sumbafoodieshk的个人专页

琴日同屋企人去咗啟德Airside新開嗰間釜山過江龍燒烤餐廳「冬柏」食飯🤩 餐廳裝修好靚，好有格調，而且坐得好舒服，好啱同屋企人或者朋友gathering！侍應就好快送上七款韓式小菜，全部都好開胃！我哋叫咗個「一級五花肉梅花肉拼盤」，啲五花肉厚切大條，油脂分布平均，燒到金黃色嗰陣真係好香🤤 食落外脆內嫩，肉汁豐富！我哋仲叫咗「厚切韓牛前胸肉」，雖然貴啲，但真係物有所值！肉質鮮嫩，入口即溶，牛味好香濃！😋  另外，「蘋果梨汁雞肉」都好唔錯，甜甜哋嘅味道好清新，食完油膩嘅烤肉之後食返啲雞肉，真係好解膩！啲雞肉好入味，食得出蘋果梨汁嘅甜味！👍🏻除咗燒烤，我哋仲叫咗個「芝士明太子石頭鍋飯」，啲飯焦香脆，配埋濃郁嘅芝士同鹹香嘅明太子，真係好惹味！每一啖都充滿驚喜😍  「大醬湯」都好足料，有蜆、牛肉同蔬菜，味道好濃郁，飲完暖笠笠！啲蜆仲好鮮甜！最後，我哋叫咗「焦糖布甸」同「芝士蛋糕配雪糕」做甜品。🍮🍰 布甸口感滑溜，蛋味香濃，焦糖醬汁甜度適中。芝士蛋糕濕潤軟綿，芝士味濃郁，配埋雪糕，口感豐富，好滿足！總括嚟講，「冬柏」嘅食物質素好高，環境又舒適，服務態度都好好！👍🏼 真心推薦俾大家！有機會一定要去試吓！…查看更多

天氣一凍，真係忍唔住要約埋朋友去打邊爐暖下胃！🔥 今次我哋去咗犇殿台灣火鍋，因為俾佢個「買一送一全農日本JA和牛嘉年華」吸引住！$598兩位，就可以嘆到半斤和牛，CP值爆燈呀🤩湯底選擇都幾多，我哋揀咗蕃茄🍅同台式香濃沙茶🥜兩個。蕃茄湯底一上枱，陣陣清甜嘅蕃茄香撲鼻而來，令人食慾大增！而沙茶湯底就夠晒濃郁，用嚟淥牛肉一流！講到重點梗係和牛啦🐂！半斤日本九州和牛，雪花紋路分明，肉質鮮嫩到入口即溶🤤！淥一淥，牛肉嘅油脂香氣完全釋放出嚟，真係令人回味無窮！除咗和牛，我哋仲encore咗好多次美國牛肩胛肉，牛味香濃，肉質都唔錯，食到停唔到口呀！犇殿嘅配料選擇都好多，除咗一般嘅火鍋配料，仲有好多台式小食，好似鴨血、米血糕、滷三寶等等。不過我哋主要都係食牛肉，其他配料都冇試太多，因為驚食唔晒啲和牛😂自助區都幾豐富，蔬菜🥬、丸類🍡、冷泡茶🍃、果汁🍹、汽水🥤等等，而甜品方面，除咗台式嘅芋圓同仙草凍，仲有Häagen-Dazs雪糕任食，真係一大驚喜！整體嚟講，犇殿台灣火鍋無論食物質素同環境都唔錯，加上和牛買一送一嘅優惠，CP值真係好高！真心推介俾鍾意打邊爐嘅朋友！@taiwanbussanhotpot…查看更多

一個價錢就可以有兩種享受，超級豐富嘅燒肉＋壽喜燒放題體驗！同朋友揀咗套餐A，性價比真係好高，星期一至四只需$588加一就可以任食日本鹿兒島A4薩摩和牛，仲有超過100款食材任食！特別推介薩摩和牛拼盤，呢個拼盤好豐富，有特上西冷同牛肩舺薄切等稀有部位，每一塊牛肉都充滿油花，入口即溶，牛味香濃。店員會幫手整壽喜燒，放入特上西冷同牛肩胛薄切，一路整已經聞到滿滿香氣！而其他和牛部位就可以自己燒啦🔥🍲牛既種類真係好多，包括薩摩牛牛肩胛 、牛腹肉、牛肋條、和牛粒等。除咗牛肉，呢到仲有任食海鮮，大推甲羅燒！自助區仲有多款蔬菜、配料、熟食、甜品同飲品無限量供應，真係食到超滿足！…查看更多

