Yauyau924的个人专页

(味噌蟹蓋紫菜飯糰)味噌蟹蓋有濃濃嘅味道，一口蟹蓋配飯加一塊紫菜，做出多層次口感飯糰！脆既紫菜真係好重要！staff都建議我地食左先！（香辣忌廉雞肉炒麵）如果你鍾意食辣，呢個可以一試 。配埋忌廉，令雞肉炒麵口感變得更滑滑 。呢到既忌廉烏冬真係無得輸！（燒牛肉定食）一道自己落手燒嘅食物 。有份自己燒 。可以想食先燒 。保持牛肉新鮮，亦都可以燒出自己想要嘅熟度 。再加啲黑松露係牛上面食，ohhhhh 味道瞬間昇華 。自己整既吉列牛特別好味！（咖哩忌廉烏冬）咖哩同忌廉都幾match 。唔洗講呢個必食之選 。試過就知無介紹錯。重要既事真係唔只講3次！呢間既忌廉烏冬真係大推！（牛油蜜糖雞翼）有蜜糖令外皮甜甜 。大人細路都啱食嘅一味餸。單骨雞翼既口感更豐富！因為可以有更多既蜜糖痴住！又夠脆、又夠熱。無誇張😂😂😂平時啲人只係覺得單骨雞翼係呃份量，但我真心覺得係口感上既提升！…查看更多

平時食開佢嘅tea set知道佢開左晚市即刻黎trytry原價$988 預早一日訂平300蚊😳姐係未食已經賺左$300！(強烈建議預早一日訂定😂)今日同侄仔食呢個花膠雞湯火鍋set超香濃厚花膠雞湯佢個湯係濃到好似粟米湯咁係濃到有少少誇張！足足有半隻雞！花膠亦唔洗怕係假野因為staff會係你面前幫你剪開再放入湯入面(雞都會幫手剪埋)美國安格斯封門柳而家出街打邊爐即酒樓肥牛已經好耐無食！呢個封門柳 脂肪唔多但肉味濃！再加埋個超濃湯底其實唔洗加其他醬汁都ok手打鮮蝦丸、鮮墨丸食食下突然聽到bom bom bom以為發生咩事😂原來係撻緊啲蝦丸同墨丸新鮮撻 想唔彈牙都難黑松露花膠水餃我無問係咪自家製，不過食落去個種新鮮程度我估都係自己包既水餃因為都好鬼大粒！記得煲耐少少🤏🏽自家響鈴4 件Staff拎黎既時候提我地少心熱本身有少少R頭，點知佢話…岩岩炸起！又係新鮮整😳😳😳佢既口感好似有間連鎖既豆腐舖個啲響鈴相信好多人食過，但都係買完拎返屋企先食但呢到再新鮮啲，真係即炸即食！新鮮白繕點睇係咪新鮮其實好簡單佢仲有少少血絲就証明又係新鮮野！入口好爽脆！好想再叫多碟但已經飽飽地！時令蔬菜、讚岐烏冬啲肉類都咁新鮮蔬菜點會差？所以都無乜特別好挑剔3.6 牛乳奶凍呢個又係無得輸嘅甜品！超超超濃奶味！超級好食！呢個甜品埋齋！滿足！咁多新鮮食材黎講$688呢個價值得！尤其撻丸個幾下，係有啲震撼😂😂😂…查看更多

上網關注組大推！終於有機會黎試下呢間過江龍！芫茜辛辣拉麵 + 紫菜 + 叉燒對於芫茜控黎講，一下就俾佢個名吸住左，又加上鐘意食辣既我真係唔洗揀直接叫得。佢呢到出名有4倍芽菜加但怕眼闊肚窄所以叫2倍就算，我覺得大家可以挑戰4倍！除此之外仲有醬油既濃淡、油濃郁 同 蒜既份量揀！重口味之選！超級濃厚！然後我想大推佢既叉燒！本身跟麵既叉燒就係圓圓地，而我追加個2塊係 超 級 大 塊！ 超 級 厚 切！所以加12蚊黎講我覺得係值回票價！我都加埋紫菜既，吸埋拉麵既辣湯同麵一啖咬落去真係好爽！覺得自己加得好岩🤣🤣題外話。。。因為佢有4個size揀。見到隔離枱叫左個特盛既沾麵。黎到既時間嚇左嚇。大到好誇張！大胃王可以黎挑機！再加個4倍芽菜trytry🤣🤣然後我走既時候先發現到佢仲有關東煮可以追加。但我已經飽左🤣🤣留返下次再試下佢既關東煮！野飲都有既！唔算貴！良心價！…查看更多

