edwinlo901016的个人专页

呢間Velo位於K11 MUSE，係呢個新開既商場，無論餐廳內既裝修，同埋環境都係一流。入黎呢間餐廳我地既目的就係要歎個Tea!首先呢間餐廳既Tea set係388 for 2，每人包一杯coffee or tea。而呢個set提供左7個鹹點，有牛角包（中間夾住小小龍蝦肉同埋醬），之後就係鵝肝多士，煙肉多士，吞拿魚三文治，煙三文魚配青瓜，同埋鬆餅某程度上每款都普普通通，而多士就真係比較硬，比較難入口。跟住就係甜品，有馬卡龍，芒果芝士蛋糕，黑松露芝士蛋糕，跟住類似芒果既係芒果脆皮包住D cream，朱古力蛋糕，一個朱古力波波，入面係朱古力既cream同埋朱古力醬，而粉紅色既都係類似朱古力脆皮包住D cream整體甜品都比較甜，尤其朱古力波波，佢既甜度比馬卡龍更勝一籌，鐘意食甜既朋友可以試一下！反而黑松露芝士蛋糕呢個好有驚喜！呢個配搭第一次食，但係好match！…查看更多

荃灣路德圍一帶一向雲集各路美食，而我要介紹既呢間立鮨更是荃灣罕有高質壽司之一。首先我地散叫左幾份壽司，睇到師傅好別出心裁，每份壽司既飯已經加左醬油，相信大家都試過點醬油既時候失手成舊飯跌落醬油度，搞到太多醬油破壞曬成個口感，師傅咁做之後呢個情況就唔會再發生啦！而其實普通平民啲既壽司價錢上亦都好親民，例如三文魚壽司每件都係9蚊，而鰻魚壽司大大舊都係20蚊一件，對比起排曬長龍既連鎖日本店，價錢上會貴DD，但係喺味道上你會覺得值回票價。而特別推薦既有軟殼蟹手卷同埋燒白鱔。首先燒白鱔師傅完全做到“外脆內軟”，白鱔既皮燒到好脆，而白鱔肉就十分彈牙。呢個下次去會再叫！然後就係軟殼蟹手卷，呢個值得一讚既地方就係師傅係你落order先去炸，保證送到你面前會脆啵啵！雖然價錢上會比其他壽司鋪貴，以上既圖片埋單6xx，但係仲有幾款貴小小既壽司未試，例如海膽，拖羅，白子等等但係係呢個去唔到日本旅行既時候，靜靜坐係度，等你面前既師傅用心咁整每一道壽司比你食，偶然放任一下個人都覺得值得！…查看更多

今日屋企人話想食片皮鴨，咁啱屋企人見到美中鴨子既片皮鴨四人餐有7折！（YUU會員專屬）其實之前食過呢間都已經覺得佢地既片皮鴨好唔錯，見咁耐無食過我地就去試下啦！首先介紹一下餐單：-四喜拼盤-咕嚕蝦球-帶子龍蝦湯-小籠包4隻-翡翠蠔皇花菇鮑魚-蟲草花炒翡翠苗首先四喜拼盤作為冷盆不錯，幾有上海菜既風味，入面有醉雞，茄子，負皮同埋醋骨之後就係帶子龍蝦湯，呢個不過不失，可能因為屋企人成日煲靚湯，所以無咩特別既評價到咕嚕蝦球，呢個都係不過不失，好容易一咬就散開，不過味道還算OK小籠包既話質素都幾高，入面既湯好清仲要無任何腥味，呢個會係我每次黎呢間餐廳都必叫既餸到蟲草花炒翡翠苗，呢個個人就覺得麻麻地，可能蟲草花同菜苗唔太夾，食落去口感怪怪地，不如正正經經食個炒菜苗好過跟住尾2既翡翠蠔皇花菇鮑魚，呢個都係同其他酒樓大同小異，對於個人黎講就可有可無由於我地黎係為左食片皮鴨，咁片皮鴨當然最後出場，首先有薄餅，青瓜，蔥，鴨皮同埋一D鴨肉，首先皮底下無咩脂肪，然後薄餅做得好窩心，每一塊薄餅前後都加左一塊蒸爐紙隔住，唔會出現薄餅癡住既情況。然後片胸皮酥脆無肥膏，可以撈埋鴨肉一齊包！口感更加有層次！最後埋單7折左之後加一大概9XX對於個人黎講，必食菜式有：片皮鴨，小籠包而唔會再食既就有：蟲草花炒翡翠苗…查看更多

香港開始踏入夏天，開始係路邊行兩部路都熱到出曬汗呢個時候最適合歎番杯台式飲品！珍煮丹一向都大受朋友好評，今日經過葵廣又唔知飲乜就試下佢啦！首先揀左一份 十份芋芋鮮奶，揀左微糖同埋微冰！我算喺一個鐘意食甜野既人，但係都覺得甜度啱啱好，另外佢除左有芋圓之外仲有芋泥！呢個配搭十分驚喜，飲落去加重左個口感，而且令到芋圓更加有味道！而芋圓我覺得都好好味對於呢個配搭十分歡喜，而且配料好多，如果你想飲呢款既話我會建議你唔好飲得太快，唔係既話淨低好多芋泥係度如果就咁食口感上就會比較"鞋". 配合鮮奶入口會滑好多！珍煮丹缺點就係價錢上偏貴，但係一分錢一分貨，偶然吃好D，都係唔錯既選擇！…查看更多

