77pig的个人专页

今日請朋友食飯，成日食中餐轉下去食西餐，想搵個環境好啲嘅地方同朋友傾吓計，上網見到大管裏面有間西餐廳Cantina環境高級，價錢亦都唔係好貴，我哋訂咗1:30食brunch, 佢哋嘅前菜係任叫嘅，一共有八款，雖然係任叫，但係質素一啲都唔求其，由於份量都幾大，我哋未食到主菜已經飽得好緊要，好在主菜份量唔係大份，最後原來仲有每人三款甜品，甜品質素一啲都唔輸俾五星級酒店，最重要係地方好，大把時間同朋友吹水，可以食足幾粒鐘冇壓力，總結嚟講咁嘅價錢都算係抵。…查看更多

一行七人打邊爐，朋友話要試新地方，最後揀咗尖沙咀香香公煮，卜卜蜆煲咁多人推介我哋梗係叫返個啦，卜卜蜆煲上枱仙氣十足，裏邊真係好多好多好多好多蜆，而且好鮮甜❤️，另外我哋仲叫咗個椰子雞煲，椰子香味十足，忍唔住飲咗好多😅，打邊爐梗係要食牛㗎啦，我哋一共試咗兩款牛，一個手切頂級安格斯肥牛，另一個就係手切本地牛，兩種牛啲肉質都好好，但本地手切更有牛味👍，而且擺盤10分用心。炸魚皮十分之出色，之後需要再encore叫多一個。墨魚丸蝦丸非常之大啊用料不馬虎，有香味，其他火鍋配料都非常之好，今次食得好happy大家十分之滿意❤️未埋單已經決定下次要返兜😂🤣😂…查看更多

今次茶友團拜，請師傅食飯，包了間大房大擺三圍，數碼港的鐘菜館係香港少有的中菜餐廳裝修，好多可以影相拍照的靚位，員工招呼又好，次次都食得好開心❤️，我哋今次點咗八味菜，款款味道都非常出色，由其佛跳牆用料鮮味十足啖啖令人回味，吃後齒頰留香，芝麻雞肉嫩皮酥，充滿芝麻香，令人忍唔住食完又食🤤，酸菜石斑魚，魚肉嫩滑辣度適中，味道十分討好，蝦多士也非常出色，不油不膩，大蝦全隻鋪上面，肉質非常彈牙而且有鲜虾香味🥰，其他菜式都係水準之上，大家都食得好高興而且讚不絕口。…查看更多

新曆年前約咗幾個朋友一齊打邊爐，我哋去開尖沙咀嗰間大紅袍，貪嗰度近公司放工方便，今日嚟試吓北角店，大紅袍食物一向唔錯，基本上求其叫都唔會伏，但係北角店服務質素就同尖沙咀店爭好遠，夥計態度認真麻麻地，第二次問佢攞芫荽居然仲話俾我哋聽冇，但係人哋嗰張枱就有，啲聲氣亦都好差下，點解同一間公司，啲服務可以差咁遠，真係好難理解，尖沙咀嗰邊啲人Nice好多，冇質素好九條街，以後都係過返嗰邊食，唔使俾錢仲要受人氣。…查看更多

放假唔想又係食腸腸疍疍蛋腿腸做，食個日式早餐都係一個好選擇，順便當自己去咗日本旅行🤣👏🏻👏🏻👏🏻。佢地除左套餐之外，仲可以俾你追加其他食物（呵～～～好有日本風格❤️），最平早餐由28蚊起，我今次加咗鯖魚，食得好滿足，又有feel。…查看更多