kri_rain的个人专页

一行六人第一次上黎食私房菜, 感覺非常好, 環境好方便, 而且好靜好乾淨。老板仲好好人咁留左一間大房比我地幾個女仔傾計, 仲有獨立電視比我地狂睇。 第一次係依度食私房菜, 初頭都唔識點叫菜好,好在聽電話ge哥哥有耐性, 慢慢幫我set 菜單, 仲whatsapp埋比我confirm, 好貼心, 我仲可以send比d朋友睇下。因為我地今次有六個人, 所以佢就幫我地set 6 個菜, 但仲有湯同甜品送tim。前後有成八樣野, 一上到黎即刻入房, 唔洗等, 無幾耐就上菜,………超好味, 好抵食, 我地個個都食到停唔到口。 推介一: 避風塘炒辣蟹 依個簡直係我首選。好有鑊氣。雖然係炒, 但炒完成隻蟹仲好多肉汁, 超多肉,鮮甜到不得了。雖然我唔好食得辣, 但佢依個味道好惹味, 會令你好似上癮咁不停食, 而且。而且佢熱辣辣上枱, 一拎入房就香噴噴, 我同班fd食完隻蟹, 係咁撈埋d蔥送飯。非常好味推介二: 秘製荷香籠仔燸米雞 依個我都誠意推介。因為出面好難食到d咁考工夫ge菜。好在我早幾日打電話黎訂, 如果唔係, 今晚都未必食到。依道菜一上枱係用一個籠仔咁上, 一大開有一塊大荷葉咁包住隻雞。隻雞好大隻, 入面塞ge都係好香ge糯米飯, 師傅一切開隻雞, 成間房都係糯米飯味。好好味, 又唔硬, 最緊要係隻雞入哂味, 及滑, 我都忍唔住食左兩碗。推介三: 椒鹽鮑魚 唔知係唔係我地見識少, 我地真係第一次食椒鹽鮑魚, 又香又鮮。d椒鹽好惹味, 而且d鮑魚好鮮, 兩隻味出奇地夾, 鮑魚個面仲輕輕咁炸過, 個口感好好, 我下次一定再order 過!!!推介四: 黃金蝦 我之前係其他地方都食過依道菜, 但無一間夠依度好食。D蝦比d咸蛋黃包住, 好甘香, 而且食落唔覺得油lum lum, 之前我食果d全部都好油, 仲有一陣”益”味。但依間煮果d除左香之外, 我都諗唔到其他形容詞。連D蝦殼都炸到脆卜卜, 送啤酒一流推介五: 菜贍豬肺銀杏湯 我除左係屋企飲過依個湯之外, 都未試過係出面飲(唔知係唔係出面d廚師嫌難煲呢)。依個湯好清好甜, 飲完喉嚨同個肺都好舒服, 而且佢有埋湯渣, 睇得出係落足真材實料煲!!!讚讚讚讚推介六: 清蒸海上斑 條魚真係蒸得剛剛好, 好滑好鮮, 師傅真係少D經驗或者睇錯鐘,都一定做唔到依個效果。推介七: 魚湯雜菌 個湯好鮮好清, 飲得出唔係落味精煲, 係用鮮魚煲ge。食左咁多重口味野, 依個清清地可以中和番推介八: 原隻杏汁燉木瓜 依個係d糖水鋪食都成6-70蚊一個, 但都麻麻地好食, 依度除左成個木瓜上之外,個杏汁好香, 食完成身都暖哂, 又滋潤養顏。簡單黎講, 依餐好抵食, 用一個字「鮮」就可以總結。間私房菜雖然新開張, 但服務好好, d侍應好留心我地d需要, 食得出個師傅好有功力, 經驗老到, 絕對係一間有高水準ge私房菜。…查看更多

今日第一次去農家，住係北區咁耐，諗住得閒就黎食下，點知今次係我最後一次食農家，實在太難食我和友人先點了一個羅宋湯同忌廉湯，等左成二十分鐘先有，隔離枱遲過我黎都已經飲完食埋蒜蓉包，三催四請先比個湯同包我，好似乞食咁有湯啦，羅宋湯得個咸字，白湯無味飲完湯,等左成三個字終於上主食啦（前前後後等左半個幾鐘），友人點了一個燒雞脾飯，但佢比左雞扒飯我地，問佢點解唔同左，佢竟然話賣哂雞脾，所以比雞扒我地大佬，你賣哂唔緊要，你講聲我聽都得掛，你又知我食雞扒ge!!完全係離譜同極度過份我比錢食飯，唔係乞衣囉黑牛肝菌汁完全食得出係金x忌廉磨菇湯開出黎，貨不對辦仲要無味我點了洋蔥豬扒配薄牛扒加意粉豬扒同意粉乾到喊，d豬扒乾到食唔落果汁又係得個咸字，仲衰過普通茶餐廳的雜扒飯雖然唔係幾百蚊食個餐，但做飲食都要良心架，廿幾三十幾蚊一個餐，至少都要有番少少水準先留到客仔架擅自幫我改餐牌，d食物無味又乾，我唔會再黎食老闆，檢討下啦…查看更多

