littlelala的个人专页

其實大家如果唔係打算去俾人呼喝又或者係受氣嘅, 就無謂去呢間嘢度, 坐响一個又熱又焗嘅一尺乘一尺嘅位, 食一碗浪費你食嘢quota嘅米線. 去到，有位，不過未執嘢，唔比坐底，係都要你出返門外面等。(好, 明白, 地方細, 阻住你傳菜又大家都危險, 好, 我出去. 但有一堆人等, 好唔好問一吓先後次序, 之後再安排入座呢?) 執好枱, 有人遲來先上岸, 講俾伙記大佬知邊個到先, 仲要俾伙記大佬好霸氣咁截住話: 我安排緊! 食物到嘅時候問係會大聲喝問係嘅邊個叫嘅. 剛才身旁食客因為伙記大姐查單再問先接收飲品, 就被盤問點解頭先攞嚟你唔應... 服務如此出色, 可能食物質素可以彌補呢~~ 不過兩秒後我知道我太天真太傻. 點咗一碗招牌豬扒四川薯粉, 大辣. 叫走蔥例牌唔走.... 而且碗麵個湯底係冇味嘅，好似一碗白滾水上面飄浮住啲辣油，將"水溝油"嘅狀態淋漓盡致咁示範咗一次. 啲應該爽口彈牙嘅薯粉佢可以係淋嘅，一夾就斷, 而且全碗粉都碎碎, 斷開一截截, 好明顯煮得太耐. 唯一件豬扒叫做正路啲, 都有兩件, 分量正常. 不過都係俾鬆肉粉殺死咗嘅肉質同埋食完勁口渴嘅... 今餐應該係鬼揞眼先會去咗食...…查看更多

午餐團購套餐, $38有一碗招牌火車頭湯粉或招牌海鮮喇沙湯粉, 再配椰汁紅豆冰或特色飲品, 抱住一試無防嘅心態去試吓.揀咗招牌海鮮喇沙湯粉配椰汁紅豆冰, 味道不過不失, 但亦冇值得推介之處. 除咗團購餐, 另外點咗小食拼盤, 咁就出事喇! 拼盤有2隻雞翼, 一件蝦餅, 幾隻去骨鳳爪, 薄薄數片豬頸肉同2件小巧春卷. 可能天氣真係凍啦, 應該有溫度嘅食物全部都係涼嘅. 豬頸肉冇味, 肉質太淋, 完全冇豬頸肉應有嘅爽口肉質. 蝦餅, 又係冇味嘅, 應有嘅蝦味欠奉之外, 連調味或者咸味都欠奉. 鳳爪就更精彩, 好味 - 好大陣雪櫃味!!!好難食!!!  $88個大洋一個咁嘅拼盤, 咁嘅食物質素, 真係冇下次. 不過都有抵讚嘅, 就係佢嘅梳打飲品係會原枝梳打水上.  不過唔會因為梳打飲品而再幫襯喇.…查看更多

從來不會對food court快餐抱任何期望, 但咖哩工房的咖哩吉列黑豚扒飯令人十分驚喜。首先, 米飯是用珍珠米而不是用普通白米濫竽充數, 肥肥胖胖的珍珠米有飯香而且彈牙 吉列外皮即使吸收了咖哩汁後依然有個性, 不用糊成一團粉漿, 不錯. 而最令人驚喜的是黑豚扒, 肉質十分爽口有彈性, 嫩滑. 而且肉汁豐富. 好味! 咖哩汁就是恰如其分, 味道剛好, 咖哩香味也不錯. 但因為黑豚扒十分出色, 相比之下, 咖哩汁就不算十分突出了. 最後一提, 份量十足! 四十多元的一個快餐, 這個飯可以攞滿分了. …查看更多

由彩福皇宴改名叫做譽宴. 環境依然華麗. 招呼亦有改善. 不過環境同招呼係食唔到入肚嘅呢! 以前彩福食物質素其實都只算一般, 不過價錢合理,份量亦足,尚算抵食. 不過今日去到譽宴, d 點心好似join咗瘦身公司咁, 碟碟都非常"精巧". 鮮蝦長春卷, 大點, 盛惠$23元, 得兩條非常瘦弱,可憐兮兮嘅春卷放上枱. 覺得實在太過份, 問侍應姐姐點解得兩條咁少, 佢先話應該有3條同埋換過碟新嘅俾我哋. 八味豆腐, 盛惠$38元. 得以前彩福份量一半左右, 而且一d都唔好味. 白灼唐生菜, 一咬就成口沙! 酥皮叉燒飽, 好似未熟咁, 黐牙㗎喎...鳳爪, 好耐未食過d咁"有咬口"嘅鳳爪, 而且又係唔夠味.稍為正常嘅只有雞扎同蛋包糯米雞. 不過又係成功瘦身嘅點心...7個點心, 兩個小食. 埋單$310. 話貴唔係好貴, 不過咁嘅份量同質素, 一d都唔係抵. 銅鑼灣大把選擇, 我執到錢都唔會再去! …查看更多