惱人飯堂的个人专页

一星期前訂位，去到正店，店員很有禮貌地帶我們5人到分店。坐位空間較迫，還可以，燈光暗一點。首次食指定菜單的火㶽，問明詳情，店員說一般夠飽。。。。的確最後係夠！對任食預計到質素一般，起初對指定菜式也抱有懷疑（香港人嘛）全部海鮮上桌時均是跳跳紮，連鮑魚也在跳舞～～ WOR底有點像粥水，但沒有任何配料，一人一隻鮑魚（唔細隻呀！），半隻花蟹，蜆／大蝦／瀨尿蝦／黃立倉2條／鮮尤／鯪魚滑／半隻雞／超彈魚旦／黑椒牛丸／一小碟肥牛（若是牛魔王就唔好考慮這裡）。其他也有粟米／冬瓜等少量菜最後經過2小時慢吃，真的非常滿足！員工將精華變成粥～～加埋蔥花！正呀！沒有太多調味料，只有蒜與豉油，小辣椒。。唔點都好好味。汽水飲品較貴，不包在內。（可樂十蚊罐）。但可叫清水！整體80分！唔想食放題，想要質素，我推介這裡！有圖有真相！看圖－－好味！你懂～（PS：當然自己買會平一點，但外出食飯就唔好比較啦！）…查看更多

下午1時入座，三桌客。汕頭街還是第一次去，原來已翻天覆地開了很多小店，當中以拉麵較多人排隊。星期日的這裡入場時不多人，誰知幾分鐘後滿座，仲有人門口等位。店坐位較密但還好，冷氣一般。裝修有風格，店員型仔有禮，第一印象不錯，與客人很多溝通。因方便之後看話劇而首次到訪，打開餐牌，價錢不算太費，招牌應是burger，咖啡。選擇頗足夠我叫了Classic burger, 朋友叫推介牛油果burger ，紅菜頭三文魚 salad.跟餐有湯同飲品。添了Flat White, Rose Tea and 蜂蜜XX茶。咖啡我不是專家，但味道很好，值得推介。其他飲品也不錯！不過出事的是漢堡。上菜時已看到漢堡較乾身，我剛巧叫了配上紅椒（大大塊果隻），蔬菜的水入補救了不少，但友人的牛油果好乾，要不斷加茄汁補濕。可能我不懂漢堡，但兩份的味道也未夠juicy，肉味剛剛到位但不夠濃。份量其實非常夠，還配有薯角。整體65-70分～～再juicy點就perfect!三五知己飲下食下又一粒鐘。聽聞平日午膳成條街都爆滿食容，有機會再來挑戰！…查看更多

最喜歡的上海排骨麵，一定要叫粗麵！今晚未夠7點到，最愛這裡的排骨甜度適中，又不能說上海味，但肯定第二度食不到。這裡的服務員好資深，永遠快手快腳～ 當然每次另上一定要點素雞，外型因像白切雞命名，冷盤食物其實係鮮腐竹卷到某個厚度，再配秘製汁，非常入味一點也不膩！在銅記想食得平少少又好味係好難，但呢間店名如其實～～美味！…查看更多

自問有7個胃就要來一試，友人介紹首次光顧，環境有點迫，招呼好快手。刺身種類繁多，不過唔似大喜屋有多特色款，都係離不開基本選擇，但夠新鮮。隨刺身外，有指定主菜只可以叫一次，有鮑魚同TORO，係虎蝦孤寒D，只有半隻並必與2人一起選擇，但toro質素佳，油脂適中！鮑魚貼金，味道尚可！羊架牛舌牛柳粒最好食！食刺身同壽司，串燒已好飽，竟然還可以SHABU Shabu~~，可惜8個大人的戰鬥力不及鄰桌2位靚女，未能應戰～～～食埋就覺得抵！全程最重要是任坐4小時，甜品只有一人一球雪糕，不包飲品。爐端燒同肉類質素係食到夠料夠味道，與其他相比較勝一籌！…查看更多

