nnnjoo的个人专页

在泰國吃過船麵，好好吃，突然想到它的味。而且，聽聞船皇的船麵很出色，於是來了。我們點了船皇湯麵、雞絲雞翼湯麵（細碗），炸雞翼，串燒牛肉。真心，湯底顏色足夠，但欠缺味道，我要自行加魚露才勉強救回。而且，細碗真的超細碗，泰國船麵細極都有三啖，它更細，只有一啖份量，還配上一隻只有好像被吃了一半的雞翼⋯⋯⋯我抱有期望來到，抱住失望離開。無論味道或者服務態度，試一次夠了P.S如果你手上有手搖杯，記得掉了才進店，因為這裡你取外來飲品會罰款$50…查看更多

咁岩經過呢度，撞正附近寫字樓嘅人放lunch，間間爆滿，因為我血糖低，好想搵個位近低，食啲野，順利食下藥。是但唔理係咪💛💙，最緊要唔洗等位，直入坐底。後來是但叫左一碗馳名狗仔粉頂住下。嚟到，雖則唔舒服，但都不禁碌大對眼，乜咁多黑色一點點嘅⋯⋯不斷再搞下搞下，嘩⋯⋯唔對路喎，乜愈來愈多嘅。問阿姐，阿姐話「不嬲都係咁。無野架～」以我一年前食過呢間嘅粉仔。唔係不嬲都要有鑊撈架喎呢啲唔係調味喎大佬，同我講「不嬲」兩個字。咁不如改名為「馳名鑊撈狗仔粉」啦…查看更多

每次來到東涌逛街，間中又想起韓國的炸雞，都會來這裏，因為服務態度和食物質素，它沒有失望。但每次都需要等位。其實以經驗來說，兩個人，一男一女的話，叫一碟炸雞，一碟小食或者飯麵，都已經差不多。我們今天叫了半半炸雞，有辣的，有蜜糖烤的，外脆內嫩，兩個都超好吃～～～～～但蜜糖的意外地，反而比辣的更好！！一點也不膩至於那個雞蛋捲，就雞蛋捲的味道，淡淡的，沒什麼特別，最後那兩三舊我們都吃不下，而且又飽又膩⋯⋯⋯這裡兩個經理都是韓國人，一男一女。男的只會講韓文及簡單英文，女的會說簡單廣東話，英文和韓文。…查看更多

其實，我是為芋泥布丁吐司而來如果芋泥再多一點，口感會更豐富，味道會更濃郁這次我吃的芋泥很淡⋯⋯大約芋頭味只佔3成。還有撒上梅子粉的炸蕃薯條，這個完全不膩，跟梅子粉非常搭，咸咸甜甜，好吃！炸蕃薯條救活了芋泥布丁吐司的不足。至於麵方面，我覺得略為遜色，麵過份軟身，而且湯底，滷水蛋又沒入味，整體上，像家庭feel煮麵那種，而且鹽酥雞乾得很。我覺得還好⋯⋯稱不上吃到正宗台灣味道，這裏跟台灣的味道還有一段距離。但服務態度是不錯，算有禮貌。而家環境算清靜，跟朋友吃過飯，聊聊天是不錯的！…查看更多

呢間一向超高好評，成日行過排長龍，加上💛店，又趁我咁岩放平日，於是撞下手神，睇下食唔食到。下午一點幾到，我前面只有兩個人等，但都等左20分鐘先入得。魚介豚骨焙煎黑芝麻沾麵果然湯底濃厚嘅黑芝麻味，濃到係好似芝麻糊咁。完全遮蓋晒魚个同豚骨嘅味道。我覺得⋯⋯配上麵，好怪。魚介豚骨蕃茄海蝦沾麵呢個就唔錯，蕃茄味道同樣味道被海蝦遮蓋晒，唔夠濃，有啲可惜，變左得陣咸味。呢個我日本食過，日本個個真係可以湯有濃郁嘅蕃茄之餘，亦有海蝦嘅咸香。總括來說，充滿日本漫畫感覺嘅餐廳係幾特別。服務態度都唔錯（主要招呼排隊客人個位）但讚到識飛嘅拉麵店，我又唔覺得咁高份，如果100分為滿分，大約都係值70-75分左右。…查看更多

