Wongsiunei的个人专页

今日去咗食下午茶，為咗影相你特登叫咗呢一杯藍色嘅嘢飲。佢係香橙味梳打加雲呢拿雪糕，加埋都幾好味，影相都好靚！我覺得值得試吓。個人覺得溝埋飲有少少雲呢拿味，幾好味。如果淨飲就係飲橙梳打！另外叫咗一杯綠茶嘅飲品，同埋佢件蛋捲。件蛋捲算係幾出色，口感幾特別。綠茶味濃厚又唔係好甜本身想試吓有冇季節限定，但係佢哋冇。所以叫咗原味試吓。佢個疏乎厘做得好好，真係好似食一陣風咁樣。雲呢拿味好濃，加埋雪糕同埋忌廉一流。…查看更多

我睇完食評d人話鰻魚飯好食又係珍珠米，叫左。但大家係咪呃人😭😭喂丫，d野好難食，d鰻魚勁臭。食評啲人話係珍珠米，大佬我叫佢好似係泰國米嚟㗎喎。我100%肯定唔係珍珠米，定係佢哋突然轉左。啲汁勁鹹一啲都唔甜，完全唔係正常嘅鰻魚汁。呢個就係我食完嘅狀況，好耐都未喺餐廳食過啲咁難食嘅嘢。難怪入去冇咩人叫咗炸雞係可以，餃子都可以。不過可惜冇沙律醬，咁樣有啲dry。如果未食過嘅，真心唔建議大家入嚟食。但佢真係好平嘅…查看更多

今日做facial前衝去食返碗念念不忘嘅藥膳雞湯米線。係尖沙咀地鐵站行去時條路都好多人，擔心米線可能要排隊。好彩，去到大概630，可以大家未放工或未趕到嚟，入面得幾張枱有人，我就可以即刻入去食米線了！不過今次係有d失望！退步左！藥膳雞湯米線58蚊 佢個湯唔知係咪晚市太早，d湯其實係未煲好。佢個湯雖然有藥味，但係好曦嘅感覺，水水的。記憶中佢嘅清湯雞味係應該重味少少。不過佢啲米線係煮得好好嘅，個人比較喜歡彈牙嘅口感， 係出色嘅。熱情果特飲20蚊叫咗少甜都係好甜 ，飲咗兩啖就頂唔順放棄咗。順帶一提我懷疑個侍應係Hea我，冇幫我叫少甜。幫我落單嘅時候佢好似心情唔係咁好。…查看更多

今日第一次試食呢間餐廳，叫咗三樣嘢。蛋白講整體感覺係一般，肚餓可以食，但係唔會變咗做飯堂。牛肉壽喜燒烏冬 HKD 98不過不失，自己比較喜歡食有咬口但係淋身嘅烏冬，佢都做到入味同口感不錯嘅感覺。都算OK鐵板漢堡扒配鵝肝 HKD 168我覺得但要漢堡扒會比較抵食，漢堡扒口感好淋入邊有少少洋蔥🧅，有牛肉味係好食嘅。但係件鵝肝真係唔掂， 佢係用炸，件鵝肝炸到勁乾，勁柴。件鵝肝個樣似枯萎、炸乾左嘅炸蒜，好細件好樣衰好乾好硬。所以大家唔好喺度叫鵝乾。菠菜汁餃子 🥟 好似HKD48不過不失，佢個感覺係棒棒雞肉餃子，上面加咗芝士攞去焗。個底放咗少少忌廉汁同菠菜，味道冇咩驚喜又唔係特別好食又唔係特別難食。值得一題個菠菜好草青味，麻麻哋。 但個棒棒餃子係我平時喜歡買返屋企食一袋袋裏面有少少雞軟骨脆脆嘅。…查看更多

