Saladdddd的個人專頁

我見到一堆好似打手既食評本身老公叫我唔好去食😂 但我真係突然好想食醬油蟹～ 第一round係黃羔，其他都係蟹公～ 講真，我覺得味道無乜太大分別～ 所以我ok～ 佢每次上4隻蟹比我哋去refill ~ 我地食左15隻☺️ 大細都算平均～ 醬油味唔太咸太甜～ 補蟹算快～！一個半鐘限時伴菜就正常啦，都係任食～ 無乜特色既伴菜蟹湯就無蟹味既煎餅本身我老公覺得全枱最好食，因為香口，跟住叫多2round就又凍又唔脆，D油倒吸返落塊餅～ 應該少量咁煎好D老實講埋單連加一 $500/人，唔係平，但我覺得醬油蟹任食黎講都算係咁 最後講埋，服務正常，無其他評語講到咁差。…查看更多

簡單啲來講我哋叫咗三樣嘢，一個全份有骨蜜糖牛油炸雞，一個薯仔豬骨湯，一支糯米酒。首先份雞就俾咗冇骨我，咁佢一收返又等過....等嘅過程唯有叫支糯米酒飲住先😂終於等到，首先牛油炸雞係有油味但係唔係牛油嘅香味，更加食唔到蜜糖味。 簡單啲來講係甜嘅油雞，墊底嘅薯條全部都林晒，食到最後係油浸薯條食咗一半蜜糖牛油炸雞，個薯仔豬骨湯仲未到，咁就催下佢啦，即刻叫廚房整咁款....最無奈嘅係，食咗啱啱好一個鐘，我個豬骨湯先食到一半，然後佢就拎張單過嚟叫我埋單。首先每一間舖有限時我明白，但係次次都係入座嘅時候通知限時幾耐，由頭到尾都冇人同我講過。直到佢攞張單過嚟，我問佢你哋有限時幾耐？佢先話75分鐘....1個鐘頭15分鐘正常都食得晒嘅，但係佢一開頭炸雞又比錯，豬骨湯又漏單，然後就比張單我叫我埋單......咁我都好難配合佢75分鐘嘅節奏，同埋呢個價錢做乜要搞到自己食快餐咁...枝酒都未飲完埋單$5xx 食到一肚無奈最後付圖一張油浸薯條，食到一半俾人吹叫我哋走嘅豬骨湯，同埋飲到一半嘅糯米酒...…查看更多

叫左2杯野：Matcha Latte + Coco Chanel, 2杯都好水...冇乜味Matcha latte 叫左脫脂奶，但係仲有少少奶味，反而係一啲抹茶味都冇....係零😂 ，我覺得成杯野同飲水其實冇乜分別 $45 覺得俾得好唔抵😂，不如我自己喺屋企到啲脫脂奶加啲冰心理好似平衡啲朋友叫左另一杯Coco Chanel ，聽落好似好特別，佢形容係有少少抹茶味嘅咖啡水..多謝$50 簡單啲來講，好失望，應該唔會再幫襯 唯一我欣賞佢嘅係嗰支用米做嘅飲筒☺️同埋staff都好nice.....…查看更多

呢間野都行得幾入先搵到，所有嘢一律$25左右～ 其實真係幾抵食，我前後買過兩次，第一次食黑糖蕨餅配抹茶粉，第二次就配黃豆粉。 缺餅口感好食，有淡淡嘅黑糖味～但係啲抹茶粉食得出唔係靚貨，冇乜抹茶香味～ 黃豆粉當然唔會差得去邊但係令我最O嘴嘅係，成個購買過程，店員一句野都冇同我講過。普通打招呼都冇，當然一句多謝都冇。 感覺上其實唔係好welcome 間鋪裝修都幾咁靚都好，基本禮貌都好重要。 地理位置係葵廣就代表要無禮貌咩？😂😂😂😂 我好希望佢地睇到尼篇食評，下次再去既時候有所改善。…查看更多

其實齋菜都係來來去去唔同嘅菜類炒呢樣炒果樣，所以冇期待過我諗住好特別～ 尼間開左30年，反而碟頭都唔算細，今晚試咗個原個南瓜湯，味道唔錯，重點係好多南瓜肉刮出嚟食 送飯一流～之後又叫咗個馬介休炒菜，最推介都係煎猴頭菇～ 叉燒嗰啲味都做得幾好，佢煎到啲邊脆口總知佢啲菜式就對得住佢嘅價錢 ，正路既齋菜，之前食過魚生嗰啲其實唔係唔好食，不過我會推介正正常常叫碟炒小菜～之前食過蜜瓜炸鮮奶，超級好食～ 不過個廚房唔算話好stable, 啲碟頭時大時細 …查看更多

