒飽滿，開頭食果粒南瓜🎃幾好食咁，但愈食愈覺得唔對路，全部入面蔬菜都過淋🤨🤨，我叫沙葛餃子就係為左食爽口但都淋既加左炸豬扒佢放埋係麵度又淋哂，正常都分開上吖，唔係駛乜要炸呢😭😭😭。然後個炸鯪魚球真係食到我抑鬱，一咬落去又係好淋，但又咬唔爛，想扯開塊皮都難，好明題唔彈牙，d魚肉好鬆，最後我兩公婆返到屋企狂灌水，勁多味精，我唔知佢出名在哪呀～亲～😙我諗係因為佢大粒又唔貴咁囉，$3x 碗又有野飲勝在職員們very nice,又係食人情味掛…查看更多

成日見人post呢間，話天然d,唔係果d化學珍珠奶茶同埋溝粉，今次揀左好多人推介既大甲芋頭鮮奶少甜少冰，$30，貴左d lor飲落啖啖芋頭粒粒，睇相都見到有成半杯，勁多果隻，溝埋真鮮奶覺得自己好健康，唔係飲化學野落肚yoyo🤘🏻 雖然貴左d,但又真係幾好飲，會再想試埋其他…查看更多

率先去左小蜂兒飲杯自家農場生果鮮製既熱香橙薑汁紅茶🍵，呢度主打純天然，好香橙汁味，飲到啖啖薑粒，如果冬天飲仲好，因為feel喉嚨興興地，同紅茶好配，加$38 換左套環保飲管🥤，想買好耐，今次的起心肝買左，因為包裝靚，仲印埋鋪頭名仲靚🤣🤣🤣終於有間鋪可以擺脫d珍珠奶茶化學物，唔怕糖尿請繼續飲🤭因為係呢頭返工，做埋會員，遲下仲有蔬菜同水果賣，岩哂純天然既我#南豐紗廠打個卡是必須的#今日情人節送左支花我🌷…查看更多

情人節怎能無豬古力🍫法國5星酒店西餅總廚係咪會好食d？賣相係靚既💜 ，呢盒係情人節出既款，5種口味，圓圓光亮既朱古力外殻包住入面既軟心唔同味，食落質地好滑，入口即溶咁餡有橘子，玫瑰🌹，茉莉，等等味道，但個人喜好都係成粒黑豬古力另下仲有兩件cake都好精美，好似藝術品，唔捨得食，我鍾意濃味，淡淡果香呢隻味道唔岩我口味唔係佢問題係我問題…查看更多