FoodxHunter的个人专页

星期五放工，想約朋友見下面、食餐飯，放鬆一下。今日到這間新式酒吧，是走潮式風格，於香港的確少見。店內相當寛闊，而且還播著輕音樂，與朋友在此相聚，相當愜意。我地點咗個二人餐，成Set超豐富，有冷熱盤、老火湯、主食，仲要做緊優惠$388，好抵食。芥未雞腳筋平時前菜多數係食海蜇，但今次係雞腳，好特別嘗試。而且芥未辣辣地，相當開胃。威士忌酒香鵝肝必食推介！鵝肝好多時都係香煎，但今次冷盤，令鵝肝少了一份油膩感。而且鵝肝用了威士忌烹調，兩者味道相互協調，非常美味。潮式凍魚魚質很結實，配上豆板醬汁，別有一番風味。招牌白鹵水海鮮一個拼盤有四款海鮮，分別是大頭蝦、蟶子、鮑魚、象拔蚌，餐廳用白鹵方式制作，能保留海鮮的原味，不用搭配醬料也鮮味十足！經典潮鹵拼盤講到潮式菜，又豈能無鹵水呢？這有雞腎、鵝、豬頸肉、豆腐、豬耳，每款食物也有少量，可以多試幾款。脆皮炸鴿上枱時還是熱辣辣！外脆內在肉質保持多汁鮮嫩！蛋白瑤柱炒飯炒飯粒粒分明，而且用料相當豐富，每啖都食都蛋白及瑤柱。加上，炒飯絕不油膩，多吃幾口不會膩。上湯娃娃菜明爐老火湯…查看更多

假日當然要找個舒適地方，與朋友相聚及享受一下美食，叉叉電。朋友推介這餐廳，於是在今天中午特意來試試。未上主食，店家會先沙律、小菜及蒸蛋，讓我們先墊墊肚子。蒸蛋非常香滑，直頭是入口即滑入喉嚨的感覺 而雞肉菇前菜的味道較濃，剛好與清淡的沙律作平衡。鹿兒島和牛(A4)肉眼排定食吃完頭盤後，主角終於出場。賣相相當吸引！和牛烹調成近八成熟，咬開中間為嫩粉紅。入口充滿油脂，而且牛味十足單吃不加醬料已經非常美味。而店家也為和牛配上三種不同醬料，為每口和牛也帶來不同的感覺！主角和牛出色，但配菜也毫不遜色。薯泥弄得非常細滑，入口不會有顆粒，非常幼滑。水木弁當(每日限售十個)店家上菜，令我有點驚艷。定食賣相十分精緻，其總共分為三層。每開一層都好像打開了寶盒般，充滿驚喜。首層是天婦羅及魚生，天婦羅總共有四款，分別是炸蝦、炸菇、炸南瓜片及炸番薯片。天婦羅炸粉外層很薄，入口不會太厚粉第二層是鱈魚，用上了甜麵豉醃，入口帶上甜味，而魚肉嫩滑Juicy，非常對口味，令人吃不停口。最後一層為粒粒魚生飯，配上上兩層的餸菜一同吃，很有飽足感。抺茶布甸吃完主食，當然要以甜品作結。這抺茶布甸非常出色，質地偏水潤，甜度很適中，很有抺茶味！除了食物出色外，環境更非常舒適，空間感很足，不會有擁逼的感覺，可以很舒適與朋友吃飯相聚。…查看更多

