hkwingssssss的个人专页

係元朗教育路嘅cafe愈開愈多今次就帶大家嚟試一試門面全綠嘅coupler’s kitchen依間cafe相比同區其他cafe鋪位比較大坐位都比較舒適好適合帶小朋友嚟食👧🏻🧒🏻呢度嘅lunch set超抵😍想鋸個扒都係$100左右而且份量一啲都唔馬虎非常大份深海龍蝦汁薄餅 $103@薄餅係薄皮外皮同底皮都脆芝士好多有拉絲龍蝦汁唔會話好多唔會好鹹上面仲有少量嘅海鮮例如蜆整體味道好夾👍🏻炭烤紐西蘭肉眼扒 $108@肉眼扒份量勁大大過我隻手五成熟肉質好淋唔會有好多筋亦唔會有好多血水 唔知係咪炭烤嘅關係佢兩邊就會硬咗少少要用小小牙力但係切開裏面就完全冇呢個問題真係勁高質🥴🥴蒜蓉炒長柄西蘭花 $58@剪完張敬軒個post之後就好想試吓呢個芥蘭同西蘭花混合體到係咩味道西蘭花同蒜蓉炒得好香口無煮到好淋我咁脆卜卜西蘭花保有西蘭花嘅口感但係冇芥蘭嘅苦澀味作為西蘭花嘅粉絲真係覺得好好食Coconut coffee +$25@跟set加咗杯Special coffee椰子味好重咖啡味香冇咖啡豆嘅酸味味道相對上比較苦上面有一層cream同埋椰絲口感層次豐富值得一提嘅呢度嘅服務勁好好搞笑嘅係佢話依度嘅水係健康可以飲多啲😂😂然後因為我哋坐到去兩點左右傾偈當然見到店舖冇咩人先繼續坐有店員主動行過嚟問我哋冷氣會唔會好大咁的確真係好凍！然後佢就轉個頭俾咗兩杯熱水我哋再較細左冷氣 真係超sweet🙈成個午餐為返起都係百幾蚊左右坐得咁舒服食到咁高級真係勁抵食👍🏻👍🏻…查看更多

啱啱喺旺角行完街就想買啲外賣返屋企食喺油麻地站A2出口轉過彎有間壽司外賣店幾吸引睇落應該係新開張冇耐價錢都幾親民like&share Fb重有9折😼所以就OpenRice下有啲咩好食我見到好多人都叫生蠔所以就叫咗兩隻試$20@1 唔平都唔算太貴食落口一啲都唔腥一入口嘅時候比想像中好但係食後感有少少苦但依個價錢算係above avg可能屋企有少少遠拎到返去整體外表其實有少少失望但係食落口充滿驚喜😻😻油甘魚三文魚劍魚腩三款刺身都非常新鮮一啲都唔腥魚味重入口即溶劍魚腩油脂相對上最多相比之下壽司就普普通通冇咩特別手卷分別叫咗軟殼蟹手卷同埋海膽吞拿魚腩碎手卷由於返屋企用咗啲時間軟殼蟹食嘅時候已經唔脆但係摸上手重暖暖地飯唔會太多口感上一比一非常出色炸粉唔會好厚食到軟殼蟹肉👍🏻海膽吞拿魚腩碎兩款材料都好新鮮唔腥不過可惜嘅係分量上少咗啲但都冇辦法啦始終依兩款刺身相對上較貴🤢全部依度都係叫咗二百幾蚊超級抵食🥴🥴…查看更多

喺元朗千色廣場後面偏僻嘅位置有一間隱世拉麵店冬天特別想食拉麵暖一暖個身知道呢度有間小店就走咗過嚟試款式唔算太多我叫咗個海老拉麵朋友叫咗個雞湯拉麵一碗拉麵裏面已經包左一隻糖心蛋 雞肉同埋配菜呢度特別嘅係佢哋唔係叉燒拉麵而係雞肉拉麵佢哋既雞肉有啲似我平時食開嘅即食雞胸肉味道係黑椒味然後雞肉非常之嫩滑湯底方面雞湯真係好有雞味😂好似飲緊一大碗媽咪煲嘅雞湯而海老湯國蝦味真係好重食完唔會話好口乾冇乜味精成份整體質素真係幾唔錯會再嚟食🤘🏻…查看更多

