fatblack的个人专页

呢個星期六 , 同朋友由早上10 點幾等到晚上7 點幾 ,攪好晒D 功夫後都已經 8 點有多啦 , 真係辛苦的一天 , 晚上2 個人都好累 , 近近地又食下泰國菜 ~ 泰味軒 .第一時間坐低就ORDER 野食先 , 因為真係又熱又渴 .特價 $68 泰式烏頭 , 真係好抵食 , 好大條 ,醬汁酸酸甜甜 , 好開胃丫 , 配埋蔬菜撈飯一流 !馬拉盞炒通菜 , 份量都唔細 , 熱辣辣上枱 , 味道岩岩好 , 唔會太咸 , 加上辣辣地 , 又易入口 ,胃口都增加不少 .2 個人原來想再ORDER 多樣餸 , 但眼寬肚窄 ,2 個餸再加白飯 , 仲有凍飲 , 原來都已經好飽 ,泰味軒 , 都來過好幾次 , 食物水準都一次比一次好,而且又唔趕客 , 價錢又唔貴 , 有時仲有D 特價菜式 , 都好抵下.…查看更多

星期六早上同朋友爆曬完之後 , 又熱又渴又肚餓 ,真係唔想再浪費時間去搵同等食 , 係屋企附近食就算啦 , 加上見到有位即入 !餃子縣餃子專門店 ~ 屯門置樂分店店舖唔太大間 , 而環境就不過不失 , 約可坐10 幾人 , 枱同座位之間空間唔多 , 但都OK .一張紙就見晒食物種類 .我地 2 個人就叫左個雜錦傳統餃子 , 加上海麵底 , 同豆漿 . 每枱都有菜甫 , 豆瓣醬同其他醬油 , 食麵必備 !賣相清清地 , 份量唔係好多 , 加左菜甫辣辣地又野味 D .豆漿唔係即整果D , 味道就一般啦 .雜錦傳統餃子有: 韭菜豬肉餃 , 白菜豬肉餃 ,芹菜豬肉餃 , 津白豬肉餃 , 椰菜木耳豬肉餃 .味道最特出既係芹菜 , 而其他都唔錯 ,餃皮就厚左小小 , 而餡料就適中 , 上海麵 , 睇就平平無奇 , 但食落彈牙 ,軟硬度又岩岩好 , 又估唔到個麵咁正喎 ,唔太大食既我 , 就岩岩好夠飽 , 餃, 麵 , 飲品埋單都係40蚊位 , 價錢都唔算貴 . …查看更多

難得放假 , 岩岩好夾到時間可以同朋友聚一聚 ,咁耐冇見 , 大家實好多野傾 , 咁就要搵間可以食耐 D ,又多野食既地方 , 咁就去左食日本放題啦 !雋太日本料理 Shun Ta Japanese Restaurant位於 :元朗西裕街達輝徑1號足彬大廈1號地舖唔同時段有唔同收費 , 而且款式都幾多下 ,我地就揀左午市放題 , 12 - 3pm , 3 小時 .環境都幾寬闊 , 加上一開門 , 我地就入去 ,時間稍早 , 唔太多人 , 岩晒我地慢慢食 , 慢慢傾 !坐低就梗係第一時間晝紙點野食啦 ,有刺生 , 壽司 , 手卷 , 申燒 , 鐵板等等 .再睇多陣 , 原來仲有upgrade 放題 ,有生蠔 , 松葉蟹腳同阿根廷赤海蝦食 ,真係好吸引丫 !前菜當然唔少得墨魚仔 , 螺肉 , 沙律啦 ,開定胃等一陣食多D 先 !之後就到鐵板燒 , 樣樣都熱辣辣上枱 ,有炒姑類 , 什菜 , 牛柳粒同白酒蜆等 ,味道岩岩好, 而且炒得仲好入味添 !終於到至愛既刺生啦 ,刺身有 10 多款選擇 , 全部新鮮即切 ,有三文魚 , 帶子 , 甜蝦 , 八爪魚 , 象拔蚌等等 ,刺生入口夠新鮮同鮮甜 , 但就略為細件 ,但我地都叫左 3 碟 , 都算值回票價 ! ^^芝士燒蠔 , 芝士燒到濃濃地 , 入口香濃 , 配上鮮甜既蠔 , 味道唔錯！當然唔少得來返杯 movenpick士多啤利雪糕啦 , 正丫 !凡惠顧 4個人仲會送 1個韓式蒸多層活海鮮鍋 ,第一層扇貝同蜆 , 第二層蒸大蝦同大蜆 , 第三層豬骨粥 ,扇貝好大粒 , 蜆肉好新鮮 , 大蝦夠彈牙 ,而最尾豬肋骨粥 , 真係冇得頂 ,粥底吸晒海鮮既精華 , 夠晒味道 ! …查看更多

