ChasiChan的个人专页

咁啱星期二同另一位朋友都放假，就心血來潮約食飯，等埋另一位朋友放工，三兄弟柴娃娃諗住一齊喺旺角食串燒店，無想到平日都無位🤷🏿‍♂️另一位朋友立即建議到土瓜灣，佢食開一間居酒屋，不錯！立即坐車轉移場地。沒想到，來到時這間居酒屋也座無虛席，平日都咁熱鬧🙈老闆安排了近門口角落一張二人枱，加多一個位，坐得親密啲。一輪勞頓肚餓了，立即點嘢食。先點了一個雞軟骨餃子🥟餃子皮煎得香脆，再加雞軟骨煙韌口感。炸芝麻雞翼，由於唔夠分，我沒有食。點了3杯 Sapporo ，Sapporo口感順滑易入口。再來炸廣島蠔，炸粉唔厚，所以食到酥酥脆脆的口感。再來是刺身拼盤，吞拿魚都算新鮮，沒有根，入口就溶化；帶子一般般，可能不是厚切，沒有那種很滿足的口感；不知名白肉魚😂，平時放題唔喜歡食白肉魚，因為唔新鮮會好腥，但這個沒有腥味，還食到魚既鮮味。三個男孩要點返啲澱粉質。海膽炒飯這個炒飯炒得好好味，海膽味不是太搶，恰到好處。鵝肝帶子炒飯這個略嫌失色少少，帶子既鮮味沒有提升個飯鮮味及層次，是個鵝肝煎得很香口。啤酒飲完，意猶未盡，再點了一支清酒🍶點了酒，又再點了幾個下酒小菜 😆😆😆汁燒魷魚🦑炸雞軟骨最後老闆送了個甜品給我們作結。大滿足😋…查看更多

試咗麥當勞🍔 新推出的台灣夜市風味 鹽酥雞排包。點了和風紫菜shake shake薯條及細奶茶。塊雞扒灑了椒鹽粉，食落都似食台灣小食 - 鹽酥雞，都幾香口。個包都軟熟，口感可以。夾在雞扒與包之間的沙律醬，我覺得比脆辣雞腿包個沙律醬好味。最後略嫌個啲菜及包細咗啲。…查看更多

試譚仔新出嘅 雞肉一咬就散，雖然知道不會是新鮮雞，但以雪藏雞來說口感真係好一般。淮山應該是未煮諗，只是飛一飛水，所以仍是實得得。黑蒜清雞湯真係好一般，寧願飲過清湯。整體來說，不會再試。雞肉鮮淮山黑蒜清雞湯米線雞肉一咬就散，雖然知道不會是新鮮雞，但以雪藏雞來說口感真係好一般。淮山應該是未煮諗，只是飛一飛水，所以仍是實得得。黑蒜清雞湯真係好一般，寧願飲過清湯。整體來說，不會再試。…查看更多

難得午飯時段Sukiya 唔使排隊，立即來吃個便飯。平時都是吃牛肉飯，今次試這個好評復活 - 香辣炸蒜嫩滑雞髀咖喱。雞髀嫩滑，都算大隻。咖喱略嫌辣咗啲，食慣辣咖喱這個應該適合，如果咖喱摻雜薯仔，會更有口感。炸蒜點綴，增加少少脆脆口感。下次都是吃回牛肉飯🙈…查看更多

懶惰咗一段時間，又再執筆寫返食評。有幾多人開開心心食完餐飯，還有興致花個幾鐘，喺度打字及整理相片。這是一匡熱情❤️回到正題，KFC X 熱浪 這款口味的炸雞🍗，我覺得味道唔錯！雖然只是灑了一層熱浪粉在炸雞表面，但如果喜歡熱浪或微辣嘅炸雞這個不錯。…查看更多

