BillyChien的个人专页

少爺18二人餐，不用三百元都抵食所以我地就入去食二人餐，入去裝潢都不錯，朋友都了不少相片，因朋友不吃肉關係所以我們選擇不多，要了一個蠔餅，蠔份量不多都可以，蛋都幾香，不錯。蘿蔔糕有口感有點硬身，味道偏咸。麥片蝦球勁難食，一食落去竟然是甜的，但有點咸，蝦球本身不錯，但配上甜我地2人都唔想食，食了一半放下。飯勁搞笑，一個二人餐竟得一碗飯。湯要了肉骨茶，如果沒有咁咸好會點，飲品正常，再加十蚊位茶，每人約一百五十元不太貴但食物講真有失望。 …查看更多

之前來過食覺得份量十足，今日朋友話想食漢堡又在尖沙咀就想到這間。幸好都早不用等位仲有二人位，但入面都幾滿座了。我和朋友一人叫一個包再加一個小食都夠食，出去付錢後會有人送餐都幾方便。等了約十分鐘食物開始來到，朋友說都幾大份，仲要好窩心地分好2份方便食。我的牛油果醬芝士牛肉漢堡，牛油果醬不少，帶點辣幾特別又開胃，而朋友的大烤菇芝士牛肉漢堡烤菇好大隻又保持到不乾身好多菇汁好香。入面仲有菜，蕃茄和沙律醬令到個漢堡好清新。牛肉勁厚又多汁，口感軟熟。小食就叫了鱈魚手指5條配他他醬，好脆不油身，啖啖魚肉，他他醬微酸好醒胃。來到食漢堡點會不飲汽水，都有不同選擇，但朋友不喜歡飲仲可以自取有溫水都相當不錯。價錢方面不同加一，氣氛都不錯，下次可以再約朋友來吃飯。…查看更多

之前朋友講這裡有間不錯的餐廳在附近，終於找到了，門口看到一個大圓形圖，一開木門就感覺不錯，坐下來看餐牌除了拉麵仲有其他不同選擇，我們叫了一個飯和拉麵再加二個小食，價錢都十分抵食，而且這裡十分有特色，好日本風坐得舒服，牆上有不同的日本畫，這裡有吧桌可以看到廚師整食物都幾互動。不久食物開始來了，首先來的是咖喱炸雞飯有三大舊炸雞，一咬落去有脆口入面雞肉嫩滑，啖啖肉有驚喜，最開心有幾片紫菜可夾咖哩加飯一起食好味道，咖哩是日式咖哩不太辣都幾岩我，飯份量都夠食。 醬汁拉麵，湯底好清又帶點咸味，不錯夠清新，麵質都幾爽口，蛋夠香蛋王夠滑又濃，肉都不少有雞肉和义燒仲有不少配菜。喜歡吃鰻魚的我看到這個浦燒活鰻魚串忍不住叫了一串來吃，來到見到十分厚身，有三大厚片，面帶脆焦香又彈牙有點魚油香勁推介必食。另一小食就叫了日式餃子四隻，皮好脆口入面的料都不少，醬汁帶丁點微酸好開胃。 …查看更多

今日和朋友來到深水步見餓就找晚餐，見一間台灣餐廳在九點多都不少人就心想應該不錯就入去吃飯，入去到坐下都可以，餐牌選擇都夠而價錢便當五十多元都可接受，就叫了一個台灣香腸配肉燥便當，香蔥牛肉烤餅，飲品要了百香果綠茶同柑桔蜜。便當來到有失望原來是碗飯，份量一人份，飯太濕不太好吃，肉燥普通，香腸都幾好食有三條，但這款五十多元有點貴。烤餅有二款就要了肉的款式，烤餅可以正常，醬味偏甜，牛肉沒有牛肉味類似薄牛展不太好吃，飲品二杯都好淡，百香果明知是醬但都只有一粒，只可以淡得來幾清甜，整體除了香腸外其他都失望。 …查看更多

之前在這裡食過飯覺得都不錯，所以今日專登帶先生來吃飯，這裡除了主餐牌外仲有不同的SET，我們就叫了二個晚市套餐。湯和麵包條一起來到，一個要南瓜湯的南瓜味幾濃而且口感幾滑身，另一個加了二十八元要了法式龍蝦湯，濃濃的龍蝦味又不會太咸味道剛好。主菜二款不久都來到十分吸引了，意式焗肉醬千層闊麵，上面勁多芝士仲可以拉到絲，蕃茄醬在周邊都有不少十分新鮮，每層的肉醬好味配合來吃有驚喜不錯。先生叫的炭燒美國安格斯西冷牛扒一切都幾軟熟，今次叫了五成帶微微生，肉質不錯而且帶有牛肉汁，仲有最愛的薯蓉同配菜都幾飽。飲品就叫了凍檸檬茶和汽水，份量都大杯，沒想到汽水仲會附上冰，我們二人食完都夠，見到另一桌叫的甜品都幾吸引，諗住再來吃二人餐。 …查看更多

