郭小豬的个人专页

母親節, 度度都好多人, 母親大人想食自助餐, 好辛苦先book到呢間, 眼見又未食過, 就諗住一試!一入到去, 經過擺放食物o既地方, 咁細o既, 好似唔太多選擇咁. 入到坐低, 坐位還算寬敞, 唔會好迫, 未坐定就拿拿臨再出去睇清楚啦!生蠔唔係即要即開, 係佢開定幾隻, 你要就拎出黎, 放落一盤有2舊檸檬既水度揚2下, 再比你. 天丫, 到最後盤水我都唔知佢有冇換過.....d蠔好細隻, 仲有d沖唔淨o既殼碎, 感覺上真係麻麻地, 所以食左2隻就冇食lu~刺身都算新鮮, 但其他海鮮就麻麻地, 得蝦, 螺同青口, 兩老話螺同青口...咬唔郁., 好"um"喎熱食既選擇就唔算好多, 味道亦只算不過不失, 不過印度咖哩就好好味, 雞同牛肉都都恰到好處, 唔會"鞋", 配薄餅很好.甜品就幾多選擇, 細細件的, 可以試多幾款. 生果就麻麻地, 唔甜唔多汁.全晚至愛都可以算係movenpick 既雪糕, 一家大小都encore得最多就係呢一樣. 以依個價錢黎講, 我諗就真係未必會再黎一次.…查看更多

落左個幾星期雨, 難得今日天朗氣清, 同老公及小蝦由東涌步行入大澳, 當然要去我念念不忘o既東方小祇園食野啦!對上一次黎已經差不多有一年了, 那昤因為看到電視 - 蘇施黃o既介紹, 專程帶二老入黎試, 那次就令我念念不忘了今次一行3人, 行到入大澳差不多5點, 上到去, 一枱人都冇, 可能太早啦!叫左3樣食物, 分別有荔茸酥卷同素鵝炸得好脆好香口, 特別係荔茸酥卷, 卷住d芋茸黎炸, 好香好好味羅漢齋豆腐就好入味, d菇菜同豆腐都吸收晒d獻汁, 不過就油左d, 但係齋菜通常都比較油的.而呢度o既鹽焗雞就係我的至愛, 將雞先蒸後焗, d雞肉好入味, 皮又脆, 隻雞好有雞味, 比起依家出面好多食肆o既雞好食好多.整體上都非常滿意呢一餐, 呢度真係郊遊後一個唔錯既選擇.…查看更多

同老公, 小蝦等去荃灣荃新天地o既嘉禾睇"復仇者聯盟", 時間緊迫, 6點先到, 離遠見到門口企左好多人, 仲諗住食唔切啦, 點知行到返去先知原來d人等緊卡位, 我地唔介意同人搭枱, 所以即刻入得, yeah!一人4人叫左5樣食品先有蝦丸應該係係即叫即炸, 個面好脆, d蝦肉打得夠實, 中間o既芝士熱辣辣, 一咬d芝士beep晒出黎, 好正 (不過真係好易燙親咀)再黎同鐵板蠔餅我嫌佢煎得唔夠香口, 不過d蠔仔食得出都新鮮o既. 而黃咖哩炒青口就唔辣, d咖哩汁加左旦花, 好香好好味, 配飯一流, 青口就一般, 因為入唔到味, 用汁送住食就ok.串燒就燒到好乾, 由其係牛肉, 乾得黎又冇咩味, 呢樣就真係麻麻.最後就係條魚好味道, 先炸過再淋上酸辣汁, 炸得岩岩好, d魚肉唔會好"鞋", d汁冇想像中咁辣, 但就真係要趁熱食, 一凍左就會好乾, 唔好食.…查看更多

