食客某甲的个人专页

飯煮得算好，米粒算分明，唔會比濕漿糊飯你。但用料全部都及唔上人，米同魚肉都係，壽司飯啲醋尤其不討喜。啲芥辣係中國製，豉油恐怕都係。下次都係去番大集團好過，起碼人地啲蔥都新鮮啲，但價錢又相約。…查看更多

壽司上面D魚料真係好新鮮，選擇又多，但係D壽司既飯真係太多水了。直接D講就係D飯唔好食。可能只係偶然一次半次，可能外賣就係會差D。又或者香港D本地壽司店既飯不嬲都係咁既樣。係魚一同元X之間，我選擇左魚一，但結果並唔好。希望可以食到煮好既壽司飯，最少要好似X氣咁。收費唔係平過人，但D魚料既份量就少過人，切得又唔好。寫到哩度，都係無謂再寫落去。…查看更多

哩間位於Y0HO MALL Foodeli Food court 既店賣既 蕃茄紅燒牛肉麵 非常普通, 似係用外購預製品拼出黎既，湯底含有並不天然既味道。唔好飲。但價錢又過百 (外賣送餐), 而其他比佢好食好多既店通常唔超過七十。…查看更多

佢地個夜市雞卷似係一塊脆雞皮包住D有汁雞腿肉做架 好食 食過佢地D好食既鹽酥雞, 我先知道原來幾乎所有其他餐廳既雞 其實都係開始變壞緊架。佢地D田園蔥油餅加蛋煎得夠焦, 同時調味又夠咸喎!真係幾年都無食過咁好既煎餅呀。連黑松沙士同冬瓜茶哩D咁地道既野都有。好!係個紅燒牛肉麵個湯同D牛肉同埋D刀削麵我有小小意見，我希望個湯濃D 走生菜多紅蘿蔔加白蘿蔔, D牛肉炆既時間再多D等佢淋D, 同埋D刀削麵煮既時間短D咁。整體黎講, 好評。值得推薦。…查看更多

高質茶餐廳! 雞扒 意粉 餐湯都非常好食好飲。 D雞扒豬扒全無臭味，少見。D丁麵送到黎果陣好有彈性，佢地識得淥到半生熟就起，湯分開上。凍檸水既糖水份量係足夠既，可以飲哂成杯。可樂係成罐比你，好。價錢相宜份量又足。一盒雞扒腸仔意真係食得飽一個人。…查看更多

佢地D軍艦壽司 只要10件就可以質飽一個人。而且飯煮得好，魚肉亦夠多。雖然佢地既炭燒雞肉比想像中細粒，而且外賣豉油質素亦唔算好，不過依家係人都識係超市買萬字豉油，所以問題不大。刺身方面，或許要係現場食先會好味。外賣既話叫軍艦就好。總括黎講，係一個又好食又平既選擇。…查看更多

D雞肉係嫩滑彈牙有香味同鮮味既，全無異味...難以置信既好。我估係日本食材黎。D鯖魚同D雞肉一樣，生熟度啱啱好，好食，而且唔老唔腥，非常少見。哩個價錢對得起佢既質素。唯一不滿係個黑椒牛肉飯外賣，佢會撈成一碟比人，唔係飯餸分開。…查看更多

腐皮卷 : 很普通糯米雞 : 米芯未熟…中間既素肉有化學味沙律卷 : 皮好油 中間只係奇妙醬撈菠蘿紅蘿蔔 比腐皮卷更普通燒賣　 : 係一團麵粉, 唔係想像中既多汁素肉。有素糯米雞的確有新意，但整體質素相當普通。…查看更多

哩間店既素食薄餅，同Pizza Hut 或 PizzaExpress既素食薄餅比，調味太淡，唔好食。Pizza Hut 既薄脆批或 PizzaExpress既羅馬薄餅，佢地既批邊，真係烤到好似梳打餅咁香脆，但哩間店係無批底可以選，而佢地既批邊就好似…一舊油炸過既麵包咁，無火烤既香氣。我覺得唔好食……查看更多

紅燒豆腐飯係會飯餸分開裝既，驚喜﹗不過飯係旱既 而且太乾難食!!!紅燒豆腐個汁 唔好味 三色蒸蛋有惺味，出哂水，而且蒸得超老食完感覺好難受﹗ 碟三色蒸蛋，要$81蚊………查看更多

一直唔肯確認訂單。甚至會要你等一大輪，最後取消訂單，浪費你既時間。D飯比唔上元氣。雖然無乜大問題，不過真係唔算好…調味不足，水份過多，略為細件咁囉。三文魚原來可以有草腥味既!?未食過真係唔知﹗D豉油質素差劣，咁啲wasabi再靚都無用!  三文魚壽司 一件就要11蚊，但元氣14蚊已經有兩件啦!食完又唔會話唔舒服既，不過…唔會有下次。…查看更多

雞排有濃烈雌激素味! 日式咖哩汁亦難食…氣味化學，味道又淡，完全唔得。單骨雞翼，太淡，脆漿又係果Ｄ大路野，油得很，但無異味，不過任何一間街邊串燒鋪都會好味過佢。咁就過百，早知叫ＫＦＣ好過。 總評分只有3.5，我都估到有問題，但無估到會出事係最重要既雞排到。唔上黎寫番遍食評表達下D不滿真係過唔到自己。　　　　　　　　　　　　　　　　　　　　　　　　　　　　　　_…查看更多