跑跑龍的个人专页

朋友想食鐵板燒，見到三日月晚市做緊88折，地點方便，所以book左試試。餐廳位於尖沙咀金馬倫道，近地鐵站好方便。一入餐廳已經見到鐵板燒枱，環境都幾舒服，仲有2間細房。當晚都有其他客人包廂，我地安排坐大廳鐵板燒枱，可以望住日本主廚燒。店員服務態度好好，又會講解每道菜式食材。前菜三小點有味噌茄子、漬物蒜頭、雞肉。第一次食雞肉，肉質嫩滑，食魚生嘅感覺，完全無腥味。極上有赤身魚、油甘魚、蝦，一上枱已經見到好新鮮，肉質鮮嫩鮮甜。廣島蠔口感creamy，好肥美，帶有淡淡海水味，好新鮮。鮮活龍蝦，肉質爽口彈牙，鮮甜， 配龍蝦膏醬汁一齊吃，龍蝦味道非常濃郁。龍蝦頭之後會用黎煮味噌湯， 味噌湯有淡淡嘅龍蝦味，同樣好鮮甜。鮮活南非鮑魚，未煮嘅時候見到仲會識，好新鮮，入口肉質鮮嫩彈牙，完全唔韌，鮑魚肝的口感特別，都唔會有腥味。A4鹿兒島和牛薄燒卷，和牛肉包住雜菜雜菇，口感非常豐富，牛肉有一層焦香，入口即溶， 好重油香，伴碟嘅蒜片都好好食，好脆身。鐵板炒飯用左櫻花蝦及梅汁，第一次嘗試嘅配搭，酸酸味味，減少油膩嘅感覺，炒飯仲可以選擇加湯同wasabi一齊食。甜品係柚子&紅豆雪糕，2款都食得出真材實料，又不會太甜…查看更多

今日去左西貢玩,好曬好熱,想食杯雪糕。喺巴士站附近見到Chill Chill @449有雪糕賣,仲有沙冰、手打檸檬茶、生椰乳同其他飲品,仲有得夾糖。雖然鋪頭細細,但都有少少位置可以坐低食。叫左杯Chill cup 雪糕 - OREO&朱古力,雪糕杯好大杯,拎上手好聚手,入面有3球雪糕,仲有好多配料,最底有OREO碎碎,中間有粟米片,最頂有OREO餅乾,熊仔餅乾同biscoff餅乾。食得出朱古力雪糕係用movenpick 雪糕,唔係一般嘅雪糕,雪糕入面有朱古力碎碎。$68大大杯,又有movenpick 雪糕,又有咁多配料,都幾抵食,食完好滿足,簡直透心涼。…查看更多

今日同朋友食飯,想搵間環境好D嘅餐廳,揀左呢間位於銅鑼灣恒匯中心頂樓餐廳,有落地大玻璃,可以睇到灣仔跑馬地景色,仲可以見到跑馬地馬場, 樓底高,座位舒服。餐廳可以上一層去天台有個空中花園可以上去影下相,天氣無咁熱都可以上去飲下野。餐廳食物選擇好多,個drink list都好特別,打開會發光咁。泰式青木瓜鮮蝦沙律落單嘅時候店員特別提我地有鮮蝦,驚客人有海鮮敏感,非常細心。鮮蝦爽口彈牙,青木瓜加埋酸汁一齊食,非常開胃,分量都唔少。Cold Cut Platter一上枱已經覺得份量好多,食落肉質柔軟,淡淡的甘甜芳香,唔會死咸。慢煮澳洲和牛面肉、牛根忌廉闊條麵店員介紹呢個係最多人點嘅菜式,牛面肉厚切,啖啖肉好滿足,肉質好腍,闊條麵軟硬度與口感唔錯,加埋醬汁食得出有少少芝士,配合得好好。黑松露薯蓉質地好creamy,好重黑松露味,望落好似好細碟,但其實都好多。Kiwi Flip Flop & Blueberry Fizz叫左2杯mocktail味道都唔錯,有果味又唔會好甜,好清新。…查看更多

