emilytcy的个人专页

第一次嚟Alva House就係專登入嚟食自助餐，平日晚市人流唔多，冇坐滿嘅情況。生蠔好新鮮，即開即食，不過每次只可取2隻。其他冷盤海鮮質素一般，不過可以回本！你喺度都係貪選擇較多，多國菜buffet一定係佢No.1🤣…查看更多

同朋友喺大角咀食完飯，諗住食少少宵夜，坐低姐姐都有招呼我哋，不過就係咁問我哋食唔食海鮮🥹我海鮮過敏所以都拒絕咗幾次，但係都不斷咁樣問，搞到我都有啲唔好意思😢叫咗個炒烏冬同韭菜，仲有其他不過就冇影低，食物質素一般，如果唔係必要下次應該都唔會再嚟～…查看更多

見網上討論區講話呢間銅鑼灣拉麵店嘅蝦湯拉麵好食，諗住一試究竟！😻😻點知特色拉麵得柚子拉麵，冇蝦湯😭一場嚟到都試吓佢嘅拉麵啦！我叫咗赤骨拉麵，湯頭濃而不膩，麵質彈牙爽口，不足之處係八點就賣晒糖心蛋🥹希望下一次食到，拉麵冇糖心蛋好似爭咁啲嘢😌…查看更多

喺銅鑼灣食日式嘢都食到厭🥲同朋友睇下openrice有咩食，呢間主打牛扒嘅西餐都有唔少食評，就一於上去試下！😋店舖裝修偏向懷舊，冇太多浮誇嘅裝飾，行平民路線，就算食西餐都冇壓力🥰一嚟到侍應就立即招呼我地，服務態度好好。《酒池⋯肉林 隊爆你個肚。餐》$228前菜我哋叫咗煙三文魚凱撒沙律$118同喺高級餐廳食到嘅差唔多，冇沙律菜岀水嘅問題😌法式牛油汁焗無殼田螺質感好似薯蓉，田螺都唔會有霉臭味，香到一啖接一啖咁食😍水牛城雞翼雞翼汁做得好香，甜甜地帶點辣，作為小食10分開胃🥰🥰套餐包兩款主食，食肉獸嘅我地就揀咗西冷同埋肉眼🍖加黑椒汁西冷牛味偏重，肉質厚實肉眼肉質較軟，大大啖食都冇問題😻兩款牛扒CP值都好高，鹹魚青菜各有所愛，雖然係套餐，但係可以揀返自己鍾意食嘅牛扒呢點我好鍾意🥰套餐仲包兩杯紅/白酒，不過我唔係好識酒類就唔多分享，主要都係呢個價錢就食到2人套餐比較抵食😻😽…查看更多

最近禁晚市堂食都冇咩心情食嘢😿想打邊爐、去居酒屋、食串燒都要六點前先做得！我個friend就介紹咗我嚟大角咀嘅呢間東京大眾酒場佢話可以一次過滿足我三個願望🙊一入到黎係日式feel嘅裝修職員好好服務，會喺門口同客人打招呼放題嘅款式都幾多，保證食到回本《日式主食——壽喜燒》配料幾多下，一人份量啱啱好！啲牛肉索晒壽喜燒汁之後又甜又滑😋《關東煮》上菜嘅時候係熱嘅——加分！個汁略甜，不過勝在款式夠多《燒生蠔&帶子》好香牛油味又唔會overcook😋《燒粟米》一個字，甜😋😋又係用咗牛油燒食到encore!《燒雞軟骨》燒雞軟骨香口得嚟咸咸地勁啱我呢啲追求口感嘅人～《飲品》有汽水同烏龍茶揀～不過其實加$90就可以任飲日本清酒如果四個人嚟仲送清酒一支總括而言，$178 2小時放題可以任食日式料理，上菜速度快，支持！…查看更多

屯門遊第三站-Das Bier德國餐廳！呢間隱世嘅德國餐廳外表平平無奇，似普通茶餐廳但係主打德國菜侍應都係香港人比人一種親切嘅感覺～《熔岩芝士麵包及薯條》🧀嘩🤤係好多好多嘅芝士啊見到拉絲芝士，啲食慾即刻岀晒嚟😍麵包有成六七舊，好飽肚香噴噴嘅芝士配鬆軟嘅麵包既不失口感味道又濃郁😋而薯條配芝士就唔太重芝士味建議點翻蕃茄醬食會比較好～《美式燒排骨》🍖我同男朋友兩個人食本身以為會唔夠食點知個排骨真係超大份😍有成七支骨用咗燒烤醬去燒，啱晒重口味嘅我地🤣啖啖肉之餘仲要色香味俱全😋仲有配薯條食完之後我地都覺得好飽最後口渴叫咗杯啤酒飲🍺overall 係間CP值高嘅平民德國餐廳～有機會要試埋豬手😍…查看更多