難得放假 , 咁岩又有PET SHOW,還惦都過開海 , 梗係要食飽飽同瘋狂掃貨啦 !一早出到灣仔會展由12 點行到3 點幾都開始有d 肚餓 ,大致上要買既野都 7788 , 所以就同細妹落去中環食個tea 先 ,之後再返會展行多轉同拎埋野 .Grill ขุนทอง中環蘭桂坊德己立街17-19號地下經朋友介紹下就去左蘭桂坊呢間泰國串燒 ,加上見到 FB 既分享相 , 真係唔試唔得啦 ,即叫即燒 , 見到 D 串串, 都已經流晒口水啦 !有 10 幾款串燒 , 飲品選擇 ,仲有限量5000個既BOX SET 添 ,可以自選雞, 牛, 豬串燒共8 串 ,LUNCH 仲有SPECIAL SET , 有飯同飲品 .設有堂食企位 , 仲有酒精飲品 ,好岩同朋友一路吹下水飲下酒同食野 !每款串燒熱辣辣送上 , 仲配合不同醬汁 ,有甜 , 酸 , 辣 , 真係好正丫 !雖然好似款式唔多 , 但千萬不可睇少眼闊肚窄 !同細妹2 個人 ORDER 左 10 幾串同一個海南雞飯,諗住會食得晒 , 點知 … 好彩可以比take away 咋,如果唔係2 個人點食得晒 !8 串 BOX SET , 揀左2牛 , 3雞 , 3猪 ,外賣盒有保溫作用 , 盒頂有細洞 , 可以幫助走氣又唔會有水蒸氣 ,每一串肉都大大啖肉 , 牛肉嫩滑 , 雞肉juice , 而豬肉夠淋 ,肉身醃得非常入味 , 再加埋特製的醬汁 , 真係食唔停 , 非常香口 ! …查看更多

呢篇野真係儲左成年 , E + 先有時間打返 ,約左屯門友係 “ 翡翠小廚 “ 食個晚餐 ,屯門屯隆街3號屯門市廣場2期1樓30-31及55號舖有套餐 , 小菜 , 點心 , 仲有打冷潮州小食 ,今次4 個人 , 可以叫多d 不同既食物 ,就叫左1 個2 人套餐 , 1 個孖寶套餐 .2 人套餐有2 個湯 , 叫左一個燉湯同海鮮豆腐羹 ,燉湯味道好濃郁 , 而豆腐羹就足料 .鹵水鵝片雙拼 ~ 份量唔太多 , 味道唔錯 , 鵝片煮得好入味 .潮式蒸班球 ~ 4 個人食 , 岩岩好一人一片 , 夾埋D 配菜食同汁 ,幾層味道 , 效果又唔錯 .鹵式骨濃湯大芥菜煲 ~ 諗住會好苦 , 點知入口又唔係喎 , 苦苦地甘甘地咁 ,食落又幾好味 , 再飲埋D 湯 , 湯底夠濃 , 配埋大芥菜 , 夠晒下火丫.之後就到孖寶套餐 ,潮式梅膏骨 ~ 呢個係職員推介 , 話係招牌菜好多人叫既 ,一上枱就見到咁肥膩 , 大家都話係咪中左招丫 ,點知人口鬆軟 , 口感好滑 , 而且味道香濃 , 真係好正 !胡椒花甲雞煲 ~ 胡椒味道岩岩好, 唔會太濃郁同搶喉 ,花甲好新鮮 , 配有雞肉 , 令到湯底鮮甜好多 .炒飯 ~ 食左咁多湯煲 , 都唔係好飽肚咁 , 所以就加多個炒飯 ,賣相真係麻麻 , 但味道都 OK . …查看更多