今日放工去左尖沙咀朋友介紹嘅火鍋店 -九五至尊火鍋狗毛,裝修主要用紅黑色,好大間鋪,座位唔少又好闊落,坐得好舒服。店舖仲有包廂,當晚聽到有其他客人喺房唱K,仲有一大班人打邊爐包廂都幾正。整體感覺好好,店員服務好好,會主動換碟同加湯。店員先介紹依加有咩優惠,跟住自己用QR code落單,只要follow 社交平台同share post就有免費湯底,仲可以揀鴛鴦鍋,都唔洗額外加錢,另外啤酒都做緊優惠。我地點左蕃茄薯仔濃湯&莞茜皮蛋豆腐湯底。湯底好足料,睇得出真材實料,味道都好好,唔會因為係免費就減料。海鮮拼盤$298叫左細size,一上枱已經覺得好吸引,分量好多,有蜆、鮑魚、扇貝、海蝦及蟶子。全部都大大隻,望落都覺得好新鮮,好鮮甜,呢個海鮮拼盤CP值好高,真心推薦！本地手切牛$268只係叫左中size都好大碟,雪花分布均勻,厚薄適中,好重牛味,好正!手打蝦丸 $58/半份半份有四粒,粒粒都好大,好有口感同彈牙,幾好食。三黃雞肉 $38/半份份量都幾多,雞肉好新鮮。萵筍 $20/半份冰菜 $48泰式拼盤 $168無諗過火鍋店都有泰菜食,仲要係好食! 拼盤有驚喜,即叫即整,上枱熱辣辣,分量好多,有蝦餅、春卷、魚餅、雞卷及班蘭葉包雞,全部都好食。下次黎再試下其他泰菜。手打檸檬茶$48檸檬茶好大杯,用左檸檬同青檸,好香好飲。…查看更多

之前灣仔返工有食過家賀屋,食物質素幾好,最近喺銅鑼灣渣甸街商廈二樓開左分店,好近地鐵站,幾方便。日系裝修,鋪面唔係好大,座位好闊落,坐得幾舒服,餐廳食物選擇好多。店員服務好好,會介紹下食物,又會主動加茶。食物質素同灣仔分店一樣好,完全無失望。白桃烏龍梳打酒味道清新,淡淡白桃味,酒味唔濃,好適合女仔飲。清酒牛油煮蜆唔同平時出面食到嘅清酒煮蜆,好香牛油味,但食落又唔會覺得好膩,蜆嘅份量都唔少,蜆肉肥美。原條海鰻、蟹膏、火炙左口魚裙邊壽司叫左3款壽司,壽司飯唔係平時嘅醋飯,係已經調左味嘅壽司飯,唔洗點醬油都好夠味。海鰻肉質軟嫩,蟹膏鮮甜微鹹,左口魚裙邊油分豐富。御賀刺身盛刺身盛包左有好多款,中拖羅、赤身、油甘魚、帆立貝、三文魚、赤海蝦、金目鯛、鮑魚。全部都係厚切,口感非常好,食落好滿足,每款鮮味都好突出,食得出好新鮮,尤其油脂豐富嘅中拖羅和肉質細緻嘅金目鯛。一次過可以食到咁多款高質刺身,CP價非常高,推介。岩鹽燒北海道喜之次喜之次係日本名魚之一,一般嘅日本餐廳都未必會有, 喜之次肉質細嫩,有魚油香,但入口又唔肥膩。蜜桃雪葩原個蜜桃雪葩係日本直送, 雪葩桃味好濃,食得出真材實料,唔係用香精。…查看更多