今晚第一次挑戰塚田，意外地好食。試左個438二人餐，再加78升級美人鍋配雞件及豬肉丸。選擇左鰻魚忌廉芝士美人卷、美人鍋及凡立貝玉子壽司卷。初初見到主力係菜，以為無咩特別同好食， 點知湯底加上蔬菜食材非常之鮮甜，竟然有另類嘅滿足感。最後個燴飯真係一定要叫！如果追求清新感覺又想食火鍋可以考慮呢一間，但坦白講唔係特別平。最後兩個人食左$600！美人鍋湯底係黃金骨膠原雞湯，湯底好濃味同埋鮮甜!有雞味仲有小小膠質，口感濃厚。個湯開頭冇咁覺，食食吓越食越杰。日本嘅美人鍋食飯好興最後會加飯麵烏冬，個湯杰加埋啲飯真係好正。我今次都有叫左個意大利飯，配有芝士同黑椒。個飯好甜好好味，食完勁滿足。我哋係一碗飯倒落個湯煮完兩個分！雞件及豬肉丸升級左個美人魚波友斤雞件及四粒豬肉。佢哋個樣好似平平無奇，但食材應該係非常之新鮮及有質素，個湯加上雞件非常之鮮甜有雞味，好好食。得豬肉丸應該係手打嘅，佢個樣勁似墨魚滑，平時唔係好食豬肉嘅我都覺得幾好食。因為冇個陣臭豬味。雖然肉嘅份量唔多，但我覺得夠飽嘅， 最後食埋個飯。鰻魚忌廉芝士美人卷美人卷陳皮好似越南米紙卷咁，有咬。芝士加鰻魚同菜都幾好食。不過佢啲份量真係好少，四粒細細粒。凡立貝玉子壽司卷。都幾清新，但又唔會令你好深刻。佢加咗個酸菜，感覺到得意嘅。不過應該唔係個個喜歡，我個人覺得幾有趣。但一樣係四粒好細粒。…查看更多

Shake Seafood platter好食有驚喜，本身以為海鮮要食鮮味，加左汁會爭d。點知個蕃茄辣汁好加分，海鮮都好有咬口同新鮮！入面有波士頓龍蝦、飽魚、青口、蝦、蜆、八爪魚、粟米同薯仔。兩人份量都幾多，二人set仲有湯、餐包、甜品同飲品，甜品係原件綠茶蛋糕，上時都呆左下。平時d餐甜品都係得一粒仔。整體好食又性價比高，經openrice訂二人餐仲有優惠，HKD510！如果想食海鮮又唔想太貴都可以考慮吓呢一間餐廳。其實另外仲叫咗個豬鞍，嗰豬鞍肉質都幾好配一個蘋果醬，但我覺得個味道有啲淡，算係冇咩味，不過不失啦，所以都冇心機應佢…查看更多

突然好想食漢堡包， 所以我用咗UBER EAT叫咗漢堡佬嘅外賣。今日我叫咗一個鐵板雞軟骨同流心蛋牛肉漢堡。兩樣食品嘅味道係差天共地，所以我都唔知話漢堡佬係好食定係好難食。三重芝士流心蛋牛肉漢堡首先要讚一讚呢， 個流心蛋牛肉漢堡係幾好食嘅。佢出色在塊包皮，口感外脆內軟，而且包上面啲芝麻好脆同好香。加埋佢中法間嘅牛肉同配料，成個包嘅整體感覺係好得嘅。不過我上網睇人話係手打牛肉，牛肉都多汁同軟嘅，但就冇咩牛味。入面嘅蕃茄、青瓜、洋蔥都幾好食，又唔算好重醬汁味。係好評嘅鐵板炒雞軟骨呢一個真係食到懷疑人生，如果食晒一定會生腎石。佢咸到苦㗎，我懷疑係落咗無限次言都唔記得，人生未食過一兜咁鹹嘅嘢。入面有少少椰菜同紫洋蔥🧅，都係喊到懷疑人生。我攞嚟配自己帶嘅私家飯，都食唔落啲雞軟骨。最後為咗我嘅健康着想，係成兜放棄咗。佢份量唔算少，但真係食多粒都邁進生命嘅盡頭近一步。所以我覺得漢堡佬嘅漢堡包係可以食，但今日第一次挑戰佢嘅小食雞軟骨係嚴重地失敗，你俾機會我食咗人生最鹹嘅一個餸。食風乾火腿都冇佢咁鹹。…查看更多

