catherine.wong的个人专页

咁啱今日睇到HK01嘅專題報導關於伯伯以前喺上水彩園邨擺檔賣糖水後來轉戰旺角開咗小店，咁啱我又喺旺角，路過見到呢間舖頭，招牌燈光明亮，於是入去試下。店鋪乾淨整潔，可以望到廚房，亦望到伯伯炸緊合桃，座位唔多，入面大概有四人枱兩張及二人枱兩張，我們呢個下午五點左右嘅時間就冇人，坐低之後陸續有人黎叫外賣及有人坐低食，相機又食，估計都係報導出街之後得到不錯嘅宣傳之用。因為聽到隔離枱想點合桃露凍食，伯伯就話唔好意思因為琴晚生意太㜬賣哂而家要凍食嘅話只能等待多幾小時先可以喇。而我就點咗“招牌補腦合桃糊”及“滋潤養顏杏仁糊”，兩款同樣都好香好濃味同埋仲食到有渣，一定唔係用粉漿黎開，又未至於滑到直入喉嚨嗰種，杏仁糊感覺冇合桃糊咁甜，但合桃糊嗰種濃味真係好正，一試難忘。食完口腔內冇嗰種死甜同甜到膩要大量飲水沖淡嘅感覺，真好…查看更多

隻糉包得幾靚，但由於冇糯米冇左嗰種黏性，好鬆散，切開後最好用匙羹不黎食。餡料好健康，有蕃薯扮蛋黃嘅橙黃色但並唔係圓形嘅所以扮得唔似喇，而素雞同麥芽素叉燒分量都好少，試唔真啲味道，啲蕎麥米紅米黑米葵瓜子仁就好有咬口好香。好健康吖當應下節啦，過下口癮就唔錯，食完完全唔飽唔滯唔肥唔油膩，對身體冇負擔，一個人食一隻再自己食啲蔬果當正餐都冇問題，買比注重健康、減肥人士及老人家食就一流。$48值唔值就好難講，應下節囉。…查看更多

貪新鮮試新開嘅餐廳, 又賴嘢。門口個阿姐, 安排座位連番出錯, 帶咗我地去一張已經有人坐緊(不過行開咗)嘅枱度。我們被安排另一張枱後, 嗰位阿姐依然帶錯其他客去嗰啲occupied咗嘅位度, 真係好唔明白。食物方面, 有一個選擇係雪裡紅新竹米粉, 阿姐話冇新竹米粉, 得廣東米粉, 咪即係茶餐廳嘅雪菜米? 我點了雞絲通粉, 炒蛋, 牛油厚多士及熱奶茶。味精湯底, 得兩條雞絲, 雖然有坑紋通, 加返少少分, 炒蛋ok, 但厚多士凍冰冰。飲品方面, menu上是台式奶茶, 但沖出來的竟是如西餐廳用english breakfast沖出來的沒有香濃茶味的奶茶, 我嘗過台式及港式的奶茶, 絕對唔會係咁囉。啲阿姐攪錯哂啲枱號, 所以等極都冇得食, 真係好唔耐煩, 加上叫埋單都等咗好耐, 索性拎張單去出單部機叫阿姐即刻埋咗佢。menu上唔係太多正宗台式嘢, 所以冇咩好選。也沒有墾丁的美眉及氣氛.... 喜歡墾丁, 但一定唔會喜歡呢間茶房。以前滾滾紅茶好好多 …查看更多

因為貪新鮮, 比個懷舊裝潢吸引咗... 可是... 裡面的座位十分窄, 要搭枱, 坐得好辛苦, 冷氣唔夠。點了「招牌雲吞麵」及「牛腩麵餐」。「招牌雲吞麵」- 點解係叫「招牌」? 以為係有咩咁出名, 原來係出名難食同埋出名細碗, 好咸, 啲麵冇特別, 雲吞又唔夠新鮮。失望, 食完都唔夠飽, 仲要$22! 「牛腩麵」並不是我們想像中的清湯腩或柱候牛腩, 同埋亦係好咸。油菜係生菜, 係被碌到冇哂味嘅菜, 難食! 門口寫著, 如果好食, 要推介比親友... 我話難食就更加要告訴親友不要再來試。切勿貪新鮮。…查看更多

兩人吃晚飯. 只想略略作個記錄: 1. 難怪有人在某discuss forum說他的小籠包不會穿, 因為佢個皮勁厚, 而且褶位不夠熟, 太差!2. 點了紅油抄手, 個汁太甜了, 完全沒有辣味, 也沒有特別, 不過個皮就薄薄的3. 最火係叫了佢廚師推介的砂鍋獅子頭, 個獅子頭很"林", 好似唔熟咁, 咬落去感覺嘔心, 淺粉紅色, 好似是雪過的肉.... 於是叫黑衫來換過..... 雖然換過之後情況沒有太大改善, 但她都算有誠意我不會再去!…查看更多

這天到了劉星花園燒烤，若非朋友說它搬到現址，還以為它還在龍x灘燒烤樂園附近的小型燒烤場。現時的地方較寬敞，佈置很美觀，日間看見綠草如茵，晚間看到不同顏色的燈。服務員態度很好，拿食物時都很有禮貌，起爐及拿用具給我們時都友善。食物有其可取之處及可改善空間，可取的是它有台灣腸及豬大腸，還有金菇包及椰菜包，調味方面取蜜糖外還有蒜蓉及豉油，這些都是龍鼓灘其他燒烤場沒有的，而且這裡的牛扒Size適中，味道OK。至於其他食物方面，雞中翼有三款味道，但是火辣味個人認為太辣，沙爹沒有沙爹味只有咸味，蒜蓉味只有吃雞皮時才有味即是未入味的，真有待改善。如果有預約的話，還有免費甜品吃及免費麻雀打，如果沒有預約，額外再買飲品的話，要大約$6-7元一罐，雪糕杯是阿波羅的，$5元一個。價錢方面，我星期日去是$78元一位，包一支水(支水是很細的)及一罐飲品。雖然比其他燒烤場貴約$10但是無所謂呢。衛生方面，洗手間是值得一讚，沒有異味，而且乾淨，有坐廁，有廁紙。另外每爐有一個垃圾筒，現場環境清潔。交通方面，本身住屯門到這裡是沒有問題的，現在搬到了總站更方便非屯門人來吧，不用教別人在那裡下車。總括而言，我會再去的。…查看更多