第一次食分子甜品，隨意上openrice search ，見食評唔錯，即管試下！一行6人三男三女，剛KO火鍋放題，仍有食力！原本只打算叫咖啡～～但看完餐牌忍不住食！必須承認價錢係靠記憶，可能有差別，因掛住食！富良野牛奶布甸配芒果汁（忘了名堂）。。。其實比隻蛋狀物體吸引，因為原來是蛋膜經處理可以包含芒果汁在內（蛋膜都係芒果製呀！）牛奶布甸好食！同行友人邊食邊說超滑！之後呢個係朋友叫，棉花糖經處理脆卜卜，食到停唔到口。仲有一個叫灰白心太軟。。＄95..必須配心太軟和分子狀（不懂該製法）雪糕吃！非常美味！仲有花盆tiramitsu..chocholate icecream...一定要回來！極推介！…查看更多

其實好鍾意支持本地茶記食肆，身為香港人，當然撐本地薑，但總係被英國食物吸引，誰叫70後飲用港英水大！呢間店之前在西貢人氣都爆，有時人多到唔想排，當知道開左九龍城！立即要試！非常適合九龍之友！店有少少自助（水自斟），但坐位都有些20個左右，內部繼續有小小英國小擺設。加上menu 裡的英國Taywell icecream and Pukka Pies.....真係要keep Calm 呀！炸魚薯條就繼續保找水準，佢地仲加左好多選擇，All day breakfast ,大蝦芒果沙律（隔離桌有叫夠份量！）今次照舊炸魚薯條，份量大過西貢果間（一分錢一分貨～明嘅！）平日前食慣Malt Vinegar，今次送我Garlic mayo( homemade no doubt la)，又幾夾呀！仲order side salad...dressing so good.Waitress話開左一星期，果然唔太多人，有機會比我寫第一個食評！甜品，牛肉批。。。。。。餐牌多特色，下次要再試！坐位闊落，又有兒童餐（＄45一份有魚柳包＋粟米＋果汁＋BANANA～～呢期興？）小朋友都食得幾開心！香港地做生意，有租金壓力，希望呢間店可以繼續下去！在香港吃英國食物，你話唔係情意結？我唔回應囉。…查看更多

又係好喜歡ALL DAY BREAKFAST。心態是一個早餐吃飽喝足！讚！原打算再去吃，但打食評時，同事告知該款ALL DAY  已換了！OMG！！原本是＄89的ALL DAY BF，我們花了至少45分鐘吃完，原因是精美食品，又沙律又乳酪！簡直超抵！雖然這間店較窄（我坐樓上），小小店11點不夠已滿座，位置有點偏，但對於我專登到訪的朋友，就幾格涉都要試！樓上因為人少，所以侍應常到樓下幫手，就記住有野叫就一次過，如不就要耐心等候！咖啡： 又係不錯！我叫了LATTE食品：豐富到三款包括香草腸，英式早餐香腸及一條最長不知名腸，另加上炒MUSHROOM＋EGG，煎蕃茄。本身沒沙律已是一個很有份量的早餐！SALAD： 想不到沙律會在ALLDAYBREAKFAST出現，大大杯，菜也頗新鮮，DRESSING是清新； 另外乳酪生果是自家調味，加入生果，在早餐來說是頗REFRESHING最勁是有埋牛角包：最遲來，但味道鬆軟，SIZE較細件及長條型。附圖是舊餐牌，新的已將各項拆開，再自配，埋單約98元～～ 再試。看得出花心思，環境幾合適傾計。…查看更多

