安琪BB's Profile

走中高檔路線的新式酒樓, 屬LUBUDS集團。圍方暫時得三間酒樓，五樓有兩間連鎖美x集團。環境+服務： 念月樓服務及食物都不錯，有酒店級嘅感覺，基本上服務人員都明顯挑選過。裝修同餐具都好精緻，好靚。檯興檯之處唔太迫，好坐。食物：茶錢$20位, 叫咗壺普洱, 無茶味, 十都得色。點心都有水準，蝦餃、燒賣、腸粉、XO醬煎蘿蔔糕都好好食。小龍包就好一般；酥炸蘿蔔絲其實好精緻、同有心機整，但啲油出事，有油溢美。整體上都滿意，會在嚟食。…Read More

早幾年都有嚟食過幾次，味道都唔錯。但經過今次後，真係無下次，亦唔會推介朋友嚟食。首先先講下個鵝片，味道還好，賣相唔錯。但其實得面頭幾塊有肉，下面墊底多數是骨同肥肉嚟，成碟野差不多1/2唔食得，索價$268…蠔仔粥仲衰，得個一兩湯羹米，我哋要另叫一碗白飯加落去先叫似返個粥…. $88+$16 ….份量好少。最早伏係潮州凍蟹。因未食過，早一日落order問要幾多錢，唔講，幾錢両都唔講….最後到食個日埋單先知$1280…佢話隻蟹1斤2両wo… 坦白我未食過潮州凍蟹，正所謂食米唔知價。大開門做生意，你咪同啲客講100蚊両未得囉，食唔食俾客人考慮吓都得掛。今鑊真係覺得入咗x店，食物質素亦差過以前….為咗賺錢，手法太低劣。個四眼阿姐仲一直狡辯。永世唔會再入嚟食。完…Read More

終於唔洗再去學校的頹飯堂，兼有啖好食。最初是為了每朝有杯靚咖啡嘆而過嚟，之後連lunch都過埋嚟食！咖啡：Mocha 一試難忘，真係堅好飲Flat White 是我至愛，一樣好出色有機會會試埋其他。食物：暫時每次都是點蕎麥面加沙律餐，上至藜麥、南瓜、紅菜頭甚至西蘭花🥦每一樣調味都是非常高水準👍🏼😋😋 次次都清曬碟！我見好多同學仔都是點飯餐多，選擇都算多，而且炸物似乎好好食，有機會都會試吓。不論是員工或是食物，都感受到他們的熱情。良心飯堂！…Read More

本身很歡喜食泰國菜，見食評有咁多好評就專誠入沙田一試。晚上6點半左右到，唔洗等位。冬陰公湯太鹹，又唔夠辣，得個色.... 4個人一人一碗。海南雞另加油飯，雞嚡、味道正常唔突出；油飯又係得個色，落咗好多薑黃粉... 我地食剩好多....明爐魚叫做比較好，正常味道，湯汁酸了一點。雜菜煲正常味道。食完走果時其實仲有6成吉位，就知中伏。總結：大失所望，無下次。完全唔係食緊泰國菜，回家後勁口喝...唯一好處就是員工都算服務唔錯。…Read More

Food Court 自從裝修後食店質素亦有所提升, 多了好多選擇，正！星期六中午嚟，排了一陣隊，好快有位，不過一定要齊人先俾入坐，一個都不能少。點了個招牌菜「叉燒滑蛋飯」同「特濃蕃茄湯午餐肉粒通粉」，點餐後唔洗5分鐘就上餐，快、靚、正！個叉燒滑蛋飯好大碗，足兩碗飯，半肥瘦叉燒加上自製甜豉油，食到一粒飯都無剩。通粉都好好食，酸酸地食到好開胃！以後嚟大本型，都有好野食了！…Read More

很有誠意的台灣牛肉麵店，這次點了今日推介「花雕牛肉麵」！除了牛肉足料好味外，個花雕酒湯底酒味香濃，最後連個湯底都飲曬。食得出廚師用心製作。不過有點貴，連加一 一百蚊一碗麵。…Read More

前個星期已和朋友來食, 覺得好好食, 環境又座得舒適。 今個星期日再同老公嚟食Lunch, 竟然Lunch Set 餐牌轉咗新野😋😍。 依兩次食, 份量都好多下, 兩個人叫了兩個set 食到好滿足。下次會再嚟~…Read More

以前利東街舊舖未去過, 知道係觀塘新開又近返工地點去拜訪下。舖面裝修, 環境有大排檔味道, 夠闊落, 樓底高, 唔會迫夾。擺設餐具也很別致。據聞請了澳牛及鴻星的廚師助陣, 就特別點了叉燒湯意、多士炒蛋試吓水準。平時都常去澳牛、華星食常餐, 相比之下味道卻差DD。叉燒湯意個湯底唔夠濃, 無咩味, 份量少了點。炒蛋入口香滑, 蛋香濃郁下次再去試下炒出前一丁, 炸雞髀希望有驚喜。…Read More