Caroltszting的个人专页

荃灣出名多野食呢日同男朋友行完南豐紗廠，搵下附近有咩食就搵到係附近嘅嘉達環球中心樓下嘅cafe 食野地方唔算好大，但坐得舒服嘅咖啡嘅選擇都幾多下同男朋友傾傾下偈，無幾耐啲野食就到啦蒲燒鰻魚滑蛋飯個鰻魚同個汁好入味，而且個蛋好滑，份量都好多，配搭得好好All day breakfast 全日早餐份量好多，仲有水果可以食！呢到一讚嘅係佢個蛋真係炒得好滑，好食嘅！2個人已經好飽好飽不過我地都好中意咖啡，所以叫咗2款唔同嘅咖啡些下賣相好吸引玫瑰鮮奶咖啡一黎到已經聞到好香嘅玫瑰味，飲落去幾香口焦糖布甸咖啡個杯好靚 味道甜甜地，個咖啡味都好香另外值得一提嘅係staff嘅態度好nice, 聽到會同熟客有互動，感覺好親切友善…查看更多

係柯士甸同尖沙咀附近都有好多餐廳最近好想食串燒，今次搵野食果陣見到呢間串燒店，就決定試下佢門面都幾容易搵到價錢方面佢唔會好貴，我地2個人加埋食咗$400幾蚊，cp值都好高！而且食物嘅選擇都好多，好多野都想試除咗menu果啲之外，佢仲有是日精選，推介當日有啲咩好食，唔錯！而我地今次叫咗10款野，好可惜豬手同三文魚鱔無晒，而我地就轉咗食羊架同埋蒜蓉西蘭花其實佢樣樣野都好好食，同埋值得一點必須要講嘅係，佢地係一樣一樣野黎，啲串燒係保證即叫即做，熱辣辣咁上！可以慢慢食，又可以坐係到慢慢傾下計又食下野，好正！1. 雞泡魚乾 $48/份雞泡魚乾配啤酒一流，有咬口之餘味道仲好香口，食住佢再同男朋友一齊傾下計吹下水，個感覺好好2. 燒特級牛舌芯 $68/份牛舌好有咬口，唔會話太過油，而且加埋七味粉更加美味可口3. 燒鮮白鱔 $68/份男朋友極力推介！唔會話好多骨之餘外面仲燒得好脆口，而魚嘅肉質好滑好嫩，配上檸檬汁食好夾！4. 燒紐西蘭羊架 $62/份本身係諗住食豬手，但好可惜賣晒所以就轉咗食羊架！認真嘅，小妹係勁驚食到啲勁蘇嘅羊，而呢間餐廳呢個價錢食到2塊唔蘇嘅羊架係絕對一值！ 呢到嘅羊架我覺得好高質，因為佢燒完唔會落太多嘅汁去遮住啲肉味之外，仲無蘇味！！重點真係要講3次5. 燒蟹柳棒 $28/串呢到好好，食到我最愛嘅蟹柳棒（真係唔係間間都有，我係極！中！意！食！蟹！柳！棒！）份量好多小妹非常滿意！6. 燒芝士年糕 $28/份呢個做到個口感外脆內軟，表面係脆口，又熱辣辣，入面好煙韌，食到好似拉絲咁好食！7. 東北風味羊肉串 $28/串羊肉串同羊架一樣都係無乜蘇味，好怕蘇味嘅我都食得津津有味呢到cp值真係幾高，欣賞佢地即叫即燒，同埋係有時間比你一樣一樣食，唔洗食到咁趕頭趕命同埋地方唔算好大，唔會好嘈，傾計一流！下次要約一班朋友黎呢到飲啤酒食串燒…查看更多