一年一度公司聖誕Buffet聚餐。今年嚟呢間 - 雅苑座。可能遲咗嚟，一嚟到成個場都人山人海，最後聽說是旅行團包場。甫坐低，第一時間去海鮮區血拼🙈 海鮮區有麵包蟹、青口、蜆、翡翠螺及凍蝦。對於好鍾意食蝦嘅我嚟講，今次只食了1打，算很收斂😂 因為轉移目標去食麵包蟹，麵包蟹超多膏，食兩隻已經頂住咗個胃🤭 我覺得最可憐是啲蟹腳，個個都搶晒啲蟹蓋，只剩下一盤蟹腳。刺身區有三文魚及吞拿魚都肥美及新鮮。甜品區 基本上所有甜品都好好味！食咗3輪海鮮🦞，兩輪刺身，一輪熱葷，最後食咗兩輪甜品🍮 大滿足了。 又要做返運動消耗熱量。…查看更多

鏗烏冬約咗個好耐好耐好耐無見嘅好兄弟喺觀塘食飯。好開心🥳！終於到他成家立室喇！又收炸彈🙈推介不如去駱駝漆大廈搵嘢食，揀咗兩間之前youtuber都有介紹既～最後他說鍾意食烏冬，所以揀咗 鏗烏冬。打電話去話無得book，只可以walk-in 。本以為會好多人等位，去到竟然就可以直接入去攞位，可能是平日吧！講返個主角，當然是烏冬😂選了 鰹魚湯百味噌鍋燒烏冬太多選擇，揀這個純粹是這個有招牌鰹魚湯，又有肉，又有溫泉蛋，比較豐富！太耐無見，兩個掛住講，沒有太專注在食物上。喝了一口湯，沒有食拉麵那種，個湯有濃濃口感，也沒有同樣以鰹魚熬湯的壽喜燒汁味道。個湯頭比較一般，令烏冬掛唔到幾多湯味。以這個價位的烏冬，只是一般般。不過客觀一點，再有機會都會再來試一試它的其他烏冬。…查看更多

扒完龍舟，原本約咗啲舊同事喺石門食晏，因為難得大家這一天的交匯點都在石門附近。點知換完衫出嚟，最後又改了去大圍搵食。匯合後，朋友很有目標地一支箭在橫街窄巷左穿右插，最後在一小店門口停下。。。。阿叔泰麵。。。一間文青打卡風的餐廳，裝修簡約。餐廳都坐滿了人，安排了坐窗邊的bar枱位。窗外柔和嘅陽光打進餐廳內，很舒服很寫意。點了個豬肉船麵 + 泰式綠奶茶；同行友人點了牛肉船麵 + 泰式奶茶，再加一個香茅魚露雞翼。我選了蛋麵，煮得剛剛好，麵很彈牙，但唔算掛湯。配料很好味！尤其是炸豬皮。但湯底沒有想像中好味。豬肉片煮得太耐，有點鞋。雞翼煮得岩岩好，唔會過乾，香茅很出，感覺很清新，稍稍嫌唔太juice。綠奶茶很好味😋 抹茶味加唔太搶鏡奶味，還有淡淡花香味！超讚！…查看更多

中午時分，近窗邊位置可能有陽光照射，無人爭位坐，陽光碰巧把窗上「日日食良」招牌投影在枱面，頗是美麗。在珠記點了客 秘製豉油牛扒雙蛋飯，(平時最愛是鮮茄豬扒焗飯)咁岩俾錢時見到出了客牛扒雙蛋飯，見到幾靚，所以跟住叫咗這個飯🙈牛扒切小件，沾著跟配的醬汁，然後爬一口包含了蛋汁的白飯，很是滿足。😋在奶茶聯盟加了杯熱奶茶☕️扮健康，唔吸收咁多糖，所以沒有額外加糖。奶味都香，茶味唔算太濃。在陽光下細細品味奶茶，有high tea 的感覺。😆…查看更多

第一次在openrice寫食評，就是最後一次了。寫新味道應該是最後一次了。新味道 由佢第一間舖頭在寶盈開張，就開始光顧了。它的早餐、午餐、常餐、茶餐、晚餐都食過無數次了。你話佢超級好味又談不上，正正常常吧！當以為找到自己既飯堂時，寶盈店就突然結業。最後發現它在富康重新營業，那種失而復得的心情喜上心頭。到今天，新味道又宣布要休息停一停了！😢 將軍澳既茶餐廳越嚟越少了。再見了👋🏽新味道你既味道永遠在心中！…查看更多