依間台灣餐廳經過過好多次之前都曾經遠慕而來想試一試點知條龍長到有10至20個人所以就放棄咗可能今次係下午茶時間經過竟然一個人都無所以就入咗去試吓兩個女仔食得唔多野所以就叫左碗肉操拌麵鹽酥雞同埋最出名嘅蛋餅鹽酥雞係三款裏面最失望嘅佢不單止冇鹽酥味而且口感唔算好酥脆搞到真係好掛住豪大大嘅味道🥲蛋餅可以話係唔同人有唔同意見因為佢個皮偏淋口感方面同我平時食開嗰款有少少唔同但當然我喺台灣都食過依款口感可以話鄉下唔同味道唔同咁就唔太啱我口味咁解但味道上係唔錯嘅而個拌麵就覺得係出色嘅佢滷肉份量同汁量啱啱好面咁唔會話太淋如果再嚟都會再一次叫拌麵👍🏻…查看更多

滷肉飯就食得多啦石頭鍋版嘅滷肉飯唔知有冇食過呢今次去咗盲選左間台式餐廳一心普普通通食個set lunch點知睇menu嘅時候見到店員送咗個石頭鍋飯出嚟聽到滋滋聲而且超級香就即刻改變左個選擇🥴石頭鍋飯要等大約15分鐘相對上比較耐但我會認為依個等待時刻非常合理上到嚟之後真係滋滋聲超級熱店員都再三提醒唔好掂倒個鍋石頭鍋飯嘅份量超級多足以夠兩餐食🙈我食淨一半真係好唔好意思飯焦份量好多而且唔會有燶味！下下都食到脆卜卜嘅口感真係好正之前喺其他地方食過啲飯焦係有燶味搞到唔會想食滷肉嘅份量都好多同埋幾入味不過撈埋左一齊俾啲飯焦焦點蓋過咗所以強烈建議試滷肉先再將佢哋撈埋一齊👍🏻👍🏻朋友就簡簡單單叫咗個肉操牛湯麵配小食鹽酥豬扒略嫌唔夠熱不過鹽酥味好夠而且都香脆台式香腸就一樣咁出色煎得非常香脆完全係台灣嘅味道🤤🤤另外值得一讚嘅就係佢杯嘢飲叫佢少甜少冰係真係少甜少冰！！珍珠都好煙韌不過如果有黑糖炒過就更加好啦不過佢唔係專做飲品唔應該要求太多整體來講係合格之上👍🏻聽聞佢哋嘅豬軟骨都滷得唔錯有機會會再嘗試😼😼…查看更多

跟開我post嘅人都知我好鍾意食碎吞拿魚腩睇相都見到依間吞拿魚腩嘅顏色特別鮮艷特別唔同食落口油脂特別香係我第一次食多油脂味同魚味都咁豐富嘅吞拿魚腩完全榮升左我香葱吞拿魚腩碎排行榜第一位黎到依度街都要試吓佢出名嘅藍鰭吞拿魚睇個樣油脂平均顏色都好吸引不過食落去崶冇吞拿魚腩碎咁驚喜算叫做好食嘅正常可能係因為另一款嘅左口魚裙邊太奪目左口魚裙邊燒得啱啱好油脂味非常豐富擺入口佢會係個口到溶化感覺好邪惡好肥🤣🤣…查看更多

