kaytangty的个人专页

依家好食又周到嘅海鮮蒸氣火鍋真係買少見少🥹趁住12月頭啱啱開始凍凍地，就同朋友book咗呢一間位於銅鑼灣嘅海鮮蒸氣火鍋試試佢🐚🦀話明試試佢，就揀咗一個相對實惠少少嘅套餐啦，每人$4xx🥰～本身以為份量唔多，但係食食吓又好飽喎！1. 太平洋饅頭蟹我同朋友一致俾佢蟹膏嘅份量驚艷到❤️🦀食極都仲有，唔單止蟹膏，仲啖啖肉添！依個套餐如果唔要饅頭蟹嘅話就係鰻魚🐟如果有興趣試吓蒸鰻魚嘅各位，呢個都不妨係一個好選擇！！2. 青口、海虎蝦、珍珠蠔⋯啲海鮮種類太專業啦，我都唔記得咗佢哋全名係咩，淨係記得新鮮同埋好好食🦐！我自己最滿意就係青口同埋蝦，珍珠蠔就正正常常啦，蠔嘅話我都係鍾意食生蠔多啲🦪最後，不得不提佢哋嘅服務真係好周到，雖然當日現場都好多客人，但係侍應哥哥們都會非常之詳細介紹每一種食材同埋食法，仲會親自過嚟幫你煮添😊🤭冬天凍到唔想郁嘅時候，呢間餐廳絕對係一個好選擇啦哈哈～～…查看更多

觀塘好多嘢食就大家都知道㗎啦，今日就同男朋友去咗試食一間位於觀塘嘅樓上西餐廳！本身佢好鍾意掟飛鏢，呢一間西餐廳有埋飛鏢機就非常之啱佢口味啦❤️🫶🏻本身淨係想搵個地方靜靜地坐吓，諗住嘢食高質只係bonus，點知又真係唔差喎！我哋兩個人嗌咗一個set dinner $3xx (有齊前菜，沙律，湯，main，甜品和凍飲)同埋另外嗌咗一份青口，特別推介佢哋嘅牛扒同埋青口比大家！🔺美國頂級肉眼 (+$78)睇相已經知道高質同埋嫩口啦，雖然呢一款煮食係要另外加$78但係睇份量同埋味道絕對係物超所值啊！🔺白汁青口（Large size) $248我哋一致認為呢一個青口係so far我哋係西餐廳食過最好食嘅，同喺銅鑼灣都有分店嘅一間連鎖餐廳（出名食青口嘅）絕對有得媲美～買單嗰陣個職員仲同我哋講lunch time 1400 後有8折，各位咁啱去附近行街食個late lunch或者下午茶嘅話又多一個好選擇啦！！…查看更多

個個都話石門多隱世小店，今次見天氣凍凍地就同男朋友去咗京瑞廣場食雞煲！同男朋友食完之後都覺得出面連鎖店嘅水準～之後夜晚想打邊爐就多一個選擇！🔺麻辣雞煲(半隻)評分｜4.5/5半隻嘅份量都好多！好多雞件都係多肉同埋入味嘅，我自己其實最鍾意就係食洋蔥，呢個雞煲無論雞定係洋蔥嘅份量都深得我心呀！🔺凍豆腐評分｜5/5佢擺上枱嘅時候真係硬過磚頭，但係東豆腐依啲人加美味打邊爐一定唔可以唔嗌，果然冇令我哋失望！！大大碌，非常之索汁，豆腐仲要冇響鈴咁邪惡添！必嗌～🔺頂級安格斯牛小排評分｜4.5/5可能係因為個醬汁太惹味，所以食第一二片嘅時候覺得啲牛肉冇乜牛味，但係後來又OK喎，大大碟鋪滿晒，雖然係厚切，但係都唔會好韌～除咗呢啲之外，我哋仲有嗌牛柏葉、黑松露丸、同埋蠔，每一樣打邊爐配料都係水準以上🐷🐷🐷再加埋佢哋嘅服務非常之體貼，嗰啲姐姐間中就過嚟幫我哋搞兩嘢，雖然越夜越多人仲要唔催人走～🤭🤭🫶🏻…查看更多

