loklucas的个人专页

今時今日講起食甜品食冰🍧相信大家都會諗起甜姨姨因為佢啲分店越開越多之餘，佢啲甜品沙冰都keep住有新款推出，而且一個驚喜過一個😍而且個個沙冰都份量十足🤩唔同一大班friend一齊食都搞唔掂喎🤣佢咁啱喺荷里活廣場開咗間分店，咁啱我嘅貨倉就係佢對面，嗰日就約埋班friend過去食冰同甜品啦🍧😋好似係最近最新推出嘅楊枝甘露冰真係一絕！我食完之後簡直可以用驚為天人去形容😍😍🍧楊枝甘露冰一上枱嘅造型就超吸睛🤩，中間插着一支芒果肉雪條，屹立不倒嘅造型打卡一流🤭加上佢啲冰真係超級足料，冰上面鋪滿咗泰國金柚粒同鮮忌廉，仲有芒果蓉，同埋我最鍾意就係佢係綿綿冰嘅口感入口好soft好軟滑🫶🏻真係好似食緊啖啖楊枝甘露😋職員會提醒我哋由上而下，由外以內咁樣食，食到中間繼續有驚喜，好似拆禮物咁樣，下面係勁多芒果肉同埋芒果脆脆，口感超級豐富，怕你唔够味佢仲有一兜楊枝甘露醬俾你淋落去，真係超細心！由頭到尾我哋邊食邊讚嘆就知道呢個新岀楊枝甘露冰有幾正！希望佢唔係期間限定會長有，下次我再嚟一定要再點返佢！👍👍👍🍧我哋重點咗另一個醬爆冰，其實即係花生醬口味嘅冰，佢仲同海邊走走蛋捲Crossover，喺冰嘅頭頂放咗一條海邊走走嘅蛋捲，賣飛佛😍次次去台灣都要買海邊走走🤭同樣地每一層都有驚喜，冰上係花生醬同煉奶，中間係花生粉，下面係花生波波，成件事超級香濃花生醬味，果然係醬爆🤭🍧人多先可以食到咁多款冰😋我哋第三款冰叫咗個400次髒髒kitkat 冰，我最鍾意食朱古力味口味嘅冰，佢今次喺冰上面打咗一個400次咖啡泡cream，好香咖啡味好幼滑，而另外出面鋪滿美祿粉，果然有一種髒髒包嘅感覺，中間仲有特濃朱古力同埋朱古力雪糕，朱古力控一定要食呢一個冰！佢其他甜品除咗保留嗰啲傳統中式嘅甜品之外，亦都有創新手工甜品，好似有Crossover 甄沾記特濃椰糖嘅心太軟，又係正到喊🫶🏻完全感受到甜姨姨點樣喺傳統同埋創新入面攞到平衡，試完佢新嘅冰同埋甜品後真心覺得真係得甜姨姨先可以挑戰到自己仲不斷突破💪🏻所以我好開心佢開咗間分店喺鑽石山荷里活廣場咁近我，咁我得閒又可以過去食冰先，寫寫吓而家又掛住個楊枝甘露冰了🤣店名：甜姨姨 (荷里活廣場分店)地址: 鑽石山龍蟠街3號荷里活廣場1樓177號舖…查看更多

我又繼續四周圍覓食😜嚟到呢間佐敦Cafe叫做Revol cafe，佢嘅位置唔係響大街出面，但由佐敦地鐵站E岀口行過去大概2分鐘就到都幾方便，而且食物好高質超級值得介紹俾大家💛😍佢全場嘅裝修同枱凳都係木同鐵嘅元素，環境係走工業風好型格😎坐喺度嘆番杯咖啡同輕食都幾舒服幾chill😋聽講呢度出名係手工意粉，網上話必點係佢嘅卡邦尼煙肉意粉🍝（$108）除咗賣相精緻佢個意粉同出面嘅唔同，feel到係用心去製作！睇返原來佢係用自家熬製嘅上湯去煮意粉，令到啲意粉煙靭又入味！入面嘅煙肉仲係用較特別的風乾豬面頰肉，重點係嗰粒蛋佢仲要用「曉」，唔怪得知咁紅啦！老闆落重本！加上巴馬臣芝士粉濃濃的蛋香同芝士味，creamy 得來唔會覺得好漏，仲感受到老闆嘅誠意！第一道卡邦尼意粉已經令我驚艷，另外一道羽衣甘藍燕麥奶醬意粉+烤大啡菇 🥙($108) 都好正！😍佢用咗羽衣甘藍同燕麥奶取代咗一般嘅青醬，感覺更輕盈和健康，從多咗份燕麥嘅濃稠感；大啡菇超級厚向多汁，我最鍾意食大啡菇！😄🥗秘魯瑪卡牧場（$138）第一次食到咁特別嘅的套餐，有啲似全日早餐應該係秘魯版，勁豐富有彼得包、粟米蓉、鷹嘴豆雜菜沙律等等🥗最令到我印象深刻就係嗰一串墨魚串超級正，唔講我以為係一啲好爽口嘅唔知乜嘢肉，原來係墨魚勁厚身，口感超彈牙，好香好好食😋我哋仲叫咗一個風乾茄忌廉芝士醬雞肉竹炭包三文治🥪($85)竹炭包加上慢煮雞肉風乾蕃茄忌廉芝士醬呢個配搭幾新鮮，同埋個賣相都幾特別🥪食完煮食嚟到甜品啦！🍰佢呢度最出名就係自家製紅絲絨蛋糕（$42）個個都話嚟呢度一定要食，入面蛋糕深紅色，聽講唔係色素係老闆用天然食材調配出呢個咁靚嘅顏色，而且味道香甜清新唔會覺得好膩，可以再食多一件🍰😛另外嗰件伯爵茶戚風蛋糕($42)🍰又係好正，伯爵茶味足夠，而且喺面淋左忌廉芝士醬，仲有啲蘋果乾做裝飾，口感加分☺️食完呢一餐我真係感受到老闆對食物嗰份執着，同埋滿滿的誠意，冇諗過係一間Cafe可以食到咁高質美味嘅輕食，有機會你一定要來佐敦探訪下呢一間咁有誠意嘅Cafe💛📌Cafe REVOL💛佐敦德成街 4-16號富裕臺地下5號舖…查看更多

