yks_co的个人专页

唔係朋友話我知，我都無留意有間泰國餐廳係天橋底食完覺得真係值得推介！泰國菜例牌食豬頸肉，呢度無註明係炭燒，但相比其他餐廳有註明的好食幾倍！外乾內嫩，配上泰式醬汁，必食青咖喱唔會好潔身，有淡淡椰香，配上香脆的薄餅，很快已被我們ko了干炒河，可選雞牛豬，我選了牛肉炒，即係乾炒牛河炒野最緊要夠鑊氣，呢度我比100分好香，夠濃味，唔似某集團的，炒完一堆油係底，食完都唔會好濟，值得推介呢個優惠超抵！+$1就有選咗香辣惹味的木瓜沙律，酸酸地，辣辣地又涼涼地，好開胃！大家記得+$1呀…查看更多

收工約左朋友係灣仔happy hour，飲飽之前要食飽先。係酒吧街街尾有間🍔已經坐滿人，心想一定無伏，於是等了一陣位就坐低了店舖大概有10張枱左右，有酒飲，有波睇，氣氛唔錯店員雖是英文人，睇唔明餐牌會細心詳盡解釋，服務熱誠！點了一個雜菌漢堡，以為係牛肉漢堡再加一個大磨菇，原來係將幾種菇菌整成漢堡，所以菇味好香濃，口感亦似牛肉漢堡，有新意有驚喜！另一個點了普通的牛肉漢堡配芝士薯條，牛肉漢堡不失不過，反而芝士薯條值得一讚！我未食過這種芝士，有衝動想問下究竟是何方神聖，芝士味道不會好濃，不會食到好濟，很適合配漢堡包一齊食！另外一個驚喜係問店員除左茄汁外，仲有咩醬點，居然提供是拉差辣椒醬，我都係第一次咁食，但又出其地夾！下次大家可以試吓…查看更多

位於紅磡，但由何文田地鐵站b1出口會比較方便到達的巴蜀烤全魚，每次經過總被那麻辣香味吸引，但每次都見門口有小群人排隊而打消念頭，今次由於疫情關係少人出街聚餐，而造就今日唔使等位就食到第一次食，睇唔明餐牌小邊大邊是什麼？！店員笑住咁講解，其實係一條魚切開一半，比較大邊的是大邊，細邊的是小邊，真是大鄉里，那麼簡單，怎麼要問人見到旁邊客人來了一盤豐盛的烤魚，於是決定要小邊就可以了，這樣我們就可以試到其他小食點了酸豆角小邊加一個魚付，一盤滿滿的烤魚端到面前，不其然咀角笑起來，吞了淡口水，唔客氣了。第一次用酸豆角配魚食，既開胃又野味，配菜吸滿酸豆角湯底，送飯一流！聽到店員向其他客人推介麻辣粉皮，說味道是由師傅自己調配，跟外面味道不同，於是我們又點了一份。麻跟辣的配搭恰到好處，互不搶大家風頭！粉皮比較硬身，有咬感，果然跟外面的有分別！今餐超滿足，可能係因為想食好耐加上不用等位就食到，下次想食都要提早訂位了！…查看更多

大家乖乖番家抗疫多時，為食鬼蠢蠢欲動，第一樣想食既係串燒。上網搜尋就腳的串燒店，位於太子地鐵站c2出口，步行數分鐘就到既好燒式值得推介！7點去到，得番最後一張2人枱，坐低後陸續有食客wall in 黎，因無訂位，所以要等位去食的話記得提早訂位而為食鬼見到係呢個抗疫時世都要訂位先有得食，對呢間店舖亦充滿信心！round 1 叫咗串燒必食三寶牛舌，雞軟骨，雞臣為食鬼今日唔想食辣，所以點蜜糖燒，幸好店員細心提醒需要落孜然粉嗎？否則唔知變咗咩味道round 2 豬頸肉，司華力腸，豬仔髀，雞髀食肉獸食飽後，黎一份又係必食既燒茄子整體來講，肉類唔會燒到無哂肉汁，唔會乾到硬，咬落有趙口。環境方面，食串燒至怕烏煙瘴氣，食完變咗舊炭出番黎，呢度完全冇呢個問題，因為廚房安排在店舖後方，抽氣又做得好，完全係空氣清新咁食串燒呢餐完全滿足哂為食鬼食串燒慾望…查看更多

尖沙咀萬眾期待的大商場終於落成，聽說不只是一個商場，可以說得上是一個藝術館。避開星期六日和繁忙時間，可以在商場裏輕鬆漫遊！商場餐廳種類多，但自己一個又食唔到d乜，都係落food court 輕食，下次同朋友先去品嚐一下餐廳！有一間店特別多人排隊，原來是食韓國菜，有粥，有石頭鍋飯，壽司飯卷。一個人食幾件壽司飯卷剛剛好。之士泡菜牛肉卷，泡菜味突出，配上大大粒之士，口感一脆一軟，頗特別！不過就食唔到牛肉味，個人覺得飯就林左少少，唔知正宗韓國飯卷係唔係咁呢？下次再試多一次就知係真唔係…查看更多