媽咪同我都係泰國菜嘅fans～但係九龍城嗰啲已經食到悶晒，近近哋今次就去咗位於荃灣荃新天地嘅Asok Thai！全部食物都係more than 不過不失 💓特別有幾樣係隆重推介嘅！🔺$158 冬陰功大頭蝦意粉評分｜5/5估唔到係呢一種加埋cream嘅醬汁！！嗰個意粉超級掛汁，同埋啲蝦碌非常之大隻～有驚喜嘅係個蝦頭入邊都有蝦膏🦐🔺青咖喱雞配印度燒餅 $98+$38評分｜4.5/5雞件夠厚肉，滑嘅，滿足嘅～不過我覺得佢個咖喱偏稀咗少少～可能我唔識食嘻嘻🔺泰式奶茶 $42評分｜4/5呢個係我媽咪嗌嘅，我試過係想像中泰式奶茶嘅味道同埋好欣賞佢係真係可以拎走嘅樽仔，玻璃樽嚟嘅！媽咪話曾經去過某某連鎖茶餐廳食飯嗰個樽係唔可以拎走🥲感覺有少少嘔心～總括而言都係一間食物水準以上同埋環境非常之舒服嘅好餐廳，同隔籬枱唔會好近，所以情侶/閨蜜嚟傾偈嘅話都係一個好地方！…查看更多

如果唔係朋友介紹都唔知道原來灣仔有一間氛圍感咁正同埋嘢食咁高水準嘅居酒屋！坐得舒服，店員服務好，嘢食超水準～忍唔住4條友嗌成$2000嘢食！ -----1. 野菜天婦羅盛合 $148 💛💛💛💛💛我自己最鍾意就係南瓜，同埋茄子仲有金菇，天婦羅其實最緊要就係啲粉唔好太厚同埋入口唔好太油淋淋！作為前菜嚟講，佢係超水準！2. 奶油煮蜆 $90💛💛💛💛基本上有牛油嘅嘢一定係冇得輸，啲蜆大大隻，彈牙！無沙！鮮甜！入邊仲有啲雜菇！3. 牛油果蟹肉壽司卷 $108💛💛💛💛💛呢個組合一定唔會輸！飯量唔會好多，同埋入口清爽不膩～加分嘅位係啲擺盤全部都好靚，細節最重要！4. Drink 💛💛💛💛💛唔係化學糖水味同埋真係清新，啲味道仲好過中上環啲好貴嘅酒吧！誠意用心之作，好值得喺度渡過一個微醺的晚上~…查看更多

今日同屋企人一齊去咗食呢一間位於尖沙咀樓上舖嘅新式素食，入到去見到環境超級靚，超似平時我哋會去打卡嗰啲Cafe🩷🤭淨係個環境已經好加分啦！！我哋一行四人嗌咗好多樣嘢食，每一樣我哋都係有讚冇彈嘅！稱得上係素食界嘅禾稈冚珍珠🥹🔺黑松露煎蘑菇忌廉湯 $78💛💛💛💛💛大堆！雖然我影得好肉酸，不過同出邊高級西餐廳嘅有得媲美！🔺越南湯河粉 $98💛💛💛💛💛個湯頭好出色，似係用菇嚟熬製，勁清，零杲精！個素肉質地會似硬同實淨嘅腐竹！媽咪話加埋青檸仲出色！🔺琵琶豆腐 $88💛💛💛💛💛同我想像中嘅琵琶豆腐外觀有啲出入，不過係超級好食！！！脆加夠味！喂Hello你到咗啦我出嚟啊佢食落嘅質地似軟豆腐，但係唔知點解味道好似鯪魚球！🔺半煎炸餃子 $48💛💛💛💛入邊係粉絲同埋木耳，就係想像到素菜餃子嘅味道，我覺得食落幾舒服嘅！不過可能因為我箍牙嘅緣故，所以諗住下次都係食返蒸餃hehe🔺片皮鴨 $128💛💛💛💛佢個醬汁唔係平時我哋食片皮鴨嘅醬汁，無咁甜，舊素肉都好有咬口好正！！食多兩嚿都唔會覺得好邪惡～～🔺台式滷肉飯 $98💛💛💛💛💛大家依個真係一定要嗌嚟食，個味道係一模一樣樣！除咗肉燥之外，上面仲有一舊係素滷肉，無論外型同埋食落去個質地都超級似！yum yum 🤤 餐牌上面仲有好多好似好吸引嘅嘢下次有機會我會想叫多啲朋友一齊去食！🩷🩷🩷…查看更多