我的新蒲崗嘅飯堂💁🏻‍♂️性價比超高的日式定食💚我嚟到新蒲崗就嚟三個月啦，今日lunch 又食差唔係我嘅飯堂嘅日式定食餐廳，叫做💁🏻‍♂️泰力食事處😋💚我想介紹佢好耐㗎啦，不過大家都知我好忙，所以今日等我點都出返個post介紹吓呢間，我覺得超好食呀超抵食嘅日式定食餐廳俾大家先！🙌🏻其實睇返佢都係今年先至開嘅新餐廳嚟嘅，但係因為佢嘅食物質素非常之好，而且性價比高，所以每次lunch都會大排長龍🫣我仲記得我第一次去食嘅時候，當時我啱啱開咗網店超忙，由朝頭早到夜晚都未食過嘢，執到八點幾呀先經過自己未食過嘢又好肚餓就衝咗出去搵嘢食，喺大有街見到呢間餐廳，我衝咗入去坐低即刻自助點餐，我就點咗兩個餐，一個拉麵🍜同埋一個親子丼🤣職員鐘過嚟問我係咪有兩個人？我話唔係呀，我一個人不過好肚餓🤣就喺佢哋面前將兩個餐完全食晒，當時我心諗其實食完我都唔係好飽，想當年我應該可以食到5份🤣不過而家叫做節制左🤣自此之後我就成日嚟幫襯啦啲，啲職員都認得我了🤣我成日幫襯除咗佢啲嘢食好味，仲要性價比超高！喺呢度全日都係同一個Menu，無論lunch定係dinner 都係同一個價錢，而且每個日式嘅定食已經有湯有前菜，仲要份量够大！😋以我最鍾意嘅親子丼定食為例，都係$48⼀個定食，我基本上10次去8次會點親子丼，因為真係好正 😋😋😋佢嘅雞肉夠嫩滑，雞蛋炒得啱啱好唔會太老又唔會太生，仲有少少蛋漿響上面琅琅下😍見到都好有食慾嗰隻！你哋可以參考我頭幾張嘅圖就知道佢嘅親子丼有幾正🫣🫣😋同埋我每次都會加多個茶碗蒸都係加$6咋，勁滑😋同埋佢啲特飲都好好飲👍 冇記錯好似係加$12就有一杯，我大推巨峰提子Soda同埋百香果乳酸梳打，佢入面係有加爆爆珠同埋寒天㗎！超級有誠意！另外推介嘅係佢嘅勝丼（滑蛋吉列豬扒飯）定食（$52）同埋咖喱吉列豬扒定食 （$56）佢啲炸豬扒即叫即炸，而且又厚又Juice多汁，好邪惡，但係真係好好食！其他好似鰻魚飯（$68）係成條鰻魚㗎，完全感受到佢嘅誠意！炙燒鹽麴五花肉定食，牛丼等等全部都好好食😋你看圖都知我幫襯左N咁多次，都係嗰句，我覺得正嘅嘢先會介紹俾大家🙌🏻呢間日式餐廳嘅定食係我覺得性價比又高，味道又好，而且職員服務態度都好殷勤！好有誠意兼冇得彈嘅一間小店，所以我先成日幫襯同咁大推俾大家👍店名：泰力食事処 (新蒲崗)👍地址：新蒲崗大有街32號泰力工業中心地下4C號舖…查看更多

繼續忙裏偷閑系列，嗰日同朋友去咗尖沙咀新開嘅日式刨冰cafe🥰除咗刨冰之外，仲食咗好多精美嘅鹹點😋由環境到餐點都好賞心悅目，去完成個人會超級滿足！🥰新店嚟講佢都算非常旺場，嗰日我去係平日下午，而且仲落緊雨但見到佢嘅門口都keep住有好多人排隊等入嚟幫襯，睇嚟大家都好想快啲試吓呢間新嘅Cafe！😝而且佢個空間幾大我諗都有差唔多成千呎，裝修係走簡約時尚工業風路線，成個場好闊落好舒服，除咗主要用餐區，佢仲有一個打咭區可以等你係度打卡，鍾意享受美食兼打卡嘅人應該都幾鍾意呢度嘅環境🙆🏻‍♂️嘢食方面，我哋先叫咗幾個鹹點，有鹹點嘅安排啱晒我呢啲要食鹹嘢嘅胃，陣間食刨冰屬於甜品係另一個胃嚟呀哈哈😜佢嘅鹹嘢全部都好特別，而且走fusion嘅路線😋1️⃣大阪燒酸種吐司🥪佢喺酸種吐司上面鋪滿大阪燒嘅材料好似椰菜，木魚絲等，再加埋天婦羅炸蝦，煎帶子同埋煎蛋，最後淋上埋神來之筆大阪燒醬汁，成個擺盤好精緻，食落去就好有大阪燒嘅味道，fusion 出色😆2️⃣腐乳卡邦尼意粉🍝呢個真係超特別，我冇諗過可以將腐乳加落去整卡邦尼意粉，但係出奇地夾喎👍好有驚喜3️⃣芝士咖喱牛肉薯條同埋芝士黑松露薯條🍟前者嘅味道好特別，好少食到呢隻味，後者個黑松露味都好濃烈，始終薯條我覺得係Cafe必備嘅食品，三五好友一邊傾偈，一邊食薯條真係好開心😁食完鹹點都已經飽咗一半，嚟到甜點嘅部份🥰1️⃣合桃拖肥忌廉椰棗蛋糕🍰佢係同the bakerism 聯乘的限定蛋糕，個造型又係好精緻，入口好有層次有軟綿嘅蛋糕亦有又或者忌廉中間仲有少少啫喱嘅口感，味道唔會太漏太甜，好好味👍2️⃣濃厚朱古力石板街刨冰🍧沙冰上面鋪滿棉花糖同埋朱古力醬仲有杏仁碎，口感都幾豐富，不過略嫌佢嘅朱古力味唔算好濃3️⃣芋泥芋圓牛乳刨冰🍧佢係刨冰嘅中間有勁厚實嘅芋泥，非常真材實料👍真係要同人分享，唔係嘅話一個人食完會好飽！4️⃣特濃黑芝麻雪糕筒🍦呢個真係必食！有別於一般黑芝麻雪糕，佢係特濃特版😍加上北海道牛乳好幼滑，我呢啲黑芝麻控表示非常滿意😝食完呢餐之後真係覺得好滿足🥰👍又靚又好食又可以打卡，我相信好快就會成為尖沙咀聚腳嘅熱點！雖然每日都好忙，啱啱網店新開張，又要繼續兼顧社工同埋YouTube嘅工作，冇乜時間瞓覺🥹但係我點都一定要見朋友！😝我發覺好神奇嘅位就係每次我見完朋友之後就成個人叉足電😝個感覺真係好正，所以我再攰再忙好珍惜每次出去見朋友聚會！所以大家可以繼續約我㗎！😝店名：LAB ZERÕ 地址：尖沙咀金巴利道68號地下B號舖…查看更多

