Jesseeee的个人专页

媽咪生日，她已經吃厭了區內其他餐廳，記得上次和她來跟大伙兒吃飯時她吃得開心，決定兩個人的生日飯再來悅見。——————————用椰皇水做湯去烏雞瘦肉，還有一片花膠，清甜好味。這裡的風沙雞皮脆肉超嫩，醃味一流粵菜來講蒸魚非常重要，餐牌沒有原條蒸魚，但這個龍躉片也有蒸魚豉油和魚汁的風味。魚湯浸勝瓜的味道調得非常好，蝦乾不太鹽，炸蒜子也做得非常好，沒焦沒燶，原粒吃下去很香。總括來說，這裡的菜色算出色，份量方面，如果2-3人來吃，叫 3-4個餸剛好！還有一樣就是這裡的服務超貼心，反應快得來又貼心。…查看更多

約了三位外國朋友吃中菜，訂枱七位，餐廳主動安排了一間房給我們，坐得舒服又有私人空間。全程有一位好醒目的男服務員幫我們打點一切，非常細心主動，由介紹菜式到安排上菜先後次序都非常用心，我很久沒有在商場食肆見過這種五星級酒店的服務，有驚喜！食物同樣令我們喜出望外，最出色的是椰皇烏雞燉花膠這個湯，用椰皇水去燉足料食材，我們每一位都吃得很開心。海鮮也十分不錯，新派粵菜份量不算多，但每樣都精緻的，風沙雞、蒜蓉開邊蝦、蒸龍躉、椒鹽鮮魷全部都好好味！最後少不了石獅子造型的黑芝麻糕，我的外國朋友覺得好玩又好吃！…查看更多

新年前裝修嘅新興食家，原來係裝修咗個天花同埋換新冷氣機。休業咗一段時間，我對新興係有所期待嘅，掛住佢啲點心，但係今日食完就好失望。招牌蝦餃差咗好多，蝦餃皮好厚，啲醃料完全冇鮮味，冇汁、冇筍味！再食埋佢個鮮蝦腸粉，再失望啲！腸粉粉漿一啲米香都冇，好厚，啲蝦腥嘅！啲腸粉又冇甜豉油，淨係可以用佢枱面嗰支鹹到死嘅豉油！鵪鶉蛋燒賣不知所謂唯一可以保持水準嘅係佢嘅山竹牛肉好唔鍾意啲餐廳俾人寫咗上小紅書之後，就變得好難食！…查看更多

服務態度奇差！18:00 入座，因為唔想坐 bar 枱，轉去坐枱，由於餐廳話張枱有人 19:30 訂左，說好了會準時還，但有個帶帽嘅侍應 19:10 就開始趕客，語氣仲要勁衰，最好笑嘅係其實間 Bar 都唔滿！仲要有個帶帽嘅侍應話：「我哋生意真係幾好」 🤣🤣🤣🤣 咁嘅服務態度，永遠唔會再去。除左個好韌嘅芫荽豬腩卷之外，雞全翼係壞嘅，有啲過份！ Chicken Oyster 唔錯，但咁嘅 service 、咁嘅價位，我可以搵到更好的！補充一句：其他員工服務態度正常，尤其係啲女員工，好落力，讚！…查看更多

一心想同朋友去 Morton’s 食牛排，叫左一個 36 Oz Porterhouse Set for 2 ，前菜同 Side Dishes 都正常，薯條仲幾好味添，但主菜塊牛扒竟然係唔新鮮的！！！唔新鮮嘅程度係去到用鼻都聞到塊肉壞左 ，放入口更加有腐肉味，好過份 件 Porterhouse 有一條骨，strip steak 那半邊明顯變壞了，竟然出到廚房門口，廚師無做好 QC，好差！同經理反映，換了一份新的，好少少，但明顯係同一大份的肉都變質了，所以第二塊係同樣有異味的，只係稍為好少少。 已經無心機再要求更換，這樣的食物質素，永遠失掉信心。…查看更多