同男朋友下午突然之間好想食燒肉，去左位於尖沙咀嘅牛魔🐷之前聽人話無煙燒肉都半信半疑🤨今次心血來潮就去試試佢啦🥩～～（劇透𝐒𝐩𝐨𝐢𝐥𝐞𝐫 𝐀𝐥𝐞𝐫𝐭：好Ok喎！！！）午市套餐我哋揀左A1同A13！每一個套餐可以自選三款醬汁，因為我哋都唔係啲鍾意醬汁嘅人，所以最推介其實係檸檬鹽🥹🤭以下落嚟逐個套餐講吓！𝐀𝟏 牛五花評分｜💛💛💛💛🤍雖然佢嘅脂肪比較多，但係燒完之後啲牛油其實勁香同埋非常之滑！唔會覺得好油膩～（你哋見到個爐側邊一排窿窿其實就係抽氣扇，油煙係一出嚟就真係好似100%抽走咗咁，所以食完之後完全唔會覺得個身有好大浸油煙味🌪️）𝐀𝟏𝟑 日本𝐀𝟒和牛西冷、牛板腱評分｜💛💛💛💛💛呢個其實唔使講，真係好好食！！🐷🐷和牛超級大塊～～雖然絕對唔係入口即溶，但係食完之後都非常之滿足！牛板腱就係健人lean protein首選，無乜脂肪🤭非常之欣賞佢嗰個紫菜飯，勁香，抵食🍙🍙！！係非常滿足嘅一餐啊～～有個小小插曲！因為我哋一開始唔識野：有一塊牛比我地燒爛了嘻嘻😜後來職員主動過嚟示範，仲教我哋要用佢比嗰舊檸檬🍋嚟抺下個爐先燒！服務態度是100分吧嗯！…查看更多

今日收工同媽咪去咗食一間位於荃灣海之戀嘅Cafe，因為媽咪係唔食牛嘅🥩，見餐牌都多野揀就入去吃一波了！！1. 英式炸魚柳忌廉芝士漢堡 $108 （薯條+$18）💛💛💛💛🤍作為澱粉控勁開心見到一個疊高高嘅漢堡包呀🍔🐷🐷！！中間有兩舊炸魚柳超級慷慨，麵包亦都用牛油煎過～邪惡但美味！2. 芝士芥末焗蟹肉忌廉長通粉 $138💛💛💛💛🤍最期待就係呢一個因為好少喺街見到啲係芥末味嘅意粉，個面仲要鋪住滿滿嘅芝士🧀極滿足呀！！雖然睇落唔算大碟，但係因為啲芝士好足料，所以食兩啖都覺得有少少滯了🤭3. 烤檸檬雞鎚 $58💛💛💛💛🤍相比起其他野食，依個雞鎚就反而冇咁yumyum了！！炸粉有少少多～不過個檸檬汁幾出色，我哋留咗嚟點薯條食🥰🥰🤭4. 芒果菠蘿沙沙 $40💛💛💛💛💛我哋都好鍾意呢杯沙冰唔算好甜，同埋大大杯擺上枱非常之開胃！依加夏天咁鬼熱，飲沙冰好爽了！！！總括嚟講都係一間環境幾好，同埋食物都滿意嘅餐廳！不過下次有機會嘅話可以試吓佢個牛扒，因為見到隔籬枱嗌睇落都幾靚仔🥩🩷🩷🤭…查看更多

🔺蟹膏蟹肉意大利粉 $158超級多嘅蟹肉同埋蟹BB，意粉嘅份量亦都非常驚人！非常濃郁嘅蟹味！🔺Mamaday Pizza (香草雞肉）$126少少辣🌶️本身揀唔到食邊一款就揀咗呢隻daily special，開頭聽侍應介紹嘅時候嘅感覺香草雞肉好普通，但係味道一級棒～是個小驚喜！！🔺紫薯芝士蛋糕 $58首先！係好大件嘅切件！其次紫薯應該好少糖（甚至無糖？），但係甜度啱啱好！大滿足！🔺山楂玫瑰花茶冇咖啡因 $82真係有山楂粒粒！飲落超級舒服！必須題嘅係佢哋每一樣餐具都非常之精緻，依一套茶具靚到我想買返屋企！…查看更多