📍牛大人台灣火鍋吃到飽 (鱷魚恤中心) (觀塘)觀塘開源道79號鱷魚恤中心5樓。。「牛大人」相信冇乜人唔識，呢間連鎖台灣過江龍火鍋店一直都赫赫有名，火鍋材料好多都由台灣或者外國空運到港，而且火鍋店裝修同環境佈局都好舒服，一班人去烚下烚下就啱晒喇🤣。。🔘澳洲極上和牛 | $288 (7:30pm前離座)評分:🌕🌕🌕🌕🌑評語: 說實話都一段時間冇打邊爐🥲去到門口見到有三款任食牛肉火鍋套餐選擇，分別為「精選嫩牛」、「美國特級安格斯」同「澳洲極上和牛」，其實精選嫩牛同澳洲極上和牛只係相差$80，但由肉類選擇以至其他配料都有明顯嘅分別，咁自然地梗係揀後者啦🤣❤️以下係「澳洲極上和牛」獨有嘅配料❤️- 澳洲和牛M5牛肩卷- 安格斯一口牛肉粒- 安格斯牛小排- 手切封門柳- 豬雪花肉片- 花雕酒雞件- 章魚珍珠漿🍲湯底牛大人提供總共十款唔同口味嘅湯底俾大家選擇。正當我哋眼花撩亂之際，店員推介我哋試下呢款「牛大人紅燒牛過鍋」，而事實上的確係冇揀錯🤤湯底用新鮮牛骨熬製而成，入面加入少量花椒八角粒作調味，但絕對唔會辣，只有微微嘅麻辣感覺，反而令大家更加開胃！🥩肉類餐廳而家係用QR code直接落單，簡單又快捷，亦都減少左漏單嘅機會👍🏼當中我哋最欣賞嘅係澳洲和牛M5牛肩卷、手切封門柳，同埋章魚珍珠漿。和牛只要輕輕焯一焯就食得，入口鮮嫩非常好食！手切封門柳牛味十足，章魚珍珠漿口感彈牙，仲有少少嘅章魚粒粒🤤🧆配料現場設有自助配料吧俾大家瘋狂添加食物😂大部分最受歡迎嘅配料例如芝心丸、牛丸、豆卜、生菜等等都會係度搵到，而且有一部分係台灣直送添🫶🏼最令我心動嘅係佢哋有提供台灣花枝丸，真係好好食🥲。。🔻性價比之選❤️品質一流🔻元朗、荃灣、沙田、觀塘、旺角、尖沙咀、銅鑼灣都有分店推介指數: ⭐⭐⭐️⭐️…查看更多

山洞食堂 Sandong Sikdang (黃竹坑)黃竹坑香葉道11號THE SOUTHSIDE 2樓202-203號舖山洞食堂係THE SOUTHSIDE開業啦，連接住黃竹坑地鐵站出口，地理位置便利。而山洞食堂嘅餐廳內部保留咗原始嘅石壁同岩石元素，營造出原始而有質感嘅氛圍，木質簡潔嘅設計令成個環境更加舒適。最上等牛肋骨 $388用左最優質嘅牛肉肋骨，肋骨經過精心調味，肉質鮮嫩多汁，每一啖都可以感受到肉汁既滋味，充滿濃濃既牛肉香氣。和牛肋眼上蓋 $220和牛肋骨呢個部位嘅肉質細嫩，有好多肉汁同埋脂肪，每一口都充滿濃郁嘅肉汁，而且入口即溶，口感豐富，簡單嘅調味更突出到牛肉嘅原汁原味同埋質感。慶州黑毛豬五花肉 $188五花肉肥肉同瘦肉相間，質感豐富，可以用生菜包住五花肉一齊，可以減少肉質嘅油膩感，同時令口感更加清爽。呢道菜有兩種不同嘅調味方式可供選擇，一個係水果醬油，另一個係原味調味。水果醬油可以增加菜式嘅層次感同豐富口味，而原味調味就更加突出慶州黑毛豬五花肉本身嘅肉質風味。1++韓牛牛肉石鍋飯 $188用左1++級別嘅韓國牛肉，代表佢係最頂級嘅牛肉之一，入口鮮嫩多汁，石鍋飯嘅飯粒經過炒煮，底部會變得酥脆，飯粒散發出香氣。加埋拌雞蛋同埋辣醬，令成個飯更加有層次感。海鮮豆腐湯 $138豆腐吸收咗湯底嘅鮮湯，滑嫩可口，湯底鮮美清爽好開胃，而且好足料，有滿滿既海鮮，每一口都可以食到海鮮嘅鮮甜風味。 菠蘿梳打 $42西柚乳酸梳打 $42…查看更多