太久沒來,本想試試上次之後, 新森林有沒有改善的....結果又是失望而回午餐既然比下午茶還要少選擇.........classic 又simple ge芝士焗XXX意粉果D系列都無........焗飯果d 焗住要雙拼........想食其中一樣, 但另一樣又無興趣...但無得揀.....所以,叫左一個白汁海鮮+蕃茄豬扒, 一個咩大胃王... 咖哩雞扒+白汁魚柳 不論邊款, d味都唔夾.........炒飯底....硬ge..............白汁無味, 蕃茄汁得個酸字最離譜係個湯.....諗住加3蚊....有啖湯飲..........白湯無味....淡如水紅湯得個辣字....................完全無改善.....失望!!…查看更多

和友人到花田點了一個豬頸肉拉麵和燒餅拉麵太差了,竟然CHEAP到用壽桃牌拉麵,三十幾蚊一碗, 至少都用D質素高少少啦燒餅, 味道是OK, 又不會太散...但D料CHEAP到喊, 42蚊一個, 全部都係菜咁濟.....D菜仲要大大塊.....D魷魚 SIZE 得我D手指甲咁大咋......D貨可能真係來貨價貴啦.......但用料唔用E樣, 咁米用其他囉唔洗咁CHEAP呀.....…查看更多

同朋友們下課後到新記一試馳名的芝士撈公仔麵我點了一個芝士豬頸肉撈公仔麵本來見到咁多名人食,諗住應該無死點知碗野一黎到, 好多芝士汁但唔香,D都有D硬,豬頸肉還過得去,但整體黎講, 芝士豬頸肉撈公仔麵麻麻地好食, 芝士汁多但唔香39蚊, 麵底少, 我一個女仔都唔夠飽所以期望愈大,失望愈大…查看更多

自裝修以後, 我都未曾來過和媽媽行街, 忽然想起新森林, 便過來吃下午茶媽媽點了一客意式香草蕃茄牛肉長通粉除了蕃茄醬比較香外, 其他的都比較淡味我點了一個芝士焗葡汁石斑飯賣相不錯, 但芝士味不濃(我還要人手加芝士粉)石斑比較硬整體來說, 沒有以前般好吃…查看更多

店內的裝修確實是較為清簡縱然如此, 我也不介意畢竟, 我欣賞的是食物, 不是環境豈料, 食物....也是比較一般點了一客咖哩牛肉飯心想, 這麼大眾化的食物, 即使難吃的都不會太差吧唉, 但事實上, 真的是很差!!!!咖哩只有辣味, 白飯不知是賣剩還是怎樣, 居然是冷的!四十元一個餐, 雖然不是很貴, 但應該可以吃一些比較有水準的食物吧!這一餐令我有少許失望幸而, 這裡的薄餅尚算可以勉強在失望中找到一點滿意…查看更多

久久都未入過赤柱, 看罷大家的介紹後, 決定和友人入赤柱品嚐下著名的咖央西多, 豬扒包結果一試難忘熱騰騰的咖央西多, 出自於一個對食物有堅持的廚師手上一落單後, 就立刻聽到廚師打蛋,發蛋, 放入油中炸的聲音等了一會, 咖央西多就出現眼前一咬下去, 西多十分鬆化, 真的非常美味!!!看見鄰桌點了一個豬扒包, 我們也點了一個結果, 又讓我們發現另一個驚喜豬扒十分香脆, 外層的熱狗包十分鬆軟望望四周, 雖然店內十分簡陋, 卻有著本土的大排檔情懷試問, 香港還剩下多少這些大排檔…查看更多

超正!今次同阿媽慶祝生日!想黎lee間好耐ga la...但一直無時間因為之前見到U MAGAZINE介紹, 話D 料係即日買即日煮,所以心郁郁好想去試下我地果日叫左8個送火焰蝦好得意! 個廚師即場係我地面前用火燒蝦同炒蝦我從來都未見過......好刺激!又有表演, 又有野食唯一美中不足就係酒味濃d, 但係好香值得一試!仲有一個水煮牛肉! 夠味! 夠麻辣!!比街口間xxxxx正宗川菜好食勁多!!之後黎果個蛋白蒸蟹......真係無得嘆!果蛋白超滑....一d都唔老, 隻蟹又鮮! 幾個人食都夠分!本來見到隔離枱叫左隻糯米雞阿媽又話好想食因為果隻糯米雞都幾大, 好似好夠料咁但原來要預訂!我地諗住下個月再凍d再去食!!!聽聞仲有我至愛ge例湯!今次一次六人每人2百蚊食到8個送超抵!!!!!BTW.......遲D先up相....誠意推薦比各位兄弟好姊妹!!!…查看更多