大圍有不少的咖啡店，我們今次去一間在大圍站行大約十分鐘路程的咖啡店:屋子咖啡，座位不多幸好我們入去時有人離開，我們坐下見到餐牌款式都不少，但熱的咖啡今日沒有只有凍飲，我們二人最後就叫一人一杯咖啡加一個甜品，每人最後結帳七十多元都可以。我的桂花拿鐵桂花味的確好重但咖啡味十分弱有點失望，朋友的小丸子榛子咖啡來都十分漂亮，榛子味都有但都是可能拿鐵關係咖啡味少，如二杯的咖啡味多點會更好。甜品柳橙香蕉窩夫和柚子雪芭，比心目中細而且窩夫沒有蛋香同比較硬，但橙和蕉的配沒想到不錯，雪芭都十分好味道。…查看更多

朋友講荃灣有間餐廳不錯就和他一起來，坐下見到餐牌都多選擇，之後叫了東西吃後待應就會比餐前麵包都有二款和自家制的醬，麵包帶微溫，蕃茄包好味又軟熟，另一款就比較脆口。加了錢要了湯和沙律，湯味道濃又香，份量仲要不少，二人飲都夠，沙律好清又新鮮，最喜歡仲有生果微酸幾開胃。到了主菜時間，炭燒美國天然極黑厚切黑豬鞍扒配薯菜，來到沒想到豬鞍扒會咁厚而且仲要勁多肉汁，薯蓉又夠滑，仲有少少配菜已經十分吸引。之後意粉都來到，橄欖油蒜香白酒紐西蘭鑽蜆肩意粉，蜆好大隻又鮮甜，意粉又彈牙又香口，待應沒有推介錯! 飲品方面就飲水果茶，有火整住所以保溫而且味道越來越濃又好味不太甜可以，朋友飲是另一款椰子紫薯，嗅到已有濃濃椰子香，下面有紫薯味好原汁原味感好味道。 …查看更多

今日來到一粥麵的臘腸滑雞飯配熱檸檬茶，因為早買所以約四十二元就買到，可以平幾元，當然沒有放過叫一個啦，等咗十分鐘就來到都幾熱身，而且一開都十分開，等了一陣才整仲有不少煮得剛好的焦在這裡，份量勁大份約二碗多的飯，上面有滑雞，雞味比較少但都幾滑身，臘腸好味肥瘦剛好，仲有二條菜心，努力地食都吃不完仲可以拿到大半碗的煲仔飯回家，檸檬茶味道都可以帶點苦但可接受。走的時候再看這個煲仔飯晚上六點半後就變成五十元。 …查看更多

因為午餐食得太飽關係所以最後都吃不到晚餐，就和朋友去了星巴克想食件東西再加飲品坐一坐，我們落到去見到不多人，坐得都幾舒服，食物都是以包和沙律甜品為主，我們要了藍莓芝士蛋糕和薯仔牛肉批可以一起食，飲品要了蜜桃綠茶，士多啤利檸檬綠茶，約一百四十元都不貴又可以慢慢坐傾計。藍莓比較乾身，芝士味都濃勁飽肚。薯仔牛肉第一次食都覺幾好，牛肉味濃又配薯仔一起食不會太咸，仲有蕃茄醬酸酸地，幾開胃。飲品其實不叫咖啡我們差不多必叫這二杯，今次都沒有失望地味道幾好不太甜。…查看更多

之前去過這店飲特飲覺得好飲，所以今日去另一間分店又見到炒飯加這杯不用四十元都好平就叫了一個作午餐，鮮蝦褔建炒飯飲凍蘋果綠茶價錢三十七元，等不用十分鐘就可取，來到見到炒飯份量都好多，食落去醬汁味道剛好，而且仲有不少材料，冬菇都幾香，蝦都不少幾大隻，但是味道就比較少，飯的份量都有二大碗一定夠食，但中間有些飯是未熟，有點失望，飲品味都不錯但偏甜，可能多點冰再溶令到淡身少少會更好。最後仲有些吃不完拿了回家吃，待應都好好地比了個外賣碗給我。…查看更多

