CharleseyOn的个人专页

早上去買左外賣早餐，肉片通粉熱奶茶，跟餐有件蛋治或者煎蛋方包，$34，價錢都OK。拎完外賣返屋企，發現既無蛋治又無煎蛋，得半份方包，就打去問下係咪比漏左店員有啲唔耐煩問我係茶餐定早餐，問我係有荷包蛋定蛋治，問我有幾多方包，問我比左幾多錢，然後話”即係比漏左隻蛋你，頭先想叫住你都叫唔切你，你而家返黎拎返隻煎蛋，而家拎”既然知比漏左，仲點解要問一大輪呢？仲要而家返去拎？😑😑😑😑😑我話”唔會而家返黎拎，你下次可以比返隻蛋或退返隻蛋既錢比我？”然後店員cut左我線。。。。。。我再打返去，另一個店員聽，話OK，下一次比返蛋或錢我。我問頭先個店員cut左我線，佢話果個店員忙緊🤷🏻‍♀️講返個早餐，肉片通粉一般般，通粉偏軟無乜口感，方包好乾。個熱奶茶幾好，茶底幾香，夠滑服務態度差既關係，無下次…查看更多

Lunch去食，等10分鐘左右就食得。燒到脆卜卜，原隻上檯新鮮熱辣，老闆幫手剪成細件，仲砌得好靚！可以打卡🤣佢將啲雞汁倒左落碗，食雞時點汁真係好正，成隻雞都好多肉汁，皮脆肉嫩，連個雞胸都唔鞋先屈機老闆介紹左桂花車厘茄，配雞食好解膩好fresh，少少酸酸甜甜，好開胃。仲叫左份黑椒枝豆，味道剛剛好，好惹味！個竹筒飯份量都剛剛好，老闆幫手整個竹筒，如果用碗裝有個匙羹食會食得無咁狼狽🤣個羅漢果無糖都讚👏🏻樣樣野食都可以下次再食！下次夜晚黎，配酒食下小食，撕隻雞脾應該都幾正🤤同埋老闆同個燒雞師傅好健談，好耐心介紹又好重視客人意見，整體都好推薦…查看更多

外賣買左個港式糖水，經典三色芋圓 + 椰汁初芋露 + 紫米桂圓水晶粉，好似大約50蚊。返到去發現職員無比餐具，但問題都唔大既，我將個椰汁初芋露倒落去個紫米配料到，發現一粒芋圓都無。。。芋頭就有二粒！我係為左芋圓先幫襯架。。。個份量好少，正所謂無咁多糖水就唔好咁大個碗🥲得半兜杰撻撻既既50蚊買兜咁既野，仲衰過叮叮既糖水，桂圓死甜咁，水晶粉無口感，紫米叫正常少少。整體係無下次，非常之差，完全係伏！終於明白點解行親都見到無客！…查看更多

好耐無黎食，叫左個撈檬，啲檬粉硬到好似未煮既粉絲咁！完全食唔到入口🤢$62既雞絲扎肉檬，就係得面頭果幾舊。。。。馬拉盞炒通菜個碟底成碟油🤢啲菜仲要好老難食！無下次！…查看更多

之前已經買過一次外賣返公司，今次買外賣去開party!個肉骨茶好清香，濃度適中，今次叫左肉骨茶湯+大骨、排骨，肉質好軟冧冧，肥瘦比較平均，正🤤下次過開Quarry Bay實會再食👍🏻👍🏻…查看更多

同家人食lunch，三個人叫左小籠包、排骨拉麵、鮮肉鍋貼、椒鹽小黃魚同原盅雲吞雞湯...小籠包一般，肉餡唔鮮味，熱度唔夠。排骨拉麵有四件小排骨，層炸皮有舊肉既一半，偏厚身，索左d油，麵就okay..個原盅雲吞雞湯賣相同menu差好遠，明白圖片只供參考，不過真係細份好多...62蚊得二舊梅既雞同二粒雲吞仔，個湯都係味精雞湯...唔推薦小黃魚偏濃味，有d咸，魚肉質素尚算正常...質素比之前差左好多，難怪少左人等位…查看更多

星期五晚同朋友食飯，用openrice book左檯，去到等左陣有位。同朋友二個人點左拼盤、柚子海鮮沙律、牛油雞翼、芒果糯米飯同二杯咸檸梳打。上菜偏耐，落左單半個鐘先到二杯飲品，然後隔約五分鐘先到沙律。柚子沙律還好，蝦同墨魚仔彈牙但無味，柚子同配菜正常。食完個沙律就到左拼盤，有米紙春卷、豬頸肉、札肉唔知咩野同蝦餅，份量正常，味道正常。食完呢二樣野都食左45分鐘，見到好多檯都追單，我地就追個雞翼同叫職員上埋個甜品。期待既牛油雞翼有一大堆蒜係面，食落無牛油味，蒜味都唔突出，個炸醬雖唔算厚，但超油膩，比較咸，唔會再試...個甜品比較普通，糯米飯太黏，椰漿一般。整體食物一般，服務一般...現場二人檯較多，難免拉開張檯做二檯客，但職員為旁邊客人加水時，是橫跨我桌上食物，甚至在我額前動來動去，感覺有點滋擾。…查看更多

同朋友二個人打邊爐，唔係第一次黎，叫左好正既洛神花茶，嘆住落單揀配料。最後order左麻辣鍋拼皮蛋馬蹄湯底、牛頸脊、雜菌、紹粉、響鈴卷同埋朋友叫左份豬腦店員好細心問麻辣鍋要牛油定菜油，牛油就濃味d，菜油就健康d，我地叫左菜油，留般quota食其他美食麻辣湯底真心正，淥個紹粉好食到不得了！皮蛋湯底好清，好多馬蹄。我個人覺得牛頸脊好食過肥牛，肉質好d，肉味濃d！二個人最後食得曬，飽到要去行街消化下🤭…查看更多