經開尖沙咀，老友推介一間裝修特別，食物天然的餐廳，果然冇介紹錯。😄免治牛肉CrustaJuicy beef mince crusta外層口感煙韌，鬆軟的麵包，面層放了新鮮蔬菜和薯蓉，免治牛肉味道不錯，吸收了蔬菜的精華，好味道！😍孟買雞薄餅Bombay chicken crusti pizza配料有橄欖油蕃茄、洋蔥、九層塔和芝士， 雞肉香滑，辣度適中，餅底煙韌夠薄，必食！🤤薯仔餅即叫即炸，炸油新鮮，外脆內嫩，吃到中段，加醬汁提升層次。😁BBQ 雞翼香氣四溢，雞肉嫩滑，一隻唔夠喉。😍甜醋沙律配料有菠蘿、車厘茄、紫洋蔥粒和椰菜絲， 加了甜醋醬汁好開胃。😺新鮮檸檬茶甜度適中，檸檬夠fresh。Crusta 食材新鮮，沒有味精，堅持用橄欖油，帶出天然的味道，侍應服務態度好，回頭率高。😎…查看更多

今日慶祝朋友生日，所以又再嚟咗呢間之前已經食過嘅荃灣西餐廳！朋友爽快，揀咗一個窿四人套餐，啲份量其實足足夠六個人食都得！最好食就要講呢一個芝士酸種包，作為澱粉控嘅我，覺得個包烘得恰到好處，個邊少少脆，中間超軟熟啊！加埋嗰嚿芝士一齊食，超級大滿足～～～依個豬鞍都同樣有誠意，肉質超級林，唔似其他餐廳食嗰啲超級un，不過始終都係肥膩嘢，如果下次可以轉做燒雞或者牛扒就更加好啦！另外要提提呢一個小食拼盤，小食除咗炸蠔之外，中間圓形嗰一粒其實係一嚿飯，應該係炸粉包咗一啲Risotto嚟炸，幾特別！我最滿意就係嗰個clam，非常之掛汁！不過唔小心食到一兩隻會有沙嘅哈哈！另外佢個蘑菇湯都非常之有料到，非常之濃，而且仲會送每人一支餅乾條！基本上成個套餐啲嘢食係食極都有，一樣接一樣呢個係朋友嗌嘅牛油果沙冰，上面冇睇錯，應該係chia seed & 開心果碎，唔會太甜，但係都有淡淡的牛油果味道！正啊～～另外仲有其他嘢食就普普通通啦，不過整體嚟講都非常之滿意，員工嘅服務態度都非常之好！如果下次慶祝生日或者幾個女仔食嘢都會揀呢間～…查看更多

今次一行十幾個好耐冇見嘅朋友約食飯，其中一個好快就提議食家嫂一家大細，果然無介紹錯！！是間好西🥰❤️之不過，如果你同我一樣係雀仔胃，咁就唔建議嚟呢間餐廳度食啦，因為你會好蝕底😂😂😂🛶刺身船🔥🔥🔥🔥印象中好似有蟹、油甘魚、鮑魚⋯⋯鮑魚佢幫我哋切咗一半咁我哋就每個人都可以分甘同味啦！其實隻刺身船都係俾我哋打吓卡，基本上每人食兩舊就已經想佢拎走佢😂😂不過！！都叫做幾有鮮味，唔似其他連鎖放題，又薄切又唔新鮮🤦🏻‍♀️🤦🏻‍♀️🐤雞煲🔥🔥🔥中規中矩啦，煲入邊除咗雞件好似仲有豬皮，我啲朋友幾中意食！🍲任食海鮮火鍋🔥🔥🔥🔥重頭戲就係個任食海鮮火鍋，最鍾意就係食貴妃蚌，不過好快就無晒了！下次早啲嚟嘅話要提自己快快手清晒前面嗰啲嘢，就開始打邊爐咁就可以食晒所有貴妃蚌落肚啦哈哈！鮑魚相比起其他海鮮就冇咁新鮮，我同另一位朋友都夾到一隻係臭嘅🤦🏻‍♀️🥥椰皇燉雪燕🔥🔥🔥🔥🔥朋友話呢一個甜品係要去之前就要預先嗌定！本身都係跟大隊一齊食下，點知原來是好L正的！！雪燕下面就係蛋白，然後好食到我用匙羹刮起晒側邊嗰啲椰肉！可以嘅話我下次會食兩盅…查看更多