如果唔係西貢咁格攝又成日塞車真係都幾鍾意去西貢行個圈休閒一下咁啱又過去開嗰附近就專登揸左入去西貢市食返個lunch依間Cafe都幾多人排隊有室內同室外不過咁熱梗係等室內啦🙈Menu勁多唔同款式嘅brunch睇埋OpenRice嘅相同comment款款都好似好吸引真係花多潦亂🤯最後驚食包太飽所以就叫咗款湯Shakshuka嚟到之後外表真係好靚其實睇英文都唔太清楚佢係咩嚟食落去佢好似羅宋湯味道有少少辣蕃茄味都幾重上面有兩隻流心蛋同埋好多芝士旁邊重有幾塊法包烘得啱啱好脆脆地點入個湯到都唔會淋晒整體來講都真係幾好食而且呢度嘅環境都唔錯㗎入嚟西貢嘅話真係可以chill下休息下…查看更多

香港唔係好多地方有石磨腸粉以前好鍾意去油塘街市度買腸粉食但自從畢業之後就已經冇去嗰邊好耐自己好鍾意食腸粉但又唔係成日可以去酒樓食今次就經過青衣街市見到間好評如潮嘅石磨腸粉就忍唔住試吓做午餐$20唔使就有一大盒腸粉性價比極高👍🏻👍🏻👍🏻我自己就揀咗肉碎蛋腸粉其實揀完之後都幾後悔因為通常肉碎蛋腸粉啲肉碎都好少最後就好似食齋腸咁但點知佢嘅肉碎超級足料😻😻比想像中多勁多🤤🤤除此之外值得激讚嘅係佢嘅豉油佢唔係普通豉油應該叫佢做醬汁佢既醬汁裏面明顯有冬菇碎同埋重點係唔會好鹹！通常豉油到埋落腸粉之後都會變得好鹹但佢嘅味道啱啱好唔會好鹹到晒成包落晒之後個味道啱啱好👍🏻但講明先我係即叫即食如果拎咗返屋企再食先嚟到會唔會有啲唔同🤭…查看更多

依間餐廳之前喺屯門虹橋已經想試不過上次太飽又好難會去到嗰邊所以一直都未試🥲一知道佢係元朗開咗分店就bookmark左佢😏平日夜晚比想像中少人餐廳喺正朗屏西鐵站下面非常方便叫咗兩個主餐滷肉飯同蟹肉金絲炒新竹米粉滷肉飯係我食過咁多間台式餐廳最唔油膩而又仍然可以保持到佢嘅味道同水準加埋太陽蛋真係比一百分💯不過一開始見到佢加咗泡菜有啲fusion嘅效果有啲驚訝😂點知撈埋一齊食都幾驚喜新竹米粉同樣地都一啲都唔油好驚喜味道就個人覺得一般般不過出街食飯竟然唔油膩依樣野真係好抵讚👍🏻不過留意一點嘅係依個米粉相對時間要等候得比較耐我哋坐近廚房邊一直都聽到炒嘅聲一直都冇停都估緊係個炒米粉但點解要炒咁耐我就唔知啦😂兩個人叫咗個鹽酥雞小食佢嘅雞肉非常之滑仲配有柚子味嘅醬油不過個人就嫌椒鹽味唔夠重飲品叫咗杯鳳梨百香果水果茶一出到嚟勁大杯真係嚇親😂相比鳳梨味整杯百香果味比較重同一般出面飲嘅水果茶相比冇叫少甜但佢嘅糖漿味都一啲都唔重都唔太甜但我哋叫咗少冰到大半杯都係冰😅令一杯叫咗普通嘅抹茶牛奶抹茶味都好重 不過不失整體來講around人均$150嘅晚餐不過不失最欣賞佢嘅係台灣嘢食一直比我嘅感覺都偏油膩但佢整到出嚟既食物都幾清新食完都唔會覺得喉渴嘅感覺👍🏻同埋好鍾意佢一開始比既嘅蜜糖合桃甜甜地又唔痴牙真係好想問佢係邊度買😍…查看更多