嗰日我同朋友約喺尖沙咀，仲諗緊食乜嘢嘅時候竟然響赫德道望見有間好唔起眼嘅快餐小店，因為佢隔離咁啱有人做緊裝修啲竹棚叉晒出嚟遮住咗佢哋嘅門面，好彩我眼利見到，就同朋友入去試吓，一試之下真係不得了，估唔超抵食又好食，性價比咁高竟然冇乜人講！所以要同佢出個post推薦下！睇返原來佢都係新開張冇幾耐，唔怪得知網上同埋OpenRice都唔係話好多資訊，咁我就做先頭部隊試吓佢啲嘢食啦！😋其實佢嘅嘢食選擇唔多主要有兩個餐一款叫做Crusta Combo，另一款叫Pizza Combo，咁我同朋友每人點一款餐再分享就啱啱好試哂啦😝可能我才疏學淺，我特登上網去睇吓咩叫Crusta😂原來係類似餅皮嘅食物，個老細超Nice向我哋解釋返呢個Crusta餅皮原來一啲都唔肥！佢話一個牛角包用咗34g牛油，但係佢哋用Crusta 皮整的批同Pizza係完全冇用牛油㗎！食完都冇咁罪惡，搞到我勁期待 😍佢啲嘢食上都幾快，首先嚟嘅係Crusta Combo，同埋呢個餐先至$59，入面已經包咗一個招牌牛肉Crusta（呢款要加多$2），炸薯條可以揀蕃薯條或者potato fritters, 因為唔知咩係potato fritters，好奇下我就揀咗😋仲有一隻雞中翼同埋一杯嘢飲講返個免治牛肉Crusta，其實外型有啲似牛肉批，個size都幾大，老闆話一定要用手食，拎上手熱辣辣感覺好實在🥰佢係用左crusta餅皮包住飽滿嘅免治牛肉, 用飽滿真係一啲都唔誇張，一啖咬落去，佢中間係滿滿嘅免治牛肉洋蔥餡！真係爆汁爆餡㗎！而且個批皮係好薄身，令每一啖都係牛肉餡😍老闆雖然聲稱crusta皮冇落牛油，但係食落去又可以做到嗰種酥脆同埋鬆化，食落唔會覺得好油膩，反而好Fresh喎，唔知係咪個crusta皮吸左啲肉汁中和左呢？我真心覺得佢哋crusta批超好味😍大推！👍我見到佢單售都係$37-$39一個，仲有唔同嘅口味，既然唔肥，所以我忍唔住再order多個周打海鮮批😝同樣係咁正呀！中間嘅海鮮非常足料，好似飲緊濃濃嘅周打海鮮湯咁🥰另外跟餐個potato fritters同樣係我私心推薦！原來呢個炸物係將一啲薯仔紅蘿蔔同埋洋蔥刨絲再組合而成一齊去炸，超。級。好。食😍😍😍我再講多一次係：超級好食！🤩我第一次食呢一款嘅類似炸薯條嘅咋嘛，佢加埋洋蔥同埋紅蘿蔔絲落去成件事生色不少，有啲似將洋蔥圈同炸薯條嘅混合體，有洋蔥嘅香味，又有薯條嘅香脆煙靭口感，佢新鮮炸起嘅時候即食簡直係人間美味，呢個potato fritters係第二樣我超推介俾大家㗎！🙌🏻隻雞中翼我就覺得普普通通啦，有少少細隻😝不過成個餐來講都非常之抵，我諗一般人食完呢個Crusta Combo都應該幾飽, 係我先要叫多個批啫，哈哈🤣另外朋友點嗰個Crusti Pizza Cambo 就$79， 超大份！個Pizza同樣都係用咗crusta 皮，但係食落去同一般嘅坊間薄Pizza冇乜分別，一樣係做到香脆同煙韌嘅口感，topping 我哋揀咗蕃茄烤雞❤️炸薯條我哋揀番薯條，全部都好味，冇嘢失手！要俾啲掌聲👏估唔到比我係尖沙咀街頭遇到小驚喜🤩相信大家睇到呢度都feel到我食到正嘢勁想推介俾大家果種興奮😝因為我覺得難得遇到一更用心製作食物，依家錢又唔貴性價比高嘅餐廳好想推介俾大家，重點係個老闆好有理念主要想大家食得健康，更加值得我推廣！💚不過我估佢新開張左冇耐，所以唔係好多人知，果日lunch time都唔算好多人幫襯，所以我先決定幫佢推一推，大家有機會經開尖沙咀，都可以過去食一個Crusta支持下佢哋吖💚店名：Crusta💚地址：尖沙咀赫德道1-3號利威商業大廈地下1號舖…查看更多

唔知大家知唔知道舊灣仔街市係三級歷史建築，經過保育之後而家搖身一變變成一間素食cafe呢 ？之前行過幾次都好好奇，早前終於有機會入去食返個下午茶😋嘩，原來入面靚到Dum一聲!😍佢入面個環境超級靚！佈置到好似一個後花園咁，一入門口已經係花店，再行入少少先至係餐廳，佢嘅樓底非常高，我估有三層樓咁高，同埋種咗好多嘅綠色植物同鮮花，空中又會掛咗好多好有特色嘅植物裝置，藝術感同埋綠色環境並存，等你一邊享受素食嘅時候，一邊置身係一個室內嘅大花園咁，有feel! 💚唔單止環境賞心悅目，連食物都好賞心悅目，佢呢度會推出一啲新派素食，令到素食更加容易被大眾接受，講真我嗰日真係唔係好覺得自己食緊素💚淨係覺得樣樣都好精緻，好好食！佢有分特上套餐同埋輕食餐，💁🏻‍♂️我咁大食梗係揀特上套餐Jumbo Set, 價錢由$138-$158，包咗前菜🥙小食🍟主食🧆甜品🍮同埋飲品☕️💚前菜🥣我揀咗是日餐湯係南瓜粟米湯南瓜同埋粟米嘅味道都好香濃好creamy, 唔會話邊個搶咗邊個!小食🍟我揀咗乾鍋菜花 🥦整得够乾身同埋上面嘅孜然粉好惹味👍主食🧆我揀咗四重芝士impossible meat 肉醬流心蛋扁意粉，佢一嚟我已經覺得好吸引，上面鋪滿勁多芝士，仲有嗰隻流心蛋真係不得了！真係同街外嘅肉醬意粉好似，唔講我唔覺得自己食緊素，唯一唔同嘅地方就係佢嘅芝士味特濃，街外唔會俾咁多芝士😜甜品🍮見到有紅豆抹茶麻糬，身為抹茶控我梗係要揀😍紅豆煮到發開晒，加埋白色麻糬粒好煙韌見到都想食，下面嘅抹茶我本身以為好似蕨餅咁嘅口感，但其實有啲似抹茶啫喱的口感，成個甜品口感豐富，好清新💚飲品☕️我揀咗一壺清新嘅水果茶🍎🍉🍊入面勁多生果好Fresh💚👧🏻如果女仔比較細食，可以揀輕食餐有多款選擇份量又唔使太多，一個價錢$88都係已經有晒前菜🥗小食🍟主食🧆同埋飲品☕️每樣嘢都有好多款俾你揀，而且仲用小型六角型嘅碗拼砌上菜，好靚好精緻😍前菜🥗芒果金柚有機沙律，睇見都知道新鮮！小食🍟我哋仲揀左南洋炸豆腐，外型有啲似炸臭豆腐，但係食落去一啲都唔臭好香脆，唔會覺得油膩，佢仲有兩塊印尼炸蝦餅，上面嘅醬係神來之筆, 好惹味😋主食🧆我哋揀左韓式椰菜蟲草花炒粉絲，粉絲好入味，吸晒啲醬油香，仲有冬菇同蟲草花嘅香味，我好鍾意呢個喎！飲品☕️朋友加錢飲杯沖繩鮮奶黑糖咖啡，仲有得轉燕麥奶，聽佢講講都唔錯👍其實已經相當豐富，呢度嘅除咗精緻同埋味道都的確好好👍但我哋食完之後仲想食多個甜品，於是我哋就嗌多個朱古力心太軟🍮同樣非常出色，見到佢中間個流心湧岀來就知正啦😜食完真係完滿了！今次素食Cafe嘅體驗真心覺得正，由環境到食物都係一種享受, 連我呢個食肉獸都感受到食素嘅喜悅😎下次經開灣仔，又多咗個好地方可以約朋友聚舊啦👍💚店名: OVO CAFE 地址: 灣仔灣仔道1號地下(舊灣仔街市)…查看更多