桂花小幸，係我其中一間飯堂，因為食物價錢合理，而且周不時會有新野食，仲有手搖可以揀。今次就外賣返屋企食。食台灣菜，又點少得滷肉飯呢？晚餐餐單有滷肉飯配原盅燉湯。滷肉飯可以配唔同既配菜，如滷水蛋、雞翼、鹽酥雞唔會太肥，所以食完都唔會太膩。仲有蓮排骨蓮藕，勁足料呀。而且個晚市套餐仲會包埋上湯菜添，營養夠均衡。除咗滷肉飯，我仲好中意食牛肉麵。佢牛肉都好大塊，又夠牛味，而且麵同湯都係分開上既，所以啲麵唔會浸到淋曬。星期五夜晚梗係要食得豐富啲，我仲嗌咗啲小菜，醋茄子同埋紫菜魚丸湯，都係加$15，相當扺食。食完正餐，梗係要食甜品啦。我叫咗個雜果仙草，份量勁多﹐建議可以兩至三個人Share一份食。唔中意食雜果既，仲可以㨂其他甜品，佢仲有芋圓可以㨂架。…查看更多

疫情關係，少咗出街食飯。最近心血來潮，好想食旺角既炒滑蛋，於是外賣咗盒返屋食。旺記既炒蛋向來出名，除咗可以配叉燒外，仲可以揀蝦仁牛肉炒蛋。我今次就嗌咗蝦仁牛肉炒蛋飯，仲配咗其他茶記少有既薑汁奶茶，拎返屋企慢慢嘆。即使係外賣，旺記都保持到水準，大大隻蝦，而且爽口彈牙，又唔會過老，而牛肉片都好嫩。至於主角滑蛋，真係好滑，入口除咗試到有蛋香味外，仲有陣陣既奶味，入口好滑。不過飯就有啲乾，唔知係咪因為我有翻叮過盒飯既原因。而薑汁奶茶，其他地方都好少見，所以點都嗌杯試試。薑汁加奶茶都係少見既配搭，薑味加埋滑既香滑奶茶，值得一試。旺記仲有好多其他美食，下次再叫其他試試先。…查看更多

星期五晚，想舒舒服服係屋企食返餐好，於是去咗「燈籠滷味」嗌咗二人餐。二人餐包咗個滷味拼盤，有雞翼、蘿蔔、豬耳、豬腎、雲耳、硬豆腐，種類非常豐富。除咗之外，仲有個冬粉、滷肉飯、蘋果鹽酥雞。冬粉勁入味，店家仲會附送辣醬，不過我覺得冬粉味道非常濃，唔洗加辣醬都已經非常好味。而滷肉飯，肥瘦分佈適中，仲加入咗冬菇，冬菇吸曬滷肉既味，非常美味，仲減低咗份油膩感。至於鹽酥雞，店家係即叫即炸，不過回家路途遙遠，拎返屋企食無堂食熱辣辣咁正。而係鹽酥雞上面放咗幾片蘋果，感覺更為清爽。飲品方面，我地點咗紅茶、綠茶，甜度幾適中，即使無叫少甜，都唔會甜過頭。最後，當然少不了芋圓作結。芋圓糖水入面仲有紅豆、珍珠，不過個人覺得甜咗啲，如果可以降任個甜度，食落無咁膩。…查看更多

講到打工仔午餐，最緊要快平正，所以「台站」完全滿足到上班族要求。「台站」主食選擇唔算多，有魯肉飯、蔥油面，但勝在多小食，可以按自己口味Mix and Match。而小店價錢相當親民，一個主食三十蚊有找，而且出餐速度又夠快，簡直係打工仔既恩物。懷舊肉燥飯配雞排 ($29)份量相當大方，目測有兩碗飯份量，而肉燥係瘦肉，入口雖然無入口即溶既油脂感，但勝在夠曬健康，食多幾啖都唔怕肥。而雞排就有酥炸過，相當香口。我仲加多咗隻溏心蛋($7)，蛋黃撈飯食，一流。櫻花蝦烏醋燒茄子($18)呢個勁啱我口味！醋酸得嚟帶有微甜，口感好平衡，同埋夠開胃。加埋櫻花蝦做點綴，賣相很不錯！而且仲要係冷盤，啱曬咁熱既夏天食。涼拌皮蛋豆腐($18)台灣菜嚟講，我個人中食皮蛋豆腐，因為每間店既皮蛋豆腐都有自己做法，所以係唔同店點嚟食，都有唔同既風味。而台站既皮蛋豆腐味道相當簡單，仲加咗肉鬆，不過我個人覺得太水，浸走咗豆腐原本既豆香味。台站係外賣店，但店內都有少量既立食位俾大家進食。…查看更多