鐵火堂食過幾次但次次都係尖沙咀嗰間今次路過旺角就嚟試試旺角嗰間都唔少人星期六中午都等咗15分鐘先有位旺角嗰間有一張限定Menu係專有藍鯨吞拿魚再加七款自選不過好可惜嘅係佢自選冇咗蟹膏如果要蟹膏就要填番平時嗰張紙🥲咁我就叫咗兩份香葱吞拿魚 帶子 油甘魚芝士蟹子 甜蝦 火炙藍鯨吞拿魚$88有咁多款刺身食真係抵到爛不過佢嘅刺身就不過不失啦唔會話腥又唔會話非常鮮甜咁嘅價錢咁嘅質素都算幾好㗎啦不過我自己就最鍾意食香蔥吞拿魚香葱吞拿魚真係好鮮而且大大份次次食到最後都變咗吞拿魚丼🤣…查看更多

繼厚福街之後要係尖沙咀搵餐廳相信就會去山林道食好西今次揀左間幾特別既西餐廳由佢既餐牌都睇得出有幾特別🤣餐廳都幾full 有興趣既記得要預先預約豬仔骨唔肯定係咪炭燒上菜個時有小小燶味😯不過裏面就完全冇燶啲肉一啲都唔乾身有肉汁配埋佢嘅特製醬汁都幾高質👍🏻薯條就偏幼身 新鮮炸出嚟幾唔錯另一個主餐就係黑龍意粉全名我已經唔記得😹😹但佢其實係一碟唐楊炸雞意粉炸雞炸皮好薄 雞肉好Juicy不過就好似有少少普通冇咩特別小食叫咗垃圾八爪魚佢嘅八爪魚細細隻勁似芝麻八爪魚嗰款但我自己就覺得冇咩特別有啲熱氣😿不過朋友就覺得佢好好食😹飲品叫咗兩杯奶昔一杯係海鹽櫻花奶昔另一杯係曲奇奶昔提一提大家記得如果嗌奶昔記得叫佢後上因為佢食物製作需時主菜上嘅時候奶昔已經溶得7788😅海鹽櫻花奶昔味道都幾特別但我自己就飲唔到海鹽味結果有啲似普通牛奶奶昔但甜甜地都唔錯嘅曲奇奶昔就普通曲奇奶昔幾好飲😂😂食到差唔多先知道原來有限時60分鐘建議下一次預先通知會比較好😅同埋都真係幾full walk-in 未必有位所以記得要book位先😉…查看更多

晚市收10. 9點搵嘢食選擇真係唔多咁啱去到奧海城雖然明知奧海城可以食嘅餐廳唔多但冇咩時間唯有是但搵間填飽個肚見到有間食越南野幾吸引就行咗入去講明先價錢真係唔平叫咗一碗烤牛肉撈檬同一碗牛丸河粉每個人平均都要大約$90以晚飯而言好似唔係好貴但其實其他越南餐廳食同樣嘅菜式大約$50至70左右然後通常都會叫個小食🙊不過！雖然佢貴咗少少但個人覺得以撈檬而言質素偏高👍🏻👍🏻烤牛肉味道唔錯可能因為價錢偏貴所以要求都高我自己覺得鹹咗少少撈檬嘅配料非常非常豐富我自己都係第一次食咁多配料嘅撈檬有芫荽西芹蘿蔔絲豆芽蒜香脆脆最特別嘅係有新鮮鳳梨食食吓甜甜地中和左佢嘅酸味真係好特別亦都好加分不過佢自己隻酸汁其實都唔係好酸😹牛丸河粉就一般般我朋友嫌佢個牛丸唔係牛筋丸個湯就都算鮮甜但唔會話好特別味精唔算重整體其實味道上都唔錯不過咁嘅價錢會令我有小小卻步不過咁啱去到奧海城又要搵嘢食既話我覺得佢係不二之選👍🏻…查看更多

