apgfr2dm6ygp的个人专页

呢間分店又係去左好多次，裝修環境唔算話好靚，比唔上Musea個間，但呢間無論OpenRice 即晚book位易有位不過聖誕平安夜，就係我一個月前book定嘅，當日真係超多人排隊。圖中呢個set $1000 （2-3人餐）有找，有牛 有海鮮 滿足晒老人家要有魚有肉先食得得體既感受如果佢哋見唔到呢啲會覺得唔抵。所以一次過上晒咁多嘢食，令佢哋超開心係咁影相。而且佢哋好驚喜個湯底好足料，因為平時屋企煮開靚食材，佢地都分到，所以都係覺得好值下。當然你要同嗰啲任食嘅火鍋比，應該冇乜可比性因為我非常注重環境同服務同埋食物新鮮度，寧願食精好過食多服務態度超好，個日真係好多好多好多人，個情況好侍應抗壓能力，但佢哋非常之有耐性仲幫我哋影合照，態度令人舒服開心，呢樣亦都係我好鍾意來湊湊打邊爐既重點之重。Anyway 由Musea食到南豐（中環店） 到airside 水準服務都保持到，會一直支持落去另外最欣賞嘅係佢每逢大時大節只會出特價套餐，而唔係出啲貴價套餐割到你一頸血。…查看更多

Tasting menu - 生日飯難得即日book都book到，而且好似四位仲有額外優惠。呢間開咗咁耐，一直都好想試，終於生日試到。分享嘅相片影唔齊，因為部份main course實在太好味,食咗先講就影唔切相記得有一個炒飯偏辣，但會當場即刻炒俾你食，嗰個充滿儀式感，係一般fine din常見動作。相片主要分享嘅係前菜同甜品，因為慢慢食慢慢影最驚喜係個甜品上面有足量嘅魚子醬，二揀一之下一定要揀呢個另外個麵包都非常好味，同朋友傾開，其實平時食lunch可能會更加適合，因為每次食tasting Menu都食唔晒，食到最後真係飽到夾硬來。而我最鍾意食嘅，真係佢個麵包，同埋甜品，所以lunch set應該就可以滿足晒所有願望整體嚟講算係偏貴，因為好多米芝蓮餐廳都做緊信用卡優惠，而且佢用嘅食材唔算貴價貨，如果要再食嘅應該都係食lunch機會大啲。但大廚非常親切，佢係開放式廚房可以見到個廚喺度整嘢食，兒歌廚師見到每個客人離開都會上前詢問意見同say Goodbye，呢一方面嘅服務比得上日本餐廳，非常值得一讚。…查看更多

除咗附近酒店嘅咖啡廳，以依間嚟講環境最為舒服，寬敞。同樣嘅價錢對面只係飲到Starbucks ，而且衛生情況較差。所以平時見到好多人都會拎住部電腦喺度做嘢，特別係下午時間。不過今次就試咗佢嘅lunch，原來食物都非常之有驚喜，唔單止賣環境。唔知係咪呢區消費群組嘅關係，lunch Time從來都未試過排隊或者好多人，次次Walk in都會有位。如果平時約客傾嘢或者上Team gathering ，都係一個幾適合嘅地方。講返食物質素，整體口味偏淡，符合佢作為澳洲餐廳嘅口味，大多數食物都食到本身天然嘅味道，亦都屬於原型食物。口味偏向外國人鍾意，未必咁夾平時重口味嘅香港人，不過如果平時做開gym又鍾意健康嘅話，好多菜式都非常適合。我最鍾意揀嗰個係煎薯仔，作為優質嘅澱粉，食完有飽腹感之餘亦都可以提供足夠嘅熱量繼續工作，跟住配埋佢個餐嘅菠菜湯，食完即刻覺得自己健康晒。如果係夏天嘅話應該可以揀沙律，不過暫時未喺夏天食過佢。…查看更多

七折優惠Saturday brunch😀文華東方嘅審美一直都係我最鍾意嘅，嗰種厚重老錢嘅感覺，用比較舊式嘅裝修表現出嚟，卻又唔會顯得過時。❤️食物食物就唔算驚喜，以米芝蓮嘅標準嚟講，食材遠遠比唔上日本同級嘅餐廳，始終香港嘅食物都唔係本地出產。因為我臨時嚟冇訂到威靈頓嗰個主菜，試咗魚同羊，真係有啲失望，整個course入面，龍蝦湯最為驚艷，龍蝦肉食落去又有彈性又有質感，如果再嚟就專為佢而來。❤️服務服務一流，待應無論係穿著（女仔著緊女僕裝，男仔著白衫，落單嗰位經理就著西裝）同埋禮儀都完全符合五星級標準，我最鍾意佢哋會輕輕彎腰同客人講嘢，呢種服務態度真係好似日本咁，喺比較歐美風格嘅餐廳就冇呢種習慣。❤️環境預訂時盡量指定坐窗邊，可以睇到皇后像廣場嘅綠植，配合古典嘅終審法院建築，感覺好似時間停留喺七、八十年代。我哋一共花咗3小時食咗4個course，完全冇感覺到時間流逝，真係好適合想慢活一個中午嘅地方。由進去飯店到離開，都有種穿越過去嘅感覺，來呢度食飯，真係要用心感受，已經係一趟旅程。[喝奶茶R] #氛圍感餐廳 #文華東方 #香港…查看更多

本身見裝修幾靚，感覺都幾貴，一般lunch hea 食未必考慮。不過見lunch menu 無加一 都可100蚊落樓，都可以一戰。上枱先知原來包左成5個前菜即刻覺得超抵，仲要難得地環境舒服（係呢區真係唔多，有依個空間感既對面嗰間D字頭西餐廳已經執咗)總之就係超抵食，感覺食一次就食夠咗一星期需要食嘅蔬菜種類。因為咁正既關係，過多一星期叫埋同事一齊食，六個人嗌咗五個lunch set 都尚算幾飽，埋單人頭都係100樓下。所以其實平有平食貴又貴食，平食嘅話就一星期一兩次都OK，以炮台山同樣環境同質素嚟講，依間確實抵食👍因為覺得性價比都幾高，算係良心食店，如果有機會都會想試吓晚餐…查看更多