平時早餐來來去去都係快餐店 ,今次想食下西式 , 就去左Cafe 1950 歐陸餐廳 ,Dinner 食過幾次都ok , 唔知早餐得唔得呢 ?睇 menu 都幾多選擇 .吉列魚柳 , 焗豆厚米 , 腸仔 , 牛角包 ,賣相真係好一般 , 而且比較細份左 d 添 ,味道不過不失啦 , 但食完都唔飽囉 ,而杯咖啡就真係 … 好難飲 .雞扒蕃茄湯通粉 ,比上個餐賣相真係好差 ,份量仲一眼就睇晒 ,蒜茸多士 , 都 OK , 冇咩特別 ,而熱朱古力就甜到 …飲左一啖就唔會飲囉 .完全估唔到早餐會咁 ,埋單都要 61 蚊 ,仲要比男友話食返快餐店好過啦 .…查看更多

屯門 E + 真係多左好多人 ,有時放假出去食個 LUNCH ,間間餐廳都爆 , 又多人等 ,所以好多時見邊間有位就即入 ,唔想又迫又焗又多人咁等 .屯門華都椰林閣 , 餐廳大 ,SET LUNCH 形式 , 好快就上枱 ,人流快 , 好多時都唔駛點等 ,而且價錢都係40 -50 幾蚊1 個餐 .餐湯有羅宋同忌廉餐包豬扒跟沙律同豬扒跟意粉焗肉醬意粉餐飲凍檸茶同熱檸茶 …查看更多

友愛同安定邨商場經過翻新工程 ,商場都改名叫做 H.A.N.D.S. ,引進了各類型商店進駐 ,今次去左 “ 經典廚房 “ .“ 經典廚房 “ 位於H.A.N.D.S N區2樓N-225號舖 .路過外圍都好似唔錯咁 , 入面有卡位同圓枱 ,卡位仲自成一角 , 傾下計都唔錯 ,用具 , 獨立茶包同熱水壺 , 衛生度都OK ,仲有開放式廚房 , 可以望埋廚師做野 .岩岩去到11 點幾 , 早餐加埋午餐一齊食 ,所以就叫左幾個點心同一個泡飯 , 夠飽又唔會滯 .上湯鮮竹卷 ~ 熱辣辣上枱 , 飲落湯味濃郁 , 一D都唔油膩 ,鮮竹卷同餡料唔太咸 , 腐皮卷軟硬度岩岩好 , 唔會好硬 .鮮竹牛肉球 ~ 每次飲茶都會ORDER , 賣相唔錯 , 一睇就知冇加粉 ,仲有馬蹄同莞茜 , 真係跟足舊方法 , 再加D 唿汁, 好正丫 !原隻鮑魚燒賣 ~ 唔好睇咁細粒鮑魚 , 食落都幾彈牙同有味 ,燒賣原隻蝦同豬肉 , 好足料 , 要10 蚊1 粒嫁 , 值得一試 .潮式龍躉魚泡菜窩 ~ 好香既魚湯底 , 加有龍躉魚碎 , 冬菇等配料 ,魚湯底鮮甜 , 龍躉魚碎夠新鮮 , 清清地又唔太肚餓食就岩岩好 . …查看更多