經過見到新開張，裝修光猛，門面乾淨，而且有位，於是就一行5人決定做白老鼠基本點心都齊，特別的是有墩湯，有籠仔飯黑金流沙包做得怱較出色，真係會流出黎的，小心燙咀！唔知係唔係迎合健康，大部份點心味道較淡，個人覺得可以濃味少少飯唔夠乾，咸魚沒咸香，而且是分開煮的，有點失望！…查看更多

今晚2口子想食小炒，二話不說決定街市的兩合！對上一次已是半年前了，很懷念出色的老味兩個人就叫了一份小拼盤。各樣都唔會好咸，有淡淡的老水味道，最出色的是生腸，好爽口，豬頭肉亦不錯！仲有我必叫的椒鹽9肚魚！今次炸粉重手左d。勝在夠大份！…查看更多

近期少左好多人出街，就在這特別的日子四出尋找美食。今日就黎到銅鑼灣。尋找美食的時候，被一位有禮的派傳單嬸嬸熱情推介，最後不好意思地進入了餐廳。店內光猛，店員有禮，裝修行清新風格，估計應該開業不久。美容蹄。一個吸引的菜名，能令眾人二話不說點這菜。幸好，亦非浪得虛名，肉質嫩滑，炆得好林，而且無毛的，哈哈！食得川菜，點少得水煮牛肉。用瓜同菜做底，唔會好多油，花椒味噗鼻，辣味同麻辣配合得剛好！…查看更多

對上一次食應該已經數年前，今晚自己一個經過，突然想起白咖哩豬扒唔知係唔係星期一晚關係，客人唔多故侍應都唔多。坐下5分鐘，舉手示意下單，有2位侍應望到，可能執枱比客人落單重要，所以無視我。醒起有得禁鐘仔，第一次禁左超過一分鐘，無人理，於是我係咁禁，終於有位短髮四眼的侍應見到，佢應該怕我整爛鐘仔，所以面帶不笑來下單。。。嗯，味道依舊無變只是態度變了！…查看更多

星期日打風落大雨無得出街，下午無聊就落街食個下茶。每次經過都好多人排隊，今日竟然有好多位，一於試下眼望幾枱都有叫軟殼蟹牛油果卷，肯定唔會中伏！賣相正常，不過軟殼蟹唔係好熱，應該係整定大量係到。南瓜番薯天婦羅。。。。這應該是炸南瓜番薯是嗎？天婦羅跟炸粉好明顯吧！幸好南瓜和番薯夠甜，否則我一定退貨！心想，在這美食沙漠，還可以吧！因服務值得一讚！…查看更多

朋友話呢間之士好正，好有外國風味，心諗有無咁正先，一於黎試下有幾外國！係網上見到好多適合我口味既款式，但原來已轉左餐牌，我想食的都沒有，哭哭。朋友為左安撫我，好快咁叫左食物黎塞住我把口又辣又脆卜卜的雞亦。好惹味！唔係韓國個種純辣咁單調，食得出用左好多種香料配出來的辣香料！真係好外國風味。加上炸得剛好，裡面仲有汁，唔會好乾！厚切煙肉加上勁多之士。好邪惡！那之士被切開時，個幾條之士絲，睇見都興奮！食完呢個我已經飽到出唔到聲，再無怨言，哈…查看更多

馬安山出名是美食沙漠，想搵間餐廳都有d難道！出左名之後就有唔少餐廳開發呢個沙漠。呢間集合韓國，台灣食品的餐廳進駐馬安山都有一段時間，依然企得住，證明佢有特別之處！食完之後，我明白點解！首先，價錢夠貼地，適合屋村小市民！份量夠大，呢個價錢，有呢個份量算抵食！加上同村無競爭，所以可以長做長有…查看更多

所有都想食，於是叫左滷水鵝拼盤只係叫細份，但都好夠份量。3個女仔到最後都食唔哂！比較出色的是滷水鵝，好入味，夠林，唔勒椒鹽9肚魚，好好味啊！炸得恰到好處，外脆肉嫩，骨都比我吞埋豬紅9菜就比較濃味左d。好咸…查看更多

朋友介紹呢間餐廳，今晚就黎試下朋友上次食芒果沙律，今次試木瓜，相比下，芒果會比較開胃！係摩洛哥餐廳食德國咸豬手，有驚喜，有咸香味，唔會好乾，炸得外脆內軟，值得一食見好多枱都有叫，就一於試下。。對於甜度十分底的我，這是超甜，糯米飯夠煙勒，不過有點硬，林多少少就完美！…查看更多

難得過港島區，當然唔可以hea食，於是搵左間特色小店。支持一下分別叫左海南雞，喇沙，巴東牛肉share食。可以一次試哂！每款都無令人失望，特別出色的是喇沙湯面，濃濃的椰香帶點微辣，我連湯都飲哂。巴東牛煮得好林，海南雞不過不失！…查看更多