之前都有聽過朋友講話燒烤堂 @skewer.kitchen 好正💛，但係一路都冇食過，前幾日一於約朋友去食，果然真係冇令我失望，唔係好正咁簡單，係超正😝👍👍👍💛我哋去咗尖沙咀諾士佛台嘅分店，原來佢哋咁啱搬咗過嚟未夠一個星期，我唔知之前嘅分別係點樣，覺得今次呢間舖都幾大幾寬敞，同埋七點幾左右已經坐爆曬，想食呢間，真心要提早book位👋首先要讚一讚佢嘅燒烤種類真係非常之多，兩版Menu密麻麻好多嘢食選擇👍我通常第一次食嗰間餐廳，我會自己上網search下有咩好食，或者問佢哋嘅侍應有乜嘢推介，侍應推介左好多款必食嘅，我哋當然全部點晒🤣放心，我喺度一定食得晒喎😋因為得兩小時進餐時間，我本身都擔心燒烤會唔會好耐，仲要即叫即燒，點知佢上菜都算快，每一輪落咗order大概10分鐘左右就陸續上齊👍每樣嘢都熱辣辣好新鮮，呢個真心抵讚👍佢首先上嘅就係焦糖青蘋果鵝肝多士，呢個一睇就知邪惡😜面頭係大大塊鵝肝少少焦香，中間係一薄片青蘋果，最下面係香脆多士，一定要三樣一齊食最好味，又軟又脆口感好豐富，鵝肝嘅油脂充滿成個口腔，而青蘋果微酸中和左鵝肝嘅漏，一入口真係不得了，係味蕾同口感多重嘅衝擊😍第一個食呢個做開胃前菜一流👍每次食燒烤，我一定必點嘅就係燒茄子，燒菠蘿，秋葵，燒蠔等，呢啲基本嘢佢當然燒得好👍跟住就再上咗一大堆串燒🍢🍡🍢🍡有鹽燒牛舌芯，牛舌腩，和牛，牛小排，雞腿肉等等，無論係鹽燒柚子燒定係明太子燒．全部都好有水準，有我去日本食串燒店嘅風味👍全部都燒得啱啱好．夠Juice唔會太乾喎👍 師傅好手勢！佢Menu上面仲有好多特色嘅串燒嘢食，其中一樣就係串燒界限量珍品「提燈」，冇錯，我拎住嗰個就係「提燈」，即係雞嘅卵巢和未孵化嘅雞蛋，每隻雞只有一串，聽起上嚟有啲恐怖😅但係其實食起上嚟肉質有啲似雞肉，而嗰粒蛋，味道都係一粒半生熟嘅蛋黃，純粹貪得意，味道方面冇乜嘢咁特別嘅🙂叫做試過食「提燈」😛另外呢度好多其他特色嘅燒物好似黃花魚一夜干，串燒白鱔，日本芝士年糕，蟹膏燒飯團，同埋我估唔到鹽燒七里香咁好味，其實即係雞籮柚😜其實有啲類似燒雞皮，將雞皮內嘅脂肪燒得啱啱夠乾身，有少少脆口佢就收手，香得來唔會覺得好油膩。仲有麻辣豬大腸真係必點，佢啲孜然粉同麻辣粉鋪滿串豬大腸，豬大腸本身已經滷到入味，所以入口完全唔覺得腥同肥膩，好岀色！👍是晚超豐富，全部嘢都好有水準，我和朋友們都食得好開心，有種返咗日本居酒屋嘅感覺，重點係佢呢度唔單止日式串燒，仲有好多其他特色嘅串燒，可謂應有盡有，所以鍾意食串燒同朋友飲番杯，我都推薦呢一間，佢好似有好多分店，大家都可以不妨留意吓。店名：燒烤堂 💛地址：尖沙咀諾士佛臺1號1樓…查看更多