鵝肝和牛漠堡 ($148)呢個Burger一睇個名已經覺得浮誇又鵝肝又和牛咁諗起都滿足一口咬落去先會食到好香既鵝肝味再之後就係好juice既牛味啲牛肉汁係不停咁流出黎唔會好似連鎖店個啲咁乾再夾啲埋生菜同蕃茄中和返全靠佢地先無好膩既口感咬咬下鵝肝既味又會出返黎黃金海堡($103)叫既時候無乜留意有啲乜只係知 墨魚蝦堡 一野咬落去 真係有叮一聲既感覺好似好誇張 不過係真既個墨魚蝦餅真係好出色佢既味道唔係咁簡單到我走既時候都忍唔住對個staff讚左一下！跟住佢話墨魚蝦餅係自家製既！因為唔可以keep好耐所以一定新鮮食材新鮮+熱辣辣即整=無得輸！薯格&薯條+維他鮮綠茶 (+$22套餐)都係個句即炸既都唔會難食得去邊唔想用 連鎖店去比較因為呢到真係好太多又熱辣辣 又唔會油淋淋另外係頭先讚個墨魚蝦餅既同時個包我都有讚 留意相 你會望到呢到既包同出面大路既包係唔一樣包係鬆軟就唔洗講 但佢有啲芝麻係上面所以鬆軟得黎又有啲脆脆咁再另外就係好多人叫外賣其實我食左唔係好耐我諗坐左45分鐘左右每5分鐘就有人入黎叫/拎 外賣有啲係揸車到門口拎完就上返車走人有啲係OL 當然仲有外賣員下次黎食 個黃金海堡會係膽再試其他！…查看更多

第一次試呢間。叫左杯Flat white $42有得揀咖啡豆既味，staff會問你想nutty or not。整體上係唔差既。平日既K11係好舒服既！當然比連鎖店會好好多啦！會有下次既！…查看更多

沖繩唐揚魷魚 （$58）一黎到已經香噴噴，啲魷魚粒全部都大大粒好有咬口，再配七味沙律醬真係好夾。辣中帶酸吊起個味！和風泰式海鮮咖哩沾烏冬 （$83）超香咖喱味再加上日式烏冬。staff送來嘅時候都叫我哋小心，個碗啲有啲熱，好細心。個烏冬非常煙靭，再用沾嘅形式去食又唔會好似湯烏冬咁熱。味道唔會好濃烈啱啱好！鰻魚忌廉芝士美人卷（$42）個美人魚有芝士有菜外面仲包住個米卷，本身嗰卷係凍既，仲配咗個汁係酸酸地非常開胃！口感都好豐富又有鰻魚又有菜又有芝士，一啖一舊岩岩好可以喺口入面慢慢咬！除咗鰻魚嘅美人卷同埋三文魚嘅美人卷仲有蝦既美人卷，如果你想叫晒佢都有一個set係三條有哂！下次可以考慮！雙拼年糕薄餅（$88）呢個雙拼年糕薄餅係炙燒走地雞同海苔明太子 既混合體，各有一半，通常兩隻味試晒嘅話會貴啲但係呢度就無貴到感覺仲平左！佢呢度嘅走地雞需要講，因為真係好好食好。除咗雞肉之外佢呢個薄餅最出色嘅就係個餅底。正正佢叫年糕薄餅所以佢個餅底係比較特別，如果鍾意食飯焦嘅人就一定要試！都係第一次試過有個咁樣口感既薄餅！Calais Mango Sour （$58）其實本身住叫個梳打但係自己㩒錯，撳咗杯Sour🤣。所以飲飲下嗰日開始飄。除咗有芒果肉之外仲有好清新嘅薄荷葉。下次我都係睇清楚再撳！但其實係幾好飲！Total：$362 已連加一…查看更多

一早已經好多人0630am就開門唔係第一次食嫁啦沙爹牛肉出前一丁真係無得輸 ($46)再加一塊炸豬扒($14)有埋野飲！沙爹牛肉係有咬口既！唔似出面有啲係爛既牛肉個沙爹醬好濃！唔似出面個啲好hea炸豬扒唔洗講超香脆！全部都係即整！所以都要等5分鐘左右今日飲埋個茶走！無得頂！完美既早餐！不過呢到食好野，就唔好預坐得好舒服！ 等位黎講都算係易既。可能因為平日。好多人都係外賣！記得俾現金。無得用其他方法俾錢！…查看更多