呢排天氣仲係凍凍地,最啱當然係打邊爐。朋友介紹呢間佐敦地鐵站附近嘅火鍋小店,金鍋清湯火鍋。睇得出裝修設計有花心思,坐得幾舒服, 又乾淨企理。因為地方唔算好大,如果繁忙時間最好都係預約左先。食物選擇好多,好多唔同牛嘅部位,好啱鍾意食牛嘅人。另外仲有好多小食同串燒可以點。朋友唔食辣,湯底點左牛骨湯,用牛骨熬湯,入面仲有冬瓜片、杞子粒同紅棗,清清地都唔錯。醬料都好齊, 芫茜、蔥、辣椒、沙茶醬、麻醬、醋都有齊晒。封門柳我地點左封門柳,淥8秒就可以撈起食得,有牛味,肉質鮮嫩,好食。秘制滑牛肉 & 蒜香滑牛肉吃落真係好嫩滑,又有牛味,幾好食,有驚喜,所以吃完一份之後再點多一份蒜香滑牛肉, 相比下,我同朋友都覺得秘制滑牛肉好食D。沙白蜆蜆都幾大隻, 洗得好乾淨,鮮甜無沙,份量都夠。桂花蚌桂花蚌分量都幾多,仲要大大片。水魷鬚條條鬚都好大,食落好滿足。手打鮮蝦滑用新鮮蝦肉打成滑,食到真材實料,口感彈牙。炸饅頭炸饅頭加煉奶無得輸,仲要係切片,唔係原個饅頭,好有誠意,炸到金黃,無油益味。…查看更多

放工約左朋友去旺角,旺角地鐵站附近周圍都好多人,所以決定行遠少少去廣華街食飯,經過御石燒,見到門面好日式又幾新淨,價錢又唔貴,決定入去試下。入到去鋪面唔大,但唔會坐得好迫, 日系裝修簡潔。餐廳用QR code 落單,同朋友叫左一人一個set,叫左一個燒肉set,一個吉列豬排set share。御燒特級牛小排 $158牛小排份量都唔少,兩邊燒燒就食得,生熟可以自己控制,肉質嫩滑,都有牛味,唔錯。另外要讚下店員細心,我地都無為意個爐冇火,但店員留意到主動過黎幫我地加。上級吉列豬排 $95吉列豬排賣相唔錯,炸到金黃色,上枱時候熱辣辣,咬落啖啖肉,唔會好柴,沾埋豬排醬汁幾好食。…查看更多

午市套餐有餐湯或沙律,甜品及飲品餐湯係南瓜忌廉湯,將南瓜蓉打到好碎,食到少少南瓜蓉, 真材實料。泰式西瓜沙律食落真係有泰式感覺,個汁酸酸地,幾開胃。烤燒阿根廷牛扒 ($168)牛扒叫左五成熟,肉質幾軟淋,牛味都幾濃,唔錯。配菜都好有誠意,幾好食,有翠玉瓜茄子紅椒黃椒,分量幾多。香煎阿拉斯加比目魚柳 ($158)比目魚柳分量都唔細,魚皮煎得好香好脆,魚肉仲可以keep到好嫩滑,意粉配上蒜蓉橄欖油醬汁都幾惹味,整體唔錯。牛奶朱古力,賣相幾靚,飲落好滑,不過唔算好濃朱古力味宇治抹茶牛奶朱古力,淡淡嘅抹茶味加淡淡嘅朱古力,ok甜品係細細件慕絲蛋糕…查看更多

去葵廣食完小食想買杯飲品,經過見到Nuttea主打堅果奶蓋,適合素食同對奶類敏感嘅人士,感覺無平時奶蓋咁膩,所以同朋友叫左2杯試下。伯爵朱古力堅果奶蓋茶 ($48)每日限定100杯, 金獎推薦,梗係要試下, 先用匙羹食面嗰層堅果奶蓋,奶蓋口感好滑,好綿密,朱古力味都幾濃,伯爵茶都幾香,食淨少少奶蓋撈埋伯爵茶一齊飲都幾好味,呢個必試!青提堅果奶蓋茶 ($45)店員提醒呢杯要用粗飲管飲,因為有粒粒嘅提子肉,飲落每啖都有提子肉,好清爽,本身提子都甜,所以少甜剛剛好。奶蓋同樣都好滑, 面頭有粒粒堅果碎,增加口感,唔錯! …查看更多