一間性價比高嘅意大利餐廳，廚師係正宗意大利人。店內嘅位置唔多，但小店食物用心有質素。Pizza Alla Diavo 148今晚叫左辣肉腸pizza,批底係我喜歡嘅簿飯底，兩個人都食得晒。而且有得加15蚊，選兩個口味。啱晒人小或食胃少，想試多小小口味！Mussels 118兩人食，叫多個頭盤。佢個白酒茄汁味道不錯，係新鮮煮。好怕食茄膏，又喊令喉嚨唔舒服，呢個無事。比較值得加分為就係喺碟邊度上咗d香料，想食先點。Fruit punch 45無咩特別，但是左人ivan叫個意大利啤酒。易入口又有少少花香，唔鍾意飲啤酒嘅我都覺得可以飲吓。…查看更多

嗰日四位去咗挑戰the tiffany blue box cafe,我選擇咗入Tiffany 飾品店再行樓梯上去到Cafe。如果選擇商場上去，係可以有扶手電梯嘅！咁我哋四個女仔呢，就叫左兩人tea set、龍蝦意粉、the blue box cake以及雞尾酒statement blue。其實兩人分T set， 我哋四個最後係食唔晒嘅。所以如果去食佢個afternoon tea set,兩個人食一份比較好，唔係食到最後會唔係好想食。嗰日我哋四個係三個有食早餐，其中一個咩都冇食就嚟， 最後我哋Tset 同蛋糕都食唔晒。蛋糕食左四分一，再包走！個tea set個人覺得不過不失，我水準合格多少少🤏。反而佢呢個the blue box cake好有驚喜。首先，佢影相超靚超夢幻。你睇佢好似個禮物盒咁，會以為佢個面係好睇唔好食嘅糖霜皮。點知佢個面唔係糖霜嚟㗎！佢係慕絲蛋糕，食落去有啲甜，但佢個蛋糕幾有層次。食到焦糖味、芝麻、花生醬同朱古力味。我上網睇應該係杏仁朱古力， 但勁似花生醬。入面有少少海棉蛋糕，口感好滑但有少少野咬。如果去朝聖我覺得反而個蛋糕比T set更值得一試。另外雞尾酒我哋叫咗statememt blue，佢嚟到係一個好靚嘅棉花糖，有杯白色酒俾你倒落去。佢會變咗藍色。有得食又有得玩，影相同拍片都好值得。最令人驚喜係佢個味都幾好飲，不過都幾甜㗎。另外冇影到，仲叫咗個龍蝦意粉都好好食。呢度啲嘢食係比想像中好食好多！…查看更多

今次係我第二次去花居酒屋，上一次叫咗一條池魚同漬物，有我最鍾意嘅漬蒜頭🧄。所以今次再嚟認真食一次要特別睇吓呢一塊黑板，佢會不定期更新。黑板上嘅食品係限定，平時個餐牌係冇㗎。今次我同男朋友喺黑板度叫咗個原板日本馬糞海膽同清酒煮蜆。味道非常出色又抵食，兩個人食咗$800。馬糞海膽好清甜，食落口個質感好軟滑。最緊要係佢冇平時唔好彩會食到嘅防腐劑味。我覺得四百幾蚊一版真係幾抵食。值得一題佢呢度啲紫菜係好香好脆，配海膽食一流，另外佢仲有青瓜絲清下個口。好難得係個海膽唔夾任何嘢食都好食，呢個價錢呢個質素，大家可以挑戰下個清酒煮蜆係有驚喜，佢個清酒湯底煮得好好食。好難得咁簡單嘅料理可以做得出色，配上昆布同洋蔥絲食個蜆口感好豐富，好表現到店舖嘅用心。加上個人覺得啲蜆個花紋好靚。食得又睇得下，心情係幾好另外個甲羅燒都幾出色，佢個沙律菜都幾清、個麥包都幾軟。而佢個甲羅燒加咗菇類，令到個蟹膏唔會食完覺得好膩，係一個用心嘅調整。比平時出面食出色少少🤏，但有配沙律係可以解決好膩嘅問題。最後我哋叫咗兩種燒物，燒雞翼同雞軟骨。其實上次都有食，佢哋燒出嚟嘅嘢食係幾高水準，有種日本食嘅風味，仲有淡淡的燒味。佢哋燒完嘅肉類係恰到好處，外脆但有肉汁！其實我對花居酒屋嘅評價整體都幾高， 因為佢價錢唔太貴。但食物質素真係唔錯，喺荃灣飯堂嘅好選擇！…查看更多