麻糬芋泥苿莉鮮奶綠店員相當細心，提醒我在飲之前需要加以攪拌，味道會更佳。這杯手搖口感相當豐富，一入口先飲到濃濃的芋泥味，伴隨為口感相當煙韌的麻糬！而且整杯飲品甜而不膩，十分推介！鮮奶伯爵茶店家十分貼心，鮮奶可轉換為豆奶，相信對於乳糖不耐症的朋友而言，十分細心的服務。這杯飲品口感相對簡單，沒有「麻糬芋泥苿莉鮮奶綠」複雜，但茶味香濃，而且入口相當順滑。迷你草莓蛋糕作為一個完滿的下午茶，又豈能缺少精緻的點心呢？這個粉紅色的草莓蛋糕，顏色相當吸引，單是外表，相信吸引不少目光！切開中間，綿密的奶油夾著香甜的草莓，而且份量剛剛好，作為下午茶，非常合適！下次經過尖沙咀，一定要試試其他特飲及蛋糕呢！…查看更多

Lunch Set的食物種類也很多，由日式到韓式也有。此外，還可以選烤肉餐。上主食之前，店家會先上一系列的前菜，包括芽菜、中華沙律、醃青瓜、沙律、湯，非常豐富。單吃前菜也半飽呢！終於到主菜了。我們分別點了牛丼及石鍋飯。安格斯特選牛肉眼丼飯餐 ($125)牛肉片煮到七成熟，故入口十分嫩。而牛味十足，而份量也相當多。愛牛之人定必要點！牛魔石鍋雞飯餐($85)熱騰騰上枱，未吃已覺得相當吸引！材料十分豐富，中間金黃色的蛋黃很誘人！石鍋飯可以選牛或雞，我選了雞肉。雞肉調味很重，配上淡味蔬菜就剛剛好。但略嫌雞肉烤有點燶。店內環境很舒服，空間感夠大，座位間有足夠距離，故不覺擠擁。…查看更多

台灣菜，總係食極唔厭！今日去到主打台式食物嘅四季良晨，晚市時間嚟到，少不免要等下先有坐，好彩都唔算等咗好耐就可以入去食嘢啦。呢到食物種類多，有飯有麵、小食、台式飲品，款式好多，任君選擇。紅燒四寶麵 配煎餃及涼菜($88)，呢Set非常抵食。唔單止有主菜，仲配埋小食添。腱心牛肉麵($58)，腱心牛肉非常腍身，且有牛味，都唔錯架。而店家所提供嘅麵量非常多，細食嘅伙伴未必食得曬。若嫌單食主菜唔夠，呢到仲可以加配小食，而且價錢相當實惠。滷水蛋($6)涼拌黑醋茄子($12)，呢個好好味，醋味好足，推介大家一試。番茄濃湯水餃($28)，真係大大隻，而且又夠足料，超飽肚推介。嚟得食台灣菜，又點少得台式飲品呢？所以我地都點咗兩杯，野飲上枱速度非常快，好抵讚。提提大家，呢到要自己出去Counter點餐架。呢到唔洗加一，相當抵食，平日晚餐唔知食乜好，嚟呢到食都唔錯架。仲有一點值得讚，店家侍應好細心，見到我漏咗外套，馬上衝出門口拎俾我，超好人，十個讚！…查看更多