同老公結婚週年, 老公想食buffet, 又想帶埋2老一起去, 2老喜歡食生蠔同長腳蟹, 所以就揀呢間海鮮唔錯既試下...一入去坐低, 感覺比想像的還要小的地方! 不過整齊, 舒服, 坐位之間又唔會太擠迫...唔錯....加上坐位比較少, 拿食物都不需要等太久..先黎當然係海鮮啦, 不過海鮮吧跟蠔吧那裡比較擠迫,, 當有人等開蠔的時候就會擋住海鮮吧.生蠔是即叫即開...當日有2款選擇, 蘇格蘭同美國蠔, 2款都很新鮮但偏細隻.海鮮有蟹腳, 翡翠螺, 龍蝦仔, 蝦同青口每樣都好新鮮, 亦沒有"梅"同偏咸既情況, 由其係翡翠螺同青口, 爽口鮮味亦冇沙. 蟹腳有2款, 有一種很粗的, 足有2隻手指咁粗., 不過估唔到, 人少少,有d人都係咁自私 一出, 將所有大隻都夾走,幾次都係咁, 我見到佢地張台有幾大盤蟹腳囉 冇品刺身方面都好好, 冇雪味又唔會咬落一口雪. 熱食方面, 由於主題係日韓美食, 所以都有配合番主題既食品, 例如 : 泡菜煎蝦, 日式串燒,關東煮等, 但..坦白說, 沒甚驚喜, 只可說不過不失. 但燒牛肉就真係差左少少, 唔係難食...係冇食到... 因為舊牛肉生到食唔落口, 個個出到去見到舊牛肉都返轉頭..實在太生啦, 我諗得一成熟甜品方面都有很多選擇, 細細件的, 唔錯, 每樣都唔"太"甜, 一口一件. 整體上都很好, 雖然熱食較失色, 但係海鮮都搶回不少票..值得考慮..…查看更多

同老公去左旺角行街, 佢想起久違了的豬扒擔擔面, 咁就即刻再去吃過今次叫左2個擔擔面餐, 一碗擔擔面+一個小吃及一杯飲品豬扒炸得好鬆軟, d湯夠濃, 好好味, 唯一缺點係d擔擔面吸湯吸得好快, 要食快d小吃方面有雞絲粉皮, 棒棒雞, 夫妻肺片等等, 今次揀左夫妻肺片及粉皮拼白肉肺片夠入味, 唔太lum, 辣味適中粉皮煮得剛剛好, 唔會太爛, 白肉切得夠薄, 配埋d醬汁, 夠惹味最值得一讚既係老闆同伙計既禮貌都好好~ (呢樣真係好緊要, 好過好多好好食既地方, 但係d人黑口黑面既, 食完都係背脊骨落)…查看更多

返屋企幫爸爸整電腦, 媽媽提議出街食飯, 想起之前去葵芳分店食過午餐都已經好好味, 於是帶兩老去將軍澳分店一嚐.6:45分去到已經有好多人等位, 我地一行4人, 要等17張枱, 不過好彩都唔算等左好耐, 大約40分鐘已經可以入座.爸爸一早係等位期間揀好幾樣食物加埋我至愛既羊膝, 一共點左6樣 先黎柚子蟹棒沙律d柚子好甜, 配埋d酸酸地既汁, 好夾, 令人好開胃.跟住有咸魚雞粒炒飯, 個飯就比較淡口, 冇咩咸魚香味, 個人就唔係好欣賞, 馬莎拉羊膝 + 烤餅 (naan)個羊膝炆到好lum, 馬莎拉汁就唔辣既, 不過撈飯或點烤餅食就一流.再黎鐵板蠔餅, 不過個賣相似蠔仔炒旦多d, , 個蠔餅點跟黎既辣椒醬一齊食就最好味, 少少辣, 但係可以帶出d蠔仔既鮮味, 仲冇咁油膩等左4個字, 個明爐燒烏頭終於黎啦條魚都幾大條, 加埋d芹菜,菇, 香矛既上湯一路滾住食, 好好味 又冇泥腥味最後就叫左個甜品, 脆雪山 脆脆既一層薄脆, 入面塗有花生, 芝麻, 糖霜, 椰絲, 又香又脆.連2老都好滿意呢一餐(之前仲嘰哩咕嚕話等得耐), 下次再黎試下d沙o爹同咖喱…查看更多