呢到除左和牛仲係澳洲同美國牛為主而豚肉同雞都係日本產 仲有海鮮同埋海量既料理、前菜、拉麵、飯仲要有沙律、野飲、甜品、雪條全 部 都 係 任 食 ！ ！ ！一同staff講要咩course開始計大約30秒就會有一條船同埋一盤肉送到正式口罩都未除得切就見到啲野食😂真正食足120分鐘而我頭先一開始講個一堆野食都係用app叫唔洗怕羞可以狂叫 大概1,2分鐘都到舖頭細細但人手充足而且要特別講既係啲staff超nice又有禮貌！放題呢個界別已經好難得見到有禮貌既staff！講返野食基本上我都全部肉都食過一輪全部都係靚牛(當然係基本)牛里脊肉、牛肋條、牛舌、日本豚肋肉、日本雞肉以上都係我既鍾愛好食就一定 因為食材都係上等但燒出黎係點真係靠自己手勢我基本上都燒到5成熟左右另外再要講下個炸蠔！好少地方食到好食既炸蠔而呢個真係好好食！外脆內暖又夠juicy!仲仲仲有就係啲蔬果有西班牙青瓜、南瓜、菇又係考你技巧！實在唔得都可以問下staff佢會好細心教你點燒 之後就靠自己啦！$448一個人 係抵食！出面叫塊牛扒都係呢個價！呢到仲要任食2個鐘 乜都回本！…查看更多

朋友話呢餐咁邪惡要食多少少菜所以叫左1個菜 1個沙律芝麻醬椰菜 $30好香既麻油味！椰菜係好新鮮！因為咬落去好甜又好脆👍🏻麻醬蕃茄豆腐沙律 $58個豆腐真係好出色！超級超級重既豆味！好似之前某大傢俬舖出既豆腐雪糕咁我諗應該有人知我講邊間刺身5盛 $280海膽、吞拿魚、帶子、三文魚、油甘魚首先海膽:係橙色既，未食都起碼睇得出係新鮮既！吞拿魚:油份充足，好厚切又無根！帶子:好鮮甜好有光澤，睇就知新鮮！油甘魚:無根，油脂比例都十分好！三文魚:大大啖咬落去無根又好油好新鮮！滿足🤤🤤🤤焱丸號壽司 $1583大舊超級無敵霹靂巨型既壽司由海膽、蟹肉、蟹柳、帶子粒、三文魚子組成既壽司。大舊又多料。仲可以自己想點配搭都可以！野菜湯烏冬 $55可能都飽飽地，搞到個烏冬好似無乜特別。鮑魚殼燒 $136@2到主角啦！係即時撈上黎即時係你面前燒！仲好細心咁問你要唔要打卡。燒完出黎外脆內軟，入面依然好juicy又夠鮮甜！真係無得頂！甲羅燒(黑松露、蟹味噌) $68+$68第2個主角！就咁食都唔會好咸！不過個次序可以同烏冬倒轉！又或者可以加個飯！一定可以食哂個飯！但其實係叫得有啲多。下次可以叫少1,2樣😂難得出到黎！當然要報復式消費啦！…查看更多

直入主題：就算好食都唔會再黎不過係 唔好食一入到去 個男staff 個態度係好差咁講：掃安心出行 同埋自己掃個疫苗通行證丫。可能係我太敏感？💔但 第一印象即刻0分然後就叫我地睇餐牌 其實都好正常不過個男staff 又講：拎埋呢個 (好命令式既語氣)而個個餐牌 只係當日既 特飲都無所謂 我就拎返去慢慢睇💔但 第二印象即刻負分當我地諗梗食咩既時候個男staff狂講粗口😨係 真係「狂 講 粗 口」作為一間 以cafe為主既餐廳，作為客人既你真係想聽咁多粗口？💔Cafe Staff狂講粗口繼續反感(留意番我坐左5分鐘未夠）因為無人 所以都好快有野食叫左2個早餐set $93 & $63 = Total $156er…. 食物就真心唔好食$63 一個牛角包 + 沙律菜+杯咖啡貴就唔算。但 唔值另一個餐 煙三文魚潛艇堡😨What！？係餐包加少少煙三文魚？ o k a y……再加其他沙律菜 同 南瓜等等$93黎講… 我應該不用多講💔Er…. 唔值囉餐廳係全部自己去做既行去買野食 (正常既)行返去拎野食(正常既)食完要自己拎返出去(正常既)不過 無乜服務下 收呢個價錢就…算貴💔無服務下收得都幾貴～～～～～～～～～～～～～～～～男staff無禮貌同一個男staff不停大聲講粗口價錢偏貴 食物唔好食無服務下 價錢貴…查看更多

今日路過唔知食乜好。即刻上網睇下呢間牛極係咩料環境都幾乾淨企理！網上既評語都吾差，就即管試下！入到去見到個價錢，又真係吾算貴。100左右 有平有貴！仲要白飯任裝？丫點知 又真係喎！仲有lunch 吾食牛既人都可以黎因為佢仲要豚同雞&鰻魚！叫完野食坐底晍夠3分鐘就已經有野食！速度都相當驚人！叫左個牛柳200g都幾震撼！因為係成塊石板上！本身應該3成熟，之後一邊煎，一邊食，生熟度可以自己話事。牛味重！生熟度就自己喜歡💕超級多種醬汁隨意配搭！白飯任裝！仲有牛肉湯任裝！想講個牛湯真係超級無敵濃！好似望住隻牛飲咁真真正正食到飽先走！性價比都好高！已經決定好下次call齊人馬再食過！同埋可以試埋其他牛！…查看更多