📍SAVVY尖沙咀廣東道3-27號海港城港威商場3樓3209A號舖除咗有à la carte選擇，佢仲有Signature Sharing Menu特色分享餐單，今晚我試咗兩個人用嘅餐單($798)北海道刺身級帶子 帶子肉質鮮嫩，表面煎至金黃色，而入面仍然保持多汁嫩滑，咬落有彈牙嘅口感，配埋少少紫菜同蘆筍，味道更加鮮美，真係好好食！日式海蝦蔬菜拼盤呢個拼盤色彩繽紛，滿滿嘅鮮艷配料，包括海蝦、牛油果、青蘋果、青瓜、蘿蔔絲同瓜子，配埋特製嘅乳酪醬增添咗一份酸辣開胃嘅風味。SAVVY特色雜菜湯呢個湯以紅菜頭同多款蔬菜煮製，雜菜湯中既蔬菜都煮得入味，帶出清甜嘅味道，湯內仲加入粒粒雜菜，口感豐富。北印度香炸雜菜佢嘅外皮炸得好脆，入面又軟又香口！點埋薄荷乳酪醬就可以中和油膩感。鐵板印度香烤拼盤配烤餅呢個真係充滿印度風味㗎！有羊肉卷、魚柳同烤雞，每款都係啖啖肉！羊肉卷微辣但唔會太辣，而魚柳質感好結實，烤雞就特別香烤味！可以配蒜蓉或牛油Nann同薄荷乳酪醬食，口感鬆軟又香口！澳洲乳飼羊扒羊扒係五成熟，肉質粉嫩多汁，再加馬來西亞砂拉越黑胡椒汁，食落更加惹味。每人一大件，CP值好高！…查看更多

雪下覓炙尖沙咀廣東道3-27號海港城海運大廈地下OT G47-48號舖位於尖沙咀海港城商場，地點好方便高級韓國餐廳，環境舒適，走新派風格裝修的高級韓國餐廳，今次同朋友叫左呢個夏之煙燻盛饌套餐( $1088/2人)，餐廳仲提供8款韓式既前菜，性價比好高。醬油盛合醬油盛合有帶子、鮑魚和醬油蝦，海鮮既鮮甜與醬油既香氣完美結合，帶子肉質鮮嫩多汁，鮑魚口感彈牙有嚼勁，肉質鮮美，帶有淡淡的海洋風味。煙燻蘋果木豬五花（配生菜）煙燻蘋果木豬五花係一道特別嘅菜式，當打開蓋時，一陣煙燻香氣迎面而來，豬五花肉質鮮嫩多汁，每一口都充滿著豬肉嘅香氣同豐富既脂肪，煙燻過後，豬肉吸收咗煙燻木嘅風味，令味道更加濃厚同獨特。配合生菜一齊食，可以平衡豬五花嘅油膩感，令口感更加清新。韓牛牛小排・和牛外裙肉・和牛牛肉・和牛牛舌牛肉愛好者一定要試!4款牛都充滿著牛肉既香氣，肉質細嫩多汁，脂肪均勻分佈，而和牛牛舌肉質柔軟多汁，口感豐富。可以根據個人喜好，選擇配搭不同既醬汁，進一步提升牛肉的風味。雪梨水冷麵冷麵麵條彈牙有嚼勁，配埋雪梨嘅甜美味道，口感清新，特別係喺夏天或者食完油膩食物之後，解膩一流。是日甜品有tiramisu，口感綿密濕潤，食落好細滑，味道香濃而甜度適中，食完都唔會覺得膩。…查看更多