今日去試個branch$498 + $138任食生蠔～另外兩位朋友就加咗$188任食生蠔同埋任飲酒水。 麵包配自家製牛油超好味，前菜無得揀，廚師發板大致上都surprise既～ 前菜我揀咗個蜆湯，鴨肝，seabass~ 主菜揀咗豬。 整體來講唔係話未到超級突出，或者好驚喜，但係都好食既,其實都見到佢哋服務員斟酒都好密，唔會有空杯情況出現期間可以不停出去拎生蠔，每人每次可以拎三隻，我食咗第四round之後，循例都將生豪啲水到出嚟，跟住就見到幼蟲坐喺度郁...其實果下有啲驚訝，因為酒店生蠔冇諗過有蟲，再平級數既蠔都有食過，但係親眼見到有識郁嘅蟲都第一次。服務員第一時間話幫我換走佢，咁但係其實換完之後都唔係太想食。之後另一位服務員走來同我講已經同左廚房講，佢哋會沖多幾次先比客人。咁係咪即係啲生蠔有蟲好正常，只係慣常做法不停沖水....唔知係咪我個表情比較鎮定，所以其實我覺得佢哋嘅處理手法唔係話最好，我會想聽到佢哋係會留意生蠔嘅質素多過同我講沖多兩次水…查看更多

見上網介紹每日賣100盒，專登行20分鐘過去買。收銀姐姐連基本多謝呢啲客套說話都冇講過，比我嘅感覺都唔係好想做我生意，然後去到拎餐嘅時候俾我嗰個姐姐都一樣多謝都冇句...可能我個人感覺呢啲說話好重要。我就做好我自己本分，唔該前唔該後～ 純粹個人感覺。唔知係咪因為食開德民街嗰間啲海南雞份量好多，返到屋企一打開盒雞見到得四塊仔，如果你話$38咋wor？你想點，咁我寧願貴D，份量唔使咁小家。然後我阿媽個盒有兩舊都接近雞pat pat位置....佢好失望...飯同埋雞的而且確有淡淡嘅椰香味，雞滑但係冇雞味，飯都叫粒粒分明，但係唔算我係一個好吸引嘅雞油飯，碗湯反而真係有雞湯+瓜味，唔係話平時個D味精湯。整體總結： 應該唔會再買…查看更多

火鍋今晚有兩隻湯底揀，平時應該有三隻但係琴日得兩隻揀～有好多蔬菜配料用點菜紙加單，每次都成籃菜咁拎黎，份量好夠！岩我鐘意打邊爐食菜食豆腐，食肉多既人就啦岩你啦。 打邊爐之餘仲可以去食自助餐，我覺得個壽司卷好食，推介甜酸芋頭魚，炒飯炒得好好食😂 有湯有中式甜品幾款揀👍🏻 埋單每人$150 有找，食到勁飽。 我品記得影火鍋點菜紙🙈 建議自備辣椒，因為嗰度其實基本上D調味得沙嗲醬同埋豉油，嗰個紅椒係一啲都唔辣。 …查看更多

食過好多次，如果想滿足你突然想食魚生嘅慾望，呢一間一定係首選😂 因為平靚正～ 最鍾意就係突然想食嘅話就會上去食🙌🏻 火炙丼燒晒啲油脂出嚟超好食。不過認真講，質素只係同價錢成正比，如果你真係想食超新鮮超高級嘅魚生飯，就未必揀呢度😊我本人就唔食牛肉嘅，但係我朋友叫咗個熟食牛肉飯，佢同我講個汁超好味😂 利申：我試過雞 係唔錯🙌🏻佢好在啲飯同埋麵豉湯係任食任飲，每一個飯仲會包一罐飲品，經濟又實惠✌🏻✌🏻好啱我呢啲挑起條筋要食魚生飯嘅人…查看更多

我食過兩次 兩次都有叫即開北寄貝！$69隻但係好新鮮 好爽好好食😊😊油金魚刺身飯啲油甘魚腩超肥 好新鮮🙌🏻 但係我第二次去食叫返同一碗野，有冇咁新鮮啦喎😂所以我覺得係要睇返佢邊日到貨，即係水準唔可以好平均🙈不過認真係幾抵食嘅，但係如果本身食好多飯嘅人，就可能覺得唔夠份量。飯嘅份量係偏少，女仔來講係啱啱好。 我諗佢預你要叫啲小食，佢有啲串燒，但係我冇試過🙈 服務來講真係好好，不停斟茶，當出邊好多人排隊嘅時候，都冇趕我哋🙇🏻‍♀️🙇🏻‍♀️…查看更多