臨近1800hrs代表咩？代表無得堂食！咁就唯有買外賣返屋企慢慢嘆！叉燒白切雞飯燒肉白切雞飯仲有例湯送！不得不先讚下燒肉！又點估到咁晏食都依然脆口！因為通常好多餐廳都係朝早整完就到尾所以好有理由相信係賣得好好賣完再整 所以先咁新鮮脆皮！叉燒有咬口得黎又好juicy！吾會好乾好柴已經好西利！白切雞，鮮嫩滑溜，雞皮又爽脆！係丫！爽脆！唔知你地有無試過。但爽脆黎形容真係最貼切！例湯，足料又夠濃，夠哂熱辣辣！40蚊一個飯一個湯燒肉仲係脆既 已經無野好挑剔！下次繼續食！…查看更多

今日做完野已經過左lunch time喺鴻圖道是旦入左間餐廳見個門面有2個入口入面又好似好大就盲中中行入去食啲野一望餐牌就見到啲燒味飯2個男人通常都係鍾意食呢啲間野幾得意 因為tea time都分2個時段1:45-3:30pm 就$333:30-5:30pm 就$28當時其實已經3pm但實在太餓 同埋33蚊已經好平所以諗都唔諗就叫野食叫左個燒肉叉燒飯 同 油雞燒鴨飯3分鐘唔夠已經有野食！人地話食燒味飯可以測試運氣睇黎今日運氣唔錯！油雞同燒鴨都啖啖肉其實油雞都唔洗用到薑蔥好夠味仲超級juice！而個燒鴨個皮都超級香肉好滑叉燒好夠淋同埋好夠味又好入味！燒肉好簡單 皮脆已經好滿足 不過佢仲要爆肉汁 唔會好似啲柴咁 好正！ 呢餐tea值得讚既有幾點1）平！先33蚊抵食！2）tea黎講都算大份！3）有菜！而家出面好多都無(包括大型連鎖店)蔬菜都真係加分位！唔知有無人有同感😂4）個位有得差電！對於我啲大頭蝦成日尿袋無電真係好重要！除左個人可以差差電！電話都可以！起碼平過啲coffee shop先！短短40分鐘左右見到超多外賣！相信好多附近商廈都好多人叫Tea！下次路過再試下其他先！…查看更多

今日射左波可以係平日休休閒閒食個早餐唔行都唔發覺原來塚田係有早餐就屋企人試下呢個日式早餐平日既關係所以坐得好舒服柚子雞湯拉麵 $38麵條爽口彈牙，雞湯唔會太過濃，而是一種比較清清的香甜，又唔會搶走肉圓和柚子等配菜的味道，感覺都非常之清新。還有柚子味玉子，少少酸甜，很開胃。洋風炒蛋朝食（配厚切多士）$58滑蛋真的很絲滑，仲有煙肉、腸仔同埋厚多士！味道和口感很豐富。多士一定要趁熱，如果唔係就唔脆口嫁啦！磨菇味道濃郁，沙拉酸酸的味道也很開胃。還有乳酪讓整體更完美。餐廳好整齊同好乾淨！所以staff都有戴好口罩！我仲偷偷望入廚房，廚師都係有戴好既！加分加分！…查看更多

2人餐($588)酥炸蟹皇蓋 (2個)熱辣辣已經唔洗講！未食既時候以為入面係粉多過肉。點知，一野吉入去全部都係蟹肉！真係有少少瘋狂！絶無偷工減料！蟹粉小籠包 (2個)睇相已經見到入面既蟹油黃甘甘！建議食既時候用匙羹兜住食！同埋小心爆汁！仲有睇熱！個醋唔洗用都好夠味！蟹粉豆苗呢道菜既蟹肉又唔算好多。不過豆苗十分之新鮮！好夠香又唔會好油，無對唔住啲豆苗！雪𥚃藏龍 $188雪就好明顯係蛋白，入面仲有啲蝦肉！鮮甜之餘啲蛋白又唔怕老！可以大啖大啖咁食！旁邊仲有啲炸蝦🍤識食當然連殼食！仲有啲炸左既葉都好香好脆！正過食薯片臘味煲仔飯 (2人份：約4碗)臘腸、膶腸、油鴨、臘肉靚既臘味係香而不咸！冬冰冰就係要食啲暖笠笠既煲仔飯！重點係咩！就係 飯 焦！唔食飯焦就好似無食過個煲仔飯一樣！飯焦就係成個飯既靈魂！特別要講下呢到既staff！幾個都好friendy！見到而家仲出左4人餐！真係好適合同老人家黎食！門面真係估佢唔到！下次再食過！…查看更多