朋友介紹左一間日式小店,円相位於尖沙咀漆咸圍,唔係朋友介紹都唔知呢條街有餐廳。餐廳日系裝修, 擺放結他同CD裝飾,環境感覺舒適。食物選擇幾多，有串燒、燒物、炸物、烏冬、冷麵、甜點等等。自選燒鳥串拼盤 ($98)任選三串燒鳥串燒,點左2串免治雞肉棒&1串雞軟骨。免治雞肉加入雞軟骨增加口感,本身都好入味,再配生雞蛋醬油入口更加滑。雞軟骨連住少少雞胸肉,燒得好香脆。蔥花牛肋肉串 ($48)牛肋肉燒得幾好,燒完都唔韌,加埋蔥花一齊食更加香。明太子玉子燒 ($72)玉子燒賣相好靚,分量都唔細,可以切到厚厚5件,食落好香蛋味,玉子燒配明太子醬同木魚碎,口感好豐富。醬油燒飯團 ($42)平平無奇嘅飯團都可以好好食, 醬油飯團燒得好香,表面好香口,但又唔會好硬,推介。真花魚一夜干 ($108)真花魚一夜干都幾大條,上枱已經聞到好香,食落一D都唔腥,燒完仲可以保持肉質鮮嫩。青檸素冷麵 ($86)上枱時店員會用筷子將新鮮青檸片榨汁, 麵條幾滑,加埋湯會食到少少青檸汁味道,但不會過份酸澀,好開胃,好清爽。自家製綠茶蕨餅伴紅豆 ($52)蕨餅同平時食開嘅唔同,比一般更加煙靭,淡淡嘅抹茶加埋紅豆同黑蜜,非常滿足。…查看更多

朋友話想食川菜,我地咁啱都喺港島,揀左去大有廣場食湘蜀人家。全間店都係中國特色裝修,環境幾寬敞,坐得幾舒服,店員服務都好好。一坐低,店員會問我地飲咩茶,有普洱、鐵觀音、香片等等可以揀。食物好多選擇,有辣有唔辣,當然主打係食辣,同埋可以揀辣度。我地叫左個2人餐。燉湯個湯好足料,有豬骨、雞腳、紅棗，茶樹菇等等,味道好濃郁,飲完感覺好補。涼菜: 夫妻肺片&涼拌兔耳尖肚片分量幾多,切得薄薄一片,少少辣,但又唔會好油,唔錯。涼拌兔耳尖即係木耳,個汁酸酸辣辣,食完好開胃。酸菜粉條燉鮮魚上枱見到好大碟,賣相好吸引,魚片好嫩滑,分量都唔少,仲有酸菜同粉條,粉條吸收左魚湯,辣度係小小辣,唔會搶左魚味,唔錯。泡椒爆牛肉配料好豐富,牛肉好入味,肉質偏淋,唔會好辣,炒得好惹味,送飯一流。川椒回窩肉朋友話屋企唔會自己整回窩肉所以叫呢個lol 同泡椒爆牛肉一樣,配料好豐富,回窩肉食落唔會肥膩,都係好惹味。…查看更多

今日約左朋友去旺角食飯,碌openrice見到旺角有間八居酒屋,記得之前食過尖沙咀天文臺道八居酒屋唔錯,再睇發現原來都係同一間,係旺角開左分店。尖沙咀係主要食串燒,旺角分店食物種類比較多,有刺身、壽司、串燒、燒物等等。餐廳位置信和附近,都幾方便,環境唔錯,好寬敞,坐得幾舒服。餐廳用QR code 落單,食物真係好多選擇。仙台厚燒牛舌係餐廳招牌菜,牛舌厚切口感豐富,燒得唔錯,食落外脆內軟,肉質鮮嫩,一D都唔韌,推介。鹽燒脆白鱔燒到層皮好脆,但唔會燒到好乾,可以保留肉汁,肉質彈牙。汁煮左口魚邊,左口魚邊有火炙過,入口即溶,好重魚油,食落好香。鮟康魚肝一D都唔腥, 口感綿密,估唔到呢間餐廳都有得食。八~壽司盛有8件手握壽司,每件壽司味道都唔錯,整體都好食。最後餐廳仲有2杯雪糕送,揀左伯爵茶橙味同朱古力味,雪糕係香港製造,幾好食。每個客人仲會有一次夾公仔機會,夾波波計分,就可以即時換唔同小食或飲品,好易夾到,我地今次夾到換熒光魷魚漬,又有得玩又有得食。…查看更多