試完西環新店，當然令我心郁郁想再去西貢試平民價的炸魚！魚：加左價！＄60 一份大COD～魚味不太重，沒有魚皮（店將之炸成魚皮，物盡其用），炸皮脆身，放久了也不腍（我認為炸物應當常乾脆）； 其實好多時候會有人將英式炸魚與中式炸物比較，但吃過英國傳統款，就知何謂正宗！至少這間是本地較接近英國口味的小店（我也帶過外國朋友來吃，鬼妹好SUPRISE風味之近！）蘸料：呢度用我不知邊隻的麥醋，較之前果間醋香更濃，添了少許已非常出味，同樣任你添！鹽： 普通鹽，但夠味也是！咖啡： 今次試了FAIRTRADE，濃味一些，$20一杯，價錢適中，達基本要求！炸OREO： 佩服此食物，是貌不驚人，入口感人～～每次來吃吃！洋蔥圈： 10元一份平平地好食（雖然我鍾意食成個洋蔥花果隻多D）。位置：條街多左食肆，旺左好多，近公園易搵。看到其他食評說油膩，我又不覺得，開放式的廚房基本上所有食物是落單即下鑊，翻炸機會近乎零，至少我親眼看著他們下油鑊炸薯條（若翻炸黑到你唔信）。說到服務，的確有改善空間，但等候期間周圍看，知道這店請了智障人士工作，可能是這樣，被招呼的我需要一點耐性，幸好小妹妹笑容搭夠～係不太熟價錢。再次到訪，除了連續數天重溫英國夢，也看本地食店漸漸被大財團淘汰，要用行動支持本地有心人的食店，如OPENRICE也就是為了支持本地食店，提供平台，不是一味沒頭沒腦地彈； 而我感到這店仍有很多值得欣賞的地方；雖然批評是必須，但有時與事實不符，又真係幾令人覺得部份港人的口味係"獨"特一點，同行如敵國～真正的味道還是親身試試好，真的假不了！～寫食評不是表達幾有TASTE，而是持平地說出真偽，我支持平民版炸魚，也支持貴版炸魚，但食物本身吸引才是王道，你比張柔韌和香味成正比的紙巾我也贏不了一個讚。香港沒多少間做得好的炸魚店～支持小店！支持提供就業機會給智障人士的小店！ 雖然我只是見習食家～口味各不同！但食物是有人情味的～…查看更多

炸魚係我心頭好，早前看完雜誌介紹英國食品！即刻要去試試，重溫英國夢～～小店有的3-4款炸魚，當然我會選擇傳統的COD啦！130一份確實有點貴，上桌時見條魚厚甸甸又真係幾有份量。魚味： 有魚味，帶點魚皮一起炸，所以腥左少許但我喜歡，而因為條魚厚左D，吃了不到一半，皮已腍了，估計是厚身魚的熱氣蒸發（的確上桌是熱辣辣，讚）薯條：不知是自製或來貨，粗條型不是太厚身，薯味有。蘸料：用亨氏麥醋，醋香非常吸引，落在魚身時卻不夠，我愛吃醋（女人嘛）但落了半支也吃不到麥醋的味道，其實亨氏不嬲出精品貨，所以應該幾好，不知為何不夠味，但勝在成支任你落！海鹽？：碟旁放了數粒，係見到大大粒果類鹽，我隨手撒在魚上，可能SIZE太大，令部份位置偏咸，下次比多少少，令薯條味道更突出。咖啡：全店最好的產品！對！好飲， ＄30杯但啡味濃～本想試多杯，但想起埋單位160 就。。。。位置：在堅尼地城消防局旁，沒有直接車到，但也易找，門口可泊車室內：簡單裝置，最好是望住海旁，令我想起 brighton 的炸魚。風味非常！其他：會再嘗試其他魚款，看相片應是薄身，希望不會快腍。仲有炸雞～～～都好想試！支持本地小店是非常重要的，雖然非本地的茶記，但香港人就是要多多支持啦！ 希望有進步，下次帶朋友去試炸雞！…查看更多

試食友人推介薑汁芥蘭水餃麵！素雞｀素雞與我想像有點不同，較重鹵汁味，＄14 分開件，味道不錯！午餐時人不多，一份＄40 午餐在深水埗石硤尾算是奢侈品，包一杯自家清茶，我選了烏龍，可惜水不夠熱，帶不出茶味，算是有點可惜，因為主打買茶。最推介是水餃麵（套餐跟茶＄40) ，薑汁一咬即有，餃子實的的像戰艦長長型狀，味道有驚喜！同場試吃蘿白糕，OK啦！再加油菜，兩人合＄120 ，吃完不是很飽，但又感覺清新，偶然獎勵自己～～應該！…查看更多