睇左好多openrice評語話無下次，但係我今次山長水遠去試完 真係有驚喜 我食過無限次Lady M 今次抱住試新野心態 買左個8味盒🤗全部都皮薄 cream唔夠Lady M多 但係反而我覺得仲好 無咁易漏～唔算甜 好岩我再大概講下每隻味牛奶味- 有D太漏綠茶味濃 好食提子味 hmmmm正常 提子糖咁味伯爵茶 好香茶味 好食wor 可回購😎玫瑰味 好香玫瑰味 食落都好玫瑰味 但係偏甜 不過真係好Rosy ～香芋味 好似有D唔似隻味 不過都好食既😂曲奇味 我覺得有D漏士多啤梨味 唔錯簡單啲來講 呢個價錢嘅話係好抵食 同埋都比想像中好食 我會回購茶味💪🏻屋企人個個食完都一致大讚茶味…查看更多

呢間野我食過四次 頭三次都係新開張頭半年食，每次都好唔錯，湯夠熱，麵有彈性，食過返尋味。但係今次再去，首先，服務態度真係好差，員工完全冇笑容「xxx麵邊個嫁？」問尼句都可以問得有禮貌啲第二，啲沾麵湯完全唔夠熱，加上啲麵又凍(係我自己揀暖麵 因為冇諗過個湯係熱都唔熱下）湯面個層油前所未見過咁厚-第三，我一見到隻蛋，完全唔係以前喺度食嘅糖心蛋，之餘，仲要係蛋白位置都好似切開咗好耐已經乾晒咁我真係個咀O左勁耐.....有圖有真相唯一冇變嘅就係啲麵質仍然好彈牙可唔可以比返以前既味道同服務態度我？日本師父去左邊..... 尼碗食左百幾蚊既麵，係我尼個月食過最後悔既麵......…查看更多

叫左手撕雞涼拌麵，一嚟到啲手撕雞一啲都唔係手撕嘅，係雞扒切開幾舊...個問題係啲雞件全部都係雪櫃拎出嚟，如果咁大舊．嘅話，食落又凍又硬唔知自己食緊乜😂本身問佢啲醬可唔可以另上 佢地話唔得因爲撈晒啦已經，尼樣我都明既👌🏻 但係D麵黎到食落 就知D麵真係雪櫃拎出黎 食落又硬又粉.........唉～涼拌麵我以爲係岩岩整完過冷河個D溫度，而唔係雪櫃拎D雪左好耐既麵同雞出黎🤦🏻‍♀️個醬正常無驚喜，簡單D黎講，無下次 🤗…查看更多

我連續兩個星期日都去食左午餐。首先第一次去食覺得好新鮮好特別啲魚，唔係平時俾啲行貨你，之後即刻介紹朋友下個星期再食，但係第二次佢水準都參差，啲魚生冇第一次咁新鮮 午餐最抵食，佢啲lunch set價錢大眾化🙋🏻‍♀️ 我兩次都嗌咗同一樣野，所以可以比較到，香蔥吞拿魚茸飯，特上壽司拼盤。食得出吞拿魚腩茸配淮山蓉口感好好！特上壽司拼盆有八舊壽司＋3件卷～魚生好新鮮，第一次食俾咗啲特別嘅魚，但係第二次同朋友食就好普通，搞到好似介紹錯佢地咁 😫不過我會比第三次機會，希望佢地水準可以keep到🙋🏻‍♀️ 價錢平民，環境舒適，雖然裝修陳舊，但係幾好坐，約朋友絕對係好好嘅選擇。重點係佢個蒸蛋好好食😂😂 值得一讚嘅係啲服務態度好好…查看更多

點左兩款意粉 2杯野飲1. 忌廉汁菠菜三文魚- 成個意粉偏鹹，三文魚好大陣腥味，不過個汁唔錯～ 意粉Texture的確唔錯幾好咬口 😫呢個真係要改善一下2. 香草烤雞什菌羅勒意粉- 一樣，意粉口感唔錯幾好咬口，呢個意粉幾好食，羅勒同忌廉汁溫埋啱啱好唔會搶咗啲雜菌味道。 十分creamy, 推介！不過食到個碟底好多油3. Matcha Latte- 我知道呢度唔係一個飲野嘅地方，但係意大利粉餐廳我覺得咖啡都好重要～呢杯抹茶latte 甜到一個點。我想講係零分🌝🌝4. Lemon Tea - 正常 唔好既地方無得自己落糖 整體上，其實我覺得都好唔錯，我也會再黎試埋其他意粉😊…查看更多