入到蝴蝶灣路過呢間馬哥奇冰。記得好多年前係網上睇到呢間既賣點係自己撞豆腐花既然咁有緣，就入去試下新野我入去既時間係11:55分。老闆話啱開門所以得凍野無熱野，除左豆腐花既然我一心入黎都係想食豆腐花就無所謂啦首先揀做一個26蚊既熱既姜汁自己撞豆腐花，首先去上黎係一個加熱左既木桶（外邊唔熱）同埋一桶液體既豆腐花，然後老細會叫你迅速將液體既豆腐花加入去木桶度再關蓋等3分鐘就食得3分鐘完成後就如上圖，不過唔知係咪我加之前猶豫左幾秒同撞得唔夠快，豆腐花中部有D水狀，而底部就無呢個問題另外就另上一份薑汁味道上其實同其他豆腐花都係大同小異，純粹係gimmick野如果大家有興趣都可以去玩下！…查看更多

今日放工突然間好想食牛腩河，路過荃灣就緊係要食潮龍園上一次朋友推薦我黎堂食覺得味道好好，湯又好濃，牛腩分量又足！今次由於夜晚無得堂食，都擔心外賣質量會有所下降首先我叫左一個45蚊既崩沙腩河粉，由於外賣同埋行番屋企路程都要10分鐘，所以要求分湯(+2蚊）番到屋企一打開覺得牛腩分量都好足，同埋湯底都好濃，不過就無堂食咁熱等我將D湯加入個河粉度就開餐，牛腩依然保留到堂食水準，肥瘦適中，又好重牛味，又唔會太硬或者太林。岩岩好！湯底就好濃郁，我就咁飲左啖都覺得幾好飲!如果係荃灣又想食牛腩河絕對要試下呢間不過唯一缺點就係夜晚外賣自取等左20分鐘，可能人手不足同埋太多單既原因…查看更多

今日放工番屋企路過新潮興門口，心血來潮想食碗牛腩河，由於已經過左6點既原因就外賣返屋企。由於怕河粉索乾曬D水，我都特意叫老闆娘分湯。經過一輪番到屋企之後好彩D湯仲係熱，即刻將D湯加入粉度首先賣相上已經普通，點知味道更加普通，如圖片所示湯底好普通，可能因為臨收鋪原因？另外就係牛腩，兩個字-難食感覺就好似一舊煲左好耐既煲湯豬肉一樣另外雖然已經分湯，但係D河粉都係唔知點解好梅最後食唔到幾啖就放棄左一句講曬只可以用難食形容！以後亦都唔會再幫襯…查看更多

之前聽朋友推介呢間茶古道，今日經過旺角見到佢就緊係要試下佢！試左呢杯-荔枝紅茶配料係流心丸子（芒果）首先甜度方面我揀左70%，但係都會唔太甜！如果你係唔太喜歡太甜朋友會建議半糖或者微糖另外呢間既紅茶味好足，再配合埋荔枝味成個感覺好清香！適合已經下晝開始熱熱地既時候飲配料方面流心丸子其實姐係爆爆珠，口感上幾彈牙，入面有D芒果汁，配合埋一齊幾好食成杯野飲落黎先24蚊，而味道上亦都唔錯，係性價比上我覺得幾好。對於我黎講會再幫襯佢地…查看更多

今日因為工作關係過左去美林商場行左一轉。係疫情影響下，美林商場已不復之前既人流，路過地下街鋪既時候突然見到手作功夫茶！近年係香港手作功夫茶可以話係冒氣得最快既手搖式飲品之一，其分店數量之多相信大家都十分清楚，差唔多變成7-11一樣緊有一間在你身邊，而身邊朋友亦都對佢紛紛作出好評，但筆者卻從來未試飲過。今日難得有機會就試下佢！首先我點做一份鐵觀音珍珠奶茶，價錢方面都好抵，$24蚊一杯，相信依家係市面上都好難搵到，另外我加左一份蒟蒻，筆者鐘意飲既時候有一種滿口配料既感覺，店員亦都好貼心問你需唔需要調整甜度和冰度，由於疫情情況下，人流亦唔算很多，等左幾杯大約5分鐘就搞掂！飲落去第一啖會覺得滿滿的珍珠同埋蒟蒻，感覺好幸福，另外鐵觀音同埋奶茶既口味亦都分明，唔會喧賓奪主！係另有一份台式飲品既風味！另外蒟蒻亦都十分爽口同埋足料，配料多到另到筆者食到個口都累！不過略嫌一下就係奶茶即使揀左30%糖分後，仍然覺得有小小舔!總結一下，無論價錢或者係味道同埋分量上，都比其他奶茶鋪有過之而無不及，亦難怪點解佢地近呢兩年可以大肆開分店！…查看更多