呢日做完野都成3點幾4點，同男朋友去灣仔食飯 （而家唔早啲食飯就要外賣架啦..）經過克街附近見到間唔大但睇落去好吸引食牛牛腩嘅小店，LUNCH都未食，咁就入咗黎試下！我同男朋友都係比店外貼住嘅牛腩吸引咗，就咁望入去，入面真係唔大，感覺好有特色！入到去嘅位置唔多，不過坐得都好舒服，同埋感覺好乾淨！仲有時間堂食，我地問老闆同老闆娘有咩好推介，仍地都好好人同好有禮貌，介紹咗我地食最多人揀嘅坑腩同埋咖哩牛腩，而我地都係叫河粉做底話咁快熱辣辣嘅牛腩河就上菜啦！1. 坑腩河 $78坑腩肥瘦均勻，而且牛腩口感好好，唔會話好硬又底者過淋，仲有啲嫩口嘅感覺，好食！而河粉方面，佢個湯底食落好有蒜香嘅味道，食落去唔會好咸同埋又唔會太油，而且有小小辣嘅味道，會有種想飲埋啲湯嘅感覺2. 咖哩牛腩+河粉 $68老闆無介紹錯，個咖哩牛腩真係好好味！先講個咖哩汁，好濃厚，感覺一啲無唔稀！而且有辣味之餘，椰奶味都好夠！無論你係咁就食又好，將啲咖哩汁撈同埋河粉一齊食都好，都係PERFECT MATCH！同埋份量好夠，岩岩好！整體黎講，雖然價錢可能會比其他粉麵貴小小，不過味道同埋牛腩嘅質素都好好！個人真係好中意呢到嘅咖哩牛腩，而家仲對果隻咖哩嘅味道仲好有回憶！地方雖然唔大，但好乾淨！而家又有限聚令，可以招呼嘅客人唔多，而小店好有人情味，老闆同老闆娘都好有禮貌，亦都好細心咁樣介紹邊啲好食啲，邊啲多人揀啲！如果再經過都會再食一次！小店加油！…查看更多

最近好多地方都無乜人，由於男朋友住附近，所以近近就去咗附近呢個泰國菜去食Dinner無令人失望，水準都好好，碟碟都好大碟，食到好飽！呢到嘅擺設都好有泰國嘅風味，就算坐係到嘅感覺都唔會唔舒服！出街食飯嘅人真係唔係好多，所以坐嘅地方都好寬落！MENU方面選擇都好多，其實佢個精選２人套餐都好吸引，不過最後我地都單叫咗我地最中意食嘅菜式今次我地叫咗３款野食，啲餸菜好快就黎到！1. 馬拉盞炒通菜 $86 一黎到果陣我同男朋友都覺得好大份好抵食！炒得岩岩好，唔會炒到好油，又帶有小小辣味，又唔會好咸！好食！咁大碟岩晒我呢個中意食菜嘅人～2. 紅咖哩豬頸肉炒飯 $83 好多時出去食咖哩炒飯都會無乜咖哩味，但呢到嘅紅咖哩炒飯炒得好入味，而且份量好夠，豬頸肉唔會話切到好大粒，又幾好咬口，食到我同男朋友兩個都好飽！3. 碎肉生菜包(豬肉) $86 成日都覺得食泰國菜一定要叫碎肉生菜包！咁先有泰國嘅風味！肉碎同生菜嘅比例同份量係岩岩好，肉碎唔太多，又唔咸，包生菜真係一流！３樣野已經食到好飽！整體黎講都好好味！下次會再黎試埋個2人套餐先…查看更多

呢日中午係附近探完朋友之後一個人落到黎荃景圍，見到呢間冰室新開張無耐～望望個價錢牌，又唔貴，見咁耐無乜食過中式食品所以就入咗去食啦除咗平時嘅餐牌之外，中午時段每日都會有唔同嘅特惠午餐包埋野飲！最平嘅都只係$33，學生仲有另外嘅優惠！未食都覺得呢間其實真係平民價首選嘅餐廳嚟！而小妹今次就叫咗美極干炒牛河+熱奶茶奶茶都好滑好飲，唔會話好澀或者茶味太重，岩岩好！至於美極干炒牛河方面，好夠鑊氣！而且唔會好咸，用美極炒出黎係好食啲！份量都好足，食到我好飽！另外服務員另外比咗辣醬我落，對於中意食辣嘅小妹黎講落埋辣醬呢個配搭更加一流！中午黎講$45蚊，係市區黎講已經食唔到呢個價，所以係平靚正嘅午餐黎下次再黎食！…查看更多