辛苦左咁耐, 難得有一日空閒時間 ,首先就去左食MY FAVOUR FOOD ~ 泰國菜 .CAMBO尖沙咀彌敦道100號The ONE 4樓L403舖假日關係 , 加上12 點幾咁早 , 唔太多人 ,一去到就有位 , 仲要係WINDOW SEAT 添 ,環境優雅 , 坐位舒適 , 感覺唔錯 .多款款式選擇 , 有酸, 辣, 咖哩等等 .頭盤當然唔少得 “ 活蝦刺身 “ ,SIZE夠晒大隻 , 咬落啖啖蝦肉 ,蝦肉鮮甜同彈牙 , 配上醃制既蒜頭同指天椒 ,仲有甜酸醬汁加椰菜甘荀絲 , 真係冇得頂 !“ 泰式海南雞湯粉 “賣相唔太特別 , 感覺一般 ,海南雞肉入口嫩滑 , 冇骨又幾方便 ,但湯底味道唔夠 , 比較清淡左D .“ 泰式燒帶子 “真係好大粒 , 同匙梗咁闊 ,一啖食落口, 又真係食唔晒 ,配上香濃既蒜蓉味道 , 入口好香 ,但又冇搶到帶子既鮮味 , 啖啖肉好彈牙丫!“ 泰式青咖哩軟殼蟹 “食泰國菜當然唔少得食咖哩啦 ,軟穀蟹 , 青咖哩 , 法包分開上碟 ,仲有個爐仔, 即時加熱咖哩汁 ,熱透後再放入軟穀蟹同薯仔 , 再慢慢煲下 ,青咖哩汁入口好重椰奶味 , 一D肥膩感都冇 ,加上茄子, 青瓜等蔬菜做汁底 , 食落好鮮甜 ,薯仔先炸過再煲 , 又唔會散過 ,但後加關係 , 就唔夠入味啦 ,而麵包點上咖哩汁 , 完全食出咖哩汁既美味 .食飽飽就飲返杯熱柚子蜜 , 清舒緩一下口中咖哩味道 , 仲可以滋潤一下 .…查看更多

日本拉麵周圍都食到, 但要搵間正宗既 ,真係少之又少 , 原來元朗都有間 ,位於元朗西菁街20號益輝大廈12號地舖 ,“ 拉麵天王 “鋪頭細細 , 都可以坐10 幾人 , OPEN KITCHEN 設計 .選擇唔多 , 話明食拉麵麻 ,但配菜同口味都可以自己揀 ,而且都有一些小食同飲品提供 .標準有3 款選擇 , 最尾限定天王就因食物季節而有所不同 .標準就成日有得食 , 而限定天王就唔係啦 ,所以今次即時來2 個限定天王 ,“ 胡椒天王 “ 同 “ 味噌天王 “ .胡椒天王賣相唔錯 , 一上枱就陣陣胡椒味 , SMELL GOOD !第1 時間飲啖湯時 , 好重胡椒味但又唔辣 ,之後就撈下D 麵同配料先 , 芝士攪左幾下就溶溶地 ,痴住左拉麵同配料 , 熱辣辣食又唔油膩喎 ,再飲啖湯 , 口感是即時唔同左 , 好濃郁丫,幼身拉麵 , 軟硬度都適中 , 而糖心蛋都好好味 .味噌天王糖心蛋 , 粟米 , 椰菜 , 叉燒及帆立貝等配料,材料相當豐富 , 配埋豬骨湯底 , 未食都流口水 ,豬骨湯好濃郁又唔油膩 , 絕冇味精 , 真料實料 ,拉麵一樣係幼麵 , 爽口彈牙, 唔會太硬或太淋 ,而且配料有肉有菜 , 均衡返個營養 .值得一讚係個配菜 , 椰菜底 + 芽菜 ,辣辣地酸酸地 , 同拉麵一齊食好正 ! …查看更多