其實我身為屯門人又成日四圍食，好多身邊嘅朋友都會問我屯門有咩好食推介？我之前成日都拗爆頭諗唔到有乜嘢好值得推介嘅餐廳🤔反而元朗我就諗到好多間，介紹得比人，希望人哋去食完都想佢哋有個好嘅體驗，最近我終於搵到一間係嘅屯門超高質嘅西餐廳，真心有驚喜☺️話說我前幾日同朋友去咗兆麟試左呢間開咗冇耐嘅西餐廳, 佢係開響翠寧花園入面，屋苑入面有間幾靚嘅西餐廳感覺係有少少格格不入，本身以為會唔會好貴，但睇返啲價錢都合理，晚餐價格介乎$60幾蚊至到百幾蚊都有，點知試完之後，發現佢原來唔算貴，可以話係性價比超高添吖👍入面嘅裝修都幾有格調，光線充足柔和，環境都幾舒服，我同朋友坐咗入卡位都幾適合吹水聊聊天。佢晚餐都幾多嘢食，我見到樣樣都好想食😍 就點左幾款我同朋友都想食嘅嘢，諗住咩都試下，全部賣相好似好吸引咁😍同埋佢加$18就可以配餐湯同黑糖麵包，佢嘅餐湯真係新鮮打嘅粟米湯，飲得出同出面嘅罐頭湯好唔同，好Creamy好似喺日本飲嗰啲濃湯咁甜😍 個黑糖麵包又係好正，同Outback嗰啲有啲唔同，佢嘅黑糖麵包冇咁甜但好香好鬆軟，唔使搽牛油都會好想食哂，我淨係飲完個湯，食完個沙律同黑糖麵包已經feel到佢哋好用心製作，所以勁期待跟住嘅主菜。1️⃣溫泉蛋卡邦尼寬條麵（$80）呢個見到個樣已經好想食🥰因為佢上面嘅溫泉蛋浪下浪下，好似係咁引誘我篤爆佢咁，而且下面嘅每一條嘅寬條麵都俾滿滿嘅芝士同煙肉包裹住，超級濃郁，加埋溫泉蛋嘅蛋漿每一口寬條麵都超幸福🥰2️⃣自家製泰式酸辣醬配慢煮半隻雞配炸春卷及扒菜 （$90）呢個嘅賣相簡直好似係高級餐廳擺盤一樣，好賞心悅目😚半隻雞嘅份量都好多，重點佢係先慢煮再煎令到佢嘅肉質保持非常細嫩，連雞胸都嫩👍真係高手，佢個自家製泰式酸辣醬喺度畫龍點睛嘅作用，好少食到一個咁特別嘅泰式酸辣醬，佢有少少辣少少酸甜，唔會話好重口味，會令我好想係咁用佢嚟點雞同埋春卷，點上咗癮😜唔知點解，我想講佢哋連啲配菜西蘭花同埋翠玉瓜都煮得零舍好食，好一絲不苟👍3️⃣香煎三文魚配燒烤汁（$133）呢款佢可以再加多兩個配搭，我哋揀咗松露薯條同埋蒜蓉菠菜，同樣係唔會令我哋失望。首先佢塊三文魚扒本身已經夾好咗先得外脆入面啱啱好，同樣擺盤精美👍佢嘅松露薯條上面嘅松露醬一啲都唔吝嗇，而且佢嘅炸薯條炸得啱啱好金黃香脆，凍左都好食嗰隻👍蒜蓉菠菜亦夠入味。總之我哋隨機咁樣點左幾款主菜都食得出大廚嘅水準同埋心思，真係每一道都色香味俱全，真心正！我真係好耐冇試過全餐飯邊食邊讚，係全部煮得啱啱好色香味俱全嗰隻，我真係好想問吓大廚到底發生了什麼事？要喺呢度屋苑內開間咁高質嘅西餐廳嘅🍴？關於呢個答案我係最後都問到，因為我好唔知醜咁樣八到🤣原來呢間餐廳係有一對年輕嘅小情侶一齊開嘅，係外場好熱情招待嘅就係老闆嘅女朋友，同佢傾多幾句，知道原來老闆就係大廚，佢之前喺好多唔同出名嘅酒店同埋餐廳做過廚師，啱啱出嚟開餐廳創業，所以難怪我可以食到啲咁高水準嘅西餐，原來係出自經驗大廚之手👍後來我見到老闆，原來佢都係十分年輕，同佢哋傾多咗兩句，知道原來佢哋選擇係屯門翠寧花園開呢間餐廳有個理念，就係希望將一啲高質嘅西餐帶到屋苑同埋平民嘅地方，將美食同更多人去分享。我聽完之後真係十分感動，一來見到佢哋小兩口子咁投入同埋認真去創業去追夢，二來見到佢哋帶啲咁高質嘅美食俾大家嗰份堅持✊我點會唔支持？加上我真係好耐冇喺屯門食到咁正嘅西餐，難得搵到屯門嘅好嘢食，所以我決定要打長文支持下佢哋！大家如果喺屯門街坊都可以去支持吓佢哋，如果唔係住喺屯門咁啱入開去都可以幫襯吓，真心正，好少咁推介😋我食咗一次就已經成為咗佢哋嘅fans了，相信好快我會再返去幫襯㗎啦🤣希望佢哋繼續加油！俾更多人認識✊店名：BESTIE 地址：屯門豐安街2號翠寧花園地下19號舖（輕鐵兆麟站旁）…查看更多

嗰日約咗朋友去黃大仙食呢間新開台灣嘢，見佢係韓閣同一個集團，於是就去試吓😋佢喺黃大仙中心北館地下，隔籬就係韓閣，兩間舖位癡得好埋，驟眼睇仲以為同一間舖添🤣佢呢度係手機scan QR code點餐，我見佢點套餐好似抵食啲，而且仲有唔同嘅配搭，可以再加錢去啲特色嘅甜品或者飲品，於是我就點咗個$138牛肉麵套餐，我食台灣嘢最鍾意就係食牛肉麵，見到網上話佢嘅招牌牛肉麵唔錯，當然要點😋果然冇令我失望，牛肉麵麵身係比較粗，煙靭掛湯，湯底係香濃且清的牛骨湯，飲落唔會喉乾，應該冇落味精😋蘿蔔好清甜冇渣，重點係佢啲牛肉肥瘦適中，炆得非常之腍和入味，腍得黎又有咬口，我最鍾意的牛肉的感覺，好嫩呀！😋另外加$15就可以加配一碗細嘅滷肉飯，雖然話係細，但係份量一啲都唔細，上面鋪滿入味嘅滷肉！肥瘦適中，好味！朋友就點咗一個牛𦟌蔥油拌麵🍜我試咗少少，上面有五片薄切嘅滷水牛𦟌，咁啱我嗰塊牛𦟌有少少靭，但朋友話佢其他都幾腍身，可能部位問題，不過佢嘅蔥油拌麵都幾出色，够香😋小食方面我哋加點咗啲鹽酥雞同埋黑糖雞翼，同樣都做得唔錯😋鹽酥雞有台灣嘅味道，黑糖雞翼比較特別，出面甜甜地有啲焦糖嘅感覺😋最後我哋嘅套餐仲可以加$40加配一個3.6牛乳黑糖芋圓特盛，我見佢原價要$88/1個，我本身純粹諗住叫個飯後甜品，點知嚟到真係超大，果然特盛😝我諗三個人食都仲得，入面超豐富，下面係3.6牛乳黑糖沙冰，上面鋪滿芋圓同珍珠，仲有牛奶布甸，香草雪糕同兩大個黑糖麻糬中間裝滿紅豆餡，真係食到個口好攰🤣🤣🤣如果你鍾意食台式甜品，呢款可以滿足晒你好多個口味，而且都幾好食㗎。今次比我發掘到黃大仙都有啲幾唔錯嘅台式餐廳，下次想食台灣嘢又多一個地點同朋友gathering啦😋…查看更多