喺屯門行行下街因為冬天成日都想食嘢但用幾百蚊high tea男朋友又會唔夠飽所以我地決定好邪惡咁中午打邊爐😋嚟到屯門時代廣場嘅「牛摩」喺門外已經聞到超香邊爐味🥰《越式牛肉湯&九州地獄湯》越式牛肉湯味道好正宗，勁多洋蔥同芫荽，好夠味！九州地獄湯對我哋來講唔係好辣，攞嚟淥牛肉就一流～《美國特級牛肉放題》牛肉啲色好靚，唔會太凍，保持到口感，七成熟口感非常好另外仲有豚肉同雞肉，不過我哋習慣打邊爐食牛肉所以就好少食，overall肉類都係水準之上《中華沙律、螺肉同泡菜等配菜》邊爐就打得多，有中華沙律、螺肉呢啲日式小菜嘅，真係好少見，同日式餐廳嘅一樣味道，正😋《飲品&甜品放題》場內有汽水、沙冰或熱飲等飲品提供，佢有三種口味嘅雪糕任君選擇，仲有朱古力糯米糍、綠茶泡芙等超開胃嘅甜品…查看更多

成日覺得所有cafe嘅嘢食都差唔多住喺屯門嘅朋友Candy就話要推翻我呢個說法！佢帶咗先嚟屋村商場入面嘅Reborn coffee✨一開始都覺得好神奇😱屋村商場入面竟然有cafe我同Candy一人叫咗一份嘢食再加兩杯iced latte入口咖啡味香濃，但奶同咖啡嘅比例仍有不足，不過呢個價錢飲到呢個質素已經叫做好抵飲👍🏼《all in breakfast》超豐富😱唔單只係款式多睇得出每一樣都好俾心機整炒蛋係最好食！又香又滑～《銀魚柳蕃茄汁配牛柳粒意粉》一入口就食到好濃郁嘅蕃茄味，對於蕃茄愛好者嘅我真係食到停唔到口😆牛柳粒都唔會太韌，重點係一份意粉兩個女仔都食唔晒😱證明呢間cafe嘅嘢食係超足料😻要注意牛唔好擺咁耐先食啊～會影響口感希望下次再分享更多小店比大家啦～…查看更多

同完朋友食完飯之後，話好想食下甜品，朋友就帶咗我嚟荃新天地嘅鮮芋仙，舖頭係自助形式，幾方便，叫咗一個芋圓冰兩個人一齊食，估唔到有幾大份，又好啱打卡，仲有好多配料，質素唔錯😋…查看更多

今日嚟到旺角嘅廚十三老壇酸菜魚，試吓我最最最鍾意食嘅中菜菜式——酸菜魚。我啲朋友都話我係無辣不歡，但因為朋友唔太食得辣，所以叫咗小辣。小辣唔係好辣，但係又有麻香，加上我哋加咗青荀片、腐皮同寬粉，兩個人食就已經好飽肚～魚肉好滑好香，得好少好少幼骨，就算兩人份都有超過十幾舊，成碗酸菜魚又唔會太油，好香酸菜味，而寬粉煮得啱啱好，唔會太淋😋除咗酸菜魚之外，我同朋友仲叫咗上上簽，入面有鵪鶉蛋、木耳、青瓜同椰菜花，酸酸辣辣咁，十分開胃😆另外仲有酥炸無臉男，有辣椒面配，酥酥脆脆咁，又有油香，忍唔住一舊接住一舊咁食🤣食物整體質素偏高，絕對會再翻嚟食👍🏼侍應嘅服務態度都好好，唔會拖住客人，反應好快，態度都好好❤️…查看更多

今日嚟到喜咖喱，但唔係食佢嘅咖喱，係要試吓佢嘅定食！ 睇一睇個餐牌發現原來呢度唔係淨係有日式定食，仲有港式早餐，依家仲有外賣優惠添！夠晒多選擇～ 叫咗一個$49嘅日式赤魚定食，有湯有飯，好彩係lunch嚟食，唔係嘅話一定好飽🤣 赤魚肉質香嫩，皮煎得啱啱好仲有少少脆，加埋檸檬汁就更加清爽唔膩，餸飯一流🤤 定食包埋嘅番茄湯都唔馬虎，唔係茄膏沖出嚟嘅湯，好足料好濃郁👍🏼 有機會會再嚟呢度試吓其他嘅定食套餐，如果鍾意食日式料理嘅你都唔好錯過🙈…查看更多