星期六下午約左 2 個朋友 ,諗住行下街SHOPPING 一下 ,去之前就梗係食飽飽先啦 !Vision 8荃灣兆和街34號榮安樓地舖可能遇岩落雨 , 1 點多去到都有位,真係好彩 , 唔駛等 , 今次 1行3 人 ,就點左唔同款式 , 可以SHARE 一下 .環境簡約 , 氣氛幾好 .青沙律配意式油醋汁 , 蔬菜夠新鮮 , 配有不同菜款 ,完全沒有臭青味道 , 再加上醋汁 , 酸酸地幾開胃 .是日餐湯是忌廉梘湯 , 配有餐飽和牛油 ,味道易入口, 又冇海鮮腥味 , 唔錯 .炸海蝦配野菜茄醬意粉 , 賣相 VERY GOOD ,估唔到咁大隻蝦 , 好彈牙夠晒新鮮 , 配有野菜又唔會咁乾 ,意粉軟硬度岩岩好 , 再加埋個茄醬 , 味道適中 , 香口又好味 .扒澳洲西冷扒配芥末汁 , ORDER 左7成熟 ,煮得岩岩好 , 外層有小小焦 , 而內層就帶點粉紅 ,切開時都唔太多血水滲出 , 肉質口感好軟 , 味道濃郁 ,而配菜有薯仔 , 紅蘿蔔同西蘭花 , 好豐富丫 .Vision 8 特色薄餅 , 配有大蝦 , 青蘋果和芒果醬 ,一上枱 , 大家都 ” 嘩 “ 左一聲 ,真係色 , 香, 味具全 !!!一個切有6 片, 每片都半隻大蝦 ,唔駛怕唔夠食 , 薄餅係薄批 , 好脆,但加有青蘋果和芒果醬 , 食落一D 都唔熱氣,仲有爽口彈牙 , 真係食完都即刻再食 ,薄餅值得一試 , 大大推薦 !!!!餐飲有凍檸茶同咖啡 , 味道 OK , 不過不失 .…查看更多

不經不覺 , 諾亞半熟蛋糕專門店由初初 3 間 ,已經增加到 7 間啦 , 仲要不時有新產品推出 ,真係食完一次又一次 .今次揀左流心乳卷系列 , 連個盒都細細地幾得意丫 .“ 草莓王流心鮮乳卷 “ (HK$98) ~ 乳卷好厚身 , 賣相好吸引 !切開後 , 中間充滿 CREAM 同士多啤梨肉粒 , 份量都唔少 .食落蛋糕都幾鬆軟 , 而 CREAM 既質感軟滑 ,配合埋蛋糕一齊食 , 口感不錯 , 仲有士多啤梨肉添 ,但份量就少左 D , 用來做 3 點3 下午茶又唔錯喎 ,食完又唔太飽 , 仲可頂到返屋食晚餐添 .…查看更多

自從屯門果間任食韓燒執左 , 真係好耐冇食過啦 ,就算之後開左2 間新都冇試過 , 因為好多人都話貴 ,點知同細妹傾開計話想食 , 佢就話係元朗見到有間可以任食 ,價錢又大眾化 , 即時搵日去試下先 .校長燒肉日韓料理元朗西菁街389號富達廣場地下G14號舖9 點前入座都係 $168 任食 2 小時 ,仲可以加 $48 或 $68 升級食刺生 , 生蠔或松菜蟹段 .見到出面林林總總既美食 , 有壽司 , 熟食 , 肉類等等 , 真係流晒口水 .肚仔餓既關係 , 第 1 時間拎左D 即食既 ,有刺生 , 壽司 , 生蠔同松菜蟹段 ,刺生即叫即切 , 好新鮮同肥美 ,壽司就不過不失 , 松菜蟹段夠晒大隻啖啖肉 ,生蠔都好鮮甜但就隻左D .之後梗係到韓燒時刻 , 首先會放左紙係底 , 用來索油 , 接住就放埋D 肉就OK 啦.係等緊既時候都唔會浪費 , 整返個沙律先 , 食完肉可以幫助一下消化同去油滯 .短短 2 小時 , 出出入入都未停過 , 實在太多野食啦 ,有生有熟 , 等緊燒生野時 , 就出去拎熟食 , 成晚個口都冇停過 .仲有飲品同甜品都係任飲任食 .終於留返D 時候食下甜品喇 .今次真係食得好滿足 , 食物種類多,有熟食 , 生食 , 刺生 , 壽司 , 甜品等等 ,連糖水都有 , 加上服務態度好好丫 ,職員都好主動收碟 , 換紙 , 補充食物等等 ,食起上來都特別開心 , 好岩一大班人同大食既朋友一試 ,臨走時再望一望張枱 , 下次我一定要再來丫 !…查看更多