📍霜月居酒屋佐敦白加士街127號地舖佐敦不嬲都多美食，呢間居酒屋開左幾個月，雖然店鋪面積唔算好大，但食物種類同選擇都幾多，而且食物質素都幾有驚喜😝好岩同朋友黎飲返杯！🍣霜月刺身五點盛 $238有五款刺身，有三文魚、油甘魚、甜蝦、帶子同埋魷魚，全部都好新鮮，三文魚仲好肥美🤤係厚切黎架，油脂滿滿。🍶清酒煮大蜆 $88呢個大推！大蜆粒粒都脹卜卜😍 清酒味唔會過濃 ，而且份量唔小，好抵食！🍚鰻魚炒飯 $138呢個cp值極高，本身個飯夠味得黎唔會太咸，食鰻魚炒飯最怕就係啲鰻魚汁，加埋個炒飯會變得好咸😖但呢個真係啱啱好，每一啖飯都可以食到鰻魚🤪小食🔘 炸墨魚咀 $58🔘 明太子玉子燒  $48🔘 酒盗芝士  $68小食方面選擇都有好多，而有明太子嘅嘢我係一定會叫😙玉子燒熱辣辣，蛋香味濃，配埋明太子真係好夾！另外酒盗芝士好有驚喜，真係好岩下酒！酒盜其實係一種醃漬物，主要係用魚內臟。點解會叫酒盜係因為真係好岩下酒，會令人忍唔住飲完一杯又一杯🍻串燒🍢🔘 日本提燈串 $48🔘 厚燒仙苔牛舌 $48🔘 焦糖菠蘿 $53串燒方面叫咗呢幾款嚟試吓，香港其實比較少地方可以食到提燈串，而我自己都係第一次食🥳幾特別，大家可以試吓！厚燒仙苔牛舌十分厚，而且有嚼勁又唔韌。另外佢個菠蘿係鋪咗一層堂再用火槍燒到照焦香，所以食落會有薄薄一層焦糖🍍食咗咁多串燒，用嚟解膩就prefect池啦！加$98仲有生啤任飲呀，黑啤白啤都可以任飲架🍻酒鬼食串燒岩哂！…查看更多

📍Align 中環蘇豪伊利近街28號萬城閣1樓大家應該都發現我大部分時間都唔係香港，周圍飛，上一次去台北旅行時，去酒吧飲野發現近年流行以台式食物配Cocktail，估唔到係香港都搵到類似style既地方😛宜家dinner set for 2都只係$276，已經包4款台式小食，一個主食同一份蛋餅，cp值極高✨櫻花蝦鹵肉飯 評分：🌕🌕🌕🌕🌗評語：呢個唔只好食，仲好岩打卡🦐用火槍燒過既櫻花蝦特別香口，再配埋隻流心蛋🥚同啖啖鹵肉，呢個真係必食推介！蛋餅 評分：🌕🌕🌕🌕🌑評語：有五款配料自己配搭，我就揀左芝士、薯餅同粟米。薯餅係比較少見到既配料，見到即刻心心眼😍成份蛋餅好足料，好有層次感！台式小食 評分：🌕🌕🌕🌕🌗評語：同去夜士一樣，樣樣小食都想食，同朋友叫左梅子地瓜球、炸甜不辣、花枝丸、麻辣去骨鳳爪，鍾意佢細細份，可以一次食哂唔同小食，而味道都還原到台灣夜市既味道🤤和牛臭豆腐 $88評分：🌕🌕🌕🌕🌑評語：諗都無諗過會有和牛配臭豆腐呢個配搭🫢朋友本身唔食臭豆腐，佢食左一啖都覺得呢個配搭好特別，配埋泡菜同和牛，口感好rich！食台灣菜又點可以唔叫返兩杯cocktail架🍸同朋友叫左一杯sweet同一杯sour（$138 each)，呢到仲有好多款雞尾酒，店員推介sweet，的確幾岩女仔飲，甜甜地好易入口🎉飲落似楊枝金露，好重椰子味🥥呢杯真係可以encore！老闆每朝都會去果欄揀最新鮮既生果，再準備36小時架，唔怪之得每杯都咁好飲😎✨…查看更多