下午茶嚟咗媽咪隨意屋自助式嘅泰式料理真係好少見🤤牛肉河粉叫咗冬蔭公湯河粉煮得啱啱好牛肉又嫩又多😍冬蔭公唔會太酸太辣侍應仲好貼心問味道啱唔啱食開辣嘅我就嫌唔夠辣不過都明白呢區好多老人家所以唔太辣係合情合理！😽之後仲叫咗杯蜜桃特飲🍑蜜桃味冇乜 似甜甜地又酸酸地嘅梳打水但係又可以中和翻食咁重油咁膩嘅感覺最後仲有：豬頸肉串燒肉質有啲柴 不過比起坊間嘅豬頸肉都比較好沙嗲汁做得唔錯 夠晒重口味❤️加埋豬頸肉啱啱好～…查看更多

啱啱新搬到嚟呢頭，中午唔知食咩好，就走咗入嚟一銘記試下，鋪面唔算多人，裝修都幾靚，一走到入嚟員工已經幫手，可見好好服務🤩見到招牌有個花雕桂香杞子醉雞，諗住嗌招牌嘅一定冇伏，果然真係冇伏～醉雞唔重酒味，唔太鍾意酒味嘅人都會鍾意，反而係桂香味比較岀。雞肉好夠嫩，雞皮唔厚唔多肥膏，加上桂香味十分清爽。米線唔會太淋身，煮得啱啱好，一個人份量啱啱好👍🏼平又抵食，CP價好高嘅一間餐廳～下次嚟試下晚餐先！…查看更多

適合同朋友聚會嘅cafe💓香港地咁細 成日都冇咩地方可以同朋友好好地咁樣坐低飲杯嘢傾吓計機緣巧合之下搵到呢間station 3 cafe發現佢原來有board game玩 人流又唔算多重點係喺旺角又近地鐵站食完嘢行下街都好方便我同朋友各人都嗌咗一杯嘢飲分別係oreo曲奇奶昔唔係好甜 但都幾香oreo味飲落去唔會好飽//士多啤梨乳酪好大陣士多啤梨味 少少甜啱晒鍾意甜嘢嘅人～午餐時間係由12點到5點所以我同朋友決定share一個意粉加小食～蟹肉雜菌忌廉意粉好香嘅蟹肉味 仲好足料 每一啖都有蟹肉！特級海鮮拼盤有魚手指、炸蝦、炸蟹鉗、炸帶子、魷魚圈五種炸物其中我覺得最好食就係炸帶子～外脆內軟又重帶子味果然不失水準我哋仲嗌左個BBQ單骨雞翼可以講係必嗌！我同朋友唔係驚肥都真係會想encore配醬嗰陣bbq味香到呢～食落去唔會太有香料味嘅感覺反而似係醃過先咁入味真係必試呀！🤤最後不得不說嘅係staff好好人🙈我地一舉手就會serve我地服務態度一流～…查看更多

星期日朝早突登嚟咗支持香港人嘅茶餐廳❤️唔知係咪星期日 鋪面特別多人不過好在自己一個 好快入座👍🏼一入到望下個menu 茶餐廳嚟講都算多選擇中西甚至日式嘅都有 真係好難抗拒我就嗌咗個鮮牛肉+3.6北海道牛乳炒蛋鮮茄濃湯米線 加杯凍奶茶😍呢度岀名就係蛋 點可以唔試呢？炒蛋一黎到 心諗唔係炒㗎咩？🤣不過又做得幾好食嫩得嚟不失蛋味 唔係加水㗎浸落蕃茄湯度有另一番滋味🤤牛肉都好嫩 新鮮牛肉先有嘅質感至於米線就不過不失最後個湯底 好香嘅蕃茄味🍅濃得嚟唔會太「杰」又唔會太甜酸酸地幾開胃👍🏼凍奶茶茶底夠香夠濃奶唔會太多 甜得啱啱好最後埋單價錢好抵 老麥早餐價錢但有本土特色嘅食物質素本身仲想試下小食 不過碗嘢太飽就冇試到🤣…查看更多