96515264的个人专页

見到個晚市小菜，魚香茄子（90蚊）同埋張相諗住係煲仔上啦，嚟到白碟既，唔係丫！？問職員回覆[係呀，唔係煲上]咁冇啦！照食，妖食落啲茄子去都未（諗）。再食多幾啖，又無鹹魚香，剩係得個濃味（多鹽多油多糖）有冇用煲上真係差好遠90蚊都係下價貨式…查看更多

早排見開咗間新茶餐廳，正所謂新屎坑三日香，鬼死咁多人，近排開始冇乜人，又咁啱到下午茶時間就去一試。叫咗個白搭自選（炸魚柳一口西多士，凍奶茶）。先試一口西多，見到所有醬料已經落好晒，好處唔使自己搞，但個口味唔啱/加多加少就冇辦法。食落去其實唔食一口、係一口半（男人口）。如果細3至5成就真係一口！再試魚柳唔熱唔大塊，炸得都ok ，魚肉嫩口，還可以！凍奶茶正常！$45蚊收費，認為偏高，如減去新鋪新裝修（7，8蚊）。在$40蚊樓下就抵食！…查看更多

午餐叫咗個滑蛋蝦仁炒河，相就靚仔啦，但送到嚟原來滑蛋蝦仁同炒河喺分開做。即時x咗聲。都唔緊要，試一試先，兩樣都唔係即做，似河粉淥完再炒兩下，將預先煮好嘅滑蛋蝦放上面搞掂，仲衰過大排檔叫碟頭。…查看更多

呢個商場真係冇乜得幾間可以揀，一兩個月梗係會返嚟一次！唔明卡位果邊，小強有咩咁忙，每次都要喺張枱度經過，仲要有時唔只一隻。食物價錢唔係平，性價比又低。今次食個拉麵，碗又細麵又少，塊叉燒仲要凍嘅。碟沙律一望碗邊啲菜知知佢有幾高質素。幾時可以轉第二間。…查看更多

成個商場得果幾間有早餐食，新開店就嚟試一試！！！叫咗個A餐沙嗲牛肉即食麵跟凍檸茶，個麵唔駛2分鐘上到枱，夠曬快。第一口食落去，牛肉、沙嗲汁、即食麵，完全係分開處理！即食麵保持形態（一餅），清澈湯低，白灼牛肉，兩羹沙嗲汁。同隔離湯加一樣咁難食。完平分需要有200字，咁嘅味道點寫200字！下面可以不看！！為咗平分需要200字，寫埋跟早餐嘅煎蛋火腿同麵包就係正常嘅味道，煎蛋有蛋味，火腿有火腿味，凍檸茶都係正常。…查看更多

入得嚟長洲，又係食魚蛋幾會。記得以前個個都話長洲公園仔嗰檔好食，嗰時食過真係好食，熱辡辣，皮脆肉彈，夠新鮮。而家唔夠熱，只係微温，好油膩，皮唔夠脆，肉實得得，有陣腥味，唔新鮮。仲有係咪做咗咗多年， 合埋眼啲人都會自動埋嚟。所以檔員可以極之冇禮貌，粗聲粗氣,黑口黑面之餘仲要惡言相向，俾錢慢少少都好似欠咗佢咁，感覺極差，冇下次。…查看更多

家人話入長洲行下，我就霖起食海鮮，上嚟睇過食評就入咗嚟。我地4大2小，叫了3餸套餐，其實眼見間間都有套餐，評語～食物／份量一般，椒鹽瀨尿蝦，椒鹽太少。薑蔥炒蠔， 芡汁好食但蟹肉痴殼。（ 忘記影相）椒鹽鮮魷， 鮮魷爽口但太碎， 粉漿一般。腐乳通菜，一般。兩飯一支汽水，$295埋單係咪食得套餐就....順帶一提，餐枱面有種油淋淋感。…查看更多

嚟得牛氣緊係食牛啦，之前同友人在尖沙咀食過都冇咁大差別，就近近地係大埔食多次，點知就...今次叫咗個嚴選澳洲和牛+海鮮餐，你睇第一碟澳洲牛同之後再叫嘅澳洲牛有咩分別。後面能夠稱讚係隻海蝦大隻同新鮮。…查看更多

今早行經見到想食個雲吞麵,落單先知11點半後先有,咁就叫咗個鳳爪排骨飯做早餐,食第一口就知出事,飯與肉質感似一pat泥,真係食之無味棄之可惜,已經唔想講落去,咁浪費咗我三十幾蚊。…查看更多