Airside開咗冇耐，同男朋友就約好今日嚟呢度行吓，佢之前已經做定功課揀好餐廳💛揀咗好耐就決定試吓呢間本身喺觀塘本店嘅小店Cafe！個Risotto有少少鹹得滯，好彩係兩個人share如果唔係自己應該會食唔晒🤦🏻‍♀️🤦🏻‍♀️不過有幾就好鍾意Burger側邊嗰啲番薯條！夠香甜，同埋沙律🥗係用咗黑醋汁不是heahea的沙律醬！個Burger就中規中矩啦，男朋友對牛好有要求就話麻麻地了！反而最令我覺得回味無窮嘅係個抹茶蛋糕，佢係搽茶慕絲入面有啲紅豆餡！係最經典嘅宇治金時組合🥹本身唔係咁鍾意食紅豆嘅，我都覺得非常之鍾意😍🔥Overall都有8分啦！因為個環境真係幾靚，而且我一直都好鍾意啲樓底高嘅地方🥹❤️不過注意返依度啲餐廳係有落場時間嘅，所以大家嚟之前記住要做定功課啦！…查看更多

依間日本嘢已經book mark左一段時間，之前經過荃灣嗰間見到好多人，今日嚟到旺角呢間雖然間鋪細細地，但係因為平日嘅關係，一去到就可以即刻入座啦❤️—————— ฅ՞• •՞ฅ ———————環境💛💛💛💛🤍🥢乾淨企理，而且啲位唔算好密食物💛💛💛💛🤍 🥢吉列牛世一！服務💛💛💛💛🤍🥢個場細細地！唔會嗌好耐都冇人應價錢💛💛💛💛🤍🥢人均around $100，正常價錢—————— ฅ՞• •՞ฅ ———————《推推推介介介菜菜菜式式式》♦️香草吉列牛 $138香草嘅比例剛剛好，唔會好厚，每邊大概煎10秒就已經可以擺入口啦！肉質夠軟，份量夠大方！我自己最鍾意就係沾少少鹽嚟煎！除咗鹽之外，仲有另外一隻燒肉汁，我怕鹹所以就冇點！♦️安格斯牛肉鍋配烏冬 $88鍋物入面嘅配菜都算多樣化有超級多蔬菜，同埋牛肉嘅份量都唔少喎！我自己最鍾意就係嗰個烏冬夠彈牙！另外我仲突然癮起嗌咗支波子汽水，係回憶嘅味道🥹🥹🥹不過如果下次有得俾我負責啪埋粒波子就好啦hehehehhe …查看更多

聽個名有「紅椒🌶️」兩隻字，本身會覺得係一間食四川嘢嘅餐廳！見到OpenRice有好多好評😋🤰🏻所以今日收工就同屋企人嚟食餐便飯～————————— ฅ՞• •՞ฅ ——————————🥢冬陰功湯喂勁足料喎！秀珍菇（my fav!) 、青口、墨魚仔、蝦碌，乜都有啲！！每一匙羹都有餸食😊佢哋嘅冬陰功係偏酸嘅配方，唔係好辣嘅！覺得有迎合返香港人嘅口味，有誠意之作👌🏻🥢青咖喱雞扒飯因為我箍牙嘅關係，所以黃紅咖喱就同我冇緣份了！依個青咖喱比出邊見到嘅顏色鮮綠，賣相已經睇落非常之有開胃🤤而且啲雞扒煎到勁香，肉質唔會鞋烚烚😚！入面仲有少少花椰菜🤰🏻🌼抵quota ～🥢馬拉盞炒通菜依到嘅馬拉盞炒通菜相比起出邊食到嘅比較清淡啲，平時出邊嘅馬拉盞炒通菜都係超級鹹🥹但係依間嘅炒通菜又OK喎！大大碟，而且睇落好新鮮，每次食泰國嘢都一定會嗌嘅一款菜式！另外不得不提嘅係佢哋服務態度非常好👌🏻屋企人都覺得非常滿意！而且上菜嘅速度非常之驚人，基本上落完單之後傾兩句偈，已經成枱都係嘢食啦😂😂！見到Menu仲有鐵板同埋其他國家嘅菜式，仲有酸菜魚🐠等遲啲凍少少就嚟試試佢啦哈哈～～～～～…查看更多