之前心血來潮想食西餐，就Book咗觀塘嘅Deer Kitchen。未試其美食，先感受到店家細心嘅裝飾，由門面都餐廳入面都充面聖誕氣氛。一坐底，待應先上餐包，俾我哋填填個肚先。餐包非常軟熟，帶有微溫，伴黑醋上。晚上有Set Dinner提供，包前菜、餐湯、主食、飲品。我哋揀咗「慢煮紐西蘭牛柳 伴香煎砵酒鵝肝」。前菜係水果藜麥沙律，酸酸地既沙律汁配上蘋果，非常開胃。而餐湯係薯仔湯，味道偏清淡。主角牛柳及鵝肝，還加上紫薯作配菜。紫薯帶有自然香甜味道，而廚師並無將紫薯壓得太蓉，反而有少少紫薯粒，更有口感。另外，放在牛柳底既蔬菜吸曬牛柳汁，都相當美味。而鵝肝，油脂十足，入口即融，但外層略嫌煎得不夠香脆。主角牛柳，切開中間為粉紅色，烹調時間掌握得宜，外表相當吸引。除此之外，我地仲柯打咗個「蜆肉白酒汁扁意粉」，可以選擇加辣與否。蜆肉夠鮮味，意粉唔會煮太腍身。我仲加咗啲Tabasco，為意粉加添風味。Deer Kitchen仲有特色飲食，有酒精同非酒精。我哋分別點咗芒果香橙沙冰，及意大利朱古力。仲好有心思整咗個好靚圖案添。…查看更多

之前都有食過「一起食堂」，食物質素唔錯，而且價錢合理，今日咁啱嚟到中環搵朋友，就一於同佢嚟食飯，順便試埋上次無食到嘅招牌鰻魚飯。呢到有正餐、小食、甜品、飲品。上次無試到鰻魚飯，今次一定要試試。真係超大條，鰻魚長度仲超過咗個碗，視覺上好震撼呀！鰻魚味道唔錯，肉質較有咬口，唔會太腍，幾對我口味。佢一碗嘅份量好多，若果細食嘅女仔可以Share食。另外，食台灣野，又點少得牛肉麵呢？呢到有牛三寶麵，我就點咗呢個，一次試多啲餸。牛丸較實，有牛味，咬入去，仲有啲牛汁流出嚟。而牛肋骨肉相當腍身，幾乎唔洗咬。牛展都好入味。呢三款平均嚟講都幾唔錯。雖然主食份量好多，但都想試下呢到嘅小食，於是就點咗個「燙鮮蚵」。呢款小食我係平時嘅台式店比較少見到，想試試。蚵仔好大粒，非常飽滿，不過略嫌鮮味唔夠，但好彩有出色醬汁調味。最後，飲埋杯野，我地點咗苿莉茶、仙草豆漿。茶可能泡太耐，飲到後尾有啲苦。而仙草豆漿唔錯，唔會太甜，且有豆香味。…查看更多

黑安格斯肉眼牛扒掛烏冬。牛扒烹調得啱啱好，中間粉紅，入口嫩滑，牛味濃，而且多汁，非常美味。而烏冬汁都好出色，啖啖蒜味，咁啱本人都係蒜控，所以呢嗰汁好對胃口。烏冬入口煙靭，有咬口，唔會太腍，可以話都幾出色。廣島蠔肉碎烏冬。廣島蠔大大粒，脹卜卜，未食望都覺得相當吸引。味道無得輸，相當夠蠔味，而且蠔吸咗湯汁，入口更美味。仲要一碗有五大粒蠔，抵食呀！小食就點咗龍蝦沙律，味道唔錯，有少少Wasabi味道，但唔會太嗆喉，調味得好適中，而且仲有龍蝦肉喺入面，作為前菜小食啱啱好！天氣凍凍地，仲嗌咗杯熱棉花糖抺茶。呢杯飲品不過不色，正常水準。…查看更多