現在出街食飯 , 真係人又多又迫 ,想搵 D 唔多人同靜靜地既地方 , 真係少之又少 ,今次朋友推介左一間坐得舒適 , 氣氛浪漫 ,又可以靜靜地傾計既西餐廳 .阿麥廚房 Mackie Kitchen銅鑼灣加路連山道9號地舖環境同氣氛都唔錯 , 每張枱都有一個蠟燭 .食物有海鮮, 肉類 , 配飯或意大利粉等等 ,亦可以嘗試廚師推介 , 仲可以加錢升級有前菜同湯等等 .凱撒沙律沙律菜入口爽脆同新鮮 , 配上沙律醬酸酸地 ,再加有麵包糠和煙肉又咸咸地 , 特別醒胃 .燒虎蝦配柚子沙律大大隻既虎蝦 , 內質彈牙鮮甜 , 配有新鮮沙律菜同甜酸西柚材料 , 食得健康又開胃 .蟹肉南瓜忌廉湯賣相真係唔錯 , 上枱時聞到陣陣南瓜味道 , 入口香滑 , 帶有忌廉味 ,但又唔太搶味 , 雖然南瓜同蟹肉打成蓉 , 但湯身仍然好杰身 ,再配埋蒜蓉飽 , 真係好好味丫 .黑松露野菌意大利飯配帶子好大粒既帶子 , 爽口彈牙 , 意大利飯混合黑松露一齊 ,黑松露味道好香好濃 , 而意大利飯就好煙韌 .果仁焗三文魚扒配香草忌廉汁 ,三文魚焗得外脆內滑 , 一D 都唔油膩 , 焗得岩岩好 ,忌廉汁夠幼滑 , 用來點三文魚同薯菜特別惹味 .飲品有咖啡(左) , 熱朱古力 (右) ,咖啡味道聞落好香濃 , 入口甘香同濃郁 , 唔苦澀 .熱朱古力上枱時 … 點解會有拉花嫁 , 攪到朋友見到都唔捨得飲 .OVERALL , 環境 , 氣氛 , 食物都唔錯 ,加上好有燭光晚餐 FEEL , 好岩情侶來拍拖談下心 ,臨走時見到門口張POSTER , 感覺好窩心 .“ 無論晴天雨天 也可窩在咖啡香中慢慢品嚐人生的苦與樂 "…查看更多

是日係長沙灣做完公事 , 可以提早收工 ,行過天悅廣場 , 諗住去超市睇下買咩餸 ,行行下見到有間壽司店 , 價錢又唔貴喎 ,加上今晚一個人dinner , 咁不如買現成啦 .御品壽司刺身專門店長沙灣元州街162-188號天悅廣場地下A9A號舖可以配合不同套餐 , 有前菜 , 沙律 , 壽司, 麵等等 ,也可以散叫 , 迎合不同所需 , 而且亦有小量坐位 , 可供堂食 .另外還有多款日本飲品售賣 , 最正係仲有生蠔 !order 左一個套餐 , 有冷麵 , 6 件壽司 , 前菜和沙律 ,睇落唔算太大份 , 但每樣有d , 感覺胃口都大增 ,即叫即制 , 夠晒新鮮 , 首先食左沙律酸酸地幾開胃 ,壽司一啖一件, 岩岩好 , 刺生好鮮甜 , 之後前菜再加埋冷麵一齊食,前菜不過不失 , 冷麵夠彈牙 , 唔太淋同稔 , 醬汁味道岩岩好 .之後仲order 左6 件壽司 , 諗住唔夠飽都仲可以填肚 ,點知食埋個麵都已經好飽啦, 真係眼寬肚窄 , 咁就益左男友 ,馬刀貝 , 原隻甜蝦 , 蟹膏軍艦 , 加拿大海膽 , 花之戀壽司 ,特別推蟹膏軍艦同加拿大海膽壽司 , 緣色既係蟹膏軍艦 ,而橙色就係都係加拿大海膽壽司 , 生蟹膏都係第1 次食 ,一d 都唔腥 , 食落仲好滑 , 味道非常鮮甜同新鮮 . …查看更多