📍Terrace in seaside九龍塘達之路 80 號又一城 LG2 樓 26 號舖終於到我去食啦！ 好開心呀作為CareBears既fans，最近佢真係有好多唔同既聯乘呀，今次就聯乘韓國Cafe「Terrace in seaside」聯乘CareBears推出咗一系列主題餐飲，餐廳周圍都有好多同Care Bears有關嘅元素同埋裝飾，由餐點到裝潢都以Care Bears為主題，真係岩哂CareBears迷去打卡。熊仔頭螄蚶拌飯 $188評分：🌕🌕🌕🌕🌗評語：試咗佢哋嘅招牌主食熊仔頭螄蚶拌飯，見到每客人都有order，今次佢哋配上Care Bears造型，真係好可愛！螄蚶入味，辣得啱啱好，整體嚟講呢個飯好惹味。愛心傳播飯卷  $98評分：🌕🌕🌕🌕🌗評語：用左明太子、南瓜同紅菜頭烹調嘅彩色飯，每一啖都充滿麻油香味。大人細路都岩食，係一個健康又好味嘅選擇。Care-a-lot 彩虹樂園蛋糕  $68評分：🌕🌕🌕🌕🌑評語：蛋糕底層係彩虹層海綿蛋糕，入口鬆軟，再配上酸砂彩虹橡皮糖，好似滑梯咁，營造歡樂樂園氣氛。蛋糕顏色好繽紛，有Care-a-lot Castle嘅造型，上面仲插住Cheer Bear Topper，好適合打卡。Care Bears 彩雲窩夫($118)評分：🌕🌕🌕🌕🌑評語：窩夫有香濃蛋味，外層微脆，內裡鬆軟，內塗抹幻彩忌廉，夾埋柑橘果肉，上面仲有彩針糖作點綴，食落甜而不膩！ Starbuddies 紫薯南瓜冰($52)評分：🌕🌕🌕🌕🌑評語：呢杯飲品顏色好靚，以紫薯同南瓜為主，底層仲有珍多條，味道清甜，中間仲有南瓜顆粒，口感好豐富。飲落有紫薯嘅香味，而且唔會太甜。…查看更多

📍Milu Thai มิลู่ไทย 尖沙咀亞士厘道24-38號天星大廈4樓雖然我每個月都飛一次泰國，但泰菜依然係食唔厭，最鍾意就係喺香港發掘唔同好食嘅泰菜餐廳，Milu Thai最近係尖沙咀開咗新分店，食物質素依然一流，宜家唔使過海都可以食到啦！而且佢性價比真係好高，食物普遍都好大份☺️🥬泰式生菜包 $108評分：🌕🌕🌕🌕🌗評語：肉碎調味好好，食得出加入咗唔同泰式香料！辣度唔算太高，但好惹味㗎！生菜份量都好足！仲有一個特點係佢炒得好香好惹味又辣辣地，充滿咗肉汁，夾埋生菜一齊食就可以中和翻，味道更加豐富！🐟炸魚餅 $78評分：🌕🌕🌕🌕🌑評語：魚餅炸得金黃酥脆，魚肉質地鮮嫩多汁，調味剛好，唔會過鹹，每一口都可以感受到魚嘅鮮味同香氣🍤大頭蝦冬蔭公湯 $128評分：🌕🌕🌕🌕🌑評語：冬陰功酸辣醒胃，集合咗檸檬葉、香茅、辣椒等香料香味，再加入大蝦同菇菌等配料，味道更鮮美濃郁。辣度剛好微酸微辣，仲有大蝦嘅鮮味，真係好開胃！🥭 芒果糯米飯 $88評分：🌕🌕🌕🌕🌑評語：芒果新鮮又鮮甜，多汁juicy！糯米飯口感煙煙韌韌，同芒果一齊食，好滿足呢！ 🦀 青咖哩軟殼蟹配蒜蓉包 $168評分：🌕🌕🌕🌕🌗評語：食青咖哩配軟殼蟹真係份外香口！而且咖哩香濃，仲有蒜蓉包可以沾嚟吃！🍞 香煎薄餅 $48評分：🌕🌕🌕🌕🌑評語：薄餅熱辣辣，沾埋咖喱食真係一流，味道絕配！🥥 椰青 $52評分：🌕🌕🌕🌕🌑評語：同朋友都叫左椰青，兩個都好清甜，好解渴又開胃！…查看更多