好失望，一向對 Frites 印象不錯，但今次徹底失望。$4XX 的 Ribeye Steak ，要求 medium 卻煎到 well done。肉質非常一般，似係幾十蚊一塊的澳洲牛肉，非常之差！Pork Schnitzel 炸豬扒又乾又鞋連招牌青口都 over cookPork Rillettes 又乾又無味其實係咪周末廚房用了未合格的廚師？點解叫四樣，四樣都咁差？？？連鎖餐廳保持一定水準可以嗎？* 相片影得靚純粹係我影相技術高，與食物無關…查看更多

新店開張，日日都見到有人排隊等外賣，以為這間茶店有咩特別，原來係搵客人做佈景板！下午 2:50pm 去買一杯茶，單號碼「179」，當時有 2-3人响店外等候 ；10分鐘後返嚟睇數字牌完全無郁過，心知不妙，原來在我之前有張大外賣單，超過20杯的，號碼「168」。職員只專心做外賣單，完全無理過其他單。結過等了 25分鐘，3:15pm 我向職員投訴先拎到我杯茶！更過份的係，店內堂食的枱櫈坐滿了等到發呆的客人，有張號碼係 「165」，比外賣大單仲早落單，即係佢好可能等左超過 30分鐘 for 一杯嘢飲！如果落單前我知道要等超過 25分鐘的，我一定唔會幫襯！負責落單嗰位職員有責任講清楚前面有好多杯外賣，俾人選擇等 OR 唔等！…查看更多

芒果甜品一向係我嘅最愛，小時候曾經很喜歡去許留山，因為他們入貨的芒果總是很香芒果味的。但自從許留山沒心機做生意後就找不到好吃的芒果甜品。因為最近幫朋友搞《甜姨姨》的聯乘活動，我這個月去了《甜姨姨》十多次；試盡了他們的各款刨冰、糖水、甜吃，都很不錯，當中最得我歡心的是楊枝甘露。芒果汁濃，多果肉，酸甜適中（吃過兩次，水準都保持到一樣），西米也煮得剛剛好。如果堂食的可試「芒果大合奏」，加了一球芒果雪糕，還有芒果乾條，口感一流！想不到這次我去幫人做應援活動，結果自己變成了《甜姨姨》的小 fans 。…查看更多

新記係我心目中最好味嘅魚蛋！實肉彈牙、有魚味、咖哩汁夠辣（但有點油膩）呢個魚蛋檔嘅老闆我真係睇住佢大架！😌 哥仔响北角碼頭投注站門口由車仔檔開始做，當年佢係長頭髮，成個風雲裡面嘅聶風（鄭伊健）咁嘅款架！ 🧔🏻‍♀️ 我估佢 16、17歲，而我就 8、9歲。上到中學，有一日我放學同同學買咗六串魚蛋去球場邊食邊傾心事，話咁快就食晒六串要 encore。我同哥仔講：「我要多六串，你送一粒俾我啦！」佢諗咗一秒就爽快答：「好啦」當時我只係想佢送一粒魚蛋俾我，佢竟然係每串加多一粒！哈哈，哥仔好大方呀！之後佢個車仔檔消失咗十幾年，近年發現佢入咗舖，開心死我。 而家我時不時會返去探吓佢，一解「魚蛋之思」。今天（2022年9月15日）發現新記無做了，希望哥哥同佢媽媽身體健康、生活愉快，有機會再見。#咖哩魚蛋#新記魚蛋牛什#長髮哥仔這檔咖哩魚蛋由我十幾歲開始食…查看更多

睇廣告見到有新口味奶茶，見到枝「燒棉花糖」就心心眼！😍今日去太興食 lunch 試咗，奶茶底一貫的茶濃奶滑，杯底有豆腐花，唔甜，好味喎！最喜出望外嘅係竟然加咗有小麥肧芽，口感好好。新花款奶茶好似飲緊手搖飲品咁。單叫要 $33 一杯，但跟餐就只係 + $3 ，好抵！仲有另外兩款，香芋奶茶和桃膠奶茶。不過桃膠係乜玩法？ 桃膠無味架喎，養顏呀？🤣🤣🤣個「鹹蛋蒸豬肉餅」份量不多，但好好味，尤其係隻鹹蛋好沙，仲有蛋油！…查看更多