禮拜五晚上同屋企人食飯，叫左上湯波士頓龍蝦伊麵底、鮮果咕嚕肉、四川辣雞鍋！上菜好快，食物熱到出曬煙，加分！龍蝦伊麵好大碟，伊麵口感適中，滲左龍蝦汁好好食，唔會太濃味。波士頓龍蝦足一隻，賣相一流，肉質好彈牙，除左個鉗，其他都食得好方便個四川辣雞鍋叫左微辣，好惹味夠獲氣，有d什菌做配菜，雞肉好嫩，唔錯鮮果咕嚕肉其實都好食，但比另外二個餸搶左風頭，D鮮果就一般，無咩味整體食物幾滿意，服務正常無問題，下次會再去！…查看更多

因為就時間7點15分睇戲，得返45分鐘食個晚餐🙈本來一心去食Triple O但原來執左，行下行下見到豚王，見到唔洗等位又唔多人，應該食得切，就衝左入去😌同朋友一人叫一款，一個辣度3，一個芝士翠玉。先講朋友個辣度3，香辣味一流，刺激呀😆麵底都多，煙韌有口感，腩肉軟綿綿，整體唔錯。個芝士翠玉有一堆芝士粉，個人覺得有d膩，食到滯滯地😂肩肉肉味濃肉質鬆化，成碗既口味獨特，我都係鐘意豚骨湯底，會清d*我溝左d辣湯底去翠玉，真心溝埋係幾好…查看更多

禮拜日早上同家人飲早茶，每人叫左個孖寶餐，一個飯跟一個點心，每個餐26.8。其實唔係第一次呢間食，大概知道食物水準係一般，談不上好食，但係因為比較近先選擇呢間。家人同我一樣，選擇左銀魚仔排骨飯，叫左一個粟米魚餅同薑汁糕。個飯黎到正常賣相，用個匙一畢落去，d飯好爛好濕....D排骨林得誇張無肉味，我同家人食左幾啖就放棄二個點心算正常質素，只係粟米魚餅超級油膩，薑汁糕都ok既..本身對街坊茶樓都無乜期望，但以呢間既食物黎講，係強差人意…查看更多

冬天除左雞煲打邊爐，我最愛煲仔飯！趁住呢幾日仲凍凍地，食返個煲仔飯，再唔食就要等下年冬天！我不嬲食開BB辣微辣，挑戰麻辣滑雞煲仔飯！侍應比左碗湯我，係葛+赤小豆+豬骨湯，好足料，類似係咁，我唔識 我一邊打機一邊飲湯一邊等食，等左十五分鐘就有得食😎見到個煲呆左，好大煲好抵食！店員溫馨提示我焗多陣先食，好期待！d飯香同麻辣香滲曬出黎！一打開個蓋，見到好多椒，我就驚好辣，我食開M記脆香雞翼既辣越級挑戰咋我夾曬d辣椒出黎都夠味，加埋d花椒好正，唔算好辣但好香！平時食二啖飯既我居然食左大半煲，仲食曬d飯焦😍見到隔離檯食雞煲食口水雞，下次試仲見到餐牌有食枝竹羊腩煲😍但侍應話天氣暖停左喇，要等冬天先出喇不過食到煲仔飯都好開心架喇…查看更多

尋晚同朋友黎bbq，一行五人一早訂左檯，六半去到已經見到好多人燒緊！好熱鬧！但位同位中間唔逼，坐得幾舒服！食物種類幾多，有全翼、雞腎、牛肉、雞肉、魚、魷魚、韮菜、茄子、青椒同好多丸，全部串好曬，一般bbq場有既，呢度通通都有！呢度係重慶燒，烤爐上有網燒，香料自己加，好方便同好惹味！仲有送蜆、海蝦、菠蘿、香蕉，正！…查看更多

同二個朋友book左黎食個tea！係餐廳同花店合作，用花做主題既high tea！一坐低就有店員幫我地放好餐巾同點飲品，我地叫左煎茶同洋甘菊！茶杯好靚個tea set亦好快到左，相機食先食物賣相好靚，但味道唔算好突出亦無乜驚喜！我同二個朋友都無食果個用玫瑰打出黎既cream cake，實在太似我地用開既玫瑰hand cream 每位都有一杯士多啤梨梳打，影相靚，味道okay！食完個tea就一人派一枝花，係開心既…查看更多

之前同朋友黎食過一次晚飯，覺得食物同環境都好好，今次帶朋友黎慶祝生日！八點幾九點到，唔洗等位，一坐低就叫野食！叫左蘑菇濃湯，啤酒魚薯條，芬蘭春雞同埋一個特色既蟹肉三食，仲叫左枝南非白酒！正！！先講個湯，賣相好靚，香濃幼滑，店員仲好細心問要唔要黑胡椒！個炸魚皮薄香脆，魚塊好新鮮好juicy，除薯角仲有炸蕃薯條，配搭幾新鮮！個燒春雞好嫩滑，有手套提供就當然狂野地撕開😂至於個蟹肉三食..其實個名我改，我唔記得個菜式名😜由蟹肉沙律食起，酸甜芒果粒配上啖啖蟹肉沙律，好開胃！跟住就食炸蟹波波，成粒都蟹肉真係不得了！第三就食個蟹肉意大利飯，有d蟹籽再加蟹膏香！好驚喜！最後講埋枝酒，好有果香，好岩女仔飲！有d熱情果同奇異果味咁！成晚都覺得店員好nice好有禮貌，個環境又好舒服，食物又好食，期待下一次再黎！…查看更多