今次嚟到中環一間主打健康概念嘅西餐廳食晚餐，網上見到好多人推介，話佢啲嘢食色香味俱全，仲要好健康同好有理念，嗰日我哋食完都覺得真心超高質，果然名不虛傳！👍👍佢嘅位置喺中環雲咸街近蘇豪區，離遠都會俾佢嘅紅磚牆吸引到，都幾易搵到！佢入面都幾多外國人幫襯，侍應亦大部份都係外國人，服務態度好好，親切殷勤👍見佢menu上有主打好多素食或者非素食嘅健康餐點，無論素食或肉食的餐單都有好多選擇👍我哋問staff介紹咗部份餐點，自己又點左一啲想食嘅就開餐啦😋🥗首先嚟嘅開胃前菜係Broco-Loco Salad ($88), 佢呢道前菜又係好細心有分肉食或者素食版，其實係焗有機西蘭花苗，主要分別係上面啲芝士係用vegan cheese 還是有巴馬火腿嘅車打芝士，我特登揀咗個素食芝士版，因為後面好幾道都係肉食，想平衡下🤣佢嘅有機西蘭花菜苗焗得翠綠，上面淋左香濃vegan cheese 加啲炸蒜片，鹹鹹香香幾醒胃。🥣跟住嚟嘅係南瓜湯($88)咁岩果日係萬聖節🎃佢嘅南瓜湯面頭嘅拉花好似蜘蛛網好應景，同埋佢嘅南瓜係用日本有機南瓜，番薯同埋椰奶一齊打成，口感好creamy👍🥓第三個前菜就係燒帶子煙肉（$128）擺盆好精緻，又係靚到好似藝術品咁樣🧡帶子燒得够嫩好鮮甜，每隻帶子上面有一塊香脆bacon, 味道比較濃帶出帶子嘅清甜，配上青豆醬汁整道餸比較清淡得來好特別。睇返Menu上面寫住佢啲帶子係屬可持續採購sustainably sourced , 睇嚟佢哋嘅理念唔單止健康，仲好有環保意識👍🥩跟住就上main course, 先上係佢Staff推薦嘅煙燻beefy short-ribs($248) 呢個真心要打卡，因為侍應上菜嘅時候蓋冚住個蓋，一打開啲煙即刻冒出來煙霧離漫，超級靚！🧡我諗嗰啲就係煙燻嘅煙，見佢上面大概有7-8片嘅牛肉，可能你會諗唔係ribs嚟嘅咩? 因為我之前有個朋友請過我食過煙燻牛肉，所以我有經驗，佢哋係會將ribs旁啲牛肉起落嚟切片上，所以見唔到骨係正常㗎同埋佢哋嘅牛肉係用咗48小時慢煮處理，肉質好嫩，肉味濃郁，上面仲淋左啲自家製BBQ醬，好味👍不過我略嫌佢嘅煙熏味唔算好出，俾啲BBQ醬冚咗，另外我鍾意佢下面鋪滿鷹嘴豆同埋啲時令嘅有機蔬菜🥬🍖最後就係我超級期待嘅威靈頓和牛（$480），出街食飯我通常都要點一啲我自己煮唔到嘅，威靈頓牛係我成日覺得好難整同埋一定要出街食嘅，見佢呢度竟然有我梗係要點啦！佢呢度嘅威靈頓牛係用九安士嘅M6澳洲和牛，上菜嘅時候佢已經幫你切好，從牛肉中間着粉嫩你就會知道大廚嘅廚藝高超，真係五成熟啱啱好，而且入口好嫩，唔會一浸血腥的味道，反而係食到和牛嘅鮮甜😋佢嘅酥皮除咗香脆外層，與牛肉中間夾雜着一啲黑松露蘑菇泥duxelles亦超級香！令到個酥皮好食N倍！😍呢個威靈頓和牛我俾佢滿分💯🍸飲品方面我叫咗一杯叫做Immuno Sunshine嘅smoothie($68), 我見佢材料都幾豐富有木瓜，芒果，菠蘿，燕麥奶同埋薑黃蜜糖等，口感幾特別同清新👍💁🏻‍♂️整體來講成餐飯都超高分，環境唔錯，服務態度抵讚，食物除咗擺盤靚到好似藝術品之外，味道仲一流👍仲要佢嘅理念崇尚健康之餘重視環保推動，見到佢嘅用料好多都係有機同埋可持續採購嘅就知道係有心人，咁高質嘅餐廳真係值得推介俾更多嘅人知道👍去開中環Soho區附近都不妨去試吓，聽講lunch都幾抵，等我下次有機會都去試吓先😋店名：Orka Restaurant & Specialty Cafe 地址：中環雲咸街36號地舖…查看更多

最近又減肥，終於又來到呢個星期減肥計劃嘅cheat day! 我唔理！我一定要食好嘢😋本住呢個要食好嘢嘅心💛我就諗返起上次去銅鑼灣睇到馬場景嗰間睿私房菜 @chillprivatecuisine ，又想去嗰度邊睇銅鑼灣夜景邊食好嘢，於是就約朋友去嗰度食餐好嘅😋彌補我呢兩個星期減肥嘅辛苦（其實一啲都唔辛苦，自己喺度扮慘😝）我哋點咗佢一個晚市套餐，個名叫「愛的永恆盛宴」（$688/一位）個名好有母親節feel💕🤣下次要再同阿媽嚟食得，不過見到佢個餐啲嘢食好啱我食，有海鮮又有豆腐咁，我唔理啦，好肚餓，通通同我上晒佢！🧆黎呢度必點嘅係佢嘅冰鎮黑豚肉咕嚕肉，雖然佢嘅套餐冇包，但係我都要另外叫一碟，因為真係好好食😋首先佢嘅賣相已經好吸睛，用冰鎮咕嚕肉仲要有啲乾冰冒煙，打卡一流，佢嘅咕嚕肉粒粒都炸到外脆內嫩，同埋佢嘅脆身係放咗好耐都仲好脆嗰隻，勁👍 中間嘅黑豚肉肥瘦均勻，咬落去好Juicy，好睇又好食嘅一道餸，不過食多幾舊都會有啲漏，所以可以食返啲伴住的提子菠蘿解膩，又再食過🤣🦪頭盤係酒香花螺同埋霸王相思甲，個花螺酒味同鹹味都幾濃，個花甲就味道相對淡啲，靠上面啲欖菜吊返出個味🧆玉掌拼南非八頭鮑魚，鴨掌同埋鮑魚都炆得非常之入味而且好腍，每一啖都食得出廚師花嘅功夫，非常享受😌🥗香芒鍋巴斑球，鍋巴超香脆，唔油膩，斑球鮮嫩上面係沙律醬，好開胃，同埋另外有一碟雜菇炒蜜糖豆，食啲菜清下再食下一道。🧆蝦子琵琶豆腐，佢首先將啲蝦子同埋肉打成琵琶豆腐，再淋一啲蝦子汁落去，有蝦子味嘅鹹鮮同豆腐嘅嫩滑，我鍾意呢一道啊！🦪清酒蒸元貝皇，隻元貝冇我想像嘅咁大隻，不過食落都幾鮮甜，飲埋啖清酒同元貝嘅精華先至係重點🍶🍛鮮蟹肉蟹殼焗飯，蟹殼細細，中間裝滿炒飯，再鋪滿啲芝士去焗，幾精緻🍮白芝麻布甸，呢個我好鍾意喎！出面食嘅甜品好多都係用黑芝麻整嘅，難得佢呢度係用白芝麻，味道係濃郁得來唔算好甜，特別又好食，好有記憶點💛食飽飽好滿足😋食完呢餐正嘢作為獎勵自己，我又燃起返減肥嘅鬥志啦，我記番起我減肥嘅初衷就係為咗要食更多好嘢食，我之後會繼續努力㗎喇，Ursh ursh!!💪💪💪…查看更多