今日約了朋友過來行街，最後選擇食午餐都是我們最愛吃的餐廳，因為今日我們不太餓關係就叫了一個餐再加二件蛋糕再加一杯冰茶，蘑菇湯又香又夠濃，面包大大片又脆配牛油十分好味道，沙律來到都好多菜，雞肉沙律，原來最底部有牛油果，混一起食配上醋都幾開胃，雞肉有香草味，味道幾濃雞肉都可以不太鞋身。今次冰茶就味比較單一，味道有點似芒果百香果之類，之前生果茶好飲點。甜品每款約四十元都十分精美，無花果乳酪蛋糕味道比較淡，都幾滑，紅桑子千層蛋糕味道夠濃帶點酸好清新，千層做得不錯。 …查看更多

今日去完睇戲就在附近找晚餐食，仲有一小時就收工所以即時叫東西吃，醉雞的雞可以但份量比較少，酒味都幾濃，煎餃不夠熱，但都幾脆皮軟熟有點汁，炸饅頭夠熱而皮帶微脆，炒飯約四小碗，味道有少許咸肉味，炒得幾乾身。回鍋肉份量真的太少，肉不多，味道可以但咸了點，甜品豆沙鍋餅脆口但入面的紅豆好少，雪菜肉絲炒年糕肉絲不夠，年糕都軟熟，偏咸。最後是糖醋魚塊，醋味可以，醬汁不太杰身，皮比較厚感覺不太到魚肉。食物來都快所以都夠時間食但成餐感覺食物不夠熱。…查看更多

今日不想外出就去家樓下吃飯，因為今日早原因可以叫到這個餐，砂鍋雲吞雞，雞都幾滑而湯都夠濃味，入面約有四至五粒雲吞都幾好味，另外的小菜就是咕嚕肉，因配雲吞雞所以比較細碟都可接受，肉不太覺但都幾脆而味都濃味，還有送飲品蘋果綠茶驚喜好味不太甜又濃味，仲有白飯都幾飽。我叫的是有燉湯，差不多每次都會去叫這個小菜套餐，芥蘭牛肉的芥蘭都不少但成碟偏凍，牛肉味偏少但口感可以，再白飯配中國茶。加了八元要了甜品渣咋，味道太甜，但都幾足料。…查看更多

六人餐再加其他素食和$1優惠，最後十一人去食了$1010都十分抵食。海皇金湯翅材料夠多而味都濃好味，炸三拼菇不太脆但不太油可以，芝士年糕三件有驚喜好味，芝士味好濃又滑又軟熟。麻辣涼拌蓮藕片夠辣切薄片不錯。 餸菜比心目中細份，但幸好就多選擇，六人餐可選六款，芋頭魚勁細條好失望，應該六人切一小件就可以，咕嚕肉口味不錯都帶脆，腐皮卷多料好味，枝竹豆腐素火腩鍋普通，石頭雜菌茄子猴頭菇幾惹味，東坡肉醬汁偏咸，炒飯和白飯要了六碗白飯。串燒雞和四季豆味正常價錢都合理，黑松露炒雜菜幾香不過不太入味。 我們最後食了一千元所以可以叫五款加一元，就換牛肝菌雜菜鍋比較淡，百合西芹炒淮山好味炒得香，芝士肉醬焗大啡菇芝士味不多但抵食， 最後再換黑松露釀茄子，和仲有六個飲品和甜品，甜品可選紅豆沙或泡芙二粒，我地最後再加送都一人一碗，見到起沙好吸引，但食落去似打碎了的紅豆整成口感普通味道不太甜但不太好味。…查看更多

今日太夜了，十點才找食晚餐，看到有間未食過就入去，入面都幾乾淨，餐牌價有些比心目中貴，但最後每款都叫了點來試。吞拿魚腩手卷，魚味偏少，份量都可以。壽司 : 三文魚和腩，味道不太濃但都叫新鮮。帶子口感不錯，海膽起碼沒有腥味但味比較少，鰻魚和燒左口魚邊都正常不錯。咖喱豬扒飯的咖哩幾好味夠濃又夠辣度，豬扒都夠熱同脆口，湯可以和前菜正常。串燒，牛舌，蕃茄豚肉和小食雞泡魚乾，味道都可以但不夠熱度。食完結帳四百多元有點貴，一試可以，只可講質素好過放題，但不太值這價錢。 …查看更多