LIFETASTIC BISTRO 將軍澳唐賢街9號PopCorn 1地下G19號舖LIFETASTIC signature既草莓西瓜蛋糕我諗大家都應該有食過，朋友生日都成日訂🍰近年佢地由蛋糕店發展到餐廳啦！食物依然有水準，而且環境舒適，以後同朋友食飯又多一個選擇啦。白酒蜆肉意大利粉 $128評分：🌕🌕🌕🌕🌑評語：蜆肉份量一d都唔小，意粉軟硬適中，酒味唔會太過重，所以唔好酒既朋友仔都唔洗驚食唔到！鹹蛋黃雞肉雜菌扁意粉 $138 評分：🌕🌕🌕🌕🌗評語：嫩滑嘅雞肉沽滿鹹蛋黃汁，味道濃郁。扁意粉好掛汁，值得一試。🌟可以以優惠或者半價加選餐湯，飲品同蛋糕 草莓西瓜蛋糕 $39 （原價$78）評分：🌕🌕🌕🌕🌑評語：呢個係一如以往咁好味，鍾意佢味道夠清新，食落好light，每一啖都食到西瓜同玫瑰花既清甜味道，層次分明 ，仲係gluten free架！班蘭芒果紫米蛋糕 $34 (原價：$68）評分：🌕🌕🌕🌕🌑評語：我係班蘭既fan，見到呢個蛋糕已經好吸引到我，面頭有芒果啫喱，香甜彈牙，中間有班蘭cream同芒果，再配埋紫米，口感豐富。…查看更多

朋友準備離開香港，臨走先專登同佢食間高質日本餐廳！一嚟到就覺得環境好舒服，好有去咗日本餐廳既感覺。店員服務都十分好！私隱度都十分之夠，座位之間基本上唔會望到其他食客 👍 FUMI TASTING MENU $880軟殻蟹沙律 配 甜辣椒沙律汁評分: 🌕🌕🌕🌕🌑評語: 炸咗既軟殻蟹夾埋沙律，啱啱好中和咗，唔會太油膩。配埋甜辣椒沙律汁一齊食，好惹味，即刻開胃！吞拿魚腩 深海池魚 帶子 甜蝦評分: 🌕🌕🌕🌕🌕評語: 呢到嘅刺身絕對唔會令人失望，一食落口已經覺得好新鮮。上到枱店員仲會提醒你記得留返吞拿魚腩最後先食，好貼心！特別想提係吞拿魚腩十分高質，一咬已經食到滿滿魚油香，必食！松葉蟹肉海膽卷 配 櫻花蝦野菜餅評分: 🌕🌕🌕🌕🌑評語: 松葉蟹肉同海膽均勻分佈在卷壽司中，每一啖都食到呢兩種食材嘅美味，平衡得啱啱好。櫻花蝦野菜餅有豐富既口感同風味，好食！網燒A4宮崎牛西冷評分: 🌕🌕🌕🌕🌕評語: 呢一個燒肉，我只能用無懈可擊形容！一上枱睇到佢既花紋，就知道處理得十分之好。一放入口，肉汁，油香一次過爆哂出嚟。而且完全冇任何油膩感，呢道菜係必點！宮崎豚肉野菜冰見烏冬評分: 🌕🌕🌕🌕🌑評語: 豬肉好鮮嫩，烏冬質地亦都好細緻。高湯底亦都同成碗烏冬夾得好好。火炙鵝肝帶子卷 $218評分: 🌕🌕🌕🌕🌗評語: 呢道菜只能用豪華嚟形容，鵝肝鋪喺帶子卷上面！鵝肝有奶油質地同濃郁嘅風味。帶子鮮甜，而且卷得好實，一啖放哂落去，好實在嘅感覺，成個口都充滿住鵝肝同帶子嘅味道，必嗌！北海道松葉蟹肉甲羅燒配法包 $148評分: 🌕🌕🌕🌕🌕評語: 甲羅燒配埋松葉蟹肉令到成道菜嘅鮮味提高咗。上枱既時候亦都可以保持住個濕潤程度，配埋法包一齊食，啱啱好中和咗，絕配！豬肉ShabuShabu $388評分: 🌕🌕🌕🌕🌑評語: 分量十足！一上枱時個分量有少少嚇親，竟然咁抵食！入面有唔同種類既菇，日本菜同埋豬肉，再用粉絲打底。個湯亦都十分之好飲，怕唔夠飽既朋友絕對要嗌！…查看更多