話說嗰日我cheat day, 同朋友去咗觀塘呢間用雞蛋做主題嘅良心餐廳🍳💛，啲嘢食都幾唔錯，價錢又親民，以後去觀塘食飯又多一個好去處😋佢個位置喺觀塘地鐵站D4出口一落天橋直行幾分鐘就到，不過個位置係工業大廈地下有少少隱蔽，加上見佢大廈外牆搭緊棚，不過細心D睇都唔難搵嘅。佢入面都幾寬敞，而且貫徹以雞蛋做主題所以成間店都係黃色，睇返餐單上嘢食都算幾多選擇，價錢唔算貴平均都係$50-$60一個set，我估因為開係工廈入邊，鋪租平啲所以成本都可以控制到嘅關係。🍳佢有好多款同蛋有關嘅餐點 我梗係唔執輸，點左一個我超想食嘅奄列流心蛋包飯（$68）佢就係嗰啲喺飯上面有個巨型奄列蛋一切開好似瀑布咁樣流心嘅嗰款蛋，雖然切落去果下唔係好似我平時見到人哋嗰啲即時好澎湃感，可能因為我影咗陣間相唔係即時切開，但係都做到少少流心嘅感覺㗎，配埋下面日式醬油炒飯，真係好有嗰種蛋包飯嘅風味呢！🍜另外我見到網上啲人話一定要食佢嘅沙嗲牛肉麵，我哋就點咗個牛魔王沙嗲麵（$60），佢係分別有滑牛，生牛肉同埋牛肉丸組成，牛肉夠滑夠嫩，沙嗲醬好得，沙嗲味濃偏甜，花生香味好夠，配埋公仔麵索晒啲沙嗲醬，所有嘅比例都啱啱好，成碗嘢好得好高分💛難怪網上啲人大推佢嘅沙嗲牛肉麵👍🥗我仲見到佢有雞肉椰菜花飯（$62）呢個真心估唔到，因為係一間普通嘅餐廳竟然會顧及到一啲減肥肥人士👍雖然嗰日我係chest day, 不過我都懶健康咁點左呢款椰菜花飯當食多啲菜😝佢係將啲椰菜花切粒唔係絞碎，比較大粒，可能我自己炒椰菜花飯炒得多，所以我覺得我炒得好味啲😝不過喺出面會有地方咁俾心機炒椰菜花飯，價錢又唔貴，我下次嚟到應該會再點😉另外我哋仲有幾款小食💁🏻‍♂️🧆秘汁炸雞（$28）有四件炸雞球，上面淋左一啲甜甜地嘅醬汁，外脆內嫩，唔錯👍🧆椒鹽豬扒（$30）同我想像中嘅椒鹽豬扒有啲出入，佢其實係炸豬扒上面放咗一啲秘製嘅醬，似係一啲麵豉醬再溝豆瓣醬，味道幾特別，不過唔係我開始預計嘅椒鹽豬扒😝.我都幾驚喜喺觀塘工業區入面有一間咁特別嘅主題餐廳，而且味道唔錯，性價比都幾高，下次我會再返去幫襯😋…查看更多

我尋日又約咗朋友去尖沙咀食 @ggood.day.bad.dayy 呢間都算係我比較鍾意嚟食嘅餐廳，聽講佢最近轉左新Menu，所以我都幾期待，不過同時都希望佢一啲我鍾意食嘅嘢有保留🥹🙏去到見到佢個場而家進行緊Halloween裝飾，繼續搞鬼，睇返個新Menu，好彩我至愛的鰻魚蛋包飯，軟殼蟹pizza，黑芝麻奶嗰啲全部都喺度😝不過見到佢同時都加咗好多新嘅嘢，嗰啲名同樣係玩味十足，我哋一於就試吓啦😋👉求其是但乜都炸啲啦 （$98）呢個真係次次嚟炸嘅嘢都唔同，好睇廚師嘅心情🤣今次有炸蝦，炸魚柳，炸雞翼同炸薯條🍟依然係炸得好味😋今次佢仲落多咗芝士粉添啊！👉海鮮拼盤 （$398）見到個樣好吸引，有大大隻波士頓龍蝦喺正中間好吸睛🦞仲有兩隻日本磯燒鮑魚，三隻新西蘭青口，四隻法國虎蝦，兩隻加拿大翡翠螺，都幾新鮮嘅，不過如果每樣都有四隻就好啦，咁我哋四個易分啲🤣我冇得食鮑魚🥹👉唔好抱咁大期望蒲燒鰻魚蛋包飯 （$125 +$25升級全條）呢個真係每次嚟都必點，冇得輸！大大條鰻魚配滑蛋包飯，每一啖都係幸福🙆🏻‍♂️好彩新Menu佢仲喺度咋🤣👉好日梗係芝士龍蝦意大利扁面 （$280）下邊係特濃芝士撈扁意粉🍝味道好香濃，上面係香煎龍蝦尾，爽口彈牙😋👉 美利堅合眾國草飼牛扒 （$168）我哋本身想點平時嘅牛扒，但係佢而家原本嘅牛扒冇咗，變咗係沙律嗰一版，佢呢個嘅份量牛扒少咗，不過沙律菜多咗，中間仲有兩塊炸蝦餅，同埋配菜入面有個小麻醬烏冬，都幾豐富同開胃😋🥛我黑芝麻你個奶 （$48 ）依然好飲無敵，次次嚟都必點！🥛73.5%朱古力最好味 （$48）朋友點嘅，佢嘅外貌升咗級，上面會有一個細細個嘅六格朱古力🍫做點綴，好可愛。🥛豆腐豆腐豆腐咖啡 ($56) 又係朋友點嘅，上面係一球豆腐雪糕，下面係香濃咖啡，朋友話好飲🍰紐約原味芝士蛋糕 （$68）本身我哋想點焙茶芝士蛋糕，點知琴日賣晒，我哋點紐約原味一樣好味，芝士味好出好香濃！🍰茫茫人海遇見你嘅途中夾雜住又甜又酸 （$68）就咁睇名完全唔知係乜嘢🤣睇返英文先知原來係芒果青檸口味嘅雪葩，佢嘅外型好吸引，好似個搖籃咁樣好靚，味道真係酸酸甜甜㗎喎😋隔咗一排冇黎，佢依然係咁高質，我就食得好開心，新Menu上面嘅嘢都好好食呀，希望佢繼續保持到💪…查看更多

