hemilayan的个人专页

今日突然想食燒味飯，因為成日行過，又見到佢個名深井燒鵝，就諗住試下呢間啦！點知去到第一時間比個疑似老闆娘既收銀嗌我啊姐都算，連睇餐牌時間都唔比就問我食咩，又唔係好多客，之後我叫左個燒鵝瘦叉燒飯，佢62蚊包飲品，咁我見佢包緊我外賣，就叫左個疑似老闆娘既收銀比左包甜酸醬我，見到佢西西地面。之後我番到屋企打開，哇，中伏，無蔥油無菜⋯盒野乾巴巴，食落原全無味，燒鵝又肥又多骨無咩肉，叉燒明明叫要瘦叉切得細舊仲有啲肥又係好乾，仲要賣成62蚊⋯仲做得仲差過街市人地啲燒味檔啊，陰公 真係唔會再番轉頭！…查看更多

話說本身諗住食佢10蚊生蠔既，我同男朋友一齊5點40分入坐，間餐廳唔係好多人，我地搵個位坐底左，個侍應叫我地坐多人個邊，正準備位置等人結帳離開之際，另一個同事又叫左另外兩位客人坐原本叫我地調個張枱，哈哈，啲服務呢！咁侍應又叫我地唔洗調喇，但拎走哂我地啲餐具無比番我地，然後我地嗌左個卡邦尼意粉同菠蘿雞粒炒飯，當然我就緊係有叫生蠔啦，當時個侍應就話6點先開始有得嗌，ok，咁我食住野等到6點先嗌，啲食物我認為都可以接受既，到6點10分嗌生蠔個陣，居然個經理行過黎同我講要食晚餐先可以用優惠價10嗌生蠔如果散叫要原價20蚊，我睇個menu都無列明要6點同點晚餐先可以嗌，咁個侍應點解唔事先聲明呢？餐廳本身無問題，係啲服務質素影響左間餐廳未試過嬲到寫食評，以後唔會再幫襯！…查看更多