樓上FOOD COURT太多人，太肚餓嘅關係，所以見到呢間唔洗等位，就同朋友入黎食野先！價錢上，呢到啲野食相對黎講唔算好貴，而選擇亦都好多！我地4個人就叫咗2個麵同埋餃子試試佢啦！1. 京式炸醬拌麵$36黎講佢都真係幾大碗，炸醬料都好多好足！味道唔會話好咸，如果自己加小小辣醬會更加入味！2.  雙醬冷麵配雞絲 (麻醬+麻辣) 麻醬落咗係個麵到好好食！不過好可惜嘅係個麻辣醬係一啲都唔麻同唔辣，又無乜味！如果可以有返辣味就好！雙醬晒咗！3. 雙拼(白菜豬肉+韭菜豬肉) & 單拼(白菜豬肉) 料好足又大粒，好彩share！如果一個人食都會岩岩好！味道都好好食，唔會話唔熟又或者唔好食！我地4個人都叫咗熱豆漿，飲到最後好多粉咁 不過都可以接受嘅！整體黎講，如果你係FOOD COURT無位又想快啲食到野嘅，呢間係一間平又叫唔錯嘅餐廳黎嘅～…查看更多

由於我地一行17人，一開始諗唔到食啲咩好但見到平昌有得BOOK位可以食到韓燒又可以裝晒我地咁多人，同埋之前食過好好食又新鮮，所以今次GATHERING就去呢到食啦！入到去佢安排咗最入嘅房比我地，夠晒空間比我地同埋唔會話坐得好迫！讚！上菜同肉方面都好快手，肉類好新鮮，任食都有好多款簡，仲有其實小食同埋熟食都可以比我地選擇！同埋佢有得FILL蛋，自己又加埋泡菜同芝士，一流！野飲方面雖然唔係話好多款，但都好好飲，已經好夠！我地亦都另外叫咗燒酒，可以暢飲一番！2個鐘頭好快就過，因為太多人嘅關係所以好快就食完走～多人等同食證明咗呢間真係一間高質同好食嘅餐廳！…查看更多

呢日同同事放咗工之後出去行街，行到千色匯附近肚餓搵野食見到呢間日式餐廳門口已經好似去咗日本嘅感覺，好有特色！睇完餐牌見到價錢又唔貴啲野食又吸引就入去食啦～入到去雖然地方唔大，但坐得好舒服！餐牌方面，選擇都幾多下！晚餐時間時段嘅都係單點有肉類、蔬菜類串燒之外，仲有海鮮、小吃、主食等等！真係好多選擇！另外佢地牆果到會有每日精選，可以睇到店有啲咩推介好食！樓面雖然只係得一個人，但落單快而準，又好有禮貌！值得一讚！啤酒上完無耐，等咗一陣，好快就有野食！1.豆腐唐揚 $30食之前staff會介紹點樣食先最好，好細心！外皮炸出黎好脆，又唔會影響到豆腐嘅香滑，食落去唔會覺得熱氣好有口感！做到外脆內軟嘅感覺！好好食！2.蒜香雞軟骨 $20熱辣辣咁送上，好香口，本身落埋小小胡椒有香辣嘅感覺，一流！3.牛舌 $40牛舌係我係燒物入面最愛嘅一款，佢真係好大塊！食落去多汁肉質又唔會好鞋！加小小檸檬上面會令肉嘅味道更出！滿分之選！4.雞翼 $25雞翼係每次黎到燒物餐廳都會點嘅食物！呢到嘅雞翼大隻，燒得岩岩好！同樣汁多同肉地都好嫩！佢地嘅調味有小小辣，對住中意食辣嘅我勢覺得真係好好食！5.厚燒玉子 $68真係好大好厚！入面嘅蛋好滑！整得山岩好！加埋旁邊嘅蘿蔔蓉，中和返個口！呢種食法好特別但好好食！6.大啡菇芝士燒 $38芝士好足！岩岩整好就上，熱辣辣令到芝士微微地咁溶，切出黎都有拉絲嘅感覺！大啡菇好新鮮，好食到不得了！大啡菇又係呢到必點之一！7.蟹膏海鮮炒飯 $108呢個飯係我意料之外嘅一個！勁足料！飯係落蟹膏炒，好入味，鑊氣好夠！而且海鮮好多又新鮮！絕對唔可以錯過呢個飯！呢餐價錢黎講唔算話好貴，但真係好高質好好！職員又有禮貌啲野好好食！下次一定會再黎…查看更多

