alicelaw1026的个人专页

比左百幾蚊食一個親子丼，點知5分鐘就食曬成碗，因為佢的份量少得可憐，連一碗飯都唔知有無，佢只係將啲飯壓平左放係底，然後就放蛋同4粒雞粒係上面，講真味道係ok，但食完同無食係無分別，呢個價錢但換黎只有4粒雞粒，真係無語，雞粒嘅大細就係等於手指公指甲咁大把…查看更多

啲食物的確係好食，但係男職員嘅服務係極度差，個餐加$99係有得任食雞肉牛腸同埋豬肉，但職員就唔係好想俾我嗌咁，仲串我問我食唔食得晒，食唔晒就唔好喺度浪費食物，我唔知佢遇過幾多個浪費食物的人，但其實本身個餐入邊嘅食物我已經食晒，咁我醒起我加咗$99，所以我先嗌呢$99入面可以追加的食品，而且我真金白銀比多$99，所以我係有權追加食物，點知佢講左呢啲說話我聽，唔理佢的出發點係啲咩，但我就覺得呢啲服務態度係唔應該！另外就係我想嗌甜品，又話廚房收咗，但係我見到隔籬枱又有得食，不過我就無再追問落去，因為由我追加食物果一刻開始聽到呢啲說話就已經影響左成餐飯的感覺。不過都要讚下其他職員就好好服務，尤其是負責幫手燒肉嘅女仔，手勢好又細心講解，希望呢間餐廳可以正視呢個男職員嘅態度啦。…查看更多

自問都食過唔少拉麵，每次食我都會拎黎同橫綱比較，因為橫綱碗麵係令我最大驚喜同埋食完係真係會想返轉頭既！佢個湯底好濃味，啲麵又有質數，食落好入味，而且溏心蛋又做得比其他店出色，試過係其他拉麵店食隻蛋無味之餘仲要個心係硬既，所以橫綱的溏心蛋我真係要讚一讚！不過舖頭就比較細，每次黎都要排隊，亦試過等個半鐘先有位，但好野係值得等既！呢碗係我每次黎到都必食的拉麵，朋友就叫左沾麵，係柚子味，佢話好特別，仲要味道唔差，睇黎下次到我要試一試。…查看更多

今晚언니請我去高級餐廳食飯，呢到環境暗暗地，個feel幾好幾有情調，好岩傾計，而且可以望到維港景色，可惜有啲大霧，如果唔係就perfect喇！我地叫既呢碟snack platter，一共有5款小食，每款3件，較為特別的係鵝肝伴無花果脆包同黑松露辣肉腸伴黑麥脆包，配搭都幾新鮮，但個人建議最好送酒，如果唔係就會咸左啲😌另外我地亦叫左碟藍青口八爪魚手捲意粉，睇落就係平時食開的長通粉，但係硬身啲，食落有咬口。本身以為兩個人食唔夠飽，所以又叫左碟煙燒法國春雞，但啲汁好怪，仲有橙味，所以唔建議食。整體黎講食品的價錢偏貴，不過黎得呢到食，都預左係要食埋個景，叫做不過不失咁！…查看更多

呢到係位於元朗既隱秘室內大排擋，每次都係揸私家車去，舖頭門口就係停車場，所以好方便！入面又有冷氣，環境都幾舒服，好適合一家大細去。而野食係超高水準，其中呢碟墨魚餅基本上係枱枱都會叫，因為真係好彈牙好好味，大人小朋友都爭住黎食。而且呢到仲有好多其他大排擋食唔到既菜式，我屋企人今個月已經幫襯左三次，因為真係好岩口味。仲有之前好興的奶茶冰，成條冰都係奶茶黎，就算啲冰溶左，都可以飲到奶茶味，唔會變淡。呢到真係一個幾好的食飯地方，價錢仲要唔貴，不過晚飯時間去最好book定位，因為都幾多人。…查看更多

雞蛋仔出的口味真係愈黎愈多，今次食既係積及橙餅味😎事關我細細個好鐘意食呢隻朱古力，所以見到有呢隻味無理由唔試喇！嘩，又估唔到佢隻味濃到我真係好似食緊積及橙餅咁，確實係幾得意，下次可以再挑戰下其他味道！…查看更多

每次去Beans都一定會叫all day breakfast，雖然都想試下其他野，但就點都會叫份all day做膽先😜甚至已經覺得唔叫會走寶的地步，真係無誇張到，因為個黑松露炒蛋同窩夫都勁好味，特別要提係個窩夫本身已經甜甜地，食落似蜜糖，就咁食已經過左口癮，當然身為抹茶控的我，就點都要叫返杯green tea latte 作結喇！…查看更多

去觀塘搵野食一向都會去工廠大廈到搵，環境大啲，坐位闊啲，而且每間都有獨特的風格，今次慶祝朋友生日，就揀左間大家都無食過的餐廳一試。餐牌上面的種類唔多，每款主食都會配沙津/湯，一杯飲品同甜品。由於我地都幾大食，所以就每人叫一個set dinner。食物的味道唔錯，份量岩岩好，唔會話太少，食完一個set一定夠飽。我叫的係煎三文魚扒，最鐘意無骨啖啖肉的感覺，個汁同塊扒都好夾。另一個朋友叫的係咖哩羊肉，餐牌上都寫住係辣的，但朋友就覺得辣味唔重，反而覺得太咸。而生日果位就叫左黑毛豬，夠厚夠大份，抵食！呢間餐廳周圍都放滿家俬，亦有售賣精品、衣服，環境舒服，一啲都唔逼，唯一美中不足的係呢啲餐廳本應係sell service，但竟然要收加一。…查看更多