📍GYOJASANG銅鑼灣加寧街1-3號Fashion Walk地下C號舖Fashion Walk出名多菜式選擇，今次俾呢間充滿時尚感的韓國菜餐廳吸引，有indoor and outdoor位置，食物種類豐富，地道韓式料理一應俱全😝Jeju Tasting Night (Dinner Set)辣漬前菜 $38評分: 🌕🌕🌕🌕🌑評語:有醃漬泡菜，魷魚，魚絲，非常開胃壽喜燒和牛鍋 $520評分: 🌕🌕🌕🌕🌑評語:優質韓牛油脂分佈平均，肉質鮮嫩多汁，入口即溶，鍋底配上蘑菇、豆芽等蔬菜，呢個壽喜燒汁有別於平時食開既，相對地無咁甜同清新d，可以更突出到食物既原味！海膽生牛肉 $180評分: 🌕🌕🌕🌕🌕評語:牛肉口感鮮嫩，海膽新鮮清甜，而且海膽份量勁多，加埋其他配料調味，呢個好食到我係自己一個人清哂，推薦大家💯海膽紫菜包飯 $ 380評分: 🌕🌕🌕🌕🌑評語:海膽好鮮甜，配埋生牛肉他他同魚子醬，海膽愛好者一定要order🤩三樣味道好夾，味道濃厚，加埋青瓜、紅蘿蔔、蛋絲其他材料，口感豐富  。醬油炸雞 $158評分: 🌕🌕🌕🌕🌑評語:雞肉外酥內嫩，醬油味好惹味，肉質咬落好juicy，份量仲好多，同朋友兩個食到好飽🤗#交子桌 #韓國菜 #韓國餐廳 #韓國燒烤 #韓國料理 #韓牛 #韓國直送食材 #elegant #highclass #gathering #銅鑼灣 #名店坊…查看更多

上個禮拜同朋友一齊去咗大埔藝術中心 Pentola，一行入去已經有種返咗中學嘅感覺。好似走廊行入個班房咁。入到去之後，餐廳設計走工業風，令人好舒服嘅感覺。成個用餐環境好闊落，光線柔和，啱哂一路食一路同朋友傾計。二人餐 $586餐湯評分: 🌕🌕🌕🌕🌗評語: 飲落去都幾特別，一路飲仲可以有少少薯仔粒食到，個湯都好creamy。總括嚟講幾好飲，有d驚喜。白鯷魚茄子蓉多士評分: 🌕🌕🌕🌕🌑評語: 呢款前菜一食落去既感覺係好新鮮，食到白鯷魚既鮮味。夾埋茄子蓉，同多士增加咗成個口感！意大利風乾火腿拼盤評分: 🌕🌕🌕🌕🌑評語: 呢份拼盤係風乾火腿同埋提子。每一片火腿都好薄，配上新鮮嘅提子，清爽嘅口感令人愛不釋手，成件事係perfect match。地中海風味烤多春魚評分: 🌕🌕🌕🌕🌑評語: 呢個烤魚望落去色澤金黃，多春魚燒得啱啱好，肉質嫩滑，加上地中海風味嘅調味料，辣辣地，好惹味，好似去咗陽光明媚嘅地中海沿岸咁。炭燒安格斯封門柳配燒汁薯條 +$90評分: 🌕🌕🌕🌕🌑評語: 封門柳冇得輸！安格斯牛肉肉質鮮嫩多汁，炭燒味好出，搭配埋燒汁，十分好食。薯條好脆，食得出真係即點即炸！新鮮波士頓龍蝦意粉 +$100評分: 🌕🌕🌕🌕🌕評語: 呢個一食就食得出係手工意粉，十分之彈牙，而且好爽，龍蝦啖啖肉！提拉米蘇評分: 🌕🌕🌕🌕🌗評語: 提拉米蘇好濃郁，奶油同咖啡嘅香氣交織埋一齊，每一啖都令人陶醉其中。而且個質感好綿密，值得叫嚟一試！焦糖黑麥啤酒慢煮豬肋骨 $118評分: 🌕🌕🌕🌕🌗評語: 呢道係店員推介比我地，果然冇失望。食落去個豬肋骨煮到好冧好易入口，焦糖味同啤酒味都食到，唔會有是但一邊太搶！Oolong Breeze $78Lemon Meringue Pie $118評分: 🌕🌕🌕🌕🌗評語: 飲品方面，我同朋友都嗌咗Cocktail。Oolong Breeze就有陣好啖啖嘅清新茶香，飲落感覺好清涼。而Lemon Meringue Pie嘅檸檬酸甜口味，再加埋係面果層蛋白泡好有質感，飲落個感覺好綿滑。同朋友飲住傾計，夠哂chill！…查看更多