巧手製作係唐記嘅一份子，食飯時間好多人係唐記果到買野食，而呢間巧手製作係街市入面，雖然人好多，不過見到係冷氣位置下等就順便試下佢啦！佢同唐記既野食差唔多，都係高質又平嘅包同埋點心！仲有腸粉同埋粥食！讚！加上佢仲有每日精選飯仲有得平！無得輸啊今次叫咗梅菜肉餅飯﹑叉燒腸同埋金錢肚！梅菜肉餅飯係呢日嘅每日精選，只係$15蚊，真係平到笑～仲要好足料，好抵食好飽！又唔會好咸！個人好LIKE!而叉燒腸買果陣要等耐一陣，因為真係即叫即做！好新鮮！仲可以睇住佢食，好足料，皮好薄好好食！而金錢肚好彈牙好好食！係酒樓食嘅感覺！好懷念～可以係屋企附近食到咁平既野食真係好感恩！…查看更多

機場好多時好多人都會覺得黎到食野都好貴無錯，作為係機場做野嘅小妹都覺得係！不過機場有唐記就唔同講法啦！機場嘅唐記同出面嘅都差唔多價，無話特別貴，價錢非常合理！而且職員做野十分快，加上早﹑午﹑晚餐都岩食！絕對係我地既窮人恩物！小妹係返SHIFT嘅，今次因為食飯時間撞正OFFICE同事食飯時間，所以就黎買好快手嘅唐記啦！今次就食咗鳳爪排骨飯自己食，再加埋山竹牛肉﹑燒賣同馬拉糕同同事一齊食～ 再幫同事另外買咗個奶皇包比佢放工再食～鳳爪排骨飯今次比咗好多菜小妹！岩晒中意食菜既我！另外餸好足料，一個飯都只係20幾蚊，係機場黎講真係好難得！至於山竹牛肉係我最愛嘅點心，好入味，又夠晒熱！燒賣都幾大粒！好有咬口好好食！不過今次唔記得咗叫佢將馬拉糕同埋奶黃包分開放，不過唔緊要，馬拉糕都係同同事一齊食姐～馬拉糕好易飽，味道一流！唐記真係好高水準嘅一間麵包點心店黎！…查看更多

係東涌食野嘅選擇真係唔多而家係屋企附近嘅迎東邨終於開咗唐記包點！屋企行黎只係5分鐘左右！唐記包點平靚正！所以真係小妹恩物黎！因為買返屋企同屋企人一齊食，所以今次買咗4個點心加一個凍包返屋企整黎食～唐記凍包係新嘅，返屋企整一整熱就好方便！菜肉包都仍舊係唐記入面最好食嘅包！多料之如味道一流！自己整返熱都好方便！另外3個點心分別買咗牛肉球﹑雞扎同埋金錢肚，仲有叫咗一份蝦腸～1. 牛肉球牛肉球係我係點心入面最中意嘅！好鮮味！2. 雞扎雞扎好大舊，好足料！我同家姐每人一舊都開始飽！3. 金錢肚有小小辣辣地岩晒我口味！4. 蝦腸蝦腸睇住佢新鮮熱辣辣整出黎，個皮好薄！入面好多蝦！真係窮人恩物啊！…查看更多

