天苗的个人专页

年幾前食過一次我估係甜品店最易整的腐竹糖水 印象係碗糖水又唔夠熱又無味 真係未食過咁難食嘅腐竹糖水招呼亦都唔係好 個時同自己講 應該唔會再幫襯!前幾日經過 心血來潮又想食糖水見佢都有啲客係度堂食 餐牌又改咗好似多咗創意以為佢改善咗 便俾多次機會試多次叫咗個”腐竹雪燕水晶芋圓” 依個名所有材料都好吸引我但有期望失望就越大 一如既往 依然都係難食所有材料炒埋一齊 但最大件事個腐竹糖水底都依然無味 只可以當食咗一碗用少少糖水煮熟的芋圓和雪耳真心無下次 以此為記!…查看更多

一行四人想揾個位食飯傾計，見評語這間咖啡店靜靜地又Chill 便撰咗佢。間餐廳最大的問題係服務質素。唔係希望話要去到酒店級，雖然佢價錢已經都唔平，但最基本應有的待客態度都無。平日晚上七點，成間餐廳唔滿，淨係得一個全程黑面的男待應，不論是麻煩佢影張相或要杯水，都無應過一聲，做完就走，更莫講話期待佢會主動幫你加水，一次都無。餐廳營業時間寫住0800-21008點左右已經冷冰冰地問last order8點20分已經要我哋出去埋埋張單 最離譜嘅係8點45分，個侍應走過來企係我哋張枱邊，好似大佬款咁交叉雙手放胸前，超唔友善地同我哋講 「我哋宜家要關門 你哋要走了!」成過過程啲語氣簡直令人氣結!只係未攞支掃把出來打我哋咁!!咁嘅服務態度有無搞錯!!…查看更多

網上見評語都好好 諗住一家人食餐好的團年飯 但點知失望而回 真的無下次。叉燒燒腩仔雙拼: 細碟 每樣六件 全家人都未見過叉燒可以肥到咁 ie. 95%肥膏+ 3%肉 + 2%焦。問侍應可以換過嗎？因為主要俾小朋友食…佢話佢哋啲叉燒係用五花腩做 全部都係咁肥的….可能我哋真係見識少。燒腩仔: 不過不失 無驚喜乳鴿: 我覺得味道係好的 但隻鴿就好瘦 無乜肉 長輩眼利見到熟客枱個啲鴿係大隻好多…明的 !人之常情白飯: 這個先令人咋舌 長輩一吃話啲飯硬到唔食得 好似煲咗好耐乾晒個隻 我初頭都以為誇大了 但一食 真係硬和暖又唔熱！又要揾侍應換過 佢初頭又話全部一樣話應該放少咗水 唔係隔夜飯。但佢應該都睇得出啲飯係令面真唔掂 結果話有另一煲飯 幫我哋換過。蒸魚: 魚肉啲色有少少同平時蒸魚唔同 我以為條魚品種係咁, 食了大半長輩先話條魚好唔新鮮! 蒸鮑魚: 正常味道 食到, 唔硬。但上菜時唔覺得係熱熱的 應該等了45分鐘以上 問了幾次先再上湯和雜菜煲…..豬肺湯: 侍應即時分了8碗 (但我哋6個人)再上埋湯渣便成煲攞走 即是有兩碗湯放咗係枱面在強勁風口下吹住冷氣地等我哋…….雜菜煲: 全晚最好食的一道菜 足料 熱哄哄的 總括:是晚經驗真的唔得 上菜慢 食物質量唔掂。原本諗住食住再加菜 但最後其實已經想快啲埋單走人。大廳的多是熟客，可以見到同侍應和疑似老闆的人有講有笑 生客都可能被安排在房內，因為都聽到其他枱客人都有投訴上菜超慢 成餐等多個食咁！…查看更多

11月時經dinning city 訂了位 慶祝生日。十分差的體驗 上菜慢 presentation 可以但食物質素不值這個價錢環境十分嘈吵 前一張枱的大叔高談闊論了成餐 十分滋擾 侍應生永遠也忙著 睇得出人手永常不夠 預早安排甜品上寫Happy Birthday 但寫得真的很難看 超求其的連寫字的朱古力醬也唔夠色 真心沒有下次 …查看更多

雖然我未食過依間野, 但友人話lunch 想食, 所以便先行位。但估唔到香港地仲有d 咁既餐廳, 簡直係香港飲食服務業的一大污點。到達時一點零二分, 門口的女人不問我人數便已話樓上有位。上到樓坐底, 一個長髮女人便已經暗串我人未齊, 但我朋友只係係附近做野, 便答佢我朋友行緊黎, 好快就到, 而且更幫佢order 埋。但唔夠五分鐘, 野食都未到, 個女人竟然行埋黎用"好串好串"既態度質問我點解仲未齊人, 大大聲話我阻住佢番。我心諗野食都未到, 五分鐘你番乜野呢, 咁既服務仲要我俾錢你賺, 把幾火便走人。就算佢d 野食好唔好食都好, (但睇落賣相都好差),咁樣趕客法, 真係第一次遇到, 所以我地真係無理由要貼錢買難受。而且眼見佢隻手收完,用手執完上人地食完後既垃圾,然後洗都唔洗便生菜俾你包春卷, 睇到已經都可以係咁, 睇唔到既真係可想而知係會幾生!!!所以, 唔駛錢都唔好去, 食完都背脊骨落!!…查看更多