心思思想据扒好耐！喺荃灣地膽嘅推薦，嚟咗「牛県」。一到埗，見到門口好多人等緊。不過為咗美食，等一等都喺值得嘅。呢到嘅牛好特別，唔止有我哋平時食開嘅西冷，仲有啲好刁鑽嘅位置。一場嚟到，實喺食啲平時食唔到嘅部位啦！所以我果斷揀咗「牛橫膈膜腹肉」。淨食肉我就一定唔夠飽嘅，所以就嗌埋沙律、薯條、飲品。加多$30就有。最期待嘅主菜嚟啦！呢到喺以鐡板上餐，食客可以按自己鍾意嘅生熟程度，再決定要煎幾耐。仲有，可以Keep住塊肉嘅温度，食慢少少都唔怕凍曬。我勁推薦大家點「牛橫膈膜腹肉」，牛味極濃，且完全無筋，一入口啲牛汁喺口腔散發，相當好味！除咗牛之外，原來餐廳今日有特別Menu，喺海鮮餐。身為海鮮控嘅我，都嗌咗份試試。海鮮喺有勁厚切三文魚、刺身級帶子、鮮蝦，餐廳會先將外層煎香脆，我哋可以再個人喜好去煎到自己中意嘅熟度。話明海鮮餐，咁梗喺要配埋嗰海鮮湯。雪白嘅海鮮魚湯，入面好足料，仲有啲三文魚、帶子粒等等。不過，聽待應講呢個餐淨喺供應一星期左右，而且賣曬就無架啦！而且佢哋會不定推出特別餐，喺餐牌上喺搵唔到架。咁間唔中過嚟食都會搵到驚喜！…查看更多

無論咩天氣，打邊爐都喺我其中最愛嘅一項活動。因為一邊烚吓烚吓，一邊同朋友傾吓計，的確相當寫意。打邊爐最重要嘅喺湯㡳，睇餐牌覺得相當吸引，就點咗酸菜魚。呢到地方相當舒服，坐位好闊落，而且仲有電視睇添！落咗柯打無幾耐，嗰湯㡳就到。嗰湯完全喺真材實料，仲有勁多魚肉添架。魚肉仲好嫩滑，無乜骨架。唔單止咁，個湯仲有好勁多酸菜，同埋其他蔬菜、菇。食完個湯㡳都飽咗一大半呀。另外，我哋點咗啲丸。呢到嘅丸仲可以雙併添架。我哋揀咗牛肉丸同蟹籽蝦丸。的確相當入味，唔似平時食開啲加工丸咁，入口喺有牛味，相當吸引呢。仲有好多嘢食都好想試呀，不過我哋人太少，試唔到好多，下次搵多啲朋友一齊嚟至得。…查看更多

平時想簡簡單單食餐飯，但唔想太頹，拉麵喺我既不二之選。見到點餐紙上面有海蝦拉麵，而且配龍蝦湯㡳，喺出面比較少見既組合，所以我就嗌咗呢款。而且抵讚既喺，呢到加味蛋喺免費架！的確大方！我仲追加咗叉燒同紫菜作配料。落咗柯打之後，師博即馬上製作。唔洗十幾分鐘就食得，相當快手。食拉麵前，先試湯底是常識吧！個湯底望落都極濃，質地似稀少少既忌廉湯。顏色喺橙橙地色，望落都好吸引。麵條好掛汁，所以入口好夠味。味蛋喺溏心蛋，亦相當吸引。至於主角海蝦，店家好細心，剝咗蝦中間既殻，食起上嚟就更加方便。不過我就嫌個蝦老咗少少，入口唔夠彈牙。而塊叉燒就無平時果啲咁厚身，相對薄，火炙味唔重。但就喺半肥瘦，肥瘦都均勻。塊紫菜勁大塊，沉落湯到，索曬啲汁，都咪話唔正。另外，友人點咗香煎鰻魚拉麵，同樣喺龍蝦湯㡳。呢個配搭都幾特別，平時好少見。鰻魚喺上菜前，見到師博輕微煎香過，入口帶有微熱既，加埋啲鰻魚汁，無得輸呀。淨喺食拉麵就唔夠喉既，食埋小食先叫完滿嘛。呢個雞翼好夠味，入口甜甜地，而且都叫大隻，入口多肉地，有肉汁，都唔錯架。…查看更多