琴日終於又到cheat day!我又可以大開食界，即刻約埋好友們開餐😋琴晚我哋食咗一間超高質嘅馬拉菜，急不及待要同大家分享！😍呢間馬拉菜叫做檳榔島敘，位置喺鰂魚涌，個位有少少格攝，但係都冇阻佢嘅高質！👍佢嘅門口掛咗啲閃閃燈同埋霓虹光管，離遠都望到都幾靚㗎。入到去個環境都幾舒服，最靚係佢嘅牆身油到好似海浪咁樣，有藍藍嘅海水又有浪花，真係令我哋好似置身響海灘上，望見都覺得清涼😆我哋見過個二人餐都幾抵食，平日$338有晒沙律，小食，主菜，飲品同埋甜品都好豐富😍所以我哋三個人叫咗個二人餐再加另外再點其他嘢食。小食可以八款揀三款，我哋揀咗馬拉盞一口蝦多士（四件），沙嗲雞髀肉串（2串），同埋炸薯條Mix炸蕃薯條🍟哇，呢個小食拼盤好正，雖然得三樣嘢，但係都好豐富好多，一口蝦多士真係必食，細細件一口一件，每件蝦多士上面啲蝦膠，有馬拉盞嗰種鹹鹹香香，好惹味，沙嗲雞髀肉串好大串，上面全部都係花生沙嗲醬，雞髀肉彈牙，仲有出面好少食到薯條再拼薯薯條，好香脆😋主菜我哋揀咗馬來甘香海鮮天使麵，呢個要加$28，不過呢道真係好好食，好多海鮮有蝦，魷魚，青口同埋蜆，將啲天使麵同海鮮連埋馬拉嘅風味辣醬一齊炒，炒得好乾爽一啲都唔油，又係有少少辣好惹味，而且份量超多我哋覺得夾極都有。另一個主菜我哋揀咗鮮茄牛油果蘑菇pizza，呢個都要加$38，呢度係素食嚟嘅，我懶係健康所以點左，不過都冇令我哋失望呀上面鋪滿左滿滿嘅牛油果蓉，青椒，蕃茄同埋蘑菇，有勁多芝士但係都會覺得好清新，同埋佢係Pizza係厚皮脆底，鍾意麵包口感嘅人士應該會好鍾意❤️我哋另外加點一個炸蝦醬雞翼椰漿飯（$78）感覺好地道，有四大隻蝦醬雞中翼，炸得好香口乾身，蝦醬味好夠入味，肉質好嫩，椰漿飯應該加咗班蘭葉所以呈綠色，入口有淡淡嘅椰香，配搭埋乾炸魚仔，花生同埋馬拉辣醬一齊食，別有一番風味。最後我哋點咗幾朝香榴槤蛋糕，其實係我想食，因為啱啱去完泰國好掛住嗰邊嘅榴槤蛋糕🍰佢個榴槤蛋糕似芝士蛋糕，入D好香濃嘅榴槤味，而且好creamy, 唔會太甜，真材實料😋琴晚食完我真心覺得呢間馬來西亞菜好高質，好彩我將我嘅cheat day quota俾咗佢咋😋食到好食嘅馬拉菜，心情好靚，有機會都會返去再encore😋不過食完呢餐我要繼續我嘅低醣飲減肥計劃先💪💪店名： 檳榔島敍 地址： 鰂魚涌海灣街2號濱海大廈地下D-1號舖…查看更多

邊個話減肥岀街食就冇乜選擇？其實而家越來越多生酮或健康飲食嘅餐廳岀現，等你可以滿足到口腹之欲之餘，食完唔會覺得罪惡，唔會打亂你嘅減肥計劃😋其中呢間係西環嘅 @infiniti__c 其實一早就以有無麩質餐點作主打，最近佢地仲推出左一系列全新嘅生酮、無麩質、低碳飲食或純素嘅健康餐單，琴日啱啱去食完，真係驚艷到我😍真係健康得來又好味仲要靚，打卡一流😋👍就算唔係減緊肥一般人士去食都覺得正😋首先我哋叫咗佢嘅一啲主菜鹹食😋👇🏻🥗慢煮澳洲牛柳伴雞髀菇麵（$188）佢好巧妙咁樣將雞髀菇切成一絲絲扮麵，原理就好似將椰菜花切粒變偽飯，或者將翠玉瓜刨成絲做偽麵一樣，呢啲手工野好好廚師嘅耐性，雞髀菇絲都稱職扮到麵嘅口感，係比較爽口，伴着麻油入口好香，喺三坨雞髀菇麵上面鋪滿左五成熟嘅牛柳，口感好嫩肉味濃，加埋清新醬汁，好味得來高蛋白質又低碳水👍🍔韓式辣天貝黑芝麻漢堡伴炸番薯條（$138）一上菜嘅時候會俾佢嘅黑芝麻包吸引住，令我諗起之前食過一啲竹炭麵包，不過睇返佢呢個黑芝麻包成份同用料更加講究，佢主要係用杏仁粉，黑芝麻粉羅漢果糖同埋一啲無麩質嘅天然材料所製成，其實我覺得同一般嘅麵包唔算太大分別，只係口感會比較濕潤同埋幾軟熟，生酮人士都啱食👍因為呢一個係一個素食嘅漢堡，所以佢中間嘅patty 係將天貝絞碎加入番薯蓉整成一個漢堡扒嘅形狀，因為我本身唔知乜嘢係天貝，問返原來天貝係一種豆類嘅製品，有豐富嘅蛋白質，如果食素嘅人士應該知道，因為天貝本身冇乜味道，所以我覺得中間嗰塊扒俾番薯蓉同韓式辣醬搶咗個味道，所以就唔係好食到天貝嘅感覺，不過佢嘅生酮黑芝麻包係驚艷到我嘅💛同埋佢配嘅係炸番薯條🍟呢下有驚喜！🥪吐司mix & match （$98/2件）個底我哋揀咗酸種吐司，Topping 佢有六種選擇，我哋揀咗炒滑蛋黑松露醬，個炒蛋好滑，見到都好想食嗰隻滑😍 另一個揀左自家製堅果醬加生酮士多啤梨醬，堅果醬好香濃，加埋少少士多啤梨嘅酸甜味道好豐富🥞蕎麥豆乳泡菜班戟（$108）呢個真心比到驚喜我，佢嘅整法我覺得有少少似之前我教大家整嘅韓式泡菜豆腐扒，不過佢呢個係純素冇加豬肉，而且口感結實得來比較柔韌，佢應該係因為加咗一啲蕎麥粉同埋豆乳去整，加上泡菜嗰隻微辣好惹味，真係會忍唔住係咁食，一份有三塊我食咗兩塊半囉🤣呢款大推😝🍰甜品方面試咗佢哋signature嘅無麩質生酮Blue Earl Grey 蛋糕，味道比較清淡，Earl Grey 味唔算好出，我覺得感覺食cream比較多🍩另外試咗佢哋嘅生酮鹹味冬甩，我睇個樣本身以為係Bagel, 但係與其話係冬甩我覺得更加似麵包，因為佢嘅口感似麵包多啲😝不過味道係唔錯嘅，佢呢個係配合左意大利辣椒所以鹹鹹辣辣幾惹味。🍨生酮肉桂卷伴雪糕，我覺得呢個最好味，同埋賣相都最吸引👍☕️另外我哋仲叫咗兩杯咖啡，Latte 同Flat white, 味道唔錯，而且拉花仲好靚添。整體來講我覺得佢嘅新Menu比到驚喜我👍其實我唔覺得自己食緊低醣健康餐😋仲食得好開心添🤣邊個話減緊肥同埋健康飲食喺出面會冇啖好食㗎？就算約朋友去呢啲健康生酮餐廳gathering ，一般人都好接受到, 因為真係健康得來又好食，仲要夠靚適合打卡，一舉三得，我樂見越來越多餐廳提供呢啲健康嘅餐點，不過講乜都無謂，最緊要都係要好食😋呢間我絕對收貨，所以有機會你哋出去西環都可以去試吓佢哋全新嘅健康Menu啦💛店名：Infiniti C 地址：西環西邊街38號明德山地下A店 (西營盤地鐵站C出口右轉直行)…查看更多