之前上網睇有介紹呢間星期日至二會有90分鐘德國放題任食嘅餐廳同朋友都好懷念德國嘅味道！見佢啲食物款式都唔錯下所以BOOK咗黎試下～我同朋友都早咗到可以坐，等到8點鐘岩岩好就可以開始放題啦！一開始會送上德國脆皮豬手先～ 豬手淋淋地唔錯，不過有啲咸，重點可以任食。同埋呢個放題都會送一杯野飲，或者可以加錢任飲啤酒不過因為之後小妹要返工嘅關係所以就唔飲得酒試唔到啦！所以只係叫咗蘋果汁同橙汁各一杯，唔會太細杯ＯＫ既！出面太多人排隊拎其他野食，所以影到相果陣已經得返唔係好多野會有意粉﹑德國腸﹑三文魚﹑沙津等等，雖然唔算話好多但係唔錯不過不失既！基本上都可以食到飽！特別一提STAFF都好NICE好好SERVICE!…查看更多

萬波係台灣一間好有名嘅野飲店～到咗晚上9點幾都有好多人排隊買野飲其實佢有好多唔同既野飲簡，MANU上面有芝士﹑茶類﹑果類同埋季節限定嘅野飲簡，當中都有啲好新奇嘅味道不過一個人只可以飲到一杯～所以今次叫咗佢每日限定嘅蜜芋頭珍珠鮮奶黎試試～ 不過小妹太飽既關係所以走咗珍珠同埋叫咗微甜～飲落去唔會好甜！同埋啖啖一粒粒嘅芋頭，好好咬口！雖然同相係差好遠個樣，不過飲落去係我好中意既感覺同埋味道！我接受既哈哈！下次要再黎試下其他唔同既野飲啊！…查看更多

係附近做完野，一個人要搵餐廳嘅時候見到呢間食台灣野嘅餐廳，出面開始好多人等，但我太想食台灣野加上一個人，唔洗等就有單人位可以坐啦！晚市套還$60起，講真其實真係唔貴！加上佢嘅套餐係A+B+C，有好多款式選擇，就算有啲都只係加入$2-4蚊不等！唔錯唔錯～而小妹今次簡咗滷肉飯 (+$2)+鹽酥雞+麻醬淋青菜($+2)，加埋最貴既野飲胚芽芋香牛奶(+$9)，總共都只係$73蚊！熱嘅胚芽芋香牛奶初初我都怕佢會好甜！好彩唔太甜，都好飲既～主菜黎啦！樣樣都好大份仲有埋湯飲！呢到簡直晚餐平得黎而有質素嘅餐廳！滷肉飯好大碗，一個女仔食係非常足夠，唔會好咸，好多肉好多汁好好味！鹽酥雞係我想像中好食，新鮮炸，出到黎仲好熱辣辣，加埋小小既胡椒粉，微微嘅辣係我嘅最愛！對我黎講青菜嘅話如果無咁多麻醬會更好，不過都好食嘅！食咁多野要食下菜架嘛～湯方面清清地好開胃！咁大份既餐好抵食！下次有約朋友都可以再食呢一間咁好食既餐廳啦…查看更多

小妹係機場返工，呢邊裝完修之後成日經過都好想食，不過朝早到11點都係咁多人排隊買，所以每次都放棄咗而返通宵雖然唔多人，但係食佢實在太飽同埋怕肥但今次因為飛凌晨機，對上一次食野已經係好耐之前，所以飛之前同朋友決定食完呢間先飛～買嘅時候真係唔太多人，價錢可能真係會貴小小，但機場禁區而家通宵都無乜野食，呢個價錢黎講都可以接受啦！款式同朝早其實都差唔多～我同朋友都食咗泰式豬頸肉金邊粉(冬蔭功湯)加杯泰式奶茶！通宵真係會快好多，等一陣好快就有得食啦！唔好睇佢細細碗，其實佢份量都好多！個冬蔭功湯好好味，好味到我飲晒成個湯豬頸肉都有好多舊，都足料架！泰式奶茶同係泰國飲嘅一樣！貴就貴咗啲，同埋無咁多日的確會好好多！有機會嘅話如果日頭果啲時間都咁好就好啦！…查看更多