其實同老公之前已經食過幾次, 每次都係揀任食肉類放題, 次次食3碟都已經食唔落(因為每碟既份量都頗大), 所以今次揀左一碟混合肉(牛肉+豚肉)加配菜任食放題 雖然一碟既肉比任食肉類放題會細碟d, 但係以午餐黎講, 一碟肉再加配菜任吃已經好足夠, 再加埋飯後雪糕, 真係食到lum lum脷.老公每次最愛佢既辛辣泡菜湯, 雖然唔算好辣, 但係都好夠味, 加上唔夠湯既時間, 佢地添既唔係水, 而係加番d泡菜湯落去, 所以唔會令湯底淡左, 反而會越食越濃. 再配油揚,芋絲同菜呢d吸湯既配菜,真係食到唔停得口總體黎講, 每人大約60蚊已經可以食到捧住個肚仔離場, 都不失為一個唔錯既選擇…查看更多

見到雜誌介紹, 一心諗住一家大小黎一嚐, 點知......一坐低, 侍應會放低一份小食, 包括雞肉脆脆, 薄餅,燒雞脾菇粟米同燒羊肉粒.(個羊肉粒已經係我地全家人都覺得成晚最好食既野, 不過每人得一粒(全晚得粟米同羊肉粒係燒既, 其他都係鐵板炒, 我睇雜誌話粟米同羊肉就係佢會不定時拎出黎, 邊個客人想要就立即送到, 點知…)每個坐位都有一個牌仔, 每人拎住個牌仔出去, 先揀好食材 - 食材沒甚驚喜食材方面先有粉麵飯, 再黎洋蔥,青椒,辣椒,栗米粒,菇片等等配料, 主食有肥牛片,羊肉片(佢d肉片, 碎濕濕咁, 雪都未溶),豬肉絲,魚塊,蝦仁,魷魚等.,夾晒需要既食物之後, 就去揀調味料~ 醬汁方面都有幾多選擇, 沙o爹汁,酸甜汁,山椒豉油,鐵木真汁等等, 另有孜然粉,黑椒,辣椒粉,芝麻,提子乾等等, 再將所有野交比師傅, "炒"好就會送回座位.每種食材都未必適合所有既醬汁, 有d甚至有種怪怪既感覺, 但係由於大家都唔知出黎既效果如何, 所以唯有亂試一通, 唯獨海鮮類點炒我都感覺唔入味, 蝦仁同魷魚跟本就吸收唔到d汁料, 魚塊更加未溶得好雪, 炒完咬落去仲有一大陣雪味, 食材方面如果唔加任何粉麵飯, 跟本就唔會飽肚, 仲要少少地咁試左味先, 如果唔係, 汁同料唔配合盞浪費, 我寧願自己揀料, 比師傅等佢決定用咩醬黎配仲好最好笑既係, 我地坐低冇幾耐有一對情侶入座, 睇住佢地食左一轉之後, 個男仔黑口黑面咁即刻要走仲檸晒頭……全晚感覺同蒙古扯唔上任何關係, 除左有個醬汁叫做 “鐵木真汁”只可以講一句, “不可一不可再”…查看更多

因為要同老公去睇"三兄弟"演唱會, 下午3點多就去了紅磡, 一直都想試這鋪了, 不過由於很少去呢頭,老公又不太好辣. 因此等到今日先有機會一試.門口好少堂食位, 不過時間可能還早, 一去到就有位坐了.第一時間點了川北涼粉,口水雞,同肥腸酸辣粉, 好快就已經有得食啦, 肥腸酸辣粉d肥腸好好味, 連老公都讚. 不過老公唔鐘意d咁煙煙韌韌嘅粉, 所以佢就食晒d肥腸口水雞d雞好滑, 配埋d麻麻辣辣既汁, 好好食. 不過個川北涼粉就麻麻地, 一夾就散, 要用匙羹食整體上都ok既, 下次都想試其他野, 今次d野揀左小辣, 下次想挑戰下中辣. …查看更多