晏晝時段上去，見有食評話咩幾個後生開，係💛店，啲相影到咁靚咪上去試下囉。坐低，叫湯底，之後見到播緊三色台喎....職員嘅態度懶懶閑之餘，問乜都唔答，無交帶。一開波叫刺身，成半個鐘都未有。點左三文魚，點左幾次都消失左。而我座位係見到魚生部嘅阿姐，佢唔知做緊乜，整魚生好似整到一舊雞咁⋯⋯⋯慢吞吞，仲要成日同自己人吹水。然後，分別點左唔同嘅串物，但9樣有4樣係消失左，有啲又比錯晒。雞皮，三文魚點左幾次，到我埋單都無嚟過。追完一次又一次，每次侍應話「哦～我幫你睇下」，走人就無跟進，再問，都係講同一句。問佢點解有啲叫左幾次無嚟到，其實係咪無？侍應話「呃....我幫你問下」又係無左影。除了我個枱，當下我前後食客都係食到好枯燥。到後期，出現左一個白衫便服，但疑似老細，情況好轉左。首先，到埋單先解釋，是日無三文魚。我坐足兩個鐘，問左4個同事，竟然無一個答到我原來個日無三文魚。有碟送嘅刺身，都係要等到疑似老闆嚟，仲要我睇住佢插魚生部慢吞吞阿姐，之後先響我埋單個刻先出現。仲要唔新鮮⋯呢間野，試一次算數。最無言係，我用openrice訂位，有晒証據，但結果佢當我無去到，openrice都唔受理。…查看更多

果然真係一間只打卡的cafe，而且貫徹佢舖頭出面句野「是但，求其，馬虎，麻麻地」。櫃位職員態度懶散，飲品質素普通。是日飲咗「山揸梳打」，「菠蘿芒果脆脆冰」，「73.5朱古力」本來點餐時想叫甜品，但隔離個班女仔起勢咁彈手上的蛋糕，超甜⋯膠味⋯聽到咁恐怖就唔敢叫⋯⋯山揸梳打可以，對於唔飲咖啡嘅人算係可選之一。菠蘿芒果脆脆冰普通，本來以為好酸，好甜，點知味道非常淡，唔覺有菠蘿味⋯73.5%朱古力$78咁大樽，味道可以，但唔凍，而且飲完兩個鐘後開始唔舒服，之後肚痛肚痾又嘔⋯⋯⋯痾足我幾獲⋯⋯$78買難受。…查看更多

本來想食另一間CAFE，點知太多人，所以唯有轉到椰琳閣食晚飯⋯⋯⋯⋯一人叫一個扒餐，加錢叫一個凱撒沙律，慢慢傾，慢慢講。點知邊食邊傾計，食食下沙律，個嘴莫名奇妙有好多一粒粒嘅粒狀物體，仲要好多粒⋯⋯⋯咬極都咬唔爛⋯⋯⋯然後即吐出嚟⋯⋯⋯⋯⋯原來一堆發泡膠囉火都嚟下次唔會再去🖐🏻🖐🏻🖐🏻🖐🏻🖐🏻…查看更多

去淘大，經過呢一間💛食店，又咁啱想食日本野，想食評都相當之多讚賞，於是就入去試吓。提前講一講，因為已經食咗有一段時間，而家都唔記得咗嗰個套餐叫咩名。首先，烏冬唔彈牙，夾起已經斷開，湯底味精濃⋯上面個幾塊野又「鞋」口⋯⋯至於嗰個飯，都算可以，不過上面嗰舊肉就好難咬⋯⋯食食吓，都有啲後悔係咪叫鰻魚會比較安全。似乎我點嗰兩樣嘢都唔係精選最慘係服務態度都好一般⋯⋯黑口黑面⋯⋯其實都幾失望，打響頭炮黃店，雖然入面係仍然有好多唔同嘅文宣，但係食物品質真心唔太好。我唔希望因為係黃店，所以即使佢唔好食我都要讚到佢飛起。…查看更多