今天特別和父母來到裕民坊看看新商場，在 3/F 平台花園選了這間新開張的菜館，見到招牌有「詠藜園」這個三個字我們都有所期望，還點了招牌菜「擔擔麵」。點了六樣東西，全部都令人失望。肉絲炒麵 - 是新鮮炒出來的，熱焫焫的，但非常非常多油（請看圖）小籠包 - 湯汁沒有應有的小籠包餡料味道，淡而無味生煎包 - 包非常厚，餡料像無味的餃子春卷 - 新鮮炸的，但內裡的疏菜餡料切得太大件，不好吃擔擔麵 - 點了不辣的，湯底花生味淡，太多水份；麵條也沒有特別。清炒河蝦仁 - 廚師用太多梳打粉去醃蝦，令蝦仁過份地爽脆，味道假，而且有被「乸」過籠的味道。我只能說，此水準實在把「詠藜園」三個字拉低了，很失望。唯一值得稱讚的是：服務很好，熱心、有禮！…查看更多

兩年沒來周記了，當年這店門外是長期排隊的，今天人龍不見，以為是自己幸運，吃完就知道客流變少是有原因的！和朋友點了六個點心，落單後不用一分鐘就已經有三個點心上枱（即是點心早就蒸好了）。蝦餃一入口就非常失望，蝦肉是梅的，完全沒有筍味，蝦餃皮也大林，筷子一夾就爛了，非常好難食，連「叮叮點心」都比它好味！波菜餃亦相當令人失望，波菜大大條沒切細，餡料無味，好似無醃過一樣，怎會這樣？不過值得一讚的是周記收錢的負責人非常殷勤，全程有禮招呼客人，希望食物質素可以返回以往質素…查看更多

去西環老字號源記甜品之前我是滿心期待的，怎料是極度失望而回。我點了陳皮紅豆沙：整碗內 10紅豆都沒有，以為已煲成沙？ Sorry，是「一點沙都沒有」。根本就是一碗「滾水 + 糖」！而且丁點陳皮味道都沒有，沒誇張，整碗就是什麼沒味道都沒有。連普通酒樓奉送的紅豆沙都比這個好味！媽媽點的「桑寄生蓮子蛋茶」也是沒有桑寄生應有的草藥味，只是一味甜甜甜！蓮子和蛋是好味的，蛋煲到上色入味，但難道去源記只為吃一隻蛋？問媽媽會不會再來？她耍手擰頭！…查看更多

疫症期間大部份時都留在家，一星期才外出採購一次，心裡定下想吃的食物，一次過買回來滿足一星期的慾望。超想吃 <楊枝金露>，附近只有松記這間像樣的甜品舖，外賣了一碗，回家打開一看，心沉了一下：整碗是白色的，極像椰汁西米露，整碗只有圖片中的一小片芒果，沒有芒果汁，柚子肉也少得可憐，味淡如清水（連淡奶都不如）！店內貼出來的 <楊枝金露> 明明是黃色的！貨不對辦啊！好失望，這是什麽東西？ 白白浪費了我這星期的 quota！…查看更多

這篇食評是針對《楓林小館》的招牌菜「紅燒乳鴿」而寫的。以前這裡的乳鴿是我常常會掛念的，大大隻、肉汁豐富、肉質彈牙、熱辣辣，原隻上枱用手撕來吃，超好味！自從它賣舖之後我已找不到這麼美味的乳鴿，所以一知道它在銅鑼灣重開，我非常興奮，滿心期待。這天來到楓林小館為朋友慶祝生日，今天在坐的各位都很愛吃乳鴿，可惜，吃完無不失望而回。原來，經典菜式，失去了就不可復還。首先，現在的乳鴿細細隻（$78），尺寸比以前頂鴿細了四分之一；細隻了，但肉質沒有特別軟滑，失望。今次我們是一隻切開四件的（錯的決定），結果因欠缺肉汁，不好吃。相隔 3年，最失望連醃料味道都不同了，《招牌紅燒鴿》的味道都保不住，變成一般酒樓的水準。不好吃，相信是因為現在的乳鴿貨源變了，以前的鴿子肉味濃濃、肥瘦適中，是真正的「頂鴿」。老闆，能找回以前的貨源嗎？另外，男士投訴男廁非常惡臭，女廁衛生還可。…查看更多