最近好似食得太多日本嘢今次又試吓泰國嘢簡單單單就食個海南雞飯午餐包湯包嘢飲$65正常價入到去播泰文歌有泰國人做侍應會講泰文打招呼成個環境都感覺好好碗飯勁大碗而且佢唔係普通白飯佢係椰汁飯椰汁味唔會好似芒果椰汁飯咁濃咁甜但係你會食得出撈過椰汁唯一缺點就係我自己嫌佢啲飯爛咗少少唔知係咪因為撈過椰汁嘅關係啲雞全部都係去骨勁大嚿肉啲肉好滑 jeng👍🏻👍🏻仲要咁啱俾咗雞髀位我真係啖啖肉😋😋海南雞有兩款醬汁黑色嗰款自己覺得麻麻喺第二度食過更好食而紅色嗰款依度就唔辣嘅所以我覺得唔錯令我最驚艷嘅竟然係杯檸檬薏米水佢唔會有檸檬嗰種苦澀味只有檸檬嘅清香仲要其實佢Menu寫健康飲品問先知係薏米水😂嚟到係唔會有檸檬飲落先知有檸檬味 都幾surprise星期六午餐成間餐廳都坐唔夠一半以咁嘅質素咁嘅價錢我自己有少少驚訝一度以為佢會唔會係藍店🤨但上網check左又無話希望佢可以繼續生意興隆啦…查看更多

元朗都真係幾多好嘢食依間我自己會特別推介嘅雖然大家聽到雞髀飯好似都覺得好普通但我自己就特別鍾意佢嘅整法佢自己採用先焗後查嘅方法會鎖住佢嘅肉汁同埋整出嚟佢個皮係脆卜卜好好食不過都有人對依間嘅評價係唔太好覺得佢幾肉好乾但睇相切開佢哋會見到其實佢唔太乾但平心而論佢上邊有小部份係真係有少少乾嘅但換來佢有好香脆嘅皮😋所以我自己就唔太介意而且佢塊雞髀真係好大塊我根本都食唔晒🤷🏻‍♀️外賣個人感覺佢雞髀會特別大而且飯量都特別多我個人唯一唔太喜歡就係佢堂食嘅飯會比較少連我自己都覺得剛剛好相對一般人都覺得佢唔夠食所以有興趣試嘅朋友我會建議可能叫佢多飯因為雞髀會食淨但係反而冇飯送🤣🤣咁大塊雞脾都唔使$50真係抵到爛👍🏻👍🏻…查看更多

今次去到觀塘工廈黃店集中地駱駝漆天氣凍咗少少就去食返個熱烏冬依間烏冬成日都大排長龍12點去到啱啱好有位但點知隔多15分鐘就已經要排隊店舖話細唔細都有兩個鋪位食品即場製作所以等候都需時天婦羅廣島牡蠣半湯烏冬配骨付雞烏冬好食已經不在話下選用日本讚岐烏冬唔重粉味口感煙韌彈牙碗麵我最鍾意嘅就係糖心蛋隔離嗰啲魷魚絲我自己本身好鍾意食魷魚絲果類亦都係第一次食日本湯麵有配料係依款鹹鹹地嘅魷魚絲聽聞依度嘅雞扒好出色所以加配左坦白講我都預想到自己食唔晒所以件雞扒係同朋友share雞扒皮脆肉嫩切完出嚟勁多雞汁而且果皮甜甜地所以整體來講件雞扒係幾出色不過。可能因為出色嘅雞扒好多地方都有所以我個人覺得佢普通咗少少不過佢係真係好食嘅😋只不過同時間隔離隻蠔搶過左佢既出色隻蠔實在太太太太太好食😆😆鮮甜！炸粉唔厚！新鮮！香！咬一半會見到佢啲汁流出來🤤🤤本身依碗可以單叫大約$110但配埋雞扒就$140左右唔講咁多都係食嘢先😆😆牡蠣湯烏冬呢個係節日限定嚟嘅朋友就叫咗呢一款睇相都見到佢哋嘅蜆係超級大隻同非常肥美不過佢嘅湯底仍然都係日本傳統清湯個人覺得如果佢嘅湯底係蜆湯嘅話會令到整個烏冬更加出色而且佢好貼心咁俾咗隻碗仔嚟到裝蜆殼依碗就$70左右有得食咁肥美嘅蜆同咁好食嘅烏冬簡直抵到爛呀🤤…查看更多