未分立場的時候，呢間位於石門嘅點心店「蒸蘆」一向都好多人排隊，每次去石門都想試吓，但佢都係好長人龍⋯⋯後來因為疫情加上限聚令，今次行過嘅時候，見到有位就即刻入咗去。之前睇過啲人推介，一定要叫一個蒸飯，同埋佢嘅桂花糕係非常足料。所以今次我都叫晒呢兩樣野另外再叫咗一啲我平時去飲茶都會叫嘅點心。南瓜鳳爪排骨飯估唔到佢嘅飯好有味，係粒粒分明，而且有一啲蒜油香，估計應該係鳳爪嘅精華所以非常惹味。而且份量都係意料之外咁多，平時睇慣左酒樓嗰啲頭飯尺寸😅蟹子燒賣皇入面嗰隻蝦真係好大隻，好彈牙薑蔥牛柏葉因為我唔太喜愛食牛柏葉，但係男朋友非常之鍾意，呢個就較為普通。咖喱土魷蒸豆卜佢個咖喱真係好好食，最後食唔晒嗰啲飯係靠佢個咖喱食埋佢。紅豆桂花糕果然真係一定要嗌桂花糕。食咗幾款點心之後的確有一點油膩感，最後靠佢幫我化解左。入面真係好足料，桂花味重，紅豆多！至於服務態度方面，職員做嘢爽快，不過有一點要改善嘅係，茶壺放低時需要細力少少，有幾次差啲到咗啲茶落我嗰度。當然，我明白係好多嘢做。但係我諗職員都唔希望食客有啲咩意外掛。…查看更多

非常難得跟剛剛懷孕六個月嘅朋友見面，意外地遇上黃雨⋯⋯⋯因為佢好耐無食漢堡，於是觀塘搵，就搵到呢間💛🍔由訂位開始，店員好好禮貌，直到我地唔知道下面部𨋢故障，排左好耐隊先上到嚟⋯⋯我入去即使道歉，店員都笑住話唔緊要。後來我大肚嘅朋友想去廁所，因為廁所唔同樓層，店員都親自帶佢去搵廁所呢個店員成日每次「唔該」前「多謝」後，好好人，佢係負責做收銀加樓面。抵讚光是各種服務態度，已經感覺非常良好。每次「唔該」前「多謝」後。光是各種服務態度，已經感覺非常良好煙燻手撕豬肉漢堡招牌72小時安格斯牛小排漢堡芝士蕃薯條薑啤兩個漢堡同樣好吃，但安格斯牛小排更為惹味。加上餐廳的客人雖多，但全部不會高談闊論，各有各圈子吃飯聊天。💛如果想下找一個地方簡簡單單吃東西，主要聊天的話，呢度絕對係好地方。…查看更多

臨瞓前睇左一篇報導之後，相當感動！於是凌晨即使走去網上訂位，熱門時間都已經爆晒，淨番最早同下午茶時段，所以我揀左食最早12:00。出門時，收到經理來電，話因為1:30人比較多，有禮貌地問我可唔可以準時交枱，唔該前，多謝後。我當然可以，12:00去到，食一個鐘多啲仲卓卓有餘。可見得經理有顧及每位客人嘅感受。去到每個侍應都好有禮貌，地方乾淨，亦唔算好大，冷氣就唔知係咪因為剛剛開舖，加上近落地玻璃，唔算好涼，好在我有拎風扇仔頂住食物嚟到，果然～～～～～蒜蓉包！正呀！我呢個蒜蓉包控好滿足！！蒜味剛剛好，又脆！蕃茄湯，我男朋友唔喜歡蕃茄個陣腥臭，佢都飲晒我地另外加錢，跟餐價好似$15 嘅黑松露雞翼，食到lumlum脷主菜來到炸豬手，好脆好大舊，我男朋友讚左最多次係「去左骨」，佢非常滿意！至於意粉，佢頂唔順，太蕃茄，反而我好鍾意，變左我食晒佢啲意粉全名係咩唔記得左，好似係咩西冷牛扒，超大塊～～～我好細食，淨係食扒食到六成頂唔順，叫男朋友包底。我叫8成熟，佢煮到岩岩好，唔鞋，仲嫩，配上紅酒蒜蓉汁，好好味呢啲餐廳，價錢唔算貴，服務態度咁好，老闆咁有善心，真係好值得大家去支持！如果咁岩想食西餐嘅你，嘗試下唔去到尖沙咀咁遠，早少少落車，行幾步，試下佢手…查看更多

