ckayin214的个人专页

已經幫襯過呢間餐廳好幾次 每次都係特登過嚟食 只因食物有水準 尤其係燒雞🐓皮脆肉Juicy 😋😋仲有牛扒都超讚 🥩 佢唔係日本和牛嗰種勁多油脂食完超膩 呢度啲扒係美國牛 有少少咬口 但一啲都唔韌 仲好有肉汁肉味 加少少海鹽吊下味已經好足夠不得不讚嘅仲有老闆娘嘅服務🧑‍🔧我哋每食完一道菜佢都會幫我哋換碟同埋抹下張枱 乾乾淨淨先上下一道菜 仲有老闆娘又好傾又親切 而且呢度冇限時交枱要求 喺度食嘢完全放鬆冇壓力😌 好適合同朋友或者情侶慢坐飲兩杯傾吓偈🍻…查看更多

平時極少留負評，因為覺得餐廳即使服務唔夠好但食物OK，或者食物唔夠好但服務OK我都可以接受。但食物唔好兼飲食業基本嘅禮貌同服務都冇就真心唔OK....之前行過見到呢間 coffee shop，見佢主打咖啡同whisky好似幾吸引，間鋪睇落好似幾有feel ，OpenRice又高正評比例，所以bookmark咗，今日特登嚟試吓佢。一行五人，晏晝三點零鐘嚟到，staff話未有位，叫我哋門口等等，有位再通知我哋。我哋喺門口等緊期間見到好幾個人出出入入舖頭，等咗至少15分鐘，一直冇職員出嚟同我哋安排，直至我哋見到有張4人枱有人走，有3個吉位，於是我哋有3個人入去諗住問吓可唔可以坐低先，一入舖頭其中一個Staff就"接"左我哋一聲，聽完我哋話想坐住先，佢哋就話唔方便招呼5位....但之後又俾我哋其中兩個人去坐低先🤷‍♀️我哋見概然佢哋唔方便招呼五位一齊坐，咁我哋分開三個兩個咁坐都OK啦，咁我哋其中一個就諗住去join已經坐低左嗰兩個人，一入到舖頭都未行到個位，個staff已經話唔方便比佢坐低....叫佢出返門口等，但唔夠10秒又走出嚟問係咪想入去同嗰兩位一齊坐，我哋話係，佢又叫返個朋友入去坐.....去到呢一刻其實個感覺已經好差，真心想走，但一開始坐低咗嗰兩位朋友已經嗌咗嘢飲，唯有繼續坐，另外仲喺門口等緊嗰兩位朋友就繼續"等通知" (但明明舖頭就有多過兩個吉位...) 隔咗差唔多10分鐘先有個職員出去叫我兩個朋友入去坐🤷‍♀️🤷‍♀️我哋每人嗌咗杯嘢飲，有cappuccino, dirty同pour over。cappuccino 啲奶揀得唔好又off balance，pour over 揀咗台灣豆，bit watery又low aroma。dirty算係三種入邊最好。明白coffee shop可能想營造一種寧靜好chill嘅vibe，怕我哋會嘈，又或者你覺得我哋五位太大group，你可以一早同我哋講聲，我哋可以選擇分開坐又或者去第二間，而唔係叫我哋喺門口等，又唔理我哋，直至我哋主動入舖頭，你西口西面咁同我哋講你哋安排唔到五位。即使我哋願意分開坐，你嗰三位職員繼續黑口黑面對住我哋，好似我哋做錯咗啲咩咁🤷‍♀️真心如果你啲嘢好飲嘅，你服務態度差啲我都仲可以接受，但而家你啲嘢飲真係四個字"不外如是"，你又唔識安排客人之餘態度又差，如果唔係朋友已經落咗單，我真係唔明點解我要嚟受氣囉...真係不可一不可再😮‍💨…查看更多

試咗個川芎魚頭湯，好足料，好多藥材，個魚頭煲到綿晒，放入口會化開，一盅倒出嚟可以裝滿兩個飯碗。點心雖然唔算好平，但係大大件，食材又新鮮！最鍾意佢比較清淡，出街食飯都唔驚會唔健康😁😁已經食過幾次，一定會返轉頭再幫襯💛…查看更多