餐廳環境都幾靚，室內都有空間感舒服。室外無冷氣，但露天有燈都幾浪漫，如果小慶祝都幾適合情侶一齊嚟。野食都擺得ok....嗰日嚟食有個晚市，兩個人叫左一個頭盤，帶子點魚子。中間有海膽同魚子，配搭有驚喜地好食。估唔到噤簡單嘅配搭，都有亮點。再叫左個400g西冷，無影。煎得好好，做去三成熟，但一d牛味都無。係失望。因為75折，叫左頭盤、一個main同一杯飲品。七百靚都抵。但如果無七五折佢塊扒都真係不能接受…查看更多

排左2個鐘，先入到去食！我同男朋友叫左兩個set，一份吉烈牛、一份安格斯。其實我哋本身想食味增牛，不過個日入到去都9:30，佢已經賣晒其他啦。吉列牛都係我打住要嘅，我有食過一次。外脆內軟，口感不錯。如果未食過，值得一試！如果兩個人share, 值得要一份。不過吉列牛嘅肉質就冇其他肉咁香牛味。但係佢有佢自己嘅特色，未食過必須要試。另外我覺得嚟到秘，一定要叫飯。因為佢個飯素好好食。個飯配牛食一流，又冇咁膩。我仲加咗個金魚湯，我覺得味道一般，條魚只係一粒蝦餃。同佢又肥又長有啲樣衰，值唔值得影相都見仁見智。至於佢啲果汁汽水，個人覺得蘋果味最好飲。如果大家去食真係早啲去排隊攞定飛。我嗰日見有人8:30去，已經冇飛派！早攞早享受…查看更多

今日去沙田新城市廣場揾食，本來睇完youtube歡樂馬介休想食下澳門餐廳嘅馬介休，滿心期待。最後覺得成日好心情都無左，勁嬲豬。垃圾中嘅垃圾，上嚟除左d伴菜，薯條同乳豬都凍嫁。仲要難食到咩噤，又凍，成件肥膏仲有臭豬味。掉左一半都食唔到，有種比去平時去人地婚禮食嘅乳豬全體更難食。亦係我食過最難食嘅乳豬。個薯角凍嘅，好明顯係炸完放左好耐再比你。d瓜，面嗰兩件放鹽唔重災區，咸到苦。成碟都係災難！好彩個馬介休都幾好食。炸得幾好，熱嘅。入面有d一絲絲肉，有點似crab cake值得一食。不過，個乳豬已經令我嬲到black list佢。呢世都唔洗再食。…查看更多

今日好高興喺沙田見到bricklane想食個egg benedict,點知，食噤多年先知bricklane可以噤難食，好似大快活嘅質素。我跟餐個蘑菇湯，佢冇落鹽大家千祈唔好去沙田食要去去尖沙咀食個早晨全餐嘅質素真係好難接受蘑菇水煮冇落鹽，又濕又冇味個蛋睇圖都知冇光澤，老到一個點。仲要冇奶味，應該冇落忌廉同奶炒。個薯餅好似放咗好耐，又濕又軟。個egg benedit不過不失，但唔算好食。未見過加椰菜。都仲以為自己去左大快活。完總結，我以為自己去左大快活。大家，要食bricklane一定去尖咀。沙田間不能吃，食沙田間不如去食美心、大快活。…查看更多

我同朋友一共六人，五個人除人均四百蚊食左餐貴價明將。喊出嚟，大喜屋都食到，點解要去食屎。首先，佢d料好難食，更過份係d串燒雞肉同蔬菜魚餅係變壞左有酸宿味。我地試左兩批，都係壞左嘅。個燒爐係煤氣爐，燒完d野食有煤氣味，幻想下算係用gas爐bbq嘅感覺，仲要2.5小時無換過個網，唔知定無得換。臨走，個待應收野d水漏左唔少我friend膊頭，我誤會左朋友玩到濕身鬧佢地，先知個待應整。佢先笑笑口話唔好意思。好多年都未食過d噤難食嘅野😂😂😂大家諗清楚先好去打大佬。…查看更多