支持小店！對英國有情意結，好多港人都好。。。。。不過，我對本地小店情意結較對英國高！某個悶悶下午，走到西貢吃出名的泰國豬頸肉，人多要等，餓餓地走走下，見到間好多英國國旗佈置的小店，有幾個外國人在排隊，既然泰國去不到，就去遠一點！重溫英國旅行的感覺！炸魚薯條！細份＄32，仲加8蚊有杯牛油栗米同可以飲ZERO。好抵呀！炸魚脆脆，不知是什麼魚，還肯定不是龍利柳，已經不是大家樂FEEL啦！外層脆脆，魚有香肉地不實，加點鹽醋夠英式又不膩，正！牛油栗米也不錯，見佢地整栗米，原來不是雪藏貨，怪不得沒雪味！再試菠蘿圈，炸完仲有果香同果汁，與玉桂粉好夾呀！不知會不會有炸香蕉呢？見小店不斷有鬼佬幫襯，幾好生意！記得以前在灣仔上班有間炸魚店，成60蚊一份，但魚都係龍利柳。餐廳吃都要百幾數蚊。呢度超抵！不要地產霸權或集團霸權一樣，有時候小店可生存是靠本地人！希望大家多點支持本地小店！…查看更多

發覺很多食店越來越有內地色彩，因此，為了支持本地食店！我決定多寫開飯！三姐是朋友介紹，但忘了拍照～是日晚餐吃了辣酒煲仔麵，秘製豉汁雞，不知名炒年糕～第一次到來，全由友人發辦，豉汁雞又香又滑，半隻都係＄140，適個撈飯！辣酒麵一上桌即傳來震震飄香﹣﹣﹣仲好攻鼻！二人吃剛剛好！年糕配以菜炒，其實幾好，可惜年糕不夠粘～～略失分！無車真係不懂來，但見隔離桌果條多寶魚，著實非常吸引，由於趕時間，下次一定要試！繼續支地本地食店！…查看更多

好耐無試過雪山紅豆冰!!!!!!兒時的紅豆冰多以雪山做冰,大量紅豆---重溫兒時感覺竟然在深圳!呢度的冰唔係水,係類似奶做,所以當d冰溶緊時,自然混和入紅豆內,唔使加太多的奶做底,呢家野真係花心機先做到!!!嘩!每次上次都要叫一杯!呢度又主打燒鵝--ok la,不是十分脆,但肥瘦適中再試了幾樣小菜---都有港式餐廳feel.一直好怕返大陸吃東西,尤其所謂茶餐廳,因為內地人唔會做到港式口味,呢到竟然做到...聽個後生仔(應該係主任定經理之類)話老細係香港人,成日都想在大陸食番香港口味,所以來貨都係香港的茶葉同黑白奶,又有香港師傅助陣.果然係一間有心的餐廳,有改善空間.想提下個環境非常乾淨,紫色卡位好少見....而樓底較高,望到街就好過附商場的連鎖式燒味店!…查看更多

唔係講笑,坐小巴偶然經過見到小店,再從開飯見到佢的13個笑....好,試一試!!果然係.....有點貴!居酒屋格調,食物小件小件咁出場(的確好小,一碟日本燒南瓜得兩片,價值$28)...但又真係好入味喎!跟住初試佢個饅魚飯---得喎!!!!!!再加埋新鮮刺身~~good!shocked之後再比第二次機會佢---侍應的態度都好好,keep到,而廚師的水準都係有保證!smile第一次試日本角壺燒 - 壺內有湯加數片角螺片(好細片),咬落去---嘩!爽呀~~鮮呀!!再試剛返貨的BB油甘魚刺身,早前曾在板長試過,一比之下----果然夠鮮甜,但價錢就貴左D(板長有5片,佢得4片細細片)然後聞到好香的松茸飯---不過因為叫左個鮟康魚鍋同飯團..下次先試!tongue仲試左幾樣燒物同鰻魚壽司--都係好味呀!去左2次,2次都好好印象---值得推介!!!bowlchopstick…查看更多