gumhwc的个人专页

朋友話這間好正, 特别係炸雞, 老實講, 在門口等位時, 看見客人的食物賣相已不太好, 那茄汁意粉睇見已想死, 一定唔食, 所以叫了春雞配薯條, 嘩, 那薯條係難食既, 一啲水準都冇, 而那春雞都算是好吃的, 羅宋湯夠熱好味, 乾炒牛河就算把啦 , 色香味俱冇, 牛肉落梳打粉太多, 河粉又炒得差, 味道又唔好, 茄汁焗豬扒飯味道還算可以, 飯炒底有炒等於冇炒, 豬扒又少, 環境又差, 除了有位女服務員服務幾好之外, 其他的都不行, 特别是那個高大的男人, 好粗口, 放碗筷又大力又粗魯, 咁既服務態度和食物質素, 唔會有下次。…查看更多

首先是牛什, 牛什已不是好吃, 牛腸只给小腸, 還有沙, 連大腸都冇, 牛膀還算可以, 牛肺有點硬, 整體來說, 牛什不算很入味, 所以牛什不合格, 而牛腩就一般般, 味道還算可以, 魚蛋豬肉丸等是中下水平, 口感差, 唔係手打都算, 因為預左唔會手打, 如果是手打就給零分了, 但真係唔多好食, 河粉又厚身, 又唔滑, 似街市的散装平價河粉, 唔該入貨就入好少少啦, 飯又唔香, 一粒粒散收收, 又硬身, 坐得又唔舒服, 如果好食的話都冇所謂, 一句, 冇下次．…查看更多

同事話要去高級食肆吃飯, 結果他訂了天龍軒貴賓房, 説是米之蓮二星, 在 RC Hotel, 他食過很好味, 服務又好, 其實早就有人跟我説過這天龍軒唔掂, 不過反正未試過, 試吓無妨, 結果大煲了, 奶左野, 早知就唔去, 價錢唔講了, 反正唔太貴, 先講賣相, 一點美感都冇, 所以連拍照都冇興趣, 賣相也是評星的一項吧, 什麽豚肉X燒, 肉質鬆散, 失去質感, 原隻椰子花膠湯, 太濃了, 飲到想咳, 椰子開口太細, 連湯匙都很難"筆"湯, 飲了四份一就唔飲了, 失敗, 其他食物如鮑魚, 百合荷蘭豆, 釀蟹蓋..都係很一般, 冇特別, 只是酒樓應有水平, 最滿意服務員服務非常好, 反而那經理就唔掂, 見到穿名牌衣服的才派咭片, 狗眼看人低, 沒有專業水平, 其實穿得平庸的才是高層, 貴賓房人又唔多, 好心就派給所有人啦, 這天龍軒冇下次, 都唔知點解有星, 一粒都得多了.…查看更多

在網上看見這家餐廳推介, 心想都是吹水居多, 因中過多次招, 大多都不好吃, 不過看見很少有牛肉的炸物, 因很難掌握製作, 所以才試一下這餐廳, 果然冇中招, 很美味, 外面脆熱, 內面牛肉鮮嫩, 而豚肉也鬆軟多汁, 蝦亦恰到時間, 鮮味彈牙, 連椰菜絲也不馬夫, 非常新鮮爽口, 而服務員的服務很好, 細心講解各種醬料使用方式, 試過多家同類餐廳, 這家 Gin Katsu 絕對不錯, 地方整潔清雅, 食物質優, 性價比很高, 老實説, 比那些排晒隊的餐廳好多了, 一定會再幫襯及介紹給朋友…查看更多