旺角食完晚飯,經過肥姐附近見到有間新店,主打蔗汁飲品店。朋友本身好鍾意蔗汁,每次去飲品店見到甘蔗青茶都一定會點。見到甘甘好蔗有十多款唔同蔗汁飲品,朋友話一定要試下。最後叫左蔗杯白桃&蔗杯蜜瓜。因為飲品都無額外加糖,所以唔洗揀甜度,但可以揀冰度。蔗杯白桃($32)落完單見到店員即榨蔗汁,唔係預先整好,保證新鮮。白桃肉分量好多,飲落好清甜,好天然。蔗杯蜜瓜($34)蔗杯蜜瓜同白桃唔同, 蜜瓜肉係打爛,所以飲落好濃蜜瓜味,估唔到蜜瓜同蔗汁都可以夾到。飲落好fresh,仲可以食得到絲絲蜜瓜肉。依加買一杯飲品就可以抽獎,有機會飲多杯。雖然今次抽唔中,但下次經過我都會再試下佢其他飲品。…查看更多

黎到科學園人生路不熟，又唔想lunch排隊食飯太迫夾，所以下午茶時間先食lunch, 落去睇吓有咩餐廳可以買外賣，科學園餐廳主要集團式經營，我同兩個同事見到楠天環境幾舒適網上食評都非常好，於是試吓。餐廳最近燒味做緊優惠，新鮮出爐叉燒半斤配豉油雞半隻都只係$98,非常抵食。燒味每逢11點同5點新鮮出爐，叉燒燒得非常焦香淋身，豉油雞非常大隻亦入味，拍得住酒店水準。我哋另外仲叫咗一個西炒飯及星洲炒米，熱辣辣炒粉麵飯非常有鑊氣香氣十足，師傅亦非常有水準，唔會過鹹。我哋三個都差啲食唔晒，最後我哋仲加咗杯飲品。如果放假入開嚟科學園踩單車，都可以試吓楠天kitchen,尤其係佢地既燒味。…查看更多

朋友話想打邊爐,揀左旺角女人街呢間肉蒲團火鍋放題。餐廳環境幾好,乾淨企理,座位好寬敞。電影主題裝修好有心思, 牆身有唔同經典電影海報創作,好特別。店員服務好好,見到湯底唔夠會主動加湯,收碟好快手,又會幫手排返好枱上嘅碟,值得讚一讚。今次揀左M5M8和牛set ($368) 入座嘅時候揀埋湯底,當日湯底有7款,我地揀左清酒味噌卜卜蜆湯, 蜆的份量都唔少,食落無沙,清酒會另外分開一壺俾我地自己加,加湯嘅時候可以自己加返少少。呢個set牛肉嘅種類唔少, 澳洲和牛、澳洲穀飼牛、美國安格斯牛,又有唔同部位,其他仲有豬、雞、海鮮等等。我地每款牛肉都叫左試試,最推薦澳洲 M8臀腰肉心,咬落有口感,牛味都唔錯,M5和牛牛肩胛和美國安格斯牛板腱都唔錯,牛味濃。其他推薦仲有原隻魷魚、廣島蠔、牛骨髓,比較特別。自助區超多選擇,比其他火鍋放題多,有唔同類型嘅菜、丸、響鈴、炸魚皮和其他即食炸物。飲品選擇都好多。最後每人一杯haagen-dazs雪糕,好滿足。…查看更多