是日無聊搭車去東涌行下outlet，突然血糖低⋯⋯⋯大家都知，東涌呢度無乜黃店，於是都去就近一間可以比我坐耐啲，又唔洗睇人面色嘅餐廳回下氣，最近個間outback，一個人快入座，唔算太多人排隊，即試，等左十分鐘左右就入得。講真⋯⋯由以前開始，我覺得outback精粹都係黑糖包。之後我叫一個「辣蝦炒飯」Errrrrrrrrrrr 唔好食⋯⋯⋯蝦可以，飯非常乾又硬！同埋只有乾辣，無乜味⋯⋯⋯食到一半，喉嚨都乾埋⋯⋯另外再叫左一個「炸磨菇」濕下喉嚨呢個熱個時食好味，但之後我搞下手機睇下劇，凍晒，再夾起舊磨菇，出面炸皮自動脫下😂😂 唔係一舊，係好多都係😅至於服務態度，之前坐過兩次，東涌店嘅侍應一向都唔錯，好有禮貌，好主動。每次都會主動問需唔需要再補黑糖包之類，唔洗客人去問職員可唔可以要多條包咁樣衰😅😅…查看更多

呢間「秘」已經期待很久，每次經過都見到好多人排隊，所以一直打消呢個念頭。而呢一間舖頭一直以來響不同嘅平台都見到好多人嘅食評，主要都係話抽氣系統麻麻地，所以都預咗食完之後係會成身充滿油煙味，咁當然結果真係😂😂😂😂 吉列黑松露和牛定食以$148價錢，比我預期之中好雖然黑松露嘅味道比較淡，但剛剛好冇搶走牛嘅味道。飯非常大碗，男人份量之前食過旺角買一間吉列牛嘅餐廳，價錢都係咁上下，但係嗰間真係不得了，非常差，我自己屋企炸吉列豬扒程度無分別。安格斯牛安格斯牛相對每塊嘅尺寸俾和牛嘅大，但牛味就唔及和牛重，以成碟裏面有一兩舊係筋嘅部份，所以咬唔到。至於服務態度方面個人覺得由等位安排開始到埋單整個流程，服務員嘅態度都相當良好，不是我哋食緊嘢嘅時候佢哋會留意每一台嘅火到底燒完未，然後佢哋會經常為客人加火。雖然大家都明白出邊真係有好多食客等位，但入邊嘅服務員冇趕每一台客人，完全冇比到客人有一絲嘅壓迫咁。我當日，全部都係客人自動自覺食完坐一陣間就會離開座位…查看更多

看到他的專訪，立即列入我的收藏名單。剛巧今日經過北角，二話不說選到這裏吃過午飯，嚐嚐他的滷水水準是否傳聞中那麼好！那時可能還早，舖面不算多，客人數量也還好。到中午後很多地盤叔叔嘆燒鵝飯滷水鵝瀨粉無謂湯底，還是滷水鵝也不錯，湯底吃不出味精。平民價錢能吃到這個份量燒鵝滷水四寶瀨粉元蹄好吃～～～～～～～但可惜滷水旦和滷豆腐也不入味，這個有點失望⋯整體上，服務態度也非常好，入面的姨姨很有禮貌，經常「唔該前唔該後」「麻煩晒多謝晒」期待下次能夠幫襯晚飯…查看更多