ananlau的個人專頁

2020年5月3日星期日今日係公眾假期嘅最後一天，今朝同老公行咗去西灣河幫襯香港人嘅小店，呢一間主力係做蛋糕但係亦都有做早餐同埋午餐。早餐非常好食唔怪得知咁多人排隊，座位唔係好多所以如果想去食一定要早一些去。我叫咗一個牛油果醬半手工麵包，麵包非常好味配埋牛油果醬簡直一流。我老公就叫咗一份煙肉半炒蛋配手工麵包，佢對呢一份早餐讚不絕口。佢呢度嘅咖啡亦都非常香口，絕對比大部份連鎖咖啡店更為優勝。兩個人食飽飽都係$100埋單，抵食兼好味…查看更多

2020年5月2日星期六今日係連續假期嘅第三天，今朝早特登揸車同老公去北角幫襯香港人嘅小店，呢一度交通非常方便好容易去到。餐廳嘅裝修亦都俾人好舒服嘅感覺。經理非常有禮貌亦都好親切，完全照顧到客人嘅需要。嘢食都唔錯。經理介紹我飲紅莓汁，仲加咗一片檸檬喺上面。 酸酸甜甜特別開胃老公就叫咗一杯咖啡，佢話咖啡非常香。我哋個叫咗一份早餐一份係all day breakfast 同埋另外一份係魚柳芝士漢堡。份量都幾大份味道亦都唔錯。尤其是係黑松露炒蛋,非常好味。…查看更多

2020 年5月1日星期五今日係五一黃金周，特登行咗落去北角幫襯香港人嘅小店。呢一間店舖6:00開門但係6:30已經坐滿晒人。幸好我係去買外賣自取，但係太多人幫襯所以都要等一段時間。但係絕對值得！我叫咗一份三色丼，揀咗三文魚腩帶子同埋海膽，刺身非常之新鮮，加埋醋飯非常好味。老公就揀咗一份熟食，溫泉蛋汁黑豚丼，豬肉好似用炭火燒過一樣，非常好味。配溫泉蛋一流！最後我哋仲叫咗一份小食就係鯖魚燒，燒得好香，肉質完全鎖住左喺裏面。師傅嘅功夫一流。埋單都係$200多少少，性價比非常高。…查看更多

2020年4月30日星期四今係公眾假期嘅第一天專登落去鰂魚涌光顧香港人嘅小店，疫情肆虐幾個月，一定要大大力支持香港小店。呢一間舖頭係正電車站附近，容易搵店舖老闆有禮貌服務態度良好,最重要係支持香港人嘅小店.呢度小食種類唔少，今日我就叫咗一份腸粉配魚蛋套餐，腸粉我全部醬都有落，腸粉亦都非常有口感。配埋魚蛋加咖喱汁簡直一流。呢一個套餐才$20，又抵食又好味。佢仲有其他唔同嘅小食例如格仔餅雞髀，下次一定會再試埋其他仲有呢度有支持香港人嘅糉賣，臨走我都買咗一張…查看更多

2020年4月30日星期四聽日係公眾假期嘅第一天專登落去鰂魚涌光顧香港人嘅小店，疫情肆虐幾個月，一定要大大力支持香港小店。呢一間舖頭雖然唔係喺大街但係都唔難搵。呢一間係專賣堅果飲品嘅店舖，第二次嚟呢間舖頭。今日點左一杯芒果綠茶配堅果奶蓋，堅果奶蓋可以用一個小小嘅匙羹慢慢品嚐，非常有特色奶蓋亦都唔會太甜食完香濃嘅奶蓋之後再品嚐芒果綠茶，非常好飲消暑一流$42一杯非常抵飲冇一啖都會食到芒果,啱晒鍾意食芒果嘅我…查看更多

2020年4月21日星期一對我黎講燒味最正既係燒肉、叉燒、燒鵝，難得出街去燒味店，梗係食齊晒3樣啦！燒肉塊皮最緊要係脆卜卜，而且肥膏唔可以多過肉，呢間都做到了👍🏻燒鵝不過不失啦，但不得不讚下個蜜汁叉燒，肥瘦適中又好軟熟，d蜜汁好香，淨係個汁都可以餸半碗飯食呀😍大推介蜜汁叉燒呀！其實仲有好多其他燒味可以揀，果日見到d乳豬都好吸引下，下次再去一定要試下!重要既係呢間燒味店好光猛又乾淨企理，感覺好衛生。…查看更多

2020年4月17日星期五疫情關係非常少出去食飯，咁岩比我見到屋企附近原來有一間拉麵店可以外賣自取。呢度有得揀拉麵或者沾麵，呢樣嘢唔係咁易係屋企整。一查之下原來太古城有間拉麵店有得食沾麵，仲要可以外賣自取。呢度除左有得揀拉麵或者沾麵之外，仲有我至愛既炒飯。叫左個叉燒沾麵同炒飯，拎到返屋企都仲幾好食，沾麵唔會太咸，份量亦唔少，叉燒肉質都唔錯。本來諗住拉麵店既炒飯應該好平凡，點知原來好好食，雖然份量不大，但價錢相宜👍🏻…查看更多

係西灣河發現左間好正既日本餐廳，環境舒服又乾淨，岩晒同朋友好好地咁傾計食飯，感覺好relax。由於我地都係吞拿魚既愛好者，所以我地點左個本鮪壽司盛黎嘆，有大本鮪魚腩、中本鮪魚腩同本鮪赤身各兩件。講好食一定係大本鮪魚腩，有d肥先好味咁嘛，但另外兩款都唔錯呀。除此之外仲點左個海鹽輕燒石狩丼，唔想食太多刺身的話，點呢個都唔錯，火炙三文魚配魚子都好開胃，定食有埋沙律、日式蒸蛋同麵鼓湯。另外我地仲點左本鮪赤身手卷、加州手卷同埋軟殼蟹手卷，軟殼蟹好脆，果然係店長推介👍🏻…查看更多

好耐冇食過咁高質既鐵板燒首先餐廳裝修高檔，有房間間隔，環境舒適，職員殷勤有禮，頻頻加茶。師傅係客人面前制作，簡直係視覺同味覺上既享受，而且師傅好nice，所以食得好自在。點左套餐，有前菜、沙律，有龍蝦同鮑魚揀，我地揀左龍蝦，除左師傅燒得d龍蝦好香，佢仲加左d用蝦膏整既醬汁係面，為美味既龍蝦再加分！龍蝦頭都唔會嘥，職員會攞去煲湯，所以之後個湯又見返龍蝦頭。本身唔係特別鍾意魚，但師傅將個銀鱈魚燒到表面好香口，而魚肉仲係滑滑，食唔停口。全晚最愛:A5和牛薄燒，好味到暈，師傅仲可以因應客人喜好整生d或者熟d。最鍾意睇師傅整和牛炒飯，每個環節都好認真，整出黎當然亦都好美味！最後食埋個雪糕真係好滿足呀！…查看更多

晚飯時間黎到好多野食既京瑞廣場，係一期外圍既兄弟工房點左個二人套餐，包餐湯、沙律、兩個主菜同兩杯野飲，幾抵食。餐湯係南瓜湯，好creamy，沙律都唔錯，我特別鍾意d onion同沙律菜。主菜揀左燒魷魚圈配墨魚汁意粉，果然冇令我失望，d魷魚好好味，不過小心食意粉到個咀黑「蚊蚊」😅另一個主菜係燒春雞，大大份有埋配菜薯仔、瓜同菇，雞皮脆肉滑，雞肉裡面仲要一啲都唔乾，唔會鞋烚烚。唔夠喉的話，加$38就有個甜品法式焦糖燉蛋，味道都唔錯㗎👍🏻…查看更多

食韓式燒肉唔使一定要去韓國既，銅鑼灣都有得食㗎！呢度好多款野食揀，如果人數唔多，但又咩都想試下可以揀套餐。我地揀左「壹頭牛」套餐有5種肉，有喜來烤肉、牛五花、牛肋骨肉、牛頸同牛排骨，燒完用菜包住食好正架！如果鍾意食蒜既朋友重可以夾蒜頭，好好味㗎！原來個醋飯都唔錯，我放埋落爐燒，外面脆脆地都幾特別，食埋爐兩邊既芝士蛋同泡菜蛋，咁就一定飽飽喇！套餐野飲可揀罐裝果汁，有幾隻味可以揀，我試左桃汁都唔錯㗎！…查看更多

由門口開始已經好搞鬼”寫住只招待會員，要用條脷lam到手㬹先可以入會”，其實大家可以放心推門入去😅可能係又好食又黃，太多人去懲罰佢既關係，大家要預左可能要等奈少少，或者試下預約。不過都係值得既！我地兩個人叫左個炸洋蔥圈、原味雞翼、軟殼蟹pizza, 野飲叫左杯mango & peach soda同埋洛神花柚子茶全部野食野飲都即叫即整，炸洋蔥圈同雞翼好香脆岩晒我地口味，點知個軟殼蟹pizza仲正，隻軟殼蟹幾大隻，pizza餅底又唔會太厚，岩岩好！除左野食掂，野飲都唔錯！非常推薦！一定會再幫襯！…查看更多

今日同老公去西貢撐枱腳，黎到遊艇會附近食高級日本菜：Wa-theater restaurant, 其實之前黎個一次食午餐，今次黎食晚餐又有另一種feel，午餐黎就睇住靚海景食，晚餐黎外面比較黑睇唔到好多野，但氣氛都幾好，遠離繁忙既市區好relax。前菜用個盒裝住三款小食，全部整得都好細緻，最驚喜係日本銀杏，第一次食，好香！接住既刺身: 深海池魚、火炙金目鯛非常新鮮，有特別透明既醬油點，唔會遮蓋刺身既鮮味。我最鍾意既係東京灣鰻魚配北海道海膽蒸蛋，超好味呀！松葉蟹甲羅燒、柚子鰤魚手卷都令人好滿足！甜品都好有質素，係忌廉蜂蜜金薯同十勝紅豆糕，食到lam lam脷！…查看更多

今晚屋企人過嚟探我同老公，我地落咗樓下食飯揀咗王家沙！我呢度附近有幾間呢一類型嘅中餐廳，王家沙係我哋嘅首選，嘢食比較好食同埋餐廳職員比較有禮貌。前菜揀咗一個三絲粉皮，除咗有手撕雞仲有火腿，配搭得都唔錯。叫咗一個砂鍋雲吞雞，啱晒四個人share食。隻雞煮完都唔會太老幾好食跟住再叫咗一個小籠包，好好食最鍾意咬落去嘅時候啲汁爆曬出嚟。甜品係呢度嘅主打：豆沙鍋餅同埋高力豆沙，非常好味！唔會太甜啱晒我同我屋企人.熱辣辣美味嘅甜品為晚餐做過句號…查看更多

上一個星期六同老公去咗鰂魚涌一間香港人開嘅小店Cafe，一入到去見到嘅裝飾就知道老闆係一個有心嘅香港人。今日嚟到呢度食晏晝嘢食款式唔算多不過每一樣都好好味。老公叫咗一個bagel餐,bagel 可以選擇芝士醬或者係藍莓醬，配yogurt and homemade granda.非常健康之選。我就揀咗一個粟米bagel再加杯咖啡，bagel配粟米原來都幾夾。最後在要再一份綠茶